January

Mo mosadi yela wa gore o hlokofalele ke morwayi a kwile go baba, Jeso o ‘mmonne’ ke mokane “a mo kwela go baba.” (Luk. 7:13) Mara Jeso a sanka a fo kwa a mo kwela go baba ga mmane yene mara o mo šupetsiye gore o mo kwela go baba. O yye a bolabola naye ka mokgwa wa go šupetsa go mo tshepisa se sengwana fote, a re: “Kgomolela.” Ke mokane o yye a mo gelepa. O yye a tsosa morwayi wage fote “a mo yisa ga mmane wage.” (Luk. 7:14, 15) Re tšhuta ying ga mohlolo wo Jeso a wo makiyeng wa go tsosa morwayi wa mosadi yela wa go kgwela ke monna? Re tšhuta taba ya go šupetsa go kwela go baba bo ba gore ba kgongwele. Go fo tshwana le Jeso re ka liketsa ka matla gore re be le mokgwa wa go sa ba takisi maahlo bo ba gore ba kgongwele. Re ka ba šupetsa ka tso re di bolabolang le tso re di makang gore re ba kwela go baba re boya re ro ba kgomoletsa. (Diy. 17:17; 2 Makor. 1:3, 4; 1 Pet. 3:8) Le mo go ka ba tsa gore wene mo o di lebelele o bona nkare a di gelepe ka selo mara mo di šupetsa go kwelana go baba, di ka ba tiyisa dya boya dya ba kgomoletsa ka matla. w23.04 5-6 ¶13-15

Le mo Jeso a šele a di tšiba tsa gore monghanage o timele, mara o f’lo dula gana hone go šinya go fela matšatši ka mabedi ke mokane a ya Bhethani. Byalo, mo Jeso a segela ke mo go šele go fitiye kanne ya matšatši Lazaro a hlokofele. Jeso o nyoko maka taba ye nngwana ya gore yi nyoko gelepa banghana bage yi boya yi gadimisa Modimo. (Joh. 11:6, 11, 17) Re tšhuta se sengwana mo di tla ga taba ya go ba le senghana le ba bangwana. Nagana ka taba yowa: Mo Mariya le Mata ba romela molayetsa ga Jeso, ke mo ba sa mo kgopele gore a tle Bhethani. Ba f’lo mmotsa gore monghanage ye a mo nyakang ka matla wa lwala. (Joh. 11:3) Wa tšiba, mo Lazaro a kgwa, Jeso nke a f’lo mo tsosa a kene a le gana ku kgole. Mara, Jeso o kgetiye go ya Bhethani gore a thogo ba le banghana bage bo go leng Mariya le Mata. Ayitsano wene o naye monghana wa gore a ka tla a taboga gore a tl’le go gelepeng le mo o sa mo kgopela? Wa di tšiba gore o ka tshepela gage gore a go gelepe le ka “dinako tsa mo go bifiye.” (Diy. 17:17) Nkare le rune re ka tshwana le Jeso, ra ba banghana ba mošaga wonone! w23.04 10 ¶10-11

Mo re sa kikirisana le ntshitshire, re ka kwa nkare lefase la nyuwane la Jehova le ka sa sa tla. Ayitsano tsotsone di ra gore tumelo ya rune ya kgwelakgwehla? Le ka gonyana. Tseya ka mošupetso ke wowa. Mo go le marega re gora, o ka kraya re sa tshepe gore go sa nyoko ba le selemo. Mara selemo sa fo re palakata. Go fo tshwana le mo re kgongwele ka matla, re ka kwa nkare lefase la nyuwane le ka sa sa tla. Mo nkare tumelo ya rune yi tiyelele, re ya di tšiba gore tso Modimo a di tshepisiyeng di nyoko makega. (Pis. 94:3, 14, 15; Maheb. 6:17-19) Mo re sa yi kamake taba yone, re ka di kgona go yi yetisa ku mahlong taba ya go berekela Jehova mo re kene re phela. Lebelela gore ke kaye go gongwana mo di nyakang re ba le tumelo ya go tiya—ke mo re maka mmereko wa go tšhomayela. Batho ba go tlala ba bona nkare “ditaba tso tsa go bafala” tsa go bolabola ka lefase la nyuwane la Modimo la gore le sa tla ke mong setori. (Mat. 24:14; Hezek. 33:32) Di nyaka re sa yikele mokgwa wa bona wa go kamaka nnete wo re kena. Re dule re tiyisa tumelo ya rune gore o sa kraye mokgwa wone wo re tsatsakela. w23.04 27 ¶6-7; 28 ¶14

Nje o yye wa tiputsisa gore ayitsano Jehova wa yi fetola merapelo yaka? Mo nkare go ka mokgonone, a yi wene o ntoši. Magageru ya go tlala ma re ma fela ma tiputsisa putsiso yone, ka matlamatla mo ma gahlana le tsa go ma roba. Mo go thathafa o ka kraya di se lula go bona ka mokgo Jehova a fetolang merapelo ya rune. Ke ntaba re sa tshwanela go kamaka taba ya gore Jehova o fetola merapelo ya malata yage? Mangwalo ma di beya lekgwaying gore Jehova o re nyaka ka matla fote o re tseyela gedimo ka matla. (Hagh. 2:7; 1 Joh 4:10) Nka taba lo a reng mo re rapela re mo kgopele a re gelepe. (1 Pet. 5:6, 7) O nyaka go re gelepa gore re dule re mamarelanne naye fote re tiyisele dintshitshire tso re gahlanang natso. Ka ho Bhayibeleng, ke ga go tlala re bala taba ya gore Jehova o yye a fetola merapelo ya malata yage. Ayitsano o ka re beyisela? w23.05 8 ¶1-4

