Ditodi tsa Sepukwane sa Mogahlano wa Maphelelo le Matšhomayelelo
AUGUST 5-11
MAKOLWANE KA TENG GA LENTSU LA MODIMO | 2 THIMOTHI 1-4
“Modimo aa re Maka Gore re be Maghwala”
(2 Thimothi 1:7) Modimo aa maka gore re be maghwala, mara o makiye gore re be le matšhika, re nyakanane fote re be monagano wa go tseya gabutši.
w09-SE 5/15 15 ¶9
Lune le sa Golang—Šupetsaneng Gore le Kene le ya Gola
9 Gore Pawulo a gelepe Thimothi, ka nthagonyana o yye a mo gopotsa gore: “Modimo aa maka gore re be maghwala, mara o makiye gore re be le matšhika, re nyakanane fote re be monagano wa go tseya gabutši.” (2 Thim. 1:7) Mo motho a na le “monagano wa go tseya gabutši” o nagana a boya a bolabola dilo tsa gore di ya kwala. Fote di rela le go tseya dilo ka mokgo di leng ka gona—go se ka mokgo o nyakang di ba ka gona. Ba bangwana ba gore ba sa gola ba gore a baa butšwa gabutši fote ke maghwala ba leketsa go sa tihlupe ka seyemo sa bona ka go fo dula ba yetsele kela ka go lebela TV ka matla, go berekisa di dhraksi kela go nwa mokgete tsela tsa go fetelela, go dula ba le diphathing kela go maka tsa maroga. Makreste ma pasopisiwa gore “ma gane dilo tsa go sa yelane le Modimo le go sa nabele dilo tsa lefase lowa ke mokane ma šupetse go loka le gore ma tseya gabutši, ka go tlalela ga tso tsa Modimo ga masipidiselo yawa ya dilo.”—Tito 2:12.
(2 Thimothi 1:8) Byalo le sa tšebisi ke tso di bolabodiwang ka Morena wa rune kela ka nna, wa gore ke nna lebhantiti ka taba lage, mara le lune di nyaka le hlupegisiwe ka taba la ditaba tsa go bafala le kene le tisamele ka matšhika ya Modimo.
w03-SE 3/1 9 ¶7
‘Šišimala o Nape o ro Tiyelela!’
7 Mo Pawulo a ngwalela Thimothi, o yitseri: “Modimo aa maka gore re be maghwala, mara o makiye gore re be le matšhika . . . Byalo le sa tšebisi ke tso di bolabodiwang ka Morena wa rune.” (2 Thimothi 1:7, 8; Mareka 8:38) Ka nthago ga go bala mantsu yane re ka tiputsisa gore: ‘Ayitsano tumelo yaka ya ntšebisa, kela ke na le lešiši? Ayitsano ke ya ba botsa ku mmerekong (kela ku sekolo) gore ke nna Hlatse ya Jehova, kela ke ya ba wutametsela? Ayitsano di ya ntšebisa tsa gore a ke tshwane le ba bangwana kela ke titeya sekguba ka taba la gore senghana so ke nang naso le Jehova se maka gore ke hlawoge?’ Mo nkare go na le ye a tšebisang ke go tšhomayela ditaba tsa go bafala kela go maka dilo ka mokgo ba bangwana ba ka sa di makeng ka gona, di nyaka a gopole so Jehova a yyeng a se botsa Jošuwa nakwela a re: “Šišimala o nape o ro tiyelela.” O sa yi lebale taba yowa ya gore bo o berekang nabo kela bo o kenang nabo sekolo ba go tseya byang a yi selo, taba ye kgolo ke gore Jehova le Jeso Kreste ba go tseya byang.—Magalata 1:10.
Go Wunyulla Tso di Wutammeng ka Baebeleng
(2 Thimothi 2:3, 4) Go go fo tshwana le lesole la gabutši la Kreste Jeso, le lune di nyaka le hlopege. 4 A go na motho wa gore ke lesole fote o lelekisana le dibhizinisi tsa lefase lowa gore a thogo jabodisa ye a mo ngwadisiyeng gore go be lesole.
w17.07-SE 10 ¶13
Go Nyaka go Ghanya ga Mannete
13 Thimothi ke mo a na le tumelo. Nakwela Pawulo a šele a hlayye gore Thimothi ke “lesole la gabutši la Kreste Jeso,” o mmutsiye gore: “A go na motho wa gore ke lesole fote o lelekisana le dibhizinisi tsa lefase lowa gore a thogo jabodisa ye a mo ngwadisiyeng gore go be lesole.” (2 Thim. 2:3, 4) Lekgono, malata ya Jeso ya gore mo ga wona go na le ba go teya ka ku ga miliyoni ba gore ba mmerekela ka nako ka moka, ba karakara ka matla gore mo ba na ba phela, ba berekise so Pawulo a se hlayyeng. Ba dula ba naganne ka tšhiko yowa: “Ye a kadimang ke lebhantiti la ye a mo kolotang,” byalo ba gana dilo tso lefase lo le di yetisang ku mahlong. (Diy. 22:7) Sathane o nyaka gore re fetse nako le matšhika ya rune ka mokana ga wona re le mabhantiti ya dilo tsa lefase lo lage la dibhizinisi. Dipheto tso re di segelelang di ka re šiya re le dikolotong tsa gore di ka tseya mengwaga ya go tlala ka matla gore re di patele. Sekoloto se segolo sa ntlo, sa sekolo, sa koloyi ya go tura, kela mešado ye megolo ka matla di ka re šiya re se na le mong peni. Mara mo re ka maka gore re sa be le dilo tsa go tlala tsa lephelo, ra poma dikoloto, ra boya ra berekisa tšheleta gabutši, re ko ba re šupetsa gore re hlalefiye ka taba la gore re ko ba re se mabhantiti ya dibhizinisi tsa lefase lowa mara re le mabhantiti ya Modimo.—1 Thim. 6:10.
