Lune Batswadi, Nje le ya ba Gelepa Bana ba Lune Gore ba Feleletse ba Kolobetsiwwe?

1. Batswadi ba Makreste ba nyaka go bona ying ga bana ba bona mo ba soko kolobetsiwa?

“KE FETSIYE dikgwedi-kgwedi ke dulele go botsa Papa le Mmane gore ke nyaka go kolobetsiwa, le bona ke mo ba phela ba bolabola le nna ka taba yone. Ke mo ba nyaka go bona ka nna gore taba yone ke yi tseyela hlogong go segela kaye. Letšatši la di-31 tsa December 1934, ke le legolo ka matla lephelong laka, nka sa tsoge ke le lebele.” Mantsu yane ma bolabodiye ke Blossom Brandt mo a hlatolla tso di makegiyeng mo a kene a nagana ka go kolobetsiwa. Le lekgono, batswadi ba go tlala ba gore ke Makreste ba nabela gore bana ba bona ba segelele dipheto tsa go šupetsa gore ba hlalefiye. Mo motho a fo kanakana kela a tseya nako a sa kolobetsiwi, a ka feleletsa a tekateka ga tso tsa Modimo. (Jak. 4:17) Mara batswadi mo bana ba bona ba soko kolobetsiwa, ba leketsa go di bona gabutši gore mara ka nnetennete ba tikemisele go ba Makreste.

2. (a) Ke taba yifeng yo yi hlupiyeng bapotologi ba go tlala? (b) Re nyoko petapeta ka ying ga hlogotaba yowa?

² Bapotologi ba bangwana baa lla, ba re ba gahlana le mathari ya gore ma thina le go tshwara 20 ya mongwaga kela ma šele ma yi fitiye fote ma golele ka mitšing ya Makreste, mara go kolobetsiwa doo. Mogahlanong le tšhomong gona bana bo baa ya. Le bona ba re ke bona Dihlatse tsa Jehova. Go fo ba go gana gore ba tineyele ga Jehova ka go kolobetsiwa. Mara go ka fo ba go le ying so se makang gore ba kanakane go kolobetsiwa? Ba bangwana ba kutšetsele ke bona batswadi bo gore ba sa yakgoswe ba kolobetsiwa. Go na le dilo ka dine tso di šekedisang ka matla, byalo re nyoko petapeta ka tsona ga hlogotaba yowa, dilo tsone di phikiye batswadi ba bangwana ba Makreste, ba kwa ba sa nabele go gelepa bana ba bona gore ba kolobetsiwe.

NJE NGWANAKA O GUDIYE GO LEKANELA?

3. Batswadi ba Blossom ke mo ba hlopa king?

³ Batswadi ba Blossom, bo go bolabodiwweng ka bona ga serele sa ku mathomisong, ke mo di ba hlopa gore nje ngwana wa bona o gudiye go lekanela gore a ka di kwisisa gabutši tsa gore go kolobetsiwa a yi go kgana, fote taba yone ya bona ya kwala. Batswadi ba ka di tšiba byang gore ngwana wa bona o gudiye go lekanela gore a ka tineyela a boya a šupetsa gore o kwisisa so a se makang?

4. Tso Jeso a di hlayyeng ho ga Matewu 28:19, 20 di ka gelepa batswadi byang mo ba kene ba tšhutisa bananyana ba bona?

⁴ Bala Matewu 28:19, 20. Ga hlogotaba ya go fela, re bolabodiye gore Baebele a yi hlaye gore motho a kolobetsiwe a na le mengwaga ka mekaye. Mara, batswadi le bona di ka ba gelepa mo ba ka tiputsisa gore mo ba re ba tšhutise gabutši ba ra gore king. Lentsu la Segerika la gore mo ga Matewu 28:19 le hlatodiwwe yi le ‘go tšhutisa,’ le kwagala le bolabolela ka matlamatla go tšhutisa la gore motho a šinye a tšibe selo gabutši, a tšhutege. Molateledi wa Jeso ke motho ye a tšhutang fote a kwisisa tso Jeso a di tšhutisang, a napa a fetsa ka gore yene o nyoko di latelela. Byalo, batswadi ba Makreste ka mokana ga bona ba tshwanele ba nabele ka matla go tšhutisa bana ba bona go tlogisela mo go sa le mong meetši gore ba feleletse ba ba gelepa gore ba latelele Kreste ba kolobetsiwwe. Nnete ke gore a re kolobetsi maseya. Mara Baebele yi bolabola gore le bo go sa leng ba banyana ba ka di kgona go kwisisa dinnete tsa Baebele le go di ngangarela.