Mariya ke mo a na le senghana sa thina le Jehova, tumelo yage ne yi sa tisamela ka tso di makang ke Josefa. Ke mo a tšiba Mangwalo gabutši. Fote ne a tineya nako ya go ghayela ka tso a di tšhutiyeng. (Luk. 2:19, 51) A re kamake gore taba ya gore Mariya ne a tlalele ga tso tsa Modimo yi makiye gore a be mosadi wa gabutši ka matla. Lekgono, basadi ba go tlala ba karakara ka matla gore ba gate mo Mariya a gatiyeng. Mo re beyisa, mogageru wa mosadi ye ba reng ke Emiko o re: “Mo ke soko bane ke šadha, ke mo ke na le letheto laka la go bala tso tsa Modimo. Mara mo ke šele ke šadhiye, ke di bonne gore ka taba la gore monnaka ke yene a re rapelelang a boya a re tshwarela morapelo wa mutši, ke yye ka thomisa go tisamela ka yene gore a mmakele dilo tsone. Phela ke di bonne gore di nyaka ke tirwalela dijumbha tsaka mo di tla ga taba ya go ba le senghana sa thina le Jehova. Byalo, ke tipeyele nako ya gore ke be ntoši mo ke rapela Modimo, mo ke bala Bhayibele ke boya ke ghayela ka tso ke di tšhutiyeng.” (Magal. 6:5) Lune basadi ba gore le šadhiye, mo le kene le ya mahlong le tiyisa senghana sa lune le Jehova, banna ba lune ba nyoko kraya sa gore ba le thanake ka sona ba boye ba le nyake tsa nkare ke moka.—Diy. 31:30. w23.05 22 ¶6

Phela a re ya belegiwa re kene re hlompa Jehova, di nyaka re karakare gore make ka mokgonone. Se sengwana so se ka re gelepang gore re make ka mokgonone ke ka go lebelela tso a di makiyeng. Mo re kene re di bona gore Modimo o hlalefiye, o na le matšhika fote re di bona ga “dilo tso a di makiyeng” gore o re nyaka ka matla, tsotsone di re tšhofa gore re mo hlompe fote re ko fo ya re mo nyaka ka matla. (Marom. 1:20) Mokgwa wo mongwana wo wo ka re gelepang gore re tšhabe Modimo ke go dula re rapela. Mo re ka sa lisetse go rapela, ga Jehova re ko napa re mo tšiba mong go mo tšiba. Ka moka nako mo re mo kgopela gore a re neye matšhika ya go tiyisela tso re ghulanang natso, tsotsone di maka gore re sa lebale ka mokgo a nang le matšhika. Mo re mo leboga ga taba ya gore o re neyye Morwayi wage, tsotsone di fo re gopotsa ka mokgo Jehova a re nyakang ka matla ka gona. Fote mo re kgopela Jehova gore a re gelepe ka mathatha ya re kikirisanang nawo, tsotsone di re gopotsa ka mokgo a hlalefiyeng. Merapelo ya mošaga wonone yi maka gore re nape re mo hlompa ka matla ga Jehova. Fote di maka gore re karakare ka matla gore re kganele kgole le go maka dilo tsa gore di ka kwaletsa senghana sa rune naye. w23.06 15 ¶6-7

Jehova o makiye gore di be lula ga batho bage gore ba kwisise melawo yone. Mo re beyisa, mogoba wa go lawola wa dinako tsa Makreste ya ku botala wo hlayye kararo ya dilo tsa gore di nyaka Makreste ma yeme ma sa thogathoge, ke tsowa: (1) go kganela kgole le go rapela medimo ya dithombhe, go rapela Jehova a ntoši, (2) go hlompa go hlawolega ga madi le (3) go latelela so Bhayibele yi se hlayang ga taba ya go kganela kgole le bonghwahla. (Meber. 15:28, 29) Makreste lekgono, ma ka maka byang gore ma dule ma theetsela Jehova mo di tla ga dilo tsowa kararo ya tsona? Ka go rapela le go theetsela Jehova a ntoši. Jehova o yye a botsa Maisrayele gore ma rapele yene a ntoši. (Dot. 5:6-10) Fote nakwela Jeso a liketsa ke Diyabolo o yye a yi beya lekgwaying gore di nyaka re rapele Jehova a ntoši. (Mat. 4:8-10) Byalo, le mong medimo ya dithombhe a re yi rapele. Fote a re make batho medimo ya rune—le mo go ka ba bo ba go yeta dikereke mahlong, ba go lawola ba tsa dipolotiki, ba gore ba tumme ka matla ga tsa mekgano, ba go kgana ga tsa TV kela ba go yepelela. Re rapela yene a ntoši wa gore o “makiye dilo ka mokana ga tsona.”—Kut. 4:11. w23.07 14-15 ¶3-4

Lefase la Sathane le dula le naganne ka go maka bonghwahla le go lebelela dithombhe tsa batho ba go sa tšwara. (Maef. 4:19) Byalo, di nyaka re ye mahlong re tšhuta go tšhaba Modimo re boye re kganele kgole le dilo tsa go sa loka. Diyema tema 9, re bala ka basadi ka babedi. Ye mongwana wa bona o yemela go hlalefa ke mokane ye mongwana yene o yemela bophokophoko. Ye mongwana le ye mongwana ba mo hlatolla a mema bo ba gore “a baa hlalefa.” Ye mongwana le ye mongwana nkare o hlaya gore, ‘Feta ka ho ntlong yaka re je tsa go ja.’ (Diy. 9:1, 4-6) Mara tso di makegelang batho bo ba yamogelang mo ba mema ke basadi bowa ka babedi a di tshwane le ka gonyana. Lebelela sememo sa go tšwa ga “mosadi wa sephokophoko.” (Diy. 9:13-18) O mema bo ba gore a ba tšibi selo a se na dihlong gore ba tle ka ntlong yage ba je tsa go ja naye. Go makega ying ka bona? “Bo ba gore ba hludiye ke likgu ba gana hone.” Ba re pasopisa ka “nghwahla” le “mosadi wa gore aa titshwara gabutši.” Ba re botsa gore: “Go ya ntlong yage go tshwana le mo o ya go kgweng.” (Diy. 2:11-19) Diyema 5:3-10 yi pasopisa ka “nghwahla” ye nngwana ya gore ‘mawoto ya yona ma bobomela likgung.’ w23.06 21-22 ¶6-7