(2 Thimothi 2:23) Go tokegela gana hone, gana go phigisana ka dilo tsa bophokophoko le tsa go sa yi ka tsela, ka taba la gore wa di tšiba tsa gore di ya lwisana.
w14-SE 7/15 14 ¶10
Batho ba Jehova ba “Nyenya tsa go sa Loka”
10 Lekgono, ka diphutegong tsa batho ba Jehova a yi ga go tlala o ka krayang go na le batho ba go kgeloga. Mara mo re ka kraya go tšhutisiwa matsaka ya gore a ma yelane le Mangwalo, le mo ma ka ba ma tšwa kaye, di nyaka re nape re ma gana ka nako yonone. Mo re ka phigisana le batho ba go kgeloga—re lebeletsanne, inthaneteng kela go gongwana le go gongwana—tsotsone di ko ba di sa šupetsi gore re hlalefiye. Le mo rune re ka fo ba re tseya gore re gelepa motho yene, go bolabodisana naye go lwisana le Lengwalo lo re fetsang go le bala. Ke rune batho ba Jehova, byalo re kganela kgole le dilo tsa batho ba go kgeloga.
Go Bala Baebele
(2 Thimothi 1:1-18) Nna Pawulo, wa gore ke nna lepostola la Kreste Jeso ka go nyaka ga Modimo le ka so se tshepisiwweng ka lephelo la Kreste Jeso, 2 ke ngwalela Thimothi, ye ke mo nyakang ka matla, Nkare o ka tshwariwa gabutši, wa kwediwa go baba le go beba ga gore go tšwa ga Modimo wa gore fote ke Papa, le Kreste Jeso Morena wa rune. 3 Ke leboga Modimo wa gore ke mo makela mmereko wa go hlawolega, ka mokgonola go makiyeng bokokwane baka, fote ke maka sone ka lekwalo la go yela, a ke go lebale mo ke rapela di mpaba bošego le motshegare. 4 Mo ke gopola dinepedi tsago, ke hlologela go go bona gore ke thogo jabola. 5 Ka taba la gore ke gopola tumelo yago ya go sa timakisi ya gore yi thomisiye ka kokwane wago wa mosadi Luwisa le mmane wago Yunisi, ya gore fote ke tshepa gore le wene o nayo. 6 Ka taba lone, ke go gopotsa gore so Modimo a go neyyeng sona nakwela ke go beya matsogo, o se rotetse go tshwana le mollo. 7 Modimo aa maka gore re be maghwala, mara o makiye gore re be le matšhika, re nyakanane fote re be monagano wa go tseya gabutši. 8 Byalo le sa tšebisi ke tso di bolabodiwang ka Morena wa rune kela ka nna, wa gore ke nna lebhantiti ka taba lage, mara le lune di nyaka le hlupegisiwe ka taba la ditaba tsa go bafala le kene le tisamele ka matšhika ya Modimo. 9 O re phonisiye ke mokane a re bitsa ka go hlawolega, go se ka taba la so re se makiyeng, mara ka taba la tso a di nyakang le go re kwela go baba. Botalanyana re krayye sowa ka taba la Kreste Jeso, 10 mara gana byalo di fo ba lekgwaying ka taba la go nyarela ga ye a re phonisiyeng, Kreste Jeso, wa gore o makiye gore go fele ka likgu fote o khanyisiye lephelo la rune, a leya go loka ka ditaba tsa go bafala, 11 ke kgetiwwe gore ke be motšhomayedi, lepostola le thitšere ka taba la tsona. 12 Ke hlupega ka taba la dilo tsowa, mara a di ntšebisi. Ka taba la gore ke tšiba Ye ke dumelang gage, fote ke ya tshepa gore o thogo bona dilo tso ke di makiyeng, ka taba la so ke se tshepiyeng go segela ka tšatši lone. 13 Ariyeneng mahlong le ngangarele ga mantsu ya go yagisa ya le ma kwileng ho gaka ka tumelo le go nyakanana ga gore go maka gore re mamarelane le Kreste Jeso. 14 Selo sowa sa gore o neyiwwe sona ka taba la go tshepiwa o se tshware gabutši ka moya wa go hlawolega, wa gore re nawo. 15 Le ya di tšiba gore batho ka mokana ga bona ba phrovense ya Asia ba njikele, le mong Fikelase le Heremogenese. 16 Nkare Morena a ka ba kwela go baba ba mutši wa Onesiforase ka taba la gore ga go tlala ke mo a ntiyisa fote diketane tsaka tsa jele ke mo di sa mo tšebisi. 17 Go tokegela gana hone, nakwela a le Roma, o yye a nyakana le nna a šinya a nkraya. 18 Nkare Morena a ka mo maka gore Jehova a mo kwele go baba ka letšatši lone. Fote le wo tšiba gabutši mmereko wo a wo makiyeng ku Efeso.
AUGUST 12-18
MAKOLWANE KA TENG GA LENTSU LA MODIMO | TITO 1–FILIMONI
“Kgeta Bagolo”
(Tito 1:5-9) Ke go šiyye Krete gore o lukise tsa gore a d’ya dulisega fote o kgete bagolo ga poleke ye nngwana le ye nngwana, go ya le ka mokgo ke go layeleleng: 6 mo go na le monna wa gore aa sodiwi ka selo, wa go ba le mosadi ka wwoši, wa gore bana bage ba na le tumelo fote go se ba go maka tsa go tšwa pateng kela ba gore a ba theetsele. 7 Ka taba la gore mogolo ke lelata la Modimo, byalo a go nyake go ba le so a sodiwang ka sona, go sa be le motho wa go tilawola, go sa be wa pelo ye nyana, go sa be motho wa go tlayila, wa go kwana le go lwa, go sa be wa dipawu a hlalefetsa ba bangwana, 8 mara go be wa go yamogela bayeng, a kwane le tsa go loka, a šupetse go hlalefa, wa go loka, wa go tshepega, wa go kgona go titshwara, 9 a ngangarele lentsu la go tshepega fote go be segele ga tsa go tšhutisa, gore a thogo tiyisa ba bangwana mo a kene a tšhutisa dilo tsa go yagisa fote a kgale bo ba go phigisa.
