Ditodi tsa Sepukwane sa Mogahlano wa Maphelelo le Matšhomayelelo
DECEMBER 2-8
MAKOLWANE KA TENG GA LENTSU LA MODIMO | KUTULLO 7-9
“Jehova o Rufa Mogoba wo Mogolo”
(Kutullo 7:9) Mogoba wo mogolo wa batho, wa gore aa šiyo ye a ka di kgonang tsa go wo balela, batho ba go tšwa ga ditšhaba ka mokana ga tsona le ditšo ka mokana ga tsona le mehlobo ka mokana ga yona le mebolabolo ka mokana ga yona ba yemme mahlong ga setulo sa go lawola le mahlong ga Senkunyana, ba yapere dikobo tse ditšhwewu; fote ne ba tshwere mphogo wa mopalema.
it-1-E 997 ¶1
Mogoba wo Mogolo
Sowa se maka gore re tiputsise gore: Mo nkare “mogoba wo mogolo” ke batho ba gore ba nyoko phonisiwa ke mokane ba phela ho lefaseng, ke ntaba ba re ba ‘yemme mahlong ga setulo sa Modimo sa go lawola le mahlong ga Senkunyana’? (Kut 7:9) Ka dinako tse dingwana ka ho Baebeleng mo go bolabodiwa ka gore motho o ‘yemme’ mahlong ga motho ba rela gore o yamogele ke motho yenene a yemmeng mahlong gage. (Pis 1:5; 5:5; Diy 22:29, AT; Lu 1:19) Gabutšibutši, tema ya go feta ya Kutullo yi re, “magoši ya lefase le ya gore ma tseyediwa gedimo, ba go lawola masole, ba go ghanya, ba go ba le matšhika, dibereki le ba go lokologa” ba nyaka ga go wutama “ga Ye a duling setulong sa go lawola le ga Senkunyana sa gore se kwatiye ka matla, ka taba la gore letšatši la bona la go fufulela le segele, go nyoko phona mang mara?” (Kut 6:15-17; tshwanisa le Lu 21:36.) Bo ba “mogoba wo mogolo” di šupetsa go le batho ba gore ba phonne ga letšatši la go fufulela, ba gore ba kgonne go ya mahlong ba “yemme” ka taba la gore Modimo le Senkunyana ba ba yamogele.
(Kutullo 7:14) Ka nako yonone ke yitseri gage: “Morena waka, ke wene o tšibang.” Ke mokane yene a re gaka: “Bo ke ba gore ba tšwa ga motšhatšhamelo wo mogolo, ba gore fote ba yedisiye dikobo tsa bona gore go be tse ditšhweu fote ka madi ya Senkunyana.
it-2-E 1127 ¶4
Motšhatšhamelo
Ka nthago ga gore go fele gana hala ga bo 30 ya mengwaga Jerusalema yi psyitlanyiwwe, ba butsiye Johane wa lepostola ka mogoba wo mogolo wa batho ba go tšwa ga ditšhaba ka mokana ga tsona le ditšo ka mokana ga tsona le mehlobo ka mokana ga yona le mebolabolo ka mokana ga yona, gore: “Bo ke ba gore ba tšwa ga motšhatšhamelo wo mogolo.” (Kut 7:13, 14) Tsa gore mogoba wo mogolo ‘wo tšwa ga motšhatšhamelo wo mogolo’ wo šupetsa gore ba phonne. Fote taba ya go yelana le yowa re yi bona ga Mebereko 7:9, 10 ya gore yi re: “Modimo ne a na le [Josefa], fote o mo gelepiye ga dilo ka mokana ga tsona tso ne di mo hlupa.” Josefa ba mo gelepiye gore a thogo tiyisela le gore a thogo phona ga dilo tsa go kwisa go baba ka matla.
(Kutullo 7:15-17) Nka taba lo ba leng mahlong ga setulo sa go lawola sa Modimo, fote ba maka mmereko wa go hlawolega bošego le motshegare tempeleng; fote ye a duling setulong o nyoko ba yagela letente lage. 16 Ba ka sa sa kwa tlala kela go wongwa meetši le letšatši le ka sa sa ba tšhubelela, 17 ka taba la gore Senkunyana sa gore se hala setulong sa go lawola, se nyoko ba disa fote se nyoko ba yetetsa gore ba ye sedibeng sa go ba le meetši ya lephelo. Fote Modimo o nyoko sula menepedi ka moka mahlong ya bona.”
it-1-E 996-997
Mogoba wo Mogolo
So se makang gore re ba tšibe. So se makang gore re tšibe “mogoba wo mogolo” se mo ga tema 7 ya Kutullo. Kutullo 7:15-17 yi re Modimo o ‘ba yagela letente lage,’ ba yetetsiwa gore ba ye “sedibeng sa go ba le meetši ya lephelo,” le gore Modimo o “sula menepedi ka moka mahlong ya bona.” Ga Kutullo 21:2-4 re kraya taba ya go tshwana le yonone ya gore: ‘Letente la Modimo le bathong,’ o ‘nyoko sula menepedi ka moka mahlong ya bona,’ le gore ‘likgu le ko ba le sa sa le šiyo.’ Mmono wowa a wo bolabole ka batho ba ku legedimong, ga gore ‘Jerusalema ya nyuwane yi tšwa gona,’ mara wo bolabola ka ba ho lefaseng.
Go Wunyulla tso di Wutammeng ka Baebeleng
(Kutullo 7:1) Ka nthago ka bona mangeloyi ma yemme dikhonong ka dine tsa lefase, ma ngangarele memoya ka mene ya lefase, gore go sa be le moya wa go dunghanya lefase, lewatle kela mehlare.
re-SE 115 ¶4
Go Merekiwa ga Israyele ya Modimo
4 Di fo ba lekgwaying gore mangeloyi yawa ka mane ma yemela mogoba wa mangeloyi ka mane, ya gore Jehova o ma hlawodiye gore ma thogo yahlula ka nako ya gona. Mo mangeloyi ma maka gore moya o suwelanye go tloga lebowa, bohlabela, bodikela le borwa, go nyoko sasamela. Le mo taba yone yi sa nape yi makatsa ka matla, yi nyoko ba yi šupetsa ka mokgo Jehova a berekisiyeng memoya ka mene gore a tlalaganye Maelama, a ma lelemetsa le go fetsa ka bona. (Jeremiya 49:36-38) Mara moya wo mogolo ka matla wa gore wo “sinyannye” ka matla ke wo Jehova a wo berekisiyeng go hlula Maamoni. (Amosi 1:13-15) A wo šiyo le mong ka wwoši mokgahlo wa Sathane wa gore wo nyoko phona letšatši la mo Jehova a fufulele, mo a leya mmušo wage wa go ya go yye.—Pisalema 83:15, 18; Jesaya 29:5, 6.