Bagolo ba ka re beyela mošupetso wa gabutši ga taba ya go kwisisa. (1 Thim. 3:2, 3) Mo re beyisa, mogolo aa tshwanela go nagana gore dilo tso a di hlayang ba nyoko fo dula ba di yamogela ka taba la gore yene ke ye mogolo ga bagolo ba bangwana. Wa di kwisisa gore moya wa Jehova wo ka tšhofa mogolo ye mongwana le ye mongwana gore a hlaye se sengwana sa gore se ka ba gelepa gore ba segelele sepheto sa gabutši. Fote mo nkare bagolo ba go tlala ba kwana ka sepheto sa gore a se tšhayisane le ditšhiko tsa Bhayibele, mogolo wa gore wa kwisisa o nyoko thega sepheto sone le mo yene ne a nagana ka mokgo mongwana. Mo re tematema di nyoko re berekela ka matla. Re jabolela senghana sa gabutši ka matla le magageru fote re ya jabola mo go bebiye ka phutegong. Re jabodisa ke batho ba Jehova ba mohlobohlobo ba gore mekgwa ya bona a yi tshwane fote ba fapana ka ditšo. Fote di jabodisa ka matla go tšiba gore le ho ka mokana ga rune re sa tshwane mara re mo rapela re le mutši ka wwoši. Sa go di phala ka moka ke gore re jabodisa ke go tšiba gore re yekisela Modimo wa rune wa go kwisisa, Jehova. w23.07 25 ¶16-17

Phela mo Daniyele a tšhuta ka diporofeto ne a sa makele moyano mara ne a nyaka go tšiba nnete. Fote Daniyele ke mo a tinyanafatsiye, ke mo a di tšiba gore Jehova o nyoko mo gelepa gore a kwisise diporofeto mo nkare o dula a mamarelanne naye a boya a mo theetsela. (Dan. 2:27, 28) Daniyele o šupetsiye gabutši gore o tinyanafatsiye ka go tshepela ga Jehova gore a mo gelepe. (Dan. 2:18) Daniyele ne a sa wokole. O yye a nyakolla ga Mangwalo ya gore ne ma le gona ka dinako tsa bona. (Jer. 25:11, 12; Dan. 9:2) O ka mo yekisela byang ga Daniyele? O tšhofa king gore o tšhute diporofeto tsa Bhayibele? Ayitsano mo o tšhuta ka seporofeto sa Bhayibele o tšhofiye ke gore wa di nyaka go tšiba nnete? Mo nkare go ka mokgonone, Jehova o nago. (Joh. 4:23, 24; 14:16, 17) Ba bangwana ba maka ka mokgonone ba tseya gore ba nyoko kraya se sengwana sa go šupetsa gore Bhayibele a ya hlohletsela ke Modimo. Ba nagana gore mo nkare Bhayibele a yi tšwi ga Modimo ba ka tikgetela sa gabutši gore ke sefeng le sa gore a se gabutši. Mara mo re tšhuta di nyaka re tšhofe ke se sengwana sa gore se gabutši. w23.08 9 ¶7-8

Re ka tiyimetsa ka go nyaka go maka tsa go feta ka mokgo re ka kgonang mo re titshwanisa le ba bangwana. (Magal. 6:4) Mo re maka ka mokgonone, re ka feleletsa re jelaselana fote re phadisana le ba bangwana. (Magal. 5:26) Mo re ka liketsa go maka tso ba bangwana ba di makang re kene re di tšiba gore a re di kgone, re ka feleletsa re tikwaletsiye. Fote mo nkare “go thisathisa so o se yemeleng, go maka gore pelo yi thomise go lwala,” o fo nagana ka mokgo o nyoko kgongwetsang ke taba ya go yemela selo sa gore o ka sa tsoge o se krayye! (Diy. 13:12) Phela taba yone yi ka re tapa matšhika ke mokane ya re tshwarelela ga lebelo lo re le tabogang la lephelo. O sa make dilo tsa go feta tso Jehova a di nyakang gago. Aa yemela gore o make dilo tsa gore wene o ka sa di kgone. (2 Makor. 8:12) Barena, o di tšibe tsa gore Jehova aa tshwanisi tso wene o di makang le tso di makang ke ba bangwana. (Mat. 25:20-23) O tseyela gedimo mmereko wo o wo makang ka pelo yago ka moka, go tshepega gago le go tiyisela gago. w23.08 29 ¶10-11

Jehova o yye a mo fetola ga Samsoni mo a mo llela gore a mo gelepe ke mokane a maka gore a kraye meetši ka mohlolo. Mo Samsoni a nwa meetši yane, “matšhika yage ma yye ma boya fote.” (Bay. 15:19) Phela, meetši yane ma yye ma ba gona mengwagangwaga ka nthago ga mo moporofeta Samuwele ba mo hlohletsele gore a ngwale puku ya Bayahludi. Maisrayele ya ma bonneng meetši yane ya go yeela ma napiye ma gopola taba ya gore mo ma ka tshepela ga Jehova, o nyoko gelepa malata yage ya go tshepega ka nako ya mo ma mo hloka. Le rune di nyaka re tshepele ga Jehova gore a re gelepe le mo go ka ba le tso re di kgonang kela re na le matšhika kela go na le tso re šeleng re di segelele ga mmereko wage. Di nyaka re sa lebale gore mo re tinyanafatsa re boya re yamogela taba ya gore mo motho a tikokotlela ka Jehova o nyoko phomelela tsa mannete. Go fo tshwana le ka mokgo Samsoni a yyeng a ba le matšhika nakwela a nwa meetši yala ya gore o ma neyye ke Jehova, le rune re nyoko tlalela ka matla ga tso tsa Modimo mo re ka berekisa dilo ka mokana ga tsona tso Jehova a re neyyeng gore di thogo re tiyisa.—Mat. 11:28. w23.09 4 ¶8-10