w14-SE 11/15 28-29
Diputsiso Tsa bo ba Šeleng ba Badiye
Le mo Mangwalo ma sa nape ma hlatolla ka matla gore ku botala ke mo ba kgetiwa byang, mara re ya di bonanyana gore ne di makiwa byang. Re butsiwwe gore nakwela Pawulo le Bharnabhase ba le pateng ya go ya gaye ba tšwa ga mmereko wa bona wa mathomo wa borumiwa, “ke mo ba ba kgetela bagolo ga phutego ye nngwana le ye nngwana, ba ba rapelela ba kene ba tikona tsa go ja fote ba ba beyye ga Jehova, ye wa gore ke mo se ba tshepela gage.” (Meber. 14:23) Mo go šele go fitiye mengwaga ya go tlala, Pawulo o ngwalele monghanage ye ne a sepela mayeto naye ye ba reng ke Tito a re: “Ke go šiyye Krete gore o lukise tsa gore a d’ya dulisega fote o kgete bagolo ga poleke ye nngwana le ye nngwana, go ya le ka mokgo ke go layeleleng.” (Tito 1:5) Le Thimothi ye a sipidiyeng ka matla le Pawulo wa lepostola, di šupa nkare le yene o neyiwwe mayemo ya mošaga wone. (1 Thim. 5:22) Di napa di šupa gore ke mo go sa kgete mapostola kela banna ba bagolo Jerusalema, ke mo go kgeta bapotulugi.
Ka taba la mantsu yawa ya gore ma tšwa ka Baebeleng, Mogoba wa go Lawola wa Dihlatse tsa Jehova wo tšhentšhiye ka mokgo bagolo le malata ba kgetiwang ka gona. Go tlugisela ka September 1, 2014, bagolo le malata ma kgetiwa ka mokgo: Mopotulugi ye mongwana le ye mongwana o lebelela gabutši tso di nyakegang ga bo ba reng ba ka kgetiwa ga modukulogo wage. Phutegong ye nngwana le ye nngwana yo a yi vakašelang, o leketsa go tšibana le bo ba yyeng ba ba bolabolela le go bereka nabo tšhomong mo nkare di ya kgonega. Mo mopotulugi a šele a bolabodiye le mogoba wa bagolo ba diphutego tso di leng ga modukulugo wage, ke yene a kgetang bagolo le malata. Mo ba maka ka mokgonone, tsotsone di nyoko ba di nyakiye di tshwana ka matla le tsa ku botala.
Ke bomang bo ba makang mebereko yowa ya mohlobohlobo? Ka mokgo re di tšibang, ke “lelata la go hlalefa le la go tshepega” la gore le fepa ba ka ntlong. (Mat. 24:45-47) Ga tsotsone ba nyakolla Mangwalo, ba gelepa ke moya wa go hlawolega gore ba thogo re yetetsa go ya ka ditšhiko tsa Baebele tso di yelanang le ka mokgo dilo di sipidisiwang ka gona ga diphutego tsa lefase ka mokana ga lona. Fote lelata la go tshepega le kgeta bapotulugi le ba Komiti ya Lekala. Ke mokane ofisi ye nngwana le ye nngwana ya lekala yi gelepa ka go šupetsa gore ba ka di berekisa byang tso ba ba yetetsiyeng ka tsona. Mogoba wo mongwana le wo mongwana wa bagolo wo na le mmereko wa go lebelela gore ayitsano mogageru ye ba naganang go mmolabolela gore a kgetiwe o maka tsona tso di hlayang ke Mangwalo gore a thogo bereka ka ho phutegong ya Modimo. Mo bagolo ba re motho o gabutši gore a ka kgetiwa, di nyaka mopotulugi ye mongwana le ye mongwana a yi lebelele gabutši taba yone a boye a rapele ka yona gore a thogo kgeta banna ba gore ba maka tsona.
Go Wunyulla Tso di Wutammeng ka Baebeleng
(Tito 1:12) Ye mongwana wa bona, wa gore ke moporofeta wa bona, o yitseri: “Makrete a yi letsaka a yi letsaka, dipholwane tsa hlaga tsa go ja batho, ba dipawu le ba go tshwata.”
w89-SE 5/15 31 ¶5
Diputsiso Tsa bo ba Šeleng ba Badiye
A di rele gore ne a kwana le ka mokgo Makrete ba ma poyilang ka gona ka taba la mokgwa wo ne ba le ka gona. A re kamake ga tsotsone ka taba la gore Pawulo ke mo a di tšiba gore ga Makrete ke mo go na le Makreste ya gabutši ya gore fote Modimo wa ma yamogela le ya gore o ma tlotsiye ka moya wage wa go hlawolega. (Mebereko 2:5, 11, 33) Makreste ya ne ma le gona ga “toropo ye nngwana le ye nngwana” ke mo ma yenele gore ma thogo maka diphutego. Le mo Makreste yane ne go le batho ba gore a ba yenela gabutši mmeleng, re di tšiba gabutši gore ke mo ba sa bolabole matsaka, ba se na dipawu fote ba sa tshwate; mola go le ka mokgonone, di ra gore Jehova nke a yye a ba lahla. (Mafilipi 3:18, 19; Kutullo 21:8) Go fo tshwana le ga ditšhaba ka moka lekgono, o ka fo kraya gore ku Krete ke mo go na le batho ba dipelo tsa go bafala ba gore ke mo ba kgongwela mo ba bona batho ba go šitega go titshwara, fote ke mo ba wonngwe molayetsa wa Makreste.—Hezekiyele 9:4; tshwanisa le Mebereko 13:48.
(Filimoni 15, 16) Kela ke tsotso di makiyeng gore a tloge tsa nakonyana, gore mo a sologa, le be naye go ya go yye, 16 go sa sa le lebhantiti, mara a feta lebhantiti, go le mogageru ye re mo nyakang ka matla, ka matlamatla ho gaka, mara gabutšubutši ga lune ka matlamatla, nameng le Moreneng.
w08-SE 10/15 31 ¶4
Monopo wa Mangwalo ya go ya ga Tito, ga Filimoni le ga Maheberu
15, 16—Ke ntaba Pawulo a sa mo kgopela ga Filimoni gore a lokolle Onesimasi? Pawulo yene ke mo a nabela go ngangarela ga taba yage ya go ‘tšhomayela ditaba tsa Mmušo wa Modimo le go tšhutisa ka tsa Morena Jeso Kreste.’ Byalo, o yye a fo tikgetela go sa kenakene ditaba tsa setšhaba, tsa go tshwana le tsotso tsa go yelana le mabhantiti.—Meber. 28:31.