(Kutullo 9:11) Ba na le kgoši, lengeloyi la mokoti wa go yisa. Ka Seheberu lebitso lage ke Abadoni, mara ka Segerika lebitso lage ke Apoliyone.
it-1-E 12
Abadoni
Ke Mang Abadoni, Yene Lengeloyi la Mokoti wa go Yisa?
Mara ga Kutullo 9:11, lentsu “Abadoni” le berekisiwa go le lebitso la “lengeloyi la mokoti wa go yisa.” Lentsu la go tshwana le lona la gore ka Segerika ke Apoliyone le rela go “Sinyanya.” Ku botala ba yye ba leketsa go maka nkare mantsu yawa ma rela batho ba go tshwana le Kgoši Vesipasiyene, Muhameti le Napholiyone, fote ne ba re lengeloyi lowa le na le “bosathane.” Ga Kutullo 20:1-3 di šupetsa lengeloyi lowa le na le “sekhiya sa mokoti wa go yisa” fote le šupetsa le bereka le Modimo ku legedimong, a le bereke le ‘Sathane,’ fote le tlemelela Sathane ke mokane la mo bošela mokoting wa yisa. The Interpreter’s Bible ga Kutullo 9:11 yi re: “Mara Abadoni, a yi lengeloyi la Sathane, ke lengeloyi la Modimo fote le maka mmereko wa go sinyanya wa gore le wo neyye ke Modimo.”
Ga mangwalo ya Seheberu ya re fetsang go bolabola ka wona, di šupetsa ʼavad·dohnʹ yi tshwana le Šewole le likgu. Kreste Jeso ga Kutullo 1:18 o re: “Ke phela go ya go yye fote ke na le dikhiya tsa likgu le Hadesi.” Matšhika yage ya go yisa go bolabodiwa ka wona ho ga Luka 8:31. O na le matšhika ya go sinyanya, le ya gore a fetse ka Sathane, tsotsone di nyarela ho ga Maheberu 2:14, ya gore yi re Jeso o kgwile gore “ka likgu lage a thogo fetsa ka ye a makiyeng gore go be le likgu, yene Diyabolo.” Ga Kutullo19:11-16 di napa di šupetsa gore Jeso o yemela Modimo fote o kgetiye ke yene gore a Sinyanye.—Bona APOLLYON.
Go Bala Baebele
(Kutullo 7:1-12) Ka nthago ka bona mangeloyi ma yemme dikhonong ka dine tsa lefase, ma ngangarele memoya ka mene ya lefase, gore go sa be le moya wa go dunghanya lefase, lewatle kela mehlare. 2 Ke mokane ka bona lengeloyi le lengwana le tšwa mo letšatši le hlabang gona, le tshwere sa go mereka sa Modimo; ke mokane la yahlamela mangeloyi ka mane ya gore ba ma butsiye gore ma sinyanye lefase le lewatle, 3 la re: “Le sa sinyanye lefase, lewatle kela mehlare, go šinye go segela nako yo re merekang bo ba berekelang Modimo wa rune mo mopong.” 4 Ke mokane ka kwa nombhoro ya bo ba gore ba merekiwwe go le 144 000 ya bona, ba gore ba tšwa ga bana ba Israyele ka mokana ga bona: 5 Ga mudu wa Juda go merekiwwe 12 000 ya bona; ga mudu wa Rubeni go merekiwwe 12 000 ya bona; ga mudu wa Ghadi go merekiwwe 12 000 ya bona; 6 ga mudu wa Aša go merekiwwe 12 000 ya bona; ga mudu wa Nafothali go merekiwwe 12 000 ya bona; ga mudu wa Manase go merekiwwe 12 000 ya bona; 7 ga mudu wa Simiyone go merekiwwe 12 000 ya bona; ga mudu wa Llifi go merekiwwe 12 000 ya bona; ga mudu wa Isikara go merekiwwe 12 000 ya bona; 8 ga mudu wa Zebhuluni go merekiwwe 12 000 ya bona; ga mudu wa Josefa go merekiwwe 12 000 ya bona; ga mudu wa Bhenjamini go merekiwwe 12 000 ya bona. 9 Mogoba wo mogolo wa batho, wa gore aa šiyo ye a ka di kgonang tsa go wo balela, batho ba go tšwa ga ditšhaba ka mokana ga tsona le ditšo ka mokana ga tsona le mehlobo ka mokana ga yona le mebolabolo ka mokana ga yona ba yemme mahlong ga setulo sa go lawola le mahlong ga Senkunyana, ba yapere dikobo tse ditšhwewu; fote ne ba tshwere mphogo wa mopalema. 10 Fote ba fo ya mahlong ba yahlamela, ba re: “Re phonne ka taba la Modimo, ye a duling ga setulo sa go lawola le ka taba la Senkunyana.” 11 Mangeloyi ka mokana ga wona ne ma le thina le setulo sa go lawola le bagolo le mangeloyi ka mane, ba kgotama mahlong ga setulo sa go lawola ke mokane ba berekela Modimo, 12 ba re: “Amene! Di nyaka Modimo wa rune wa go ya go yye re mo thanake, re mo gadimise, re mo leboge, re mo hlompe, re mo thanake matšhika le go hlalefa gage, ka mokana ga tsona di ye gage. Amene.”
DECEMBER 9-15
MAKOLWANE KA TENG GA LENTSU LA MODIMO | KUTULLO 10-12
“‘Dihlatse ka Dipedi’ di Bolayiwwe ke Mokane Tsa Tsusiwa”
(Kutullo 11:3) Ke nyoko maka gore dihlatse tsaka ka dipedi di porofete ka 1 260 ya matšatši di yapere masaka.”
w14-SE 11/15 30
Diputsiso Tsa bo ba Šeleng ba Badiye
Dihlatse ka dipedi tso go bolabodiwang ka tsona ho ga Kutullo tema 11 ke bomang?
Kutullo 11:3 yi bolabola ka dihlatse ka dipedi tsa gore di yye di ya porofeta ka 1 260 ya matšatši. Ke mokane yi bolabola ka gore pholwane ya go tshosa ya hlaga yi nyoko “di hlula ke mokane ya di bolaya.” Mara ka nthago ga “matšatši ka mararo le sekopa,” dihlatse tsowa ka dipedi di nyoko tsusiwa, fote taba yowa yi nyoko makatsa bo ba lebeleleng.—Kut. 11:7, 11.