Re ka maka ying mo re le ga seyemo sa go tshwana le mo motho a thilafatsa lebitso la Modimo wa rune kela a poyilanya Bhayibele? Di nyaka re kgopele moya wa Jehova wa go hlawolega fote re kgopele le go hlalefa ga gore go tšwa gage gore re thogo fetola re kene re kgibiye. Byalo, re nyoko maka byang mo nkare ka nthago re ya di bona tsa gore a re ya fetola ka mokgo ne re tshwanele go fetola ka gona? Re ka rapela ka taba yone fote, ke mokane ra nagana ka mokgo re ka fetolang gabutši letšatši le lengwana. Ke mokane Jehova o nyoko re neya moya wage wa go hlawolega gore re sa fufulele fote re šupetse gore re ya temeka. Ditemanyana tsa go tlala tsa Bhayibele di ka re gelepa gore re kgete mantsu mo di thathafa gore re bolabole re kene re kgibiye. Moya wa Modimo wa go hlawolega wo ka re gopotsa ditemanyana tsone. (Joh. 14:26) Mo re beyisa, ditšhiko tso re di krayang ga puku ya Diyema di ka re gelepa gore re kgibe. (Diy. 15:18) Fote puku yone ya Bhayibele yi re wunyullela gore ke ntaba di le gabutši gore re dule re kgibiye le mo re le ga seyemo sa gore sa kgongwetsa.—Diy. 10:19; 17:27; 21:23; 25:15. w23.09 15 ¶6-7

Petro wa lepostola wa lepostola ke mo a di tšiba gore go se botala le yene o nyoko kgwa. O yye a berekela Jehova a tshepega mengwagangwaga a kene a sepela le Jeso, a tšhomayela ga dipoleke tsa gore a di soko tšhomayediwa a boya a bereka go le ye mongwana wa ba mogoba wa go lawola. Mara Jehova o yye a neya Petro mmereko wa go tlala wo di nyakang a wo make. Gana hala ga 62-64 C.E., ba yye ba mo hlohletsela gore a ngwale mangwalo ka mabedi ya dipuku tsa Bhayibele tsa Petro wa Mathomo le Petro wa Bobedi. (2 Pet. 1:13-15) Petro o ngwadiye mangwalo yawa nakwela magagabo ma ‘gahlana le tsa go ma ghula.’ (1 Pet. 1:6) Banna ba dipelo tse diphifadu ne ba liketsa go tšhutisa dilo tsa matsaka le mekgwa ya go sa yela ka phutegong. (2 Pet. 2:1, 2, 14) Go se botala Makreste ya gore ne ma dula Jerusalema ne ma nyoko gahlana le dilo tsa gore “di bakiye mafelelong”—go psyitlanyiwa ga mutši wone wa Majuda ke masole ya Maroma. (1 Pet. 4:7) A re kamake gore mangwalo ya Petro a ma ngwadiyeng, ma gelepiye Makreste gore ma ka maka byang gore ma thogo tiyisela dintshitshire tso ma gahlanang natso gana byalo fote le go tilukiselela dintshitshire tsa ku mahlong. w23.09 26 ¶1-2

Go fo tshwana le Jeso, le rune ga go tlala re tšhuta taba ya go theetsela mo re lebanne le seyemo sa go thathafa. Mo re beyisa, mo bolwele bya go sabalala bya COVID-19 bo sa thomisa ke mokane ba re kgopela gore re sa sa gahlana Diholong Tsa Mmušo fote le tšhomong re sa sa le beya, ayitsano di yye dya go thathafela go theetsela? Ke nnete gore go theetsela go yye gwa go tšhireletsa gwa boya gwa maka gore phutego yi mamarelane fote yi jabodise Jehova. Ka mokana ga rune mo re yitsa, re tikemisele go theetsela se sengwana le se sengwana so ba re botsang ka dinako tsa motšhatšhamelo wo mogolo. Phela mo re theetsela ka mokgonone re nyoko tiphonisa! (Jobo 36:11) Re kgeta go theetsela Jehova ka taba la gore re mo nyaka ka matla fote re nyaka go mo jabodisa. (1 Joh. 5:3) Re ka sa di kgoni go patela Jehova ga dilo ka mokana ga tsona tso a re makeleng. (Pis. 116:12) Mara re ka di kgona go mo theetsela re boya re theetsela bo ba nang le matšhika ya go re lawola. Mo re theetsela re šupetsa gore re hlalefiye. Fote ba go hlalefa ba jabodisa pelo ya Jehova.—Diy. 27:11. w23.10 11 ¶18-19