Go Bala Baebele
(Tito 3:1-15) Ariye mahlong o ba gopotsa gore ba theetsele ba mmušo le ba go lawola, gore ba dule ba tikemisele go maka mmereko wo mongwana le wo mongwana wa gabutši, 2 ba sa bolabole dilo tsa go befa ka motho, ba sa garatse, mara ba kwisise, ba bebe ga batho ka mokana ga bona. 3 Ka taba la gore le rune re yye ra ba diphokophoko, ra sa theetsele, ra tlayetsiwa, ra ba mabhantiti ya dinabetsane tsa mohlobohlobo le menate, ra maka dilo tsa go befa ra boya ra ba le mona, ra silikega fote ra hloyanana. 4 Mara, re yye ra thomisa go di bona tsa gore Modimo ye a re phonisang wa gore o re nyaka ka matla o re tshwere gabutši 5 (go se ka taba la dilo tsa gabutši tso re di makiyeng, mara ka taba la gore o re kwele go baba), o re phonisiye ka go re hlapisa gore re phele fote a berekisa moya wa go hlawolega go re maka gore re be ba nyuwane. 6 O re tshollele moya wage wa go tlala ka ye a re phonisang ka yene, Jeso Kreste, 7 gore mo ba fetsa go re maka ba go loka ka taba la gore Modimo a yye a re kwela go baba, re thogo tshwanela ke lephelo la go ya go yye di ya ka so re se tshepiyeng. 8 Mantsu yawa maa tshepega, fote ke nyaka go ya mahlong ke šihlela mantsu yawa, gore bo ba yyeng ba dumela ga Modimo ba tlalele ga gore ba make mmereko wa gabutši. Dilo tsowa di gabutši fote di gelepa batho. 9 Mara o sa kene ga tso tsa go phigisana tsa bophokophoko le tso tsa go nyakolla dilo tsa botala le go phigisana ka tsa gore Molawo wo re king ka taba la gore a di yagisi fote di fo tshwana le nnoto. 10 Motho wa gore o yaroganya batho, o sa nghanelane naye ka nthago ga gore a kgadiwe la mathomo le la bobedi, 11 o kene o di tšiba tsa gore motho wa mošaga wonone o tšwile pateng, wa sinya fote o na le tšhinghi. 12 Mo ke romela Athemase kela Tikiya hone ga lune, le karakareneng gore le n’vakašele Nikhopholi, ka taba la gore ke fetsiye le pelo yaka gore marega ma nyoko fela nkene ke dula gona. 13 Le lokeleneng Zenasi, wa gore o tšiba Molawo, le Apholo gore ba sa gayele selo mo ba kene ba sepela. 14 Mara di nyaka batho ba rune ba tšhute go ya mahlong ba maka mebereko ya gabutši gore ba thogo gelepa mo go nyakega se sengwana ka go yakgoswa, gore go sa be ba gore a ba gelepe ka selo. 15 Ka mokana ga bona bo ke nang nabo ba re ke le tamiseneng. Le tamiseneng bo ba gore ba re nyaka ka matla ba gore ba dumela ga selo ka ssoši le rune. Nkare ka mokana ga lune le ka kwediwa go baba.
AUGUST 19-25
MAKOLWANE KA TENG GA LENTSU LA MODIMO | MAHEBERU 1-3
“Kwana ka Matla le Tsa go Loka, o Nyenye Tsa go sa Yelane le Molawo”
(Maheberu 1:8) Mo a bolabola ka Morwayi o yitseri: “Modimo ke setulo sago sa go lawola sa go ya go yye, le thoka ya mmušo wago ke ya go loka.
w14-SE 2/15 5 ¶8
Go Thanakiwe Kreste, Kgoši ya go Gadima!
8 Jehova o beyye Morwayi wage gore go be Kgoši ya Mmušo wa Mesiya ya legedimong ka 1914. ‘Thoka ya Mmušo wage ke ya go loka,’ di ro napa di šupetsa gore mo go lawola yene, o nyoko maka dilo ka go loka fote a ka sa hlawolane. Go lawola gage ke ga nnete, ka taba la gore ‘Modimo ke yene setulo sage sa go lawola.’ Sowa se rela gore Modimo ke fandhiši ya mmušo wage. Fote setulo sa Jeso sa go lawola se ko ba gona “go ya go yye.” Mara nje a di go jabodisi tsa gore o berekela Jehova, o kene o lawola ke Kgoši ya mohlobo wonone ya matšhika yo yene mong a yi kgetiyeng?
(Maheberu 1:9) Tsa go loka o kwanne natso, fote o hloyye tsa go sa yelane le molawo. Ke tsona tso di makiyeng gore Modimo, Modimo wago, a go tlotse ka makgura ya go hlawolega go feta batho bo o phidiyeng nabo.”
w14-SE 2/15 4-5 ¶7
Go Thanakiwe Kreste, Kgoši ye Kgolo!
7 Bala Pisalema 45:6, 7. Jehova o kgetiye Jeso gore go be Kgoši ya Mmušo wa Mesiya, ka taba la gore ke mo a kwana ka matla le tsa go loka fote a hloyye se sengwana le se sengwana sa gore ne se sa thanakisi Papage. Jeso o tlotsiwwe ka “makgura ya go hlawolega” go feta ‘bo a phidiyeng nabo,’ ke gore, magoši ya Juda ya go tšwa ga mudu wa Dafita. Byang? Se sengwana ke gore Jeso ke mo a kgetiye ke Jehova ka boyenemong. Go tokegela gana hone, Jehova o mo kgetiye gore go be Kgoši fote go be Moprista ye Mogolo. (Pis. 2:2; Maheb. 5:5, 6) Fote, Jeso aa tlotsiwa ka makgura mara o tlotsiwwe ka moya wa go hlawolega, fote Mmušo wage a yi wa ho lefaseng mara ke wa legedimong.
