Bagolo ba Gore ke Makreste—‘Ba go Berekisana le Rune Gore re Thogo Jabola’

1. Pawulo o jabodisiye king ka Makreste ya Korente?

Ke mo go le ka mongwaga wa 55 C.E. Pawulo wa lepostola ne a le ga toropo ya thina le leropho yo be reng ke Terowa, mara ke mo a sa fetse go nagana ka Korente. Mo mongwaga wone wo sa thoma, o yye a kwa go baba mo a kwa gore magagabo ma bošanne ka noga yi phela kela go kgwasolana. Byalo ka taba la gore ke mo a tshwana le papa wa go nyakanana, o yye a ba romela borifi bya go ba wolola. (1 Makor. 1:11; 4:15) O yye a romela Tito wa gore ke mo a berekisana naye gore a ye ga bona ku Korente ke mokane a boye a tle a mmotse tso di makegiyeng. Byalo Pawulo ke mo a le Terowa a yemele Tito, a nyaka go kwa gore Makorente ma ya byang. Mara o yye a kgongwela ka taba la gore Tito aa boya. Pawulo ke mo a nyoko maka byang mara? O yye a kalama sekepe a ya Matsedoniya, ke mo a jabodiye ka matla mo a gahlama naye gana ku. Tito o yye a botsa Pawulo gore magageru ya Korente ma jabolele borifi byo a ba romeleng byona fote ba nyaka go mmona. Pawulo “o yye a jabola ka matla” mo a kwa taba yone.—2 Makor. 2:12,13; 7:5-9.

2. (a) Pawulo o yitseri king ka tumelo le go jabola ga borifi byo a ngwaleleng Makorente? (b) Ke difeng diputsiso tsa re nyoko bolabolang ka tsona?

² Ka nthago ga mone, Pawulo o ngwalele Makorente borifi byo bongwana. O yitseri ga bona: “A yi gore re nyaka go lawola tumelo ya lune, re fo ba re berekisana le lune gore le thogo jabola, ka taba la gore le tiyelele ga so le se dumelang.” (2 Makor. 1:24) Pawulo ke mo a ra gore king mo a reyane? Fote mantsu yane ma tshwanele gore ma kwagale byang ga Makreste ya lekgono?

TUMELO YA RUNE LE GO JABOLA

3. (a) Pawulo ke mo a ra gore king mo a šinya a ngwala gore: ‘Le tiyelele ga so le se dumelang’? (b) Bagolo lekgono, ba kopisela Pawulo ka mokgomang?

³ Pawulo o hlayye dilo ka dipedi tso batho ba go rapela Modimo ba nang natso—tumelo le go jabola. O sa lebale gore nakwela a bolabola ka tumelo o yitseri: “A yi gore re nyaka go lawola tumelo ya lune, . . . ka taba la gore le tiyelele ga so le se dumelang.” Pawulo hlayye mantsu yawa ka taba la gore ne a tšiba gore Makreste yawa ya Korente ma tiyelele ga tso tsa Modimo, fote ne go se ka taba lage kela ka taba la motho ye mongwana mara ne go le ka taba la tumelo yo ba nang nayo ga Modimo. Go tokegela gana hone, Pawulo o f’lo bona di sa hlokege gore a lawole tumelo ya magagabo, fote ke mo sa di nyake go maka ka mokgonone. Ke mo a sa kamake gore ke Makreste ya go tshepega ya gore ma di nyaka ka matla go maka dilo tsa gabutši. (2 Makor. 2:3) Lekgono, bagolo ba ya mahlong ba tshepa magageru gore ma na le tumelo fote ma berekela Modimo ka taba la gore ma mo nyaka ka matla. (2 Mathes. 3:4) Bagolo ba letelela so se hlayang ke mangwalo le tso di tšwang ga mokgahlo wa Jehova, a ba timakele melawo ya go roba ka ho phutegong. Go tokegela hone, bagolo a ba lawole tumelo ya magageru ya ka ho phutegong.—1 Pet. 5:2, 3.

4. (a) Pawulo ke mo a ra gore king mo a ngwala gore “re fo ba re berekisana le lune gore le thogo jabola”? (b) Bagolo ba kopisela ga Pawulo ka mokgo mang lekgono?