Dihlatse tsowa ka dipedi ke bomang? Tso di makegiyeng di re gelepa gore re thogo bona gore ke bomang. Sa mathomo re butsiwa gore “ba yemela ke mehlare ka mmedi ya muhlu le ditšhubampara ka dipedi.” (Kut. 11:4) Sowa se re gopotsa ditšhubampara ka dipedi le mehlare ka mmedi yo Zakariya a porofitiyeng ka yona. Mehlare yone ya muhlu ne yi yemela “batho ka babedi ba go tlotsiwa,” ba gore ke Wa go Lawola Zerubhabhele le Jošuwa Moprista ye mogolo, “ba gore ba yemme thina le Morena wa lefase ka mokana ga lona.” (Zak. 4:1-3, 14) Sa bobedi, dihlatse tsowa ka dipedi ne di maka mohlolo wa go yelana le wa Moše le Eliya.—Tshwanisa Kutullo 11:5, 6 le Dipalo 16:1-7, 28-35 le 1 Magoši 17:1; 18:41-45.
Dilo tsowa di tshwana ka ying? Ga ditaba tsowa ka moka, go bolabodiwa ka batho bo Modimo a ba tlotsiyeng ba gore o ba lesetsiye gore ba yete mahlong mo ba hlupegisiwa le mo ba leketsiwa. Gore go makege so Kutullo tema 11 yi se hlayang, magageru ya go tlotsiwa ya gore ke mo ma yetiye mahlong nakwela Mmušo wa Modimo wo thomisa go lawola ka 1914, ma tšhomayele mengwaga ka meraro le sekopa ma yapere “masaka.”
Ka nthago ga gore ba tšhomayele mengwaga ka meraro le sekopa ba yapere masaka, ba ba yisiye jele ke mokane ba ba botsa ka tšhinghi gore ba lesetse mmereko wa go tšhomayela, ka nako yonone ke mo go le setšha ba ba bolayye. Mmereko wa bona ne wo bolayiwwe ga batho ba gore a ba kwane le Modimo, fote tsotsone ne di ba jabodisa ka matla.—Kut. 11:8-10.
Mara go fo tshwana le ka mokgo seporofeto se hlayyeng ka gona, ka nthago ga matšatši ka mararo le sekopa, dihlatse tsowa ka dipedi di yye tsa tsusiwa. Bowa ba go tlotsiwa ba yye ba ntshiwa jele fote ba gore ne ba tshepega ba yye ba kraya patela ya go hlawolega ya go tšwa ga Modimo ka Morena wa bona Jeso Kreste. Ka 1919 ne ba le ga bo ba hlawodiwweng gore go be “lelata la go tshepega le la go hlalefa” gore ba pasope batho ga tso tsa Modimo ka dinako tsa mafelelo.—Mat. 24:45-47; Kut. 11:11, 12.
Kutullo 11:1, 2 yi bolabola ka nako ya mo tempele ya go tshwanisela yi pombholiwa. Tema 3 ya Malaki yi bolabola taba ya go tshwana le yowa ka go pombhodiwa le go yedisiwa ga tempele ya go fo tshwanisela. (Mal. 3:1-4) Mmereko wa go pombhola le wa go yedisa wo tsere nako ye kayekaye? Wo thomisiye ka 1914 go segela mathomisong ya 1919. Ga nako yowa, go badiwa 1 260 ya matšatsi le matšatši ka mararo le sekopa ya go tshwanisela ya go bolabodiwang ka wona ga Kutullo tema 11.
Taba ya gore Jehova o makiye gore go yedisiwe batho bo a ba hlawodiyeng yi re jabodisa ka matla! (Tito 2:14) Go tokegela gana hone, re tseyela gedimo mošupetso wo bo ba go tlotsiwa ba gore baa tshepega ba re beyeleng wona mo ba yeta mahlong nakwela ba leketsiwa, tsotsone ba di makiyeng ke setšha go le bona dihlatse ka dipedi.
(Kutullo 11:7) Mo ba fetsa go tšhomayela, pholwane ya go tshosa ya hlaga yi nyoko tšwa mokoting wa go yisa ya thomisa go lwa nabo ya ba hlula ke mokane ya ba bolaya.
(Kutullo 11:11) Ka nthago ga matšatši ka mararo le sekopa, moya wa lephelo wa go tšwa ga Modimo wo yye wa ba kena, ba tlogamela, ke mokane bo ba ba lebeleleng ba yye ba tšhoga ka matla.
Go Wunyulla tso di Wutammeng ka Baebeleng
(Kutullo 10:9, 10) Ke yye ga lengeloyi ka le botsa gore le nneye borifi byo bonyana bya go kokoropana. La re ga ka: “Bo tseye o bo je, ke mokane teng gago go nyoko baba, mara molomo wago wo nyoko tswetswenya go tshwana le mamapo.” 10 Ke yye ka tseya borifi byone byo bonyana bya go kokoropana ke mokane ka bo ja, molomo waka wo yye wa tswetswenya go tshwana le mamapo, mo ke fetsa go ja teng gaka gwa baba.
it-2-E 880-881
Lengwalo la go Kokoropana
So le se Yemelang. Ka ho Baebeleng go na le ga go tlala mo go berekisiwweng mantsu “borifi bya go kokoropana” ba fo tshwanisela. Hezekiyele le Zakariya ba bonne lengwalo la go kokoropana la gore le ngwadiwwe ka howa le ka hala. Ga go tlala lengwalo la go kokoropana le ba le f’lo ngwadiwa ka nthoko ka yyoši, mara mo le ngwadiwwe ka ho le ka hala di ba di šupetsa gore molayetsa wa go yahlola wo wo ngwadiwweng wa roba fote di nyaka wo tseyediwe gedimo. (Hez 2:9–3:3; Zak 5:1-4) Ga mmono wo wo leng ga Kutullo, ye a duling ga setulo sa go lawola, o tshwere lengwalo la go kokoropana la gore le na le kašupa ya dikwakwa, ba makela gore ba sa kgone go bala so se ngwadiwweng go segela Senkunyana sa Modimo se le bula. (Kut 5:1, 12; 6:1, 12-14) Ka nthagonyana ga mmono wone, Johane ba yye ba mo neya lengwalo la go kokoropana ke mokane ba mmotsa gore a le je. Johane o kwile le tswetsenya, mara ka ku mpeng go yye gwa baba. Ka taba la gore lengwalo lone ne le sa kwadiwa gore ba sa kgone go le bala, ne a kgona go wo kwisisa. Molayetsa wa lona ne wo “tswetswenya” ka taba la gore Johane ne a kgona go wo kwisisa mara ne wo gakga ka taba la gore ne wo na le dilo tsa go thathafa tso ne di nyaka a di porofete. (Kut 10:1-11) Hezekiyele o makegele ke tsa go yelana le tsowa, lengwalo la go kokoropana lo a le bonneng ne le na le “dikoša tsa go kgongwetsa le ditaba tsa go kgongwetsa le tsa go llisana.”—Hez 2:10.