Go Wunyulla Tso di Wutammeng ka Baebeleng
(Maheberu 1:3) Ke yene ye a yemelang go gadima ga Modimo fote o yemela so Modimo a leng sona, o tiyisa dilo ka moka ka lentsu lage la go ba le matšhika. Fote ka nthago ga gore a re yedise ga tso re di sinnyeng, o yye a dula ka nthoko ga letsogo la go ja la wa Malenghelenheng mong yene wa go hlompega.
it-1-E 1185 ¶1
Setshwano
Nje Jeso ke mo a dula a šupetsa gore o tshwana le Papage tsa mannete?
Morwayi wa Modimo wa letšibula ye ba yyeng ba re ke Jeso, ke setshwano sa Papage. (2Ko 4:4) Di fo ba lekgwaying gore morwayi yewa ke yene ye Modimo a bolabodiyeng naye nakwela a re, “Tla re make motho ka setshwano sa rune,” taba yowa ya gore Morwayi o tshwana le Papage, ye a makiyeng dilo, yi thomisiye go ba gona go tlugilsela ka nako yela go makiwa Morwayi yewa. (Gen 1:26; Joh 1:1-3; Kol 1:15, 16) Nakwela a le ho lefaseng go le motho wa gore o felegelele mmeleng, o ro napa a šupetsa gabutši gore o di tsere ka moka tsa Papage, a šinya a hlaya gore “ye a bonneng nna, o bonne le Papa.” (Joh 14:9; 5:17, 19, 30, 36; 8:28, 38, 42) Mara, di ro napa di šupetsa gore ba tshwana gabutši nakwela Jeso a tsusiwa ka mmele wa moya ke mokane Papage, Jehova Modimo, a mo neya ‘matšhika ka mokana ga wona legedimong le lefaseng.’ (1Pe 3:18; Mat 28:18) Go tlugisela Jehova a beyye Jeso ga “mayemo ya gedimo,” Morwayi wa Modimo o napiye a šupetsa gore Papage o gadima ka matla go feta nakwela a soko tloga legedimong gore a tle ho lefaseng. (Fil 2:9; Heb 2:9) Gana byalo “o yemela mong so [Modimo] a leng sona.”—Heb 1:2-4.
(Maheberu 1:10-12) Fote: “Mathomisong, wene Morena, ke wene o yatladiyeng fandhiši ya lefase, fote magedimo ke mmereko wa matsogo yago. 11 Di nyoko fela, mara wene o nyoko šala; fote go fo tshwana le kobo, ka mokana ga tsona di nyoko hlagala, 12 fote o nyoko di phuta go tshwana le motšhali, go fo tshwana le kobo, ke mokane ba nyoko tšhentšhiwa. Mara wene o fo dula o le ka mokgo, fote mengwaga yago yi ka sa ro fela.”
it-1-E 1063 ¶7
Legedimo
Mantsu ya Pisalema 102:25, 26 ma bereka ga Jehova Modimo, mara Pawulo wa lepostola o ma berekisa le ga Jeso Kreste. Sosone se maka ke gore Morwayi wa Modimo wa gore o belegiwwe a ntoši ke mo go le yene wa gore Modimo o mmerekisiye go maka dilo ka mokana ga tsona tso re di bonang. Pawulo o šupetsiye gore Morwayi wa Modimo o nyoko dula a le gona, a re aa tshwane le dilo tsa gore di makiwwe, tsa gore hala Modimo a f’lo di maka ka mokgo mongwana, ke mo a nyoko di ‘phutela go tshwana le motšhali’ ke mokane a di beyela ka thoko.—Heb 1:1, 2, 8, 10-12; tshwanisa le 1Pe 2:3.
Go Bala Baebele
(Maheberu 1:1-14) Ku botala Modimo ke mo a bolabola le bokokwane wa rune gatleletlele a berekisa baporofeta ka ditsela tsa go tlala. 2 Gana byalo ka dinako tsa mafelelo, o bolabola le rune a berekisa Morwayi ye a mo kgetiyeng gore go be yene mong wa dilo ka moka, le ye a makiyeng dilo tsa ho lefaseng ka yene. 3 Ke yene ye a yemelang go gadima ga Modimo fote o yemela so Modimo a leng sona, o tiyisa dilo ka moka ka lentsu lage la go ba le matšhika. Fote ka nthago ga gore a re yedise ga tso re di sinnyeng, o yye a dula ka nthoko ga letsogo la go ja la wa Malenghelenheng mong yene wa go hlompega. 4 Byalo o yye a phala mangeloyi ya mangwana, lela la gore o šinnye a kraya lebitso la go bafala ka matla go feta ya bona. 5 Mo re beyisa, nje le gona lengeloyi lo Modimo a yyeng a bolabola nalo a re: “Ke wene morwayi waka; go tlugisela lekgono ke nna papago”? Fote a re: “Nko ba papage, ke mokane yene go ko ba morwayi waka”? 6 Mara mo a leya Morwayi wage ho lefaseng fote, o re: “Mangeloyi ya Modimo ka mokana ga wona ma kgotamele yene.” 7 Fote mo a bolabola ka mangeloyi yage o re: “O maka gore mangeloyi yage go be moya, ke mokane bo ba mmerekelang o ba maka gore go be mollo.” 8 Mo a bolabola ka Morwayi o yitseri: “Modimo ke setulo sago sa go lawola sa go ya go yye, le thoka ya mmušo wago ke ya go loka. 9 Tsa go loka o kwanne natso, fote o hloyye tsa go sa yelane le molawo. Ke tsona tso di makiyeng gore Modimo, Modimo wago, a go tlotse ka makgura ya go hlawolega go feta batho bo o phidiyeng nabo.” 10 Fote: “Mathomisong, wene Morena, ke wene o yatladiyeng fandhiši ya lefase, fote magedimo ke mmereko wa matsogo yago. 11 Di nyoko fela, mara wene o nyoko šala; fote go fo tshwana le kobo, ka mokana ga tsona di nyoko hlagala, 12 fote o nyoko di phuta go tshwana le motšhali, go fo tshwana le kobo, ke mokane ba nyoko tšhentšhiwa. Mara wene o fo dula o le ka mokgo, fote mengwaga yago yi ka sa ro fela.” 13 Mara gale ke lefeng lengeloyi lo a yyeng a bolabola nalo a re: “Dula ka letsogong la ka la go ja go segela ke maka manaba yago sebhanka-setulonyana sa gore o thogo beya mawoto yago”? 14 Anthe ka mokana ga bona a yi memoya ya mmereko wa go hlawolega, ba gore ba rumiwwe go berekela bo ba gore ba nyoko phonisiwa?