⁴ Pawulo fote o yitseri: “re fo ba re berekisana le lune gore le thogo jabola.” Mo a šinya a reyane ke mo a rela yene le bo a sepelang nabo. Ke ntaba re reyane? Taba ke gore ga lengwalo lolone Pawulo o gopotsiye Makorente ka batho bo ne a sepela nabo ka babedi mo a re: “Jeso . . . wa gore nna, Silvanase le Thimothi re tšhomayele ka yene mone ga lune.” (2 Makor. 1:19) Mara, nako le nako mo Pawulo a berekisa mantsu ya gore ‘go berekisana’ ga borifi byage, ga go tlala o ba a rela bo a sepelang nabo go tswana le Apholo, Akhwila, Phriska, Tito le ba bangwana. (Marom. 16:3, 21; 1 Makor. 3:6-9; 2 Makor. 8:23) Mara mo a re: “re fo ba re berekisana le lune gore le thogo jabola,” ke mo a rela gore yene le bo a sepelang nabo ba liketsa ka matla go maka gore ye mongwana le ye mongwana ka ho phutegong a dule a jabodiye. Le lekgono, bagolo ba Makreste ba di nyaka ka matla go maka ka mokgonone. Ba nyaka go karakara ka matla gore ba gelepe magageru gore ma “berekele Jehova ma jabodiye.”—Pis. 100:2; Mafil 1:25.

5. Re nyoko fetola diputsiso difeng, fote di nyaka re nagane ka ying?

⁵ Magageru ya banna le ya basadi ya go tšwa ga dinaga tsa go sa tshwane, ba ma butsisiye putsiso ya gore: “King so se hlayyeng ke mogolo ye mongwana kela so a se makiyeng sa gore se makiye gore o jabole?” Mo re kene re petapeta ka tso ba di hlayyeng, nagana ka tsona o tiputsise gore hala go le wene nke o yye wa maka byang. Go tokegela gana hone, tla re liketseneng ka mokana ga rune gore re tšhele letsogo ga taba ya go maka gore phutego yi jabole.a

“LE TAMISENENG PHESISI WA GORE KE MO NYAKA KA MATLA”

6, 7. (a) Bagolo ba ka yekisela ga Jeso, Pawulo le malata ya mangwana ya Modimo byang? (b) Ke ntaba magageru ma jabola mo re gopola mabitso ya bona?

⁶ Magageru ya go tlala ba re ba jabola ka matla mo bagolo ba ba šupetsa gore ba ba nyaka ka matla. Mokgwa wo mongwana wa gore bagolo ba wo maka ke wa go kopisela ga Dafita, Elihu le Jeso. (Bala 2 Samuwele 9:6; Jobo 33:1; Luka 19:5.) Malata yawa ya Jehova ma bitsa ye mongwana le ye mongwana ka lebitso lage go šupetsa gore baa tihlupa ka yene. Pawulo le yene o šupetsiye gore taba yowa ya go sa lebale mabitso ya magageru le go ba bitsa ka wona yi gabutši ka matla. Ga lengwalo lage le lengwana, o yye a bitsa magageru ya mangwana 25 ya wona, ya banna le ya basadi ka mabitso ya bona, gana hone ke mo go na le ye ba reng ke Phesisi wa gore Pawulo o yitseri: “Le tamiseneng Phesisi wa gore ke mo nyaka ka matla.”—Marom. 16:3-15.

⁷ Bagolo ba go tlala a ba nape ba di kgona tsa go tshwara mabitso ya batho. Byalo mo mogolo a liketsa ka matla gore a ma tshware, gabutšibutši ke sešha a botsa magageru gore, ‘Ke le nyaka ka matla.’ (Ek. 33:17) Mo bagolo ba gopola mabitso ya magageru fote ba ba bitsa ka wona mo ba fetola ga setšhuto sa Sewokamelo megahlanong, ba maka gore ma jabole.—Tshwanisa le Johane 10:3.