Tla re fo re lengeloyi ke lowa ne le tshwanele le bolabole nago, ayitsano ne o nyoko le theetsela? Lekgono lengeloyi le bolabola “ga setšhaba se sengwana le se sengwana, setšo, mmolabolo le batho ka mokana ga bona.” Anthe le re king lengeloyi lone? “Tšhabaneng Modimo le boye le mo thanake . . . Rapelaneng ye wa gore o makiye legedimo [le] lefase.” (Kut. 14:6, 7) Jehova ke yene Modimo wa mannete a ntoši wa gore re tshwanele re rapele yene. Phela o re kotiye wa tšiba gore re šinye re thulegele ke lešuba la go mo rapela ga tempele yage ya mayemo ya gedimo ya tso tsa Modimo! Gabutšibutši tempele ya tso tsa Modimo king fote ke kaye mo ba ka re hlatollelang yona gabutši? Tempele ya tso tsa Modimo a yi moyago wa mannete. Ke tso Jehova a di lukiseleleng gore re thogo mo rapela ka mokgwa wa go yamogelega a berekisa sehlabelo sa go re lepolla sa Jeso. Pawulo wa lepostola o yi hlatolla gabutši taba yone ga lengwalo lo a le ngwaleleng Makreste ya ku botala ya Maheberu ya gore ma dula Judiya. w23.10 24 ¶1-2

Ka 522 B.C.E., manaba ya Majuda ma phomelele ga taba ya go ba thibelela mo ba re ba yaga tempele ya Jehova ka bonyuwane. Mara Zakariya o yye a tshepisa Majuda yawa gore Jehova o nyoko berekisa moya Wage wa go ba le matšhika gore a tlose dilo tsa gore di ka ba phika. Ka 520 B.C.E., Kgoši Dariyase o yye a re ba lisetse go ba thibelela go maka mmereko wa ho tempeleng a boya a neya Majuda yawa sekwetše le ba go ba thega gore mmereko wo ye mahlong. (Ezera 6:1, 6-10) Jehova o tshepisa batho bage gore mo bona ba ka fo hlupega ka matla ka go yaga tempele ka bonyuwane, yene o nyoko ba nabo. (Hagh. 1:8, 13, 14; Zak. 1:3, 16) Majuda yawa ya gore ma buyye gaye ma yye ma tiyisa ke baporofeta, ke mokane ma kena fase ga mmereko wa go yaga tempele ka 520 B.C.E. ya boya ya fela go soko fela kapheta ya mengwaga. Majuda yawa ma yye ma hlupega ka matla ka go maka tso Modimo a di nyakang le mo ma sa tšibi gore go ka makega ying ku mahlong, tsotsone di makiye gore Jehova a ba neye tso ba di nyakang gore ba thogo phela. Tsotsone di makiye gore ba berekele Jehova ba jabodiye.—Ezera 6:14-16, 22. w23.11 15 ¶6-7

Le mo batho ba go tlala ba kwile gore go na le motho ye ba reng ke Abhrahama, mara a ba tšibi tsa go tlala ka yene. Mara, mo go le wene o tšiba tsa go tlala ka Abhrahama. Mo re beyisa, o tšiba le gore Abhrahama ne ba re ke “papa wa batho ka moka ba go ba le tumelo.” (Marom. 4:11) Phela o ka tiputsisa gore, ‘Ayitsano nka di kgona go gata mo Abhrahama a gatiyeng ka boya ka ba le tumelo go tshwana naye?’ Eya, gabutši fote. Se sengwana so se ka re gelepang gore re be le tumelo ya go tshwana le ya Abhrahama ke ka go tšhuta ga mošupetso wage. Abhrahama o yye a theetsela tso Modimo a mmotsang, a rurela ga naga ya kgole le gaye, a dula matenteng mengwagangwaga fote ne a tikemisele le go maka sehlabelo ka morwayi wage wa gore o mo nyaka ka matla ye ba reng ke Isaka. Phela tsotsone a di makiyeng di fo šupetsa gabutši gore tumelo yage ne yi tiyye ka matla. Tumelo ya Abhrahama le tso a di makiyeng di makiye gore Modimo a mo yamogele fote a nghanelane naye. (Jak. 2:22, 23) Jehova o re nyaka ka matla ka mokana ga rune—re ra le wene—o nyaka go go rufa ka mokgonone. Ka taba la tsotsone, o yye a hlohletsela bo ba ngwadiyeng Bhayibele Pawulo le Jakobo gore ba ngwale ka mošupetso wa Abhrahama. w23.12 2 ¶1-2

Magageru ya basadi ma tšhuta go bolabola le ba bangwana gabutši. Di nyaka Makreste ma bolabole ka mokgwa wa go ba le maphomela ya gabutši. Ga taba yowa, Jakobo wa lepostola o re yeletsiye ka mantsu ya ma leng ka ho kgakala. Mo o theetsela gabutši mo ba bangwana ba bolabola, o šupetsa gore o ba ‘kwela go baba.’ (1 Pet. 3:8) Mo nkare a wa kwa gabutši kela go kwisisa gabutši so ye mongwana a se hlayang kela ka mokgo a tikwang, butsisa barena. Ke mokane o goge moya o soko bane o bolabola. (Diy. 15:28) Tiputsise gore: ‘Ayitsano tso ke nyakang go di bolabola gana byalo ke nnete fote di ya yagisa? Ayitsano di šupetsa go hlompa le go kwelana go baba?’ Tšhuta ga magageru ya basadi ya gore ma butšwiye fote ma teya ma tshwarelele mo di tla ga taba ya go bolabola gabutši. (Diy. 31:26) Theetsela di go baba mo ba bolabola. Mo o kene o tšhuta ka mokgonone, di ko ba moroba go nghanelana le ba bangwana. w23.12 21 ¶12