(Kutullo 12:1-5) Ke mokane gwa nyarela sešupo se segolo ku legedimong: Mosadi ne aa yapere letšatši, ngwedi ne yi le ka tlase ga mawoto yage ke mokane hlogong yage ne go na le fapo ya gore yi na le 12 ya dinanedi, 2 fote ne a yimme. Fote ne a lla ka taba la gore ne a kwa go baba fote a kwa lešoko. 3 Gwa nyarela sešupo se sengwana ku legedimong. Ye lune! Noga ye kgolo ya go tshwana le mollo, ya gore yi na le kašupa ya dihlogo, le lesome la manaka fote hlogo ye nngwana le ye nngwana ne yi na le fapo; 4 mosela wa yona ne wo goga sekopa sa boraro sa dinanedi tsa ku legedimong ke mokane ya di bošela lefaseng. Fote noga ye kgolo a sa nka ya tloga thina le mosadi yewa wa gore ne a le thina le go belega, gore mo a fetsa go belega yi nape yi je ngwanene. 5 Ke mokane o belegiye ngwana wa mošomanyana, wa gore o nyoko disa batho ka mokana ga bona ka thoka yage ya tshipi. Ke mokane ngwanage ba mo kgufudiye gore a ye ga Modimo le ga setulo sage sa go lawola.
it-2-E 187 ¶7-9
Lešoko
Mmono wa Johane wa lepostola wo wo leng ho ga Kutullo ke wa mosadi wa hala legedimong wa gore wa lla “ka taba la gore ne a kwa go baba fote a kwa lešoko.” Ngwana o yye a belegiwa, “mošomanyana wa gore o nyoko disa batho ka mokana ga bona ka thoka yage ya tshipi.” Le mo noga ye kgolo yi leketsiye ka matla go mo ja, “ngwanage ba mo kgufudiye gore a ye ga Modimo le ga setulo sage sa go lawola.” (Kut 12:1, 2, 4-6) Taba ya gore Modimo o kgufudiye ngwanewa, yi šupetsa gore o mo yamogele gore go be ngwanage, go fo tshwana le mo batho ba ku botala ba yisa maseya ya bona ga bopapa bona gore ba ba yamogele. (Bona GO BELEGA.) Di šupa “mosadi” yewa go le “mosadi” wa Modimo, wa “Jerusalema ya ku legedimong,” wa gore ke “mmane” wa Kreste le bobhuti bage ba gore ba tlotsiwwe.—Gal 4:26; Heb 2:11, 12, 17.
“Mosadi” wa Modimo wa ku legedimong o nyoko yenela fote a ka sa kwi go baba mo a belega. Lešoko le šupetsa gore “mosadi” yene di nyaka a belege; fote o ko ba a le thina ka matla le go belega.—Kut 12:2.
Mara “mošomanyana” yewa ke mang? Ne a nyoko “disa batho ka mokana ga bona ka thoka yage ya tshipi.” Ke botalal go bolabodiwwe ka taba yowa ka Kgoši ya Mmušo wa Mesiya ga Pisalema 2:6-9. Mara mo Johane a bona mmono wowa, ne go le botala Kreste a belegiwwe ho lefaseng, a kgwile fote a tsusiwwe. Mmono wowa wo bolabola ka mo go thomisa Mmušo wa Mesiya wa gore ke wa Morwayi wa Modimo Jeso Kreste, wa gore nakwela a tsusiwa ga bo ba kgwileng, “o yye a dula letsogong la Modimo la go ja, go segela ba maka manaba yage sebhankasetulonyana sage.”—Heb 10:12, 13; Pis 110:1; Kut 12:10.
Go Bala Baebele
(Kutullo 10:1-11) Ke mokane ka bona lengeloyi le lengwana la go ba le matšhika le tšhepiye ka maru le tšwa legedimong, le na le molalatladi mo hlogong ya lona, sefahlego sa lona ne nkare ke letšatši, ke mokane mawoto ya lona ke mo ma na le dilo tsa go tsika ka tsona tsa nkare ke mollo, 2 fote ne le tshwere lengwalo le lenyana la go kokoropana la gore ne le phutulugiye. Ke mokane loto la ka ho ga la go ja la la gata ka lona ho lewatleng, la mpata la gata lefaseng, 3 fote la gotla go tshwana le tawu mo yi bopa. Ke mokane mo le kene le gotla, gwa bolabola mantsu ka šupa ya wona ya maduma. 4 Mo ka šupa ya maduma ma bolabola, ne ke sa re ke ya ngwala mara ka kwa lentsu ku legedimong le re: “O sa bolabole selo ka dilo tso di hlayyeng ke ka šupa ya maduma fote o sa di ngwale.” 5 Lengeloyi lo ke le bonneng le yemme lewatleng le lefaseng le yemisele letsogo la lona la go ja legedimong, 6 ke mokane la tshepisa ka ye wa gore o phela go ya go yye, wa gore o makiye legedimo le dilo tso di leng ga lona, lefase le dilo tso di leng ga lona le lewatle le dilo tso di leng ga lona la re: “Di nyoko yakgoswa. 7 Mara mo go segela nako ya gore lengeloyi la bošupa le teye porompeta ya lona, sephiri sa go hlawolega so Modimo a se butsiyeng bo ba mmerekelang ba gore ke maporofeta go le ditaba tsa go bafala, se nyoko ba se segele mafelelong.” 8 Ke mokane ka kwa lentsu le lengwana fote la go tšwa legedimong le mpotsa gore: “Sepela o ye tseya lengwalo la go kokoropana la gore le bulegiye letsogong la lengeloyi lela la gore le yemme lewatleng le lefaseng.” 9 Ka ya lengeloyi lone ka le botsa gore le nneye lengwalo le lenyana la go kokoropana. La re ga ka: “Le tseye o le je, ke mokane teng gago go nyoko baba, mara molomo wago wo nyoko tswetswenya go tshwana le mamapo.” 10 Ke yye ka tseya lengwalo lone le lenyana la go kokoropana ke mokane ka le ja, molomo waka wo yye wa tswetswenya go tshwana le mamapo, mo ke fetsa go ja teng gaka gwa baba. 11 Ke mokane ba re ga ka: “Di nyaka o porofete fote ka batho, dinaga, mebolabolo le magoši ya go tlala.”