“O BEREKIYE KA MATLA MO GA MORENA”

8. King so Pawulo a se makiyeng sa gabutši sa go šupetsa gore o kopisela Jehova le Jeso?

⁸ Pawulo o šupetsiye gore wa tihlupa ka batho ba bangwana ka go ba thanaka, fote wowa ke mokgwa wa gabutši wa go maka gore magageru ma jabole. Ga lengwalo lage la gore o bolabodiye ka taba yage ya go nabela go berekela magageru gore ma thogo jabola o yitseri: “ke jabola ka matla mo re hlorisiwa.” (2 Makor. 7:4) Mantsu yane ya go thanaka ma ka fo ba ma tiyisiye magageru yawa ya Korente. Pawulo o berekisiye mokgwa wone le ga diphutego tse di ngwana. (Marom. 1:8; Mafil. 1:3-5; 1 Mathes. 1:8) Gabutšibutši, mo a fetsa go hlaya lebitso la Phesisi ga lengwalo lage lo a le ngwaleleng Roma o yitseri: ‘o berekiye ka matla ka mo ga tso tsa Morena.’ (Marom. 16:12) Ka mokgo Pawulo a thanakiyeng mogageru yewa wa mosadi, di ka fo ba di mo tiyisiye ka matla. Pawulo o yi tsere ga Jehova le Jeso taba yowa a go thanaka ba bangwana.—Bala Mareka 1:9-11; Johane 1:47; Kut. 2:2, 13, 19.

9. Taba ya go nyakanana le go kwa ba go thanaka yi maka byang gore ka ho phutegong go jabodise?

⁹ Bagolo le bona lekgono ba sa na ba yi tseyela gedimo taba ya go naganela magageru le go ma thanaka. (Diy. 3:27; 15:23) Mo mogageru a maka ka mokgonone ke setšha a ra mogageru yene gore: ‘Ke di bonne tso o di makang. O maka gabutši.’ Fote magageru yawa ma di nyaka ka matla tsa go thanaka ke bagolo. Mogageru ye mongwana wa mosadi wa go ba le mengwaga ya gana hala ga 50 o hlayye mantsu ya gore: “Mo ke le mmerekong a yi ga go tlala ke kwa ba nthanaka. Batho ba gona a ba tihlupe ka motho fote ba na le mokgwa wa go phadisana. Byalo mo mogageru wa gore ke mogolo a nthanaka, ke kwa ke jabola ka matla fote o nneya matšato. Ke napa ke kwa gore Papa wa magedimong o nnyaka ka matla.” Mogageru ye mongwana wa go ba le bana ka babedi wa gore aa na mosadi le yene o tikwa go tshwana naye. Mogolo ye mongwana o yye a mo thanaka di tšwa pelong. Mogageru di yye dya mo tshwara byang? Mo a hlatolla o re: “Mantsu ya mogageru ma nneyye matšato.” Di fo ba lekgwaying gore mo mogageru wa gore ke mogolo a thanaka ba bangwana o ba neya matšhika le go ba maka maka gore ba jabole. Sosone se nyoko ba neya matšhika ya gore ba ye mahlong ga tsela ya gore yi bakiye lephelong “fote ba sa lahle tewu.”—Jes. 40:31.

DISANENG PHUTEGO YA MODIMO

10, 11. (a) Bagolo ba ka mo yekisela byang ga Nehemiya? (b) King so mogolo a ka se hlayang mo a vakašele magageru gore a thogo ba gelepa gore ba tiyise senghana sa bona le Modimo?

¹⁰ King so bagolo ba se makang mo ba šupetsa ba bangwana gore ba ba tseyela gedimo, sa go maka gore ka ho phutegong go jabodise? Ke mo ba karakara ka matla gore ba bolabole le bowa ba gore ba nyaka go tiyisiwa. (Bala Mebereko 20:28.) Mo bagolo ba maka ka mokgonone ba kopisela ga badisi ba phutego ba ku botala. Mo re fo beyisa, Nehemiya wa gore ke mo go le mowokamedi wa go tshepega o yye a bona Majuda ya gabo ma lelemela ka ho ga tso sa Modimo ke mokane a ma tiyisa. Bhayibele yi re o yye a yakgoswa a ba tiyisa. (Neh. 4:14) Le bagolo ba nyaka go maka ka mokgonone lekgono. Baa ‘tlogamela,’ ba liketsa go gelepa magageru gore tumelo ya bona yi tiyelele. Ba šinya ba ro ba vakašela mitšing ya bona mo seyemo se dumela, gore ba thogo ba tiyisa. Mo ba šinya ba ba vakašela ka mokgo, ba nyaka go thogo ba botsa ‘dilo tsa gore di nyoko tiyisa senghana sa bona le Modimo.’ (Marom. 1:11) Bagolo ba ka gelepa king gore ba thogo maka dilo tsowa ka moka?