Lekgono, Jehova a ka fo berekisa bo re dulang nabo ka ho gaye le mašaga, banghana kela bagolo gore ba re thege. Mara mo re kwalele, ga go tlala o kraya re sa nyake batho ho thina. O kraya re fo nyaka go tidulela re ntoši. Di ya makega. Re ka maka byang gore Jehova a re thege? O lwe natso tso tsa go nyaka go ba kgole le batho. Mo re tipeya kgole le ba bangwana, ga go tlala tso re di naganang di thomisa go tlalela ga nthoko ka yyoši, ke mokane re fo nagana ka rune beng re ntoši le mathatha ya re nang nawo. Go nagana ka mokgonone go ka maka gore re segelele dipheto tsa go kekema. Ke nnete gore motho wa yi hloka nako ya go fela a fo ba ntoši, ka matlamatla mo o kraya re fitiye ga tsa gore di babiye la go sa hlayisege. Mara mo re fo lisetsa go feta nako ya go lefa re sa nyake go ba gare ga batho ba bangwana, o ka kraya gore anthe re gana go berekisa mokgwa wo Jehova a re leyelang wona wa go re thega. Mo ba mutši wa genu le mašaga, banghana le bagolo ba nyaka go go gelepa, ba lisetse ba go gelepe. Ka nako yonone o tšibe gore ke dithulusi tsa Jehova—o berekisa bona gore a go thege.—Diy. 17:17; Jes. 32:1, 2. w24.01 24 ¶12-13

Manazari ke mo ma makiye kano ya go sa hlubi moriri. Yone ke mo go le tsela ya go šupetsa gore ma theetsela Jehova a ntoši. Sa go kwisa go baba ke gore ke mo di fela di makega le ga Maisrayele tsa gore Manazari ba sa ma tseyele hlogong kela go ma thega. Di šupa nkare ke mo di fela di nyaka gore motho a šišimale gore a ngangarele ga tso a di tshepisiyeng tsa go ba Lenazari fote a sa tshwane le batho ba bangwana. (Amo. 2:12) Mo re kgeta go maka tso Jehova a di nyakang, batho bo re phelang nabo baa di bona gore a re tshwane nabo. Di nyaka re šišimale gore re hlaye gore ke rune Dihlatse Tsa Jehova mo re le mmerekong kela sekolong. Fote mo maphelo le mekgwa ya lefase lo di kene di thirimela, di ka makega gore le rune re kwe di roba ka matla go latelela ditšhiko tsa Bhayibele le go botsa ba bangwana ditaba tsa go bafala. (2 Thim. 1:8; 3:13) Mara o sa tsoge o yi libele ya gore ‘re jabodisa pelo ya Jehova’ mo re šupetsa gore a re tshwane le batho ba gore a ba mmerekele.—Diy. 27:11; Mal. 3:18. w24.02 16 ¶7; 17 ¶9

Lebelela ka mokgo phutego ya Roma ne yi fapana le tse dingwana. Ba bangwana ne go le Majuda ya gore ba ma tšhutisiye go latelela Molawo wa Moše mara ba bangwana ne go le ba ditšhaba tse dingwana fote ba ba gudisiye ka setšo se sengwana. Makreste ya mangwana ne go le mabhantiti hala ya mangwana ma lukulugiye—di ka makega gore ya mangwana ne ma na le malata ya wona. Makreste yane ma yye mahlong ma šupetsana gore ma nyakanana ka mokgo mang le mo ma fapana ka ditšo? Pawulo wa lepostola o ma hlohletsele ka gore, “le yamogelane.” Ke mo a ra gore king? Lentsu lowa la gore ba le hlatolliye go le “yamogela” le rela go yamogela ye mongwana gabutši kela go mo yamogela ka mutšing wago kela go nghanelana naye. Mo re beyisa, Pawulo o butsiye Filimoni ka mokgo a tshwaneleng a yamogele lebhantiti la gore le tšwa le tšhaba lo ba reng ke Onesimase gore: “Le yene o mo yamogele.” (Filim. 17) Fote Phrisilla le Akhwila ba yye ba yamogela Apholo wa gore ne a sa tšibi dilo tsa go tlala tsa Sekreste go tshwana nabo, ba mo tseya “ba sepela naye.” (Meber. 18:26) Makreste yane a sanka ma lisetsa taba ya go sa tshwane ga wona yi ma yahluganya, ma yye ma yi hlula taba yone ke mokane ma yamogelana. w23.07 6 ¶13

Selo se segolo so se makang gore o tineyele ga Jehova ke gore o mo nyaka ka matla. Taba yo ya gore o mo nyaka ka matla a yi fo ya ka gore o tsugiye byang. Mara yi maka ke gore ka ho teng gago go midiye ‘mong yona nnete’ ka Jehova fote o “tšiba tso moya wa go hlawolega wo di makang,” ke mokane o kwa o mo nyaka ka matla. (Makol. 1:9) Mo o kene o tšhuta Mangwalo, o yye wa ro napa o di tshepa (1) gore nnete Jehova wa phela, (2) gore Bhayibele ke Lentsu la gore le hlohletsele ke yene, le (3) gore o berekisa mokgahlo wage go segelela tso a di nyakang. Bo ba gore ba tineyela ga Jehova baa di tšiba dinnete tsa gore a di nape di yisa tsa gore ba di kraya ka Lentsung la Modimo, fote ba maka gore maphelelo ya bona ma yelane le melawo yage. Baa karakara gore tso ba di dumelang ba di ba botse ba bangwana. (Mat. 28:19, 20) Ga Jehova ba napa ba mo nyaka tsa nkare ke moka, fote ba nabela go rapela yene a ntoši. Ayitsano le gago go ka mokgonone? w24.03 4-5 ¶6-8