5, 6. (a) Ka mokg’o Baebele yi hlatollang Thimothi ka gona di re botsa ying ka go kolobetsiwa gage? (b) Batswadi ba go hlalefa ba ka gelepa bana ba bona byang?

⁵ Thimothi ke ye mongwana wa gore le yene o yye a ngangarela nnete go tlogisela go sa le ye monyana. Mopostola Pawulo o bolabodiye gore Thimothi dinnete tsa Mangwalo o di tšhutiye go sa le ye monyana. Thimothi o gudisiye ke batswadi ba bodumedi bya go sa tshwane, mara kokwane wa Thimothi le mmane wage ba sa lesetse go mo tšhutisa Mangwalo ka mokg’o Majuda ke mo ma ma kwisisa ka gona. Sosone se makiye gore tumelo yage yi sa kgwelakgwehle. (2 Thim. 1:5; 3:14, 15) Mo Thimothi go šele go le mosogana wa go šihla, ke mo go šele go le lelata la gabutši la Mokreste la gore le yye la beyiwa gore le pasope dilo ka phutegong.—Meber. 16:1-3.

⁶ Nnete ke gore bananyana baa šiyanana; ba ka sa butšwi ka mongwaga ka woteya kela ka lebelo la go tshwana. Ba bangwana ba hlalifiye ka matla, ba yakgoswa ba tshwara dilo tso ba sa le ba banyana ke mokane ba hlatolla di kwala gore bona ba nyaka go kolobetsiwa. Ba bangwana di ka nyaka ba fo tšwa ba yemmenyana ke mokane ba kolobetsiwe mo ba šele ba golagudiye. Fote batswadi ba go hlalefa a ba tšhofetsele bana ba bona gore ba kolobetsiwe. Mara ba gelepa ngwana ye mongwana le ye mongwana gore a ye mahlong ka go tlalela ga tso tsa Modimo, di ya ka go hlalefa le go gola ga bona. Batswadi baa jabola mo ngwana wa bona a nagana ka matla ka taba yo yi leng ga Diyema 27:11. (Bala.) Mara a di nyake ba lebala so ba nyakang go se segelela—sa gore bana ba bona go feleletse go le malata ya Makreste. Re sa le ga taba yonone, batswadi ba ka tiputsisa putsiso yo, ‘Nje ngwanaka o butšwiye gabutši gore a ka tineyela ga Modimo a kolobetsiwa?’

NJE NGWANAKA O BUTŠWIYE GABUTŠI?

7. Mo motho a nyaka go kolobetsiwa, nje di ra gore o tshwanele a tšibe Baebele ka mokana ga yona? Re hlatollele.

⁷ Nnete batswadi ke mathitšere mitšing ya bona, fote ba nabela gore bana ba bona ba ngangarele tso ba di tšhutiyeng gore ba thog’o tineyela. Le mo go le sone, a di re gore motho o tshwanele a tšibe Baebele ka mokana ga yona gore a thog’o tineyela ga Modimo ke mokane a kolobetsiwe. Le mo batho bo ba gore ke malata ba šele ba kolobetsiwwe, ba tshwanele ba ye mahlong ba kene ba tšhutega ka tsa Modimo. (Bala Makolosi 1:9, 10.) Byalo di nyaka gore motho a tšibe Baebele go segela kaye?

8, 9. Re ka tšhuta ying ga taba ya Pawulo le moren’ela wa matšinghilane?