¹¹ Mo mogageru wa gore ke mogolo a soko bane a vakašela mogageru gore a ye mo tiyise, o thomisa ka go nagana ka yene. A ka tiputsisa gore mara motho ye ke yang gage o gahlana le dilo tsa mohlobo mang tsa go mo phiriketsa? Ke mantsu yafeng ya gore ma ka mo tiyisa? Ke lengwalo le feng kela mošupetso wa ka ho Bhayibeleng wa gore wo ka napa wo korola ga tso di mo phiriketsang? Mo mogageru a ka nagana ka dilo tsa mošaga wonone, o nyoko kgona go tiyisa ye a mo vakašelang. Mo mogolo a vakašele magageru, o maka gore a ba theetsele gabutši mo ba bolabola ka tso di ba hlupang. (Jak. 1:19) Mogageru ye mongwana wa mosadi o yitseri: “Di ya natefa mo mogolo a go theetsela di tšwa pelong.”—Luk. 8:18.

12. Ke bomang ka ho phutegong ba gore ba nyaka ba go ba tiyisa, fote ke ntaba?

¹² Ke bomang ba gore di ka ba gelepa ka matla mo bagolo ba ba vakašela? Pawulo o butsiye bagolo ba Makreste ya ku botala gore ‘le pasopeneng. . . morape.” Go fo ba nnete gore batho ka mokana ga bona ka ho phutegong ba nyaka ba go ba tiyisa, re ra le batšhomayedi le mašupatsela ba gore ba fetsiye mengwaga le mengwaga ba kene ba le ho ga mmereko wa go tšhomayela. Ke ntaba le bona ba nyaka go tiyisiwa? Ka taba la gore le bona bobone ba go tshepega, ba gahlana le dilo tsa go tlala tsa go ba phiriketsa tsa lefase lo. Gore re thogo šupetsa gore anthe ke ntaba motho wa gore ke lelata la Modimo la go tshepega le yene a nyaka ba go mo thuša, tla re bolaboleneng ka tso di yyeng dya makegela Kgoši Dafita.

“ABHIŠAYI . . . O MO GELEPIYE”

13. (a) Išibhinopo o yye a hlasela Dafita neng? (b) Abhišayi o makiye ying gore a thogo phonisa Dafita?

¹³ Mo Dafita a fetsa go ba kgoši, o yye a lwa le Gholiyate wa gore ke mo a tšwa ga moloko wa Marefayimi wa digoboro. Dafita, wa gore ke mo a na le lešiši o yye a bolaya Gholiyate. (1 Sam. 17:4, 48-51; 1 Dikor. 20:5, 8) Ka nthago ga mengwaga mo Dafita a lwa le Mafilisita, o yye a gahlana le segoboro se sengwana fotefote. Lebitso lage ke mo go le Išibhinopo, wa gore le yene ke mo go le Lerefayimi. (2 Sam. 21:16.) Mara segoboro sowa se nyakiye se bolaya Dafita. Ke mo go ro maka byang? Ke mo go se ka taba la gore Dafita ne a sa sa na lešiši, taba ke gore ne a sa sa na matšhika. Taba yage yo yi ngwadiwweng yi re: “Dafita ke mo a šele a tinnwe.” Mo Išibhinopo a di bona tsa gore Dafita o tinnwe o yye a “nagana ka go mo ketola.” Mara mo a sa re o yemisa segale sage gore a mmolaye, Abhišayi morwayi wa Zeruwa a mo phonisa ka go teya Lefilisita lela a napa a le bolaya.” (2 Sam. 21:15-17) Ye wene, Dafita o phonne ka lešuba la neleta. Di fo ba lekgwaying gore Dafita o jabodisiye ke gore Abhišayi o mo pasopiye a mo phonisa gore ba sa mmolaye. Re tšhuta ying ga taba yowa?