AUGUST 26–SEPTEMBER 1
MAKOLWANE KA TENG GA LENTSU LA MODIMO | MAHEBERU 4-6
“Maka so o ka se Kgonang Gore o be le go Beba ga Modimo”
(Maheberu 4:1) Byalo, ka taba la gore tso re tshepisiwweng tsona tsa gore re nyoko kena naye ra khutsa di sa le ka mokgonone, di nyaka re tipasope gore ye mongwana segare sa rune a sa tšhoge a gayele.
(Maheberu 4:4) Ka taba la gore go gongwana mo a bolabola ka letšatši la ka šupa, o yitseri: “Ga mmereko ka mokana ga wona wo Modimo a wo makiyeng, o khutsiye ka letšatši la ka šupa,”
w11-SE 7/15 24-25 ¶3-5
Ba ra Ying mo ba Bolabola ka go Khutsa ga Modimo?
3 Go na le dilo ka dipedi tso di napang di šupetsa gore letšatši la kašupa ke mo le sa na le ya mahlong ka nakwela ya mapostola. Sa mathomo ke sowa: nagana ka mantsu ya Jeso a ma butsiyeng bo ne ba mo phigisa ka taba la go yalafa batho ka Sabatha, ka gore bona ne ba tseya gore go yalafa motho ke mmereko. Morena mo a ba fetola o yitseri: “Papa o kene o ya mahlong a bereka go segela le gana byalo, le nna nkene ke ya bereka.” (Johane 5:16, 17) Ke mo a ra gore king? Jeso ke mo ba mo sola ba re o fo bereka le mo go le Sabatha. Mo a re: “Papa o kene o ya mahlong a bereka” ke mo a fetola so ne ba mo sola ka sona. Mo Jeso a reyane, gabutšibutši ke mo a botsa bo ba mo phigisang gore: ‘Nna le Papa re maka mmereko wa go tshwana. Go tlugisela botala byela Papa a thomisiye go bereka Disabatha tsa go tlala ka matla, di ra gore le nna nka fo ya mahlong nkene ke bereka, le mo go le Sabatha.’ Byalo, Jeso ke mo a ra gore mo re bolabola ka dilo tsa ho lefaseng, letšatši le legolo la Modimo la go khutsa go leng Sabatha, letšatši la kašupa, ke mo le sa na le ya mahlong mo a sa le ho lefaseng.
4 Sa bobedi ke so se hlayyeng ke Pawulo wa lepostola. Mo Pawulo a hlaya so se leng ga Genesi 2:2 mo a bolabola ka go khutsa ga Modimo, o ngwadiye gore: “Rune bo re šupetsiyeng gore re na le tumelo re ya kena ra khutsa le Modimo.” (Heb. 4:3, 4, 6, 9) Tsotsone di šupetsa gore ka nakwela ya bo Pawulo, letšatši la kašupa ke mo le sa na le ya mahlong. Letšatši lone ke mo le nyoko lefa go segela leng?
5 Gore re thogo kraya phetolo, di nyaka re tšibe gore mmereko wa lona ke mo go le ying. Genesi 2:3 yi re: “Modimo o yye a rufa letšatši lowa la kašupa ke mokane a maka gore go be la go hlawolega.” Letšatši lowa le makiwwe gore go be ‘la go hlawolega’—le gadimisiwwe, kela go kgeta ke Jehova—gore a thogo segelela tso a di nyakang. Selo so ne a se nyaka ke gore lefase lowa le tlale ka batho ba gore baa theetsela gore ba thogo pasopa lona le dilo ka mokana ga tsona tso di leng ho ga lona. (Gen. 1:28) Go segela go makega tsotsone, Jehova Modimo le Jeso Kreste, yene “Morena wa sabatha,” “ba sa ya mahlong ba bereka go segela le gana byalo.” (Mat. 12:8) Letšatši lo la Modimo la go khutsa le nyoko ya mahlong go segela go fela Sekete sa Mengwaga sa mo go Lawola Kreste, mo go ko bang go makegiye ka moka tso Modimo a di nyakang.
(Maheberu 4:6) Byalo, ka taba la gore di sa kgonega gore ba bangwana ba kene ga yona, fote bo ba gore ba yye ba butsiwa ditaba tsa go bafala la mathomo a baa di kgona go kena ka taba la go sa theetsele,
w11-SE 7/15 25 ¶6
Ba ra Ying mo ba Bolabola ka go Khutsa ga Modimo?
6 Adamo le Efa ke mo ba di kwile gabutši mo Modimo a ba botsa tso a di nyakang, mara ba fo kgeta go sa mo theetsele. Ke nnete gore Adamo le Efa ne go le bona batho ba mathomo ba gore ba yye ba sa theetsele. Go tlugisela gana hone, batho ba go tlala ba yye ba sa sa theetsela. Le mong Maisrayele, ba gore Modimo ne a ba kgetiye, ba yye ba šitega gatleletlele go mo theetsela. Fote di yye tsa napa di ro kwagala mo Pawulo a botsa Makreste ya ku botala gore ma pasope ka taba la gore ba bangwana ho ga bona ba ka tšhoga ba tannye ke mokgwa wowa wa Maisrayele ya ku botala wa go sa theetsele. O yitseri: “Byalo, tla re karakareneng gore re thogo kena le rune re khutse, ka taba la gore ke tshosa ke gore go ka ba le ye a latelelang mokgwa wonola wa go sa theetsele.” (Maheb. 4:11) Bona gore Pawulo o tshwanisa go sa theetsele le go šitega go kraya go khutsa ga Modimo. Byalo rune re kena kaye? Mo re ka maka dilo tsa go tšiba ke rune, ra lesetsa tso tsa Modimo, ayitsano di ka makega tsa gore re sa kraye go khutsa ga Modimo? Wa tšiba phetolo ya putsiso yone a yi taba ye nyana, fote re sa nyoko bolabola ka yona. Mara gana byalo, tla re boneneng gore re ka tšhuta ying ga Maisrayele ya go woma dihlogo ga taba ya go kraya go khutsa ga Modimo.