DECEMBER 16-22
MAKOLWANE KA TENG GA LENTSU LA MODIMO | KUTULLO 13-16
“Le sa Tšhabe Dipholwane Tsa go Tshosa”
(Kutullo 13:1, 2) Ke mokane ya yema yi sa tekateki santeng ya lewatle. Ke mokane ka bona pholwane ya go tshosa ya hlaga yi tšwa lewatleng, yi na le lesome la manaka le ka šupa ya dihlogo ke mokane manaka ya yona ne ma na le lesome la difapo, mara mo hlogong ya yona ne yi na le mabitso ya go rogelela. 2 Pholwane yo ke yi bonneng ya go tshosa ya hlaga ne nkare ke nkwe, mara mawoto ya yona ne ma tshwana le ya bhere fote molomo wa yona ne wo tshwana le wa tawu. Ke mokane noga ye kgolo ya neya pholwane yowa matšhika, setulo sa go lawola le matšhika ya magolo ya go lawola.
w12-SE 6/15 8 ¶6
Jehova ke Yene a “re Wunyullelang Diphiri”
6 Ku botala, nakwela Jeso a tsusiwwe o yye a makela Johane wa lepostola mmono wa go makatsa wa gore ne wo lategetsana. (Kut. 1:1) Ga mmono wo mongwana, Johane o bonne Diyabolo go le noga ye kgolo yi yemme thina le lewatle le legolo. (Bala Kutullo 13:1, 2.) Johane o bonne pholwane ya go tshosa ya go sa tlwayelega yi tšwa lewatleng ke mokane Diyabolo a yi neya matšhika ya go lawola. Ka nthago lengeloyi lone le šupetsa Johane ka šupa ya dihlogo tsa pholwane ya go tshosa ye khubedu, ya gore ke serithi sa pholwane ya go tshosa yo yi leng ga Kutullo 13:1, ya gore yi yemela “ka šupa ya magoši,” kela memmušo. (Kut. 13:14, 15; 17:3, 9, 10) Mo Johane a ngwala dilo tsowa, ka šupa ya tsona ne di sa sa lawola, ka yi teya ne yi kene yi lawola, ke mokane ya bo šupa ne “yi soko segela.” Memmušo yone yi byang? Tla re bolaboleneng ka hlogo ye nngwana le ye nngwana ya pholwane ya go tshosa yo yi leng ga Kutullo. Go tokegela gana hone, re bona le ka mokgo tso Daniyele a di ngwadiyeng di bolabodiyeng tsa go tlala ka memmušo yowa, fote yi bolabodiye ka wona ku botala yi soko segela.
(Kutullo 13:11) Ke mokane ka bona pholwane ye nngwana ya go tshosa yi tšwa lefaseng, yi na le manaka ka mabedi ya nkare ke ya senkunyana mara ne yi bolabola go tshwana le noga ye kgolo.
(Kutullo 13:15) Ke mokane ba yi lesetsiye gore yi neye serithi sa pholwane ya go tshosa ya hlaga lephelo, gore serithi sa pholwane ya go tshosa ya hlaga se thogo bolabola le go maka gore bo ba ganang go rapela serithi sa pholwane ya go tshosa ya hlaga ba bolayiwe.
re-SE 194 ¶26
Go Rulana ga Dibata ka Dipedi Tsa Gore di na le Lešidi le Legolo ka Matla
26 Go ka ba go le ying mara? Mmušo wa lefase wa go lawola wa Makgowa le Maamerikha—wo fo tshwana le hlogo ya bo šupa ya pholwane ya mathomo ya go tshosa ya hlaga mara yona go na le so yi se makang sa gore se hlawolegiye! Go bolabodiwa ka yona yi le ntoši mo ga mmono wowa go re gelepa gore re yi bone gabutši gore ke sebata sa hlaga le go boya re bona dilo tso yi di makang mo yi le ntoši ho lefaseng. Pholwane yowa ya go tshosa ya hlaga ya manaka ka mabedi ya go fo tshwanisela ke mogoba wa ba dipolotiki ba gore baa berekisana mara ba tikemele. Manaka ya yona ka mabedi “ya go tshwana le ya senkunyana” ma šupetsa gore di ka makega gore yi maka nkare yi fo ba pholwane ya gabutši ya go tilokela le ya gore a yi kwaletsane, yi na le mokgwa wa nkare wo kawonenyana wa go lawola wa gore lefase ka mokana ga lona le tshwanele le wo berekise. Mara yi bolabola “go tshwana le noga ye kgolo” ka taba la gore mo ka mokgo yi lawolang ka gona go sa yamogediwi, yi maka dilo ka tšhinghi, ya tshosetsana fote yi berekisa le bokgohlane. A ya kutšetsela batho gore ba nyake Mmušo wa Modimo wa gore wo lawola ke Senkunyana Sage, mara yi ba kutšetsela gore ba nyake tso tsa Sathane, yona noga ye kgolo. Fote yi makiye gore batho ba nyenyane le gore ba hloyanane, mo ba maka tsotsone ke setšha ba berekela pholwane ya go tshosa ya hlaga ya mathomo.
re-SE 195 ¶30-31
Go Rulana ga Dibata ka Dipedi Tsa Gore di na le Lešidi le Legolo ka Matla
30 Go ya ka dilo tso di makegiyeng, di šupetsa serithi sowa go le mokgahlo wa gore wo thegeletsa ke Brithaniya le United States wa gore ne wo tšibega yi le Mogoba wa Ditšhaba. Ka nthagonyana ga tema 17 ya Kutullo, yi nyarela yi le ka mokgo mongwana, yi le pholwane ye khubedu ya go tshosa ya hlaga ya gore yi tikemele. Mogoba wowa wo ‘bolabola,’ gore ke wona wo ntoši wo wo nyoko leyang go beba le go maka gore batho ba pasopege. Mara gabutšibutši yi šele yi le mokgahlo wa gore batho ba lefase ka mokana ga lona ba kwerane le go poyilana. Wo tshosetsa dinaga kela batho ba gore a ba ba theetsele ka gore ba nyoko ba rakela. Mogoba wa Ditšhaba wo ntshiye dinaga tsa gore di šitegiye go maka dilo ka mokgo ba di hlayyeng ka gona ga mokgahlo wowa wa tsona. Mo go thomisa motšhatšhamelo wo mogolo, “manaka” ya serithi sowa sa pholwane ya go tshosa ya hlaga ma nyoko maka dilo tsa go kwisa go baba ka matla.—Kutullo 7:14; 17:8, 16.
31 Go tlugisela ka Ntwa ya Bobedi ya Lefase, serithi sa pholwane ya go tshosa ya hlaga se tšibega go le Mogoba wa Ditšhaba wa gore a wo kgane mara wa bolaya. Mo re beyisa, ka 1950 Mogoba wa Ditšhaba wo yye wa ba gona ga ntwa ya batho ba go dula Lebowa la Korea le ba go dula Borwa Korea. Mogoba wa Ditšhaba wo yye wa berekisana le ba go dula Lebowa la Korea, ba yye ba bolaya gana hala ga bo 1 420 000 ya batho ba go dula Borwa bya Korea le ba go tšwa China. Go fo tshwana le tsotsowa, go tlugisela ka 1960 go segela ka 1964, masole ya Mogoba wa Ditšhaba ne ma kene ma dunghanya ku Congo (Kinshasa). Go tokegela gana hone, bo ba go lawola ba go tshwana le moruti Paul VI (wa kobodi) le John Paul II (wa bobedi), ba yye ba ya mahlong ba šihlela taba ya gore serithi sowa ke sona se ntoši se ka ba leyelang go beba. Mo batho ba šitega go berekela pholwane yowa, ne ba re batho ba nyoko bolayana. Ka mokgo ke setšha ba bolayye ka moka bo ba ganneng go berekela serithi sowa.—Dotoronoma 5:8, 9.