14. (a) Re di kgona byang go hlula mathatha ya magolo ya nkare ke Gholiyate? (b) Bagolo ba ka gelepa ba bangwana byang gore ba kwe ba na le matšhika fote ba jabodiye? Beyisa.

¹⁴ Lefaseng ka mokana ga lona, rune batho ba Jehova re ya mahlong re kene re maka mmereko wa go tšhomayela le mo Sathane le batho bage ba re hlupa. Ba bangwana ba rune re gahlanne le mathatha ya digoboro, mara ka taba la go tisamela ka Jehova re kgonne go hlula mathatha yane ya magolo ya nkare ke “Gholiyate.” Mara ka nako ye nngwana, dilo tsa go re ghula tsa lefase lowa di ya re kgahleletsa dya re šiya re tinnwe fote re kgongwele. Ke mokane sosone se maka gore mathatha yane ya gore nkebe re lwile nawo ‘ma re ketole.’ Ka dinako tsa go tshwana le tsone, re ka jabola le go kraya matšhika mo mogolo a re gelepa go fo tshwana le ka mokgo ba bangwana ba hlayang. Mogageru ye mongwana wa go ba le mengwaga ya go teya ka ku ga 60 o re: “Ku nthago ke mo ke sa titsose, fote le tšhomo ke mo yi ntinisa. Mogolo ye mongwana o yye a di bona gore nkare a ke na matšhika ke mokane a nšutelela. Re bolabodiye ka dilo tsa go yagisa tsa go tšwa ka Bhayibeleng. Tso a mpotsiyeng tsona di yye dya mperekela. Mogageru yewa o šupetsiye gore wa tihlupa ka nna ka go mpona gore ke ya lelemela ke mokane a n’gelepa.” Di jabodisa ka matla mo re tšiba gore re na le bagolo ba go re pasopa ba gore fote ba dula ba ramele ‘go re gelepa’ go tshwana le Abhišayi wa ku botala.

LE DI TŠIBE TSA GORE KE LE NYAKA . . . KA MATLA”

15, 16. (a) King so se makiyeng gore Makreste ma kwe ma nyaka Pawulo ka matla? (b) Anthe bagolo bowa ke ntaba re ba nyaka ka matla?

¹⁵ Go disa ke mmereko. Ka nako ye nngwana bagolo ba fetsa mašego ba rapelela morape wa Modimo ba šwennye kela ka nako ye nngwana ba ba tiyisa ka tso tsa Modimo. (2 Makor. 11:27, 28) Mara le mo go le ka mokgonone, bagolo ba ya mahlong ba maka mmereko wone ka dipelo tsa bona di felele, ba jabodiye go fo tshwana le Pawulo. O yye a ngwalela Makorente gore: “Nna nka neyela ka selo se sengwana le se sengwana ka taba la lune.” (2 Makor. 12:15) Nnete ke gore Pawulo o yye a tineyela gore o nyoko tiyisa magagabo ka taba la gore ke mo a ba nyaka ka matla. (Bala 2 Makorente 2:4; Mafil. 2:17; 1 Mathes. 2:8) Ke sona so se makiyeng gore magageru yawa ma mo nyake ka matla ga Pawulo.—Meber. 20:31-38.

¹⁶ Le rune lekgono, bagolo re ma nyaka ka matla fote re leboga Jehova mo a re neyye bona. Ba maka gore re jabole mo ba šupetsa gore ba re tseyela gedimo. Mo ba re vakašela, baa re tiyisa. Go tokegela gana hone re kwa re jabola ka matla mo ba re gelepa, ka matla mo ba bona gore mathatha ya lefase lowa maa re kgahleletsa. Ka nnete bagolo bowa ba Makreste ke mong bona batho ‘ba go berekisana le rune gore re thogo jabola.’