(Maheberu 4:9-11) Go na le go khutsa ka Sabatha ga batho ba Modimo. 10 Ka taba la gore motho wa gore o krayye go khutsa ga Modimo o khutsiye le ga mebereko yage, go fo tshwana le mo Modimo a khutsiye ga wage. 11 Byalo, tla re karakareneng gore re thogo kena le rune re khutse, ka taba la gore ke tshosa ke gore go ka ba le ye a latelelang mokgwa wonola wa go sa theetsele.
w11-SE 7/15 28 ¶16-17
Ba ra Ying mo ba Bolabola ka go Khutsa ga Modimo?
16 Lekgono, Makreste ya mangwana ma gapeletsa gore di nyaka re latelele ye mengwana ya Molawo wa Moše gore ma thogo phonisiwa. Mantsu ya go butšwelediwa ya Pawulo a ma ngwaleleng Maefeso ma kwagala gabutši mo a re: “Ka taba la go kwediwa go baba, ka nnete, le phonisiwwe ka taba la tumelo; go se ka taba la gore le ro kolotiwa, mara Modimo o fo le neya. Awwa, a yi ka taba la gore go na le tso re di makiyeng, gore go sa be le ye a thomisang go kganya.” (Maef. 2:8, 9) Byalo ba ra byang mo ba re Mokreste o kenne ga mohlobo wonone wa go khutsa? Jehova o hlawodiye letšatši la kašupa—la gore ke letšatši lage la go khutsa—gore a thogo segelela gabutši tso a nyakang go di maka ho lefaseng. Re nyoko kena ga mohlobo wonone wa go khutsa ga Jehova—kela go khutsa naye—mo re ka fo theetsela re kene re bereka naye ga tso a nyakang go di segelela mo a kene a re yetetsa ka mokgahlo wage.
17 Mara, mo re ka maka tsa go tšiba ke rune, ra sa theetsele tso Baebele yi re tšhutisang tsona mo di kene di tla ga rune ka lelata la go tshepega le la go hlalefa, re nyoko ba re keketlela kgole fote re ka sa di bone mo Modimo a kene a re wunyullela tse dingwana tso a nyakang go di segelela. Tsotsone di ka sinya senghana sa go bafala so re nang naso le Jehova. Ga hlogotaba ya go latela, re nyoko bona gore ke mayemo mafeng ya mohlobo wonone ya gore ma ka tlela batho ba Modimo fote re nyoko bolaboleng gore dipheto tso re di segelelang, go ka fo ba go le tsa go theetsela kela tsa go timakela tsa go tšiba ke rune, di ko šupetseng gore ayitsano re kenne ga mohlobo wowa wa go khutsa ga Modimo kela e-e.
Go Wunyulla Tso di Wutammeng ka Baebeleng
(Maheberu 4:12) Ka taba la gore lentsu la Modimo le ya phela fote le na le matšhika, le galefa go phala sabola ya gore yi sega ka mo le ka mo, le napa le ro kenelela ka ku teng-teng le segela le yaroganya motho ka boyenemong le moya, la yaroganya mo go gahlanang mašapo le moko, fote le ya di kgona tsa go yaroganya tso motho a di naganang le tso pelo yi nabelang go di segelela.
w16-SE .09 13
Diputsiso Tsa bo ba Šeleng ba Badiye
Mo ga Maheberu 4:12, ba ra ying mo ba re “lentsu la Modimo le ya phela fote le na le matšhika”?
▪ Ga taba yowa, Pawulo wa lepostola ke mo a rela molayetsa wa Baebele kela so Modimo a se nyakang.
Ga go tlala mo dipuku tsa rune di bolabola ka Maheberu 4:12, di ba di šihlela taba ya gore Baebele yi na le matšhika ya go tšhentšha lephelo la motho, fote ke yona yi kgonang go maka tsotsone. Mara di gabutši go namisa Maheberu 4:12. Pawulo ke mo a hlohletsela Makreste ya Maheberu gore ma berekisane gabutši le tso Modimo a di nyakang. Tsa go tlala go bolabodiwa ka tsona ka ho Baebeleng. Pawulo o makiye mošupetso ka taba ya nakwela Maisrayele ma ntshiwa Egepita. Ke mo ba jabodiye gore ba ye kena ga lefase lo ba tshepisiwweng lona la gore “le yela lebese le todi ya dinose,” ga gore go ko ba go bebiye tsa mannete.—Ek. 3:8; Dot. 12:9, 10.
Modimo ke mo a nyaka tsotsone. Mara Maisrayele ka nthagonyana ma yye ma fo womisa dihlogo, ma sa di tshepe dilo tsone, ke tsona di makiyeng gore Maisrayele ya go tlala ma šitege go kena ga mohlobo wonone wa go khutsa ga Modimo. (Dip. 14:30; Još. 14:6-10) Mara, Pawulo o sa na a re ‘tshepo yi sa le gona ya gore re kene ga mohlobo wonone wa go khutsa ga Modimo.’ (Heb. 3:16-19; 4:1) Di fo ba lekgwaying gore sosone sa gore re “tshepisiwwe” sona ke se sengwana sa dilo tso Modimo a di nyakang. Le rune re ka bala fote ra maka tso di nyakang ke Modimo, go fo tshwana le Makreste ya Maheberu. Pawulo o tsere ditaba tsage ga Genesi 2:2 le ga Pisalema 95:11 gore a nape a šihlela gore so re tshepisiwweng sona se tšwa Baebeleng.