⁸ Moyanego wa mutši wa ku botala wo gelepa batswadi go latelela ka morithi. (Meber. 16:25-33) Nakwela Pawulo go le la bobedi a ya tlase le kgakala go le morumiwa ka bo-50 C.E., o yye a vakaša mutšing wa Filipi. Mo a le gana ku, yene le Silase ba yye ba ba bolabolela matsaka ba tshwariwa ke mokane ba ba hlahlela jele. Bošego byobyone, go yye gwa tekateka lefase le jele ya šinya yi tšharogana, gwa bulega le dikwalo ka mokana ga tsona. Matšinghilane o yye a tšhoga ka matla a tseya gore mabhantiti ma tšhabiye, mo a sa re wa tipolaya, Pawulo a mo yahlamela. Pawulo le Silase ba yye ba kgona go tšhomayelela matšinghilane yene le ba mutši wage. Go kwa dinnete tso ba di tšhutiyeng ka Jeso di ba tšhofiye gore ba make ying? A baa hlwa ba sa kanakana, ba yye ba kolobetsiwa. Taba yo yi re tšhutisa ying?

⁹ Go ya ka setlwayedi, matšinghilane wa jele ke mo go le motho wa gore go yye gwa ba lesole. Ke mo a sa tšibi selo ka Baebele. Gore a tšibe tso di bolabolang ke Mangwalo, ke mo a tshwanele a tšhute dinnete tsa go sa hlope tsa Baebele le go kwisisa gore di ra gore king go ba molata wa Modimo ke mokane a tikemisele go latelela so Jeso ke mo a se tšhutisa. Dinnete tsa Mangwalo tso a di tšhutiyeng ka nako yonone ye nyananyana di mo tšhofiye gore a kolobetsiwe. Le mo a šele a kolobetsiwwe, o yye a yeketsa ga so ke mo a se tšiba. Ga taba yono re fetsang go bolabola ka yona, king so o ka se makang mo o bona gore so ngwanago a se tšhutang Mangwalong se mo tikisa pelo, a boya a ro kwisisa gore go tineyela le go kolobetsiwa go ra gore king? Batswadi ba Makreste, ke lune le ka bolabolang le ngwana wa lune gore mo a nyaka a ka fo ya ga bagolo ba phutego, bona ba nyoko segela ba mo pombhola gore ayitsano a ka kolobetsiwa.a Ngwan’ene o ko fo tshwana le bo ba šeleng ba kolobetsiwwe, o nyoko ya mahlong a yeketsa ga tso a di tšibang ka Jehova le tso a nyoko tlang a di makela batho.—Maroma 11:33, 34.

NJE NGWANAKA O TŠHUTEGA GA TSA LEFASE?

10, 11. (a) Batswadi ba bangwana ba fetsiye ka gore king? (b) Motswadi o tshwanele a hlopege ka ying ka matlamatla?

¹⁰ Batswadi ba bangwana ba re tso tsa go kolobetsa di tšwe di yemme nyana, ba re barwayi kela barwediya ba bona ba thomise ka go ya dikolo gore ba tšhutege ka tsa lefase gore ba tle ba gole tšheleta ya gore le wene wa yi bona. Tso ba di bolabolang di ka fo ba di kwala, mara taba ke gore sosone se nyoko thuša ngwane’ne go segela kaye? Ye nngwana putsiso ye kgolo ke yo, ayitsano tsosone ke tsona tso Mangwalo ma reng re di make? Lentsu la Modimo le re re make ying?—Bala Mmolabodi 12:1.

¹¹ A di nyake re šinya re ro lebala gore lefase lo, le tso di leng mo ga lona di lwisana le tso Jehova a di nyakang le ka mokg’o a naganang. (Jak. 4:7, 8; 1 Joh 2:15-17; 5:19) Mo ngwana a na le senghana sa gabutši le Jehova, o ba kgole le Sathane le lefase lo lage, fote aa šutele le ga batho ba lona ba go maka dilo tsa go tšiba ke bona beng. Mo motswadi a ka yetisa mahlong dilo tsa lefase lo gore ngwana a di segelele, a ka mo hlakahlakanya le go mmitsela mathata ma le kgole naye. Ayitsano batswadi ba Makreste ba nyoko ba ba resa mo ba re ga ngwana bona baa mo rata mo ba fo lesetsa lefase lo le mo fokola yi le ka taba la gore ba nyaka go ghanya? Nnete ya gore a yi ganetsege ke yowa, lephelong re nyoko jabola ra boya ra yema gabutši mo Jehova re mmeya mahlong ga dilo tsa rune ka moka.—Bala Pisalema 1:2, 3.