Abhigheyili ke mo a tsere ke Nabhala, wa gore Bhayibele mo yi bolabola ka yene yi re ke mo a na le lešidi fote a womme hlogo. (1 Sam. 25:3) Di ka makega gore Abhigheyili o yye a tiputsisa gore anthe yene o bolayye ngwana wa ga mang mo a šinya a kraya monna wa mohlobo wonone. Ayitsano Abhigheyili ke mo a ka ba nayo polane ya go tšwa ga mošadho wone? Wa tšiba go yye gwa thulega lešuba nakwela Dafita, wa gore ke mo go nyoko ba kgoši ya Israyele, a tla a re o tl’le bolaya monna wa mosadi yewa ka taba la gore o mo rogelelannye le banna bo ne a le nabo. (1 Sam. 25:9-13) Abhigheyili nke a yye a fo tšhaba, a lisetsa Dafita gore a šale a maka polane ka monna ye. Mara mosadi yewa o yye a tima mollo a boya a maka gore Dafita a mo lisetse ga Nabhala. (1 Sam. 25:23-27) Mosadi yewa o di makele ying tsotsone? Abhigheyili ke mo a mo nyaka ka matla ga Jehova a boya a hlompa melawo yage ga taba ya mošadho. Ke mo a di tšiba tsa gore mošadho wo hlawolegiye ga Jehova. Ke mo a nyaka go jabodisa Modimo, a ka fo ba a tšhofiye ke tsotsone gore a tipotse gore tsa mutši wage, le monnage, o nyoko wa a tsoga natso. O yakgoswiye a tlogamela gore Dafita a sa bolaye Nabhala. w24.03 16-17 ¶9-10

Ayitsano ba gona ga phutego ya lune ba gore ba liketsa go sa hlekeletsi dilo tsa go tlala ho lephelong gore ba thogo tšhela letsogo ka matla ga tso tsa Modimo? Ayitsano ba gona bo ba gore ba sa gola ba gore baa karakara gore ba sa tshwane le bo ba kenang nabo sekolo, le mo go na go thathafa? Ayitsano go na le bo ba gore ba ro loma le molomo wa ka fase gore ba dule ba tshepega le mo ka ho mutšing ba ba phigisa? Mo lešuba le thulega, tla re napeneng re ro ganya dikobo gore re tiyise magageru yawa ya gore re ma nyaka ka matla, re hlaye tso rune re di lebogang tsa gore ba tikona tsona le tsa gore ba šišimele ga tsona. (Filim. 4, 5, 7) Jehova aa kamake gore ka ho dipelong re di nabela ka matla go mo jabodisa le gore re tikemisele go tikona tse dingwana gore re thogo maka tso re di yanneng. O maka gore re tikwe gore le rune ke rune batho ka go maka gore re mo šupetse ka tso re di makang gore re mo nyaka ka matla. (Diy. 23:15, 16) Byalo, nkare re ka tipotsa gore re nyoko fo ya mahlong re kene re berekela Jehova, re mo neye so re kgonang go se maka re sa tšhofe ke motho. w24.02 18 ¶14; 19 ¶16

O fo nagana gore ne go le byang nakwela Jeso a thomisa mmereko wa go tšhomayela mo 29 C.E. yi šele yi bakiye mafelelong. Jeso, mmane wage ba ba memme mošadhong ku Khana. Mariya ke monghana wa ba mutši wone fote ke mo a tshwaraganne, a pasopa divakaši. Mara mo monyanya wa mošadho wo kene wo sa ya mahlong go yye gwa makega se sengwana—wayini ke mo yi fediye. Ka go yakgoswa Mariya o yye a botsa morwayi wage gore: “Wayini yi fediye.” (Joh. 2:1-3) Jeso o yye a maka ying? O yye a maka mohlolo wa gore a tšhentšhe meetši go be “wayini ya go natefa.” (Joh. 2:9, 10) Jeso o yye a maka mehlolo ye mengwana nakwela a tshwaraganne ka mmereko wage wa go tšhomayela. O yye a berekisa mehlolo yone gore a thogo gelepa batho ba go tlala ka matla. Mo re beyisa, mehlolo ye mengwana ka mmedi yo a yyeng a yi maka ke go fepa 5 000 ya banna ke mokane tšatši le lengwana a fepa 4 000 ya banna fote, palo ya batho bone ka mokana ga bona ne ba teya ka ku ga 27 000 mo re bala basadi le bana bo ne ba le gona. (Mat. 14:15-21; 15:32-38) Ka nako yonone, Jeso o yye a boya a yalafa ba go tlala ba gore ne ba lwala.—Mat. 14:14; 15:30, 31. w23.04 2 ¶1-2

Mo go sa tšwa go teya leduma, o ka kraya matšatši ya mangwana re di kwa gore mmele a wo sa nyaka fote le moya re wo goga kgole. O ka fo kraya re tshwana le Eliya, go le mong letogo go tsoga. Re fo tinyakela go yetsela. (1 Mag. 19:5-7) O hloka sa go kokotlela ka sona gore a thogo sepelasepela, le rune re ka hloka sa go re gelepa gore re tshwaragane ga mmereko wa Jehova. Jehova wa re tshepisa gore o nyoko re gelepa go ya ka mantsu ya ma leng ga temanyana ya lekgono. Kgoši Dafita o di bonne mo ba mo gelepa ka mokgo. Mo go nyarela tsa go mo phika le manaba, o yitseri ga Jehova: “Ke tiyisa ke letsogo lago la go ja.” (Pis. 18:35) Ga go tlala Jehova o re thega ka go hlohletsela ba bangwana gore ba re thuše. Mo re beyisa, Dafita o yye a kwa a lelemela ke mokane monghanage Jonathane a mo vakašela gore a tle a mo tiyise a boye a mo papate ho legetleng. (1 Sam. 23:16, 17) Fote Jehova o yye a kgeta Eliša gore a kakodise Eliya.—1 Mag. 19:16, 21; 2 Mag. 2:2. w24.01 23-24 ¶10-12