Di nyaka di re tikise go tšiba gore ‘tshepiso ya gore re nyoko kena ga mohlobo wa go khutsa ga Modimo yi sa na yi le gona.’ Re ya tshepa gore tso Baebele yi di bolabolang tsa gore re nyoko khutsa le Modimo ka nnete di ya kgonega, fote re šele re na re makiye se sengwana gore re thogo kena. Tsotsone a re ya di maka ka go ngangarela Molawo wa Moše kela go makamaka tse dingwana gore re thogo jabodisa Jehova. Mara ka taba la gore re na le tumelo, ke botala re na re di maka fote re sa na re ya mahlong re maka tso Modimo a di nyakang re jabodiye. Go tokegela gana hone, ka mokgonola re hlayyeng ku nthago, batho ba go tlala lefaseng ka mokana ga lona ba šele ba thomisiye go tšhuta Baebele fote ba tšhutiye gore king so Modimo a se nyakang. Ba go tlala di ba tšhofa gore ba tšhentšhe maphelelo ya bona, ba šupetse gore ba na le tumelo fote go be Makreste ya gore ma kolobetsiwwe. Taba ya gore ba kwa dilo tsowa di ba tikisa yi napa yi maka gore di be lekgwaying gore “lentsu la Modimo le ya phela fote le na le matšhika.” Tso re di tšhutiyeng ka Baebeleng ka tso Modimo a nyoko di makang, di šele di tikisiye maphelo ya rune fote matšhika ya lona ma sa nyoko ya mahlong ma bonala maphelong ya rune.
(Maheberu 6:17, 18) Ka mokgonone, mo Modimo a bona gore bo di ba tshwaneleng di nyaka a ba šupetse gabutši gore so ba tshepisiwweng sona a se tšhentšhi, o napiye a ba makela le kano, 18 ka taba la gore ga dilo tsowa ka dipedi tsa gore a di tšhentšhi tsa gore ga tsona di ka sa kgonege gore Modimo a bolabole matsaka, rune ba gore re tšwa re tšhaba di re hlohletsele ka matla gore re ngangarele so re tshepisiwweng sona.
it-1-E 1139 ¶2
Tshepo
Tso di tshepisiwweng ‘bo ba gore ba ya legedimong’ (Heb 3:1), go leng tshepo ya lephelo la go ya go yye le go sa sa sinyega, ke dilo tsa mannete tsa gore d’ya tshepega. Yi thegeletsa ke dilo ka dipedi tsa gore Modimo a ka sa bolabole matsaka ga tsona, dilo tsone ke tso a di tshepisiyeng le tso a titlemmeng ka tsona, fote tshepo yone yi napa yi tiyisa ke Kreste, wa gore gana byalo aa sa kgwa ku legedimong. Byalo, tshepo yowa yi tshwana le “separako sa lephelo, sa go sa tekateke le sa go tiya, fote se kenelela ka ku ga go hlawolega ga gore ba thibiye ka legaredeni [go tshwana le mo moprista ye mogolo a kena Ga go Hlawolega ka Matla ka Letšatši la go Kwanisanya], ga gore ye wa gore o yye a tabogiye mahlong ga rune o yye a re kenela sekala, yene Jeso, wa gore ke Moprista wa go ya go yye ka mokgwa wa Melekizedeke.”—Heb 6:17-20.
Go Bala Baebele
(Maheberu 5:1-14) Ka taba la gore moprista ye mongwana le ye mongwana ye mogolo wa gore o kgetiwwe bathong, a kgetiwa gore a ba berekele sekala ga tso tsa Modimo, o ba yemele ka mokana ga bona, gore a ba yisele tso ba nyakang go di neya Modimo le go maka dihlabelo ka taba la go ba ba sinnye. 2 Bo ba gore ba sinnye le bo ba go sa tseyele dilo hlogong wa di kgona go ba kwela go baba ka taba la gore le yene go na le mo a gayelang, 3 nka taba lo di nyakang a timakele dihlabelo le yene mong, ka mokgo a makelang ba bangwana. 4 Motho aa tithanake, mara o thanakiwa mo a bitsa ke Modimo, go fo tshwana le Aroni. 5 Le Kreste aa tithanaka ka taba la go ba moprista ye mogolo mara o thanakiye ke Ye a yyeng a re gage: “Ke wene morwayi waka; go tlugisela lekgono, ke nna Papago.” 6 Go tshwana le mo a hlayye go gongwana a re, “Ke wene moprista wa go ya go yye ka mokgwa wa Melekizedeke.” 7 Nakwela Kreste a le ho lefaseng, o yye a kgopela a boya a rapela di mmaba, a lla ka sethakga a boya a ro tšwa le dinepedi, ga Ye a mo phonisiyeng gore a sa kgwe, fote o yye a kwiwa ka taba la gore ne a mo hlompa ga Modimo. 8 Le mo yi le gore ne a le morwayi, o tšhutiye go theetsela ka taba la mohlopego wage. 9 Ka nthago ga gore ba mo make gore a yenele, ke yene a phonisang batho bo ba mo theetselang ba gore ba nyoko kraya lephelo la go ya go yye, 10 ka taba la gore Modimo o mo hlawodiye gore go be moprista ye mogolo go fo tshwana Melekizedeke. 11 Di tlele tso re nyakang go le botsa tsona ka yene, mara a re tšibi le gore re hlatolle byang, ka taba la gore go kwa gona le ya šitega. 12 Ka taba la gore gabutšibutši gana byalo nke le šele le le mathitšere, mara le sa na le nyaka ye mongwana a le tšhutise go tlugisela mathomisong dilo tse dinyananyana tsa go hlawolega tsa Modimo, le sa na le boyele ga tsetsela tsa botala tsa go nyaka lebese, a le nyake tsa go ja tsa go tiya. 13 Ka taba la gore ye mongwana le ye mongwana wa gore o sa na a nyaka go nwa lebese, aa tlwayela lentsu la go loka, ka taba la gore go sa le sengwananyana. 14 Mara tsa go ja tsa go tiya ke tsa ba gore ba butšwiye, ba gore ba yye ba tšhutisa menagano ya bona gore ba thogo bona sa gabutši le sa go kekema.