KE NYOKO RE KING MARA MO NGWANAKA A KA SINYA?

12. Ke ntaba batswadi ba bangwana ba sa nabelele bana ba bona go kolobetsiwa?

¹² Mmane ye mongwana mo a hlatolla gore ke ntaba a butsiye morwediya wage gore a fo tšwa a yemmenyana ka tsa go kolobetsiwa o itseri, “Di ya tšebisa tsona, mara gabutšibutši ke mo ke maka ke gore ke tšhaba gore a ka tla a kgawodiwa.” Batswadi ba bangwana ba tshwana le mmane yewa, le bona ba re ngwan’a bona a sa tabogele go kolobetsiwa, a golagole nyana gore a lesetse go tšhega. (Gen. 8:21; Diy. 22:15) Mo bona beng ba tipotsa ba re, ‘Solanka ngwanaka a sa kolobetsiwa, di ra gore a ka sa ro kgawodiwa.’ Baa titshokanya, ke ntaba re reyane?—Jak. 1:22.

13. Nje mo motho a sa yakgoswe a kolobetsiwa di rela gore Jehova aa yisi felo ka yene? Hlatolla.

¹³ Di ya kwala tsona mo batswadi ba Makreste ba nyaka gore bana ba bona ba sa tabogele go kolobetsiwa ba soko butšwa gore ba tle ba kgone go tineyela. Mara go nyoko ba go se tsona mo re ka fo fetsa re itseri ngwana mo a sa kolobetsiwa, di ra gore Jehova aa yisi felo ka yene. Ke ntaba go le sone? Gore maphelelo ya motho ma byang, ga Jehova a di ye ka gore o kolobetsiwwe kela byang. Byalo, Jehova o kwa a kwana ka matla le ngwana wa go tšiba sa go bafala le sa go befa. (Bala Jakobo 4:17.) Batswadi ba Makreste a ba rakele mo bana ba bona ba nyaka go kolobetsiwa, mara ba leketsa ka matla go ba šupetsa gore tsa gabutši di makiwa byang. Ba di nyaka ka matla go thothetsa se sengwana ka ku pelong ya ngwan’a bona gore a rate melawo ya Jehova le mo go sa le ye monyana ka matla. (Luka 6:40) Sosone a nyoko bang a se tšhutiye se nyoko tshwana le legora mo gage, ka gore se ko mo thuša gore a sa khwanyole tseleng ya Jehova ya go loka.—Jes. 35:8.

BA BANGWANA BA KA GELEPA

14. Bagolo ba ka maka byang gore ba gelepe batswadi bo ba leketsang go hlohletsela bana ba bona gore ba feleletse ba kolobetsiwa?

¹⁴ Bagolo ka gore ke bona ba go disa phutego, ba ka gelepa batswadi ka go hlohletsela bana ba bona gore ba kgete go maka se sengwana ka ho ga tsa Modimo, fote taba yone ba nape ba yi kgahlisela. Mogageru ye mongwana wa mosadi wa gore o na le 70 ya mongwaga yi le lephayona o sa gopola gore tso a yyeng a di botsa ke Mogageru Charles T. Russell ka nako tse a na le 6 ya mongwaga di mo gelepiye ka matla. Mo a hlayisa o re, “Re fetsiye 15 ya diminetse a mputsisa ka tso ke nyakang go di segelela ka mo ga tsa Modimo.” Nnete ke gore motho a ka segelela dilo tsa go tlala mo a butsiwa mantsu ya go natefela le go hlohleletsiwa. (Diy. 25:11) Bagolo ba ko ba ba maka gabutši mo ga mmereko-bereko ya Holong ya Mmušo ba tšhela batswadi le bana ba bona, le gore bana bone ba ba neye mmereko wa go ba lekana.