(Kutullo 13:16, 17) Yi gapeletsa batho ka mokana ga bona—ba banyana le ba bagolo, ba go ghanya le ba go tihlupegela, ba go lokologa le dibereki—gore ba merekiwe ga letsogo la bona la go ja kela mo mopong, 17 le gore go sa be le ye a rekang kela go rekisa mo a sa merekiwa ka lebitso la pholwane ya go tshosa ya hlaga kela nombhoro ya lebitso la yona.
w09-SE 2/15 4 ¶2
Monopo wa Lengwalo la Kutullo—II
13:16, 17. Le mo nkare tsa go tlala di ka re ghula mo re maka dilo tsa ka moka matšatši tsa go tshwana le go ‘reka kela go rekisa,’ di nyaka re hlahlame re sa lesetse pholwane ya hlaga ya go tshosa yi lawola maphelo ya rune. Mo re ka lesetsa ‘pholwane ya go tshosa ya hlaga yi re mereka letsogong la rune la go ja kela mo mopong,’ re nyoko ba re yi dumelela gore yi lawole ka mokgo re naganang le ka mokgo re makang dilo.
Go Wunyulla tso di Wutammeng ka Baebeleng
(Kutullo 16:13, 14) Ke mokane ka bona memoya ya go butšwelediwa ya go sa yela ya gore ne yi šupa nkare ke dikwili di tšwa molomong wa noga ye kgolo, ga pholwane ya go tshosa ya hlaga le molomong wa moporofeta wa matsaka. 14 Gabutšibutši memoya yowa ya go butšwelediwa yi tšwa ga madimona gore ba make mohlolo, ke mokane ba ya magošing ya lefase lowa ka mokana ga lona, go re ba ba hlekeletse ga ntwa ya letšatši le legolo la Modimo wa Matšhika ka moka.
w09-SE 2/15 4 ¶5
Monopo wa Lengwalo la Kutullo—II
16:13-16. “Memoya ya go butšwelediwa ya go sa yela” yi yemela so madimona ne ma nyaka go se maka gore magoši ya ho lefaseng ma sa yamege mo go falatsiwa tso di leng ka teng ga ka šupa ya merebelese ka taba la gore Modimo o kwatiye mara ba ba kutšetsela gore ba jikele Jehova.—Mat. 24:42, 44.
(Kutullo 16:21) Ke mokane sefako se segolo, sa gore ka ssoši se kala go segela ga talente ka yyoši, se yye sa wela batho se tšwa legedimong, ke mokane batho ba rogelela Modimo ka taba la sefako se segolo, sona ke mo go le se segolo ka matla.
w15-SE 7/15 16 ¶9
“Go Phonisiwa ga Lune go Šutele”!
9 Yowa go ko ba go se nako ya go tšhomayela “ditaba tsa go bafala tsa mmušo wa Modimo.” Nako yone yi ko ba yi fitiye botala. Dinako “tsa mafelelo” di ko ba di segele! (Mat. 24:14) Di fo ba lekgwaying gore batho ba Modimo ba nyoko ba ba sabalatsa molayetsa wa go yahlula tsela tsa go baba. Fote ga wona ba ka sabalatsa le gore lefase la Sathane le šele le le thina le go fela. Baebele yi tshwanisa molayetsa wowa le sefako se segolo mo yi re: “Ke mokane sefako se segolo, sa gore ka ssoši se kala go segela ga talente ka yyoši, se yye sa wela batho se tšwa legedimong, ke mokane batho ba rogelela Modimo ka taba la sefako se segolo, sona ke mo go le se segolo ka matla.”—Kut. 16:21.
Go Bala Baebele
(Kutullo 16:1-16) Ke mokane ka kwa moyahlamelo wa go tšwa ga go hlawolega wo bolabola le ka šupa ya dinanedi wo re: “Sepelaneng ku lefaseng le ye tshollela ka šupa ya merebelese ya go šupetsa gore Modimo o kwatiye.” 2 Wa thoko o yye ke mokane a tshollela morebelese wage lefaseng. Ke mokane batho ba gore ne ba merekiwwe ka pholwane ya hlaga ya go tshosa le ba gore ne ba berekela serithi sa yona ba yye ba tšwa mašopa ya go baba tsa gore fote ne ma sasamela. 3 Wa mabedi o tshollele morebelesi wage lewatleng. Ke mokane gwa tlala madi ya nkare ke ya motho wa go kgwa, se sengwana le se sengwana so ne se le ka teng ga lewatle se yye sa kgwa. 4 Wa kararo o tshollele morebelese wage dinokeng le didibeng. Ke mokane gwa ba madi. 5 Ka kwa lengeloyi ku meetšing le re: “Wene, Wa gore o gona le Wa gore o wo šiyo, Wa go tshepega, wa go loka ka taba la gore ke wene o yahludiyeng, 6 ka taba la gore ba tshollwiye madi ya bo ba go hlawolega le ya baporofeta, o ba neyye madi gore ba nwe; di ya ba tshwanela.” 7 Ke mokane ka kwa aletare yi re: “Eya, Jehova Modimo wa matšhika ka moka, o yahlula gabutši le ka nnete.” 8 Wa kanne o tshollwele morebelese wage letšatšing, ke mokane letšatši la dumelediwa gore le tšhube batho ka mollo. 9 Ke mokane batho ba tšhuba ke go fisa ka matla, mara ba rogelele lebitso la Modimo, yene wa gore o lawola dilo tsowa tsa go sasamela, fote a baa tisola le go mo gadimisa. 10 Wa kapheta a tshollela moribilise wage setulong sa go lawola sa pholwane ya go tshosa ya hlaga. Mmušo wa yona wo yye wa ba letshwifi, ke mokane ba thomisa go tiluma maleme ka taba la go šekela, 11 mara ba yye ba rugelela Modimo wa legedimong ka taba la go kwa go baba le mašupa, fote a baa tisola ga dilo tso ne ba di maka. 12 Wa kobodi a tshollwela morebilese wage nokeng ye kgolo ya Efurate, ke mokane meetši ya yona ma yye ma woma gore go thogo tla magoši mo letšatši le hlaba. 13 Ke mokane ka bona memoya ya go butšwelediwa ya go sa yela ya gore ne yi šupa nkare ke dikwili di tšwa molomong wa noga ye kgolo, ga pholwane ya go tshosa ya hlaga le molomong wa moporofeta wa matsaka. 14 Gabutšibutši memoya yowa ya go butšwelediwa yi tšwa ga madimona gore ba make mohlolo, ke mokane ba ya magošing ya lefase lowa ka mokana ga lona, gore ba ba hlekeletse ga ntwa ya letšatši le legolo la Modimo wa Matšhika ka moka. 15 “Ye lune! Ke nyoko ko tla go tshwana le wa go yetswa. Go jabola ye a dulang a hlahlamme fote a yapere dikobo tsa ka tawong, gore a sa sepele a sa tšwara ke mokane a tšeba mahlong ga batho.” 16 Byalo ba ba hlekeletsa ga poleke ye nngwana ya gore ka Seheberu ke Aremaghedoni.