Jehova o na le pelo ye butši fote mo a Neyana o ro kgotolela. Ga mošupetso wa mosadi wa gore o yemela ke “go hlalefa ga mannete,” re tšhuta gore Jehova aa konane fote o re neya dilo tsa go tlala tsa gabutši. Ditemanyana tsowa di re mosadi yewa wa go tshwanisela o memme divakaši gore di kene ka ntlong yage gore di tl’le ja tsa go ja tso a di lukiseleleng tsa go ba le nama le wayini tsa gore monate wa gona o wo kwa le ka ho sekoding. (Diy. 9:2) Go tokegela gana hone, ditemanyana 4 le 5 di re: “[Mosadi wa go tshwanisela go hlalefa ga mannete] o botsa ye wa gore aa hlalefa gore: ‘Tlang, o tle o je sekgwa saka.’” Ke ntaba di nyaka re ye ntlong ya mosadi wa go hlalefa ga mannete mo a re mema tsa go jeng? Jehova o nyaka gore bana bage ba hlalefe fote ba tšhireletsege. Aa nyake gore re tšhute lephelo go baba—re kwe ka letlalo fote re dulela go tisola. Nka taba lo ‘a tseyelang gedimo go hlalefa ga bo ba gore baa tshepega.’ (Diy. 2:7) Mo re hlompa Jehova ka matla, re ko fo kwa re nyaka go mo jabodisa. Re ya theetsela mo a re neya mayele re boya re jabolela go ma berekisa.—Jak. 1:25. w23.06 23 ¶14-15

Le mo re kwa nkare ga tse dingwana re ya šitega ga mmereko wa Modimo, re ka di tshepa tsa gore Jehova wa jabola mo a bona re karakara ga sosone se senyananyana sa go tšwa pelong. Re di tšibela kaye tsotsone? Ka dinako tsa Zakariya, Jehova o yye a kgopela moporofeta wage gore a make fapo ya gholdi le ya silva ya gore yi romele ke mabhantiti ya Bhabhilona. (Zak. 6:11) “Fapo yo ye kgolo” ke mo go nyoko ba “segopotso” sa gore ba yye ba sa konane ga tso ba neyeleng ka tsona. (Zak. 6:14, ditwaba) Di nyaka re sa kamake gore Jehova a ka sa tsoge a libele tso re yyeng ra ro loma molomo wa ka fase re re re makela yene le mo re kene re sa tšibi tso di nyoko re makegelang ka motshwana. Ka matšatši yawa ya mafelelo, di gona tsa gore di nyoko fo re palakata, fote le ku mahlong go ka fo baba la go kwa nkare le tšhika yi ka thuhluga. (2 Thim. 3:1, 13) Mara a di nyake re lisetsa mošekelo wo napa wo ro re kata. O sa lebale mantsu ya Jehova a ma butsiyeng batho bage ka matšatši ya Haghayi mo a re: “Ke nago . . . O sa tšhabe.” (Hagh. 2:4, 5) Le rune di nyaka re sa kamake gore Jehova o nyoko ba le rune mo rune re ka fo karakara gore re make tso yene a di nyakang. w23.11 19 ¶20-21

Phela Jehova nke a makiye se sengwana gore tso Petro wa lepostola a yyeng a di kekemisa di sa ngwadiwi ka Bhayibeleng. Mara o makiye gore di ngwadiwe gore re thogo tšhuta se sengwana ga tsona. (2 Thim. 3:16, 17) Mo re tšhuta ga tso Petro a yyeng a šitega ga tsona, di re gelepa gore re thogo kwisisa gore Jehova aa yemela gore re make dilo tsa gore re ka sa di kgone. O nyaka re sa lahle tewu, re karakare ka matla le mo re gahlana le tsa go re ghula. Ke ntaba re sa yi tseyi ka gonyana taba ya go sa lahle tewu? Ka nthago ga mo re kwa nkare re hludiye tsa go re tapa matšhika, re ka boyela ra kekemisa fote. Mara a re lisetse go berekela so re nyakang go se segelela. Ka mokana ga rune re ya hlaya kela go maka dilo tsa gore re šala re tisolela tsona, le mo go le ka mokgonone mo re ka sa lahle tewu, Jehova o nyoko re gelepa gore re sa fatele nthago. (1 Pet. 5:10) Taba ya gore Jeso o šupetsiye Petro gore o mo kwela go baba le mo a kekemisa go gongwana, yi ka re hlohletsela gore re sa lisetse go berekela Jehova. w23.09 20-21 ¶2-3

Jeso nke a mo fodisiye ga Lazaro, go fo ya ka mokgo Mata a hlayyeng ga temanyana ya lekgono. Mara Jeso o nyoko maka selo se sengwana sa go makatsa. O tshepisa gore: “Bhuti wago o nyoko tsoga.” A boya a re: “Ke nna tsogo le lephelo.” (Joh. 11:23, 25) Eya, Modimo o mo neyye matšhika ya gore a thogo tsosa bo ba kgwileng. A yi botalanyana a tsusiye sesinyana ye mongwana ka nthago ga gore a hlokofale fote o yye a tsosa mošomanyana ye mongwana ka letšatši lo a hlokofeleng ka lona. (Luk. 7:11-15; 8:49-55) Mara nje a ka di kgona go tsosa motho wa gore o šele a na le kanne ya matšatši a kgwile fote setopo sage se thomme go sinyega? Sesi wa Lazaro ye ba reng ke Mariya, wa tšwa o ye gahlanetsa Jeso. O boyelela tso di hlayyeng ke sesi wage, o re: “Morena, hala nke o le howa, bhuti waka nke a sa kgwa.” (Joh. 11:32) Jeso mo a bona Mariya le bo ne a le nabo ba lla, tsotsone dya mo kwisa go baba ka matla. A thomisa go lla ka taba la gore o kwela banghana bage go baba. O kwisisa ka mokgo di babang ka gona mo o kgwele ke lešaga. A re kamake gore o nyaka go tlosa selo so se makiyeng gore ba lle! w23.04 10-11 ¶12-13