15. Ba bangwana ka ho phutegong ba ka maka ying gore ba hlohletsele bo ba banyana?

¹⁵ Bo ba leng ka ho phutegong le bona ba ka tišutetša ga bo go sa galeng ba banyana. Sosone se ra gore le mo ba bona bana bowa ba ya mahlong ga tso tsa Modimo, ba ba thanake. Nje aa šiyo gana hone ga lune ngwana wa gore mo a fetola kela a beya polabolo ga mogahlano wa gare ga beke, le wene wa di kwa gore o beya ditaba tsage gabutši fote o bolabola di mmaba? Nje aa šiyo ye mongwana wa gore o hlodiye moleko wa go leketsa go mo tekatekisa go šupa gore wa tshepega ku sekolo kela wa gore o yye a berekisa lešuba lo le nyareleng gore a tšhomayele? Ba go tshwana le bobone, yakgoswa o ba thanaka. Ke ntaba o sa fo tipotsa gore ka moka matšatši mo o ya mogahlanong wa phutego—mo megahlano yi soko thomisa kela mo yi fediye—o bolabola le ngwana ye mongwana, go šupa gore wa go jabodisa? Mo o ka maka ka mokg’ononeng wa boya wa maka le tse dingwana, bana bowa le bona ba nyoko tikwa gore ba ka teng ga “phutego ye kgolo.”—Pis. 35:18.

GELEPA NGWANAGO GORE A THOG’O KOLOBETSIWA

16, 17. (a) Kolobetso yi kena kaye ga dilo tso motho a nyakang go di segelela lephelong? (b) Batswadi ba Makreste ka mokana ga bona ba karakarela go segelela mojabolo wofeng? (Bona sethombhe sa ku mathomisong.)

¹⁶ Nnete a se šiyo so motswadi wa Mokreste a ka titeyang sekguba ka sona go phala go gudisa ngwanage ka ‘go mo laya le go mo yetetsa ka tsa Jehova.’ (Maef. 6:4; Pis. 127:3). Bana ba gana byalo ba gore batswadi ba bona ke Makreste a ba tshwane le bala ba botala ba Maisrayele, ka gore bo ba lekgono a ba belegiwi go le malata ya Jehova ya gore ma tineyele. Fote go nyaka Modimo le dinnete a yi taba tsa gore bana bo ba di šiyela ke batswadi ba bona. Batswadi ba tshwanele ba karakarele go tšhutisa ngwana wa bona go tlogisela mo go sa le ye monyana gore a tšhutege ka tso tsa Modimo, ba boye ba mo gelepe gore a tineyele ga Jehova ke mokane a kolobetsiwe. Nje se gona sa go phala sosone? Fote motho ye mongwana le ye mongwana mo a tineyela, a kolobetsiwa a boya a berekela Modimo ka go tshepega, yene mong o maka gore a merekiwe gore le yene a tle a phonisiwe mo nako ya go tlerola pelo ya motšhatšhamelo wo mogolo yi segela.—Mat. 24:13.

¹⁷ Mo Blossom Brandt a fetsa ka gore o nyaka go ye kolobetsiweng, batswadi bage ba gore le bona ba rapela Modimo ba yye ba nyaka go bona gore ka nnetennete ngwana bona wa kwisisa gore o nyaka go maka ying. Mo ba šele ba kgodwiye gore o butšwiye, ba yye ba yema naye. Bošego bya mo a nyoko kolobetsiwa ka motshwana wa gona, papage o yye a maka selo se sengwana sa go jabodisa. Blossom o re: “Papa o yye a re bitsa ka mokana ga rune a re re kgotame, ke mokane a thomisa go rapela. O yye a botsa Jehova gore o jabodisa ke taba yo morwediy’age ye monyana a nyakang go yi maka ya go tineyela Gage.” Mo go šele go fitiye 60 ya mongwaga, Blossom o itseri: “Yema ke sa bolabole ka matla, mara tso di makegiyeng bošego byela, nka sa tsoge ke di lebele!” Wa tšiba le lune batswadi re nabela nkare le ka fo leka la kwa manatefelo ya mojabolo wa go bona bana ba lune ba tineyela ga Jehova ba boya ba kolobetsiwa.