DECEMBER 23-29
MAKOLWANE KA TENG GA LENTSU LA MODIMO | KUTULLO 17-19
“Ntwa ya Modimo yi Nyoko Fetsa Dintwa Tse Dingwana ka Mokana ga Tsona”
(Kutullo 19:11) Ka bona legedimo le bulegiye ke mokane ka bona pera ye tšhwewu. Ye a yi kalammeng ba re ke wa go Tshepega le wa Mannete, fote o yahlula le go lwa ntwa gabutši.
(Kutullo 19:14-16) Masole ya ku legedimong ne ma mo šele nthago ma kalamme dipera tse ditšhwewu, fote ma yapere dikobo tsa go yela tse ditšhwewu tsa go makiwa ka llapi la go tura. 15 Ke mokane ka ho molomong wage gwa tšwa sabola ya go lefa ya go lokotšiwa gore a hlasele ditšhaba ka moka, o nyoko ro boya a ba disa ka thoka ya tshipi. Go tokegela gana hone, o gatelanya mo go makediwang wayini a kwatiye mara yi seng ka go kwata gage mara ka go kwata ga Modimo wa Matšhika ka moka. 16 Ga dikobo tsage tsa ka tawong mo seropeng sage go ngwadiwwe gore, Kgoši ya magoši le Morena wa marena.
w08-SE 4/1 8 ¶3-4
Ntwa ya Modimo ya Aremaghedoni yi Nyoko Fetsa Dintwa Tse Dingwana ka Mokana ga Tsona
Solanka batho ba go sa loka ba sa na le matšhika ya go lawola, batho ba go loka ba ka sa pasopege le go kraya go beba. (Diyema 29:2; Mmolabodi 8:9) Nnete ke gore batho ba go sa loka le dilo tsa go sa loka di ya yelana. Mara gore re thogo kraya go beba ga go ya go yye le go loka, di nyaka go tlusiwe bo ba go sa loka. Solomoni o ngwadiye gore “Bo ba go sa loka go nyoko ba sehlabelo sa bo ba go loka.”—Diyema 21:18.
Ka taba la gore Modimo ke yene ye a Yahlulang, re ya tshepa gore Jehova o nyoko ba yahlula gabutši bo ba go sa loka. Abhrahama o butsisiye gore “Nje ye a Yahlulang lefase lowa ka mokana ga lona a ka sa le yahluli gabutši?” Phetolo yo Abhrahama a yi krayyeng ke gore Jehova o dula a maka tsa go loka! (Genesi 18:25) Go tokegela gana hone, Baebele yi re botsa gore tso tsa go fetsa ka bo ba go sa loka Jehova aa kwane natso; se mong kgole ka matla le tso a di naganang.—Hezekiyele 18:32; 2 Petro 3:9.
it-1-E 1146 ¶1
Pera
Ga mmono wa Johane wa go fo tshwanisela, Jeso Kreste wa gore o gadimisiwwe ba mmonne a kalamme pera ye tšhwewu fote a na le masole yage ya gore le wona ma kalamme dipera tse ditšhwewu. Ga mmono wowa Johane ba mo wunyullele gore wo yemela ntwa yo Kreste a nyoko yi thomang mo a yahlula gabutši bo ba gore ba womme dihlogo, a romme ke Jehova Modimo wa gore fote ke Papage. (Kut 19:11, 14) Mara ku mathomisong Kreste o yemela ke ba mošaga wo mongwana wa batho ba gore ba kalamme dipera mo a tlosa dilo ka moka tso di re kwisang go baba.—Kut 6:2-8.
(Kutullo 19:19, 20) Ke mokane ka bona pholwane ya hlaga ya go tshosa le magoši ya lefase le masole ma gahlanne gore ma thogo lwa le ye wa gore o kalamme pera le masole yage. 20 Ke mokane pholwane ya go tshosa ya hlaga ba yye ba yi tshwara, le maporofeta ya matsaka ya gore ne ma maka mešupetso ya gore ne yi keketledisa bo ba gore ba merekiwwe ke pholwane ya go tshosa ya hlaga le bo ba gore ba berekela serithi sa yona. Mo ba kene ba sa phela, ba yye ba lahlediwa nokeng ya mollo wo mogolo ba le ka babedi.
re-SE 286 ¶24
Kgoši ya Masole ya Hlula ka Aremaghedoni
24 Mekgahlokgahlo ya dipolotiki tsa Sathane yi yemela ke pholwane ya go tshosa ya hlaga ya gore yi na le ka šupa ya dihlogo le lesome la manaka, le yona yi wile le moporofeta wa matsaka wa gore ke wa bošupa ga memmušo ya gore yi na le matšhika. (Kutullo 13:1, 11-13; 16:13) Mo ba kene ba sa “phela” kela ba kene ba hlupegisa batho ba Modimo, ba lahlediwwe “nokeng ya mollo.” Nje ba rela noka ya mollo ya mannete? Awwa, di fo tshwana le pholwane ya go tshosa ya hlaga le moporofeta wa matsaka le tsona di yemela se sengwana. Mara yi fo rela gore ba nyoko fetsa ka bona, fote ba ka sa sa boya le ka letšatši ka lloši. Mowa ke gona ga gore Diyabolo o nyoko bošediwa gona likgung le Hadesi. (Kutullo 20:10, 14) Dilo tsowa di ka sa ba hlupegisi go ya go yye ka taba la gore Jehova o silikisa ke tsa mošaga wonone.—Jeremiya 19:5; 32:35; 1 Johane 4:8, 16.
(Kutullo 19:21) Ke mokane bo ba šeleng ba yye ba bolayiwa ka sabola ya go lefa ya gore yi tšwile molomong wa yewa wa gore o kalamme pera. Ke mokane dinonyane di yye tsa kgora ka nama ya bona.
re-SE 286 ¶25
Kgoši ya Masole ya Hlula ka Aremaghedoni
25 Batho ba gore a yi ba mokgahlo wowa mara ba tšhediye letsogo ga dilo tsowa tsa go sa loka le bona “ba bolayiwwe ka sabola ya go lefa ya yewa wa gore o kalamme pera.” Jeso o nyoko hlaya gore bone ba tshwanele ke go kgwa. Ka taba la gore ga bona a gwa bolabodiwa ka noka ya mollo, nje ba sa nyoko tsoga ba phila fote? A go na mo go bolabodiwang gore bo ba yahlulang ke Jehova ba sa nyoko tsoga fote. Jeso ka boyene o hlayye gore ka mokana ga bona ba gore a yi “dinku” ba nyoko bošediwa “mollong wa go ya go yye wa gore ba ro wo gotsela Diyabolo le mangeloyi yage,” gana hone ba nyoko “bolayiwa gwa napa go fediye.” (Matewu 25:33, 41, 46) Sowa se šupetsa tso di nyoko makegang “ka letšatši la go yahlula le la go fetsa ka bo ba gore ga Modimo a ba mo nyake.”—2 Petro 3:7; Nahume 1:2, 7-9; Malaki 4:1.
Go Wunyulla Tso di Wutammeng ka Baebeleng
(Kutullo 17:8) Pholwane ya hlaga ya go tshosa yo o yi bonneng ne yi le gona, mara a yi šiyo, fote yi šele yi le thina le go tšwa mokoting wa go yisa, sone se rela gore ba nyoko fetsa ka yona. Ke mokane ka mokana ga bona bo ba dulang lefaseng—ba gore mabitso ya bona a maa ngwadiwa ga lengwalo la go kokoropana go tlugisela ku mathomisong ya lefase—ba nyoko makala mo ba bona ka mokgo pholwane ya hlaga ya go tshosa yi yyeng ya ba gona, mara yi seng šiyo, fote yi sa nyoko tlang yi ba gona.
re-SE 247-248 ¶5-6
Taba ya go Jabodisa ya Gore ne yi sa Tšibege, yi Šele ya Tšibega
5 “Pholwane ya hlaga ya go tshosa . . . ne yi le gona.” Eya, yi yye ya ba gona yi le Mogoba wa Ditšhaba go tlugisela ka January 10, 1920, yi na le 63 ya dinaga tsa gore ne di berekisana. Mara Japane, Jeremane le Italy di yye tsa tšwa hone ga Mogoba wa Ditšhaba, ke mokane Mogoba wa Soviet wo yye wa ntshiwa. Ka September 1939 ye ne a lawola Nazi ku Jeremane o yye a thomisa Ntwa ya Bobedi ya Lefase. Ka taba la gore Mogoba wa Ditšhaba wo šitegiye go maka gore go bebe ho lefaseng, wo yye wa fo tidulela wa fo re tse. Ka 1942 Mogoba wowa wo yye wa punyalala. Jehova o yye a botsa batho bage ka nako ya gona gore mmono wowa wo yemela ying! Ga Mogahlano wo Mogolonyana wa hlogotaba ya gore Lefase la go Lawola ke Modimo, N. H. Knorr o yye a bolabola tso di hlayang ke seporofeto sa gore “pholwane ya go tshosa ya hlaga. . . a yi šiyo.” Ke mokane a butsisa putsiso ya gore, “Nje Mogoba wa Ditšhaba wo nyoko dula wo le ka mokoting?” O fetodiye ka go bolabola ka go nyana ka so se leng ga Kutullo 17:8 a re: “So se gahlanisang batho bowa ba lefase ka moka se nyoko tsoga fote.” Nka mokgo di šupang di nyoko makega ka gona mo seporofeto sa Jehova se makega!
O Tšwa Mokoting wa go Yisa
6 Pholwane ya go tshosa ya hlaga ya gore ke ye khubedu yi yye ya tšwa mokoting wa go yisa. Go na le 50 ya dinaga tsa gore di yye tsa yema le mokgahlo wa Mogoba wa Ditšhaba ka June 26 1945, fote di yye tsa rasa ka matla go šupetsa gore di jabodiye ku San Francisco U.S.A. Mogoba wowa ne wo re wona wo “nyoko leya go beba le go maka gore batho ka mokana ga bona ba pasopege.” Mogoba wa Ditšhaba le Ditšhaba tsa go Mamarelana ne wo tshwana ka dilo tsa go tlala. The World Book Encyclopedia yi re: “Go na le ka mokgo Ditšhaba tsa go Mamarelana di yemelang Mogoba wa Ditšhaba, wa gore wo thomisiye ka nthago ga Ntwa ya Mathomo ya lefase . . . Ba go tlala ba Mogoba wa Ditšhaba ba yye ba kena ga Ditšhaba tsa go Mamarelana. Go fo tshwana le Mogoba wa Ditšhaba, Ditšhaba tsa go Mamarelana le wona ne di re di nyoko maka gore go bebe dinageng tsa go tlala. Tso Ditšhaba tsa go Mamarelana di nyakang go di maka di tshwana ka matla le tso ne di nyaka go maka ke Mogoba wa Ditšhaba.” Ditšhaba tsa go Mamarelana gabutšibutši ke mo di yemela pholwane ya go tshosa ya hlaga ye khubedu. Dinaga tso di leng ga Ditšhaba tsa go Mamarelana ke 190 ya tsona fote di teya tsa Mogoba wa Ditšhaba kgole ka taba la gore tsona ke 63 ya tsona; fote tsona di makiye dilo tsa go tlala ka matla go phala Mogoba wa Ditšhaba.
(Kutullo 17:16, 17) Lesome la manaka ya o ma bonneng le pholwane ya go tshosa ya hlaga, tsowa di nyoko nyenya mosadi wa go rekisa mmele, di nyoko mo maka gore a hlakahlakane le gore a šale a sa tšwara, ke mokane di nyoko ja mmele wage tsa boya tsa mo tšhubelela ka mollo. 17 Ka taba la gore Modimo o makiye gore dipelo tsa bona di make tso yene a di nyakang, eya, gore ba make selo ka ssoši so ba se naganang ka go neya pholwane ya go tshosa ya hlaya mmušo wa bona, go šinye go segela nako yo go makegang tso Modimo a di hlayyeng.
w12-SE 6/15 18 ¶17
Jehova o Wunyulla “Dilo Tsa Gore di Nyoko Makega go se Botala”
17 Sedumedi sa matsaka se ka sa fo nyamalala. Mosadi wa go rekisa mmele o yemela sedumedi sa matsaka, fote o nyoko dula a na le matšhika ya go tlala, o nyoko leketsa go lawola bo ba dipolotiki. (Bala Kutullo 17:16, 17.) Mara go se botala Jehova o nyoko maka gore bo ba dipolotiki ba gore ba yemela Ditšhaba tsa go Titlemaganya, ba hlasele sedumedi sa matsaka. Ba nyoko fetsa ka batho bage le dilo tsage ka mokana ga tsona. Ku botala, selo sa mohlobo wowa ne se šupa nkare se ka sa tsoge se makegiye. Lekgono, mosadi wa go rekisa mmele o hlupegisa pholwane ya go tshosa ya hlaga ye khubedu. Le mo go le sone, ba ka sa mo tlose setulong sage ke mokane gwa ba go fediye. Ba nyoko mo tlosa ka go yakgoswa fote di nyoko sasamela gage.—Kut. 18:7, 8, 15-19.
Go Bala Baebele
(Kutullo 17:1-11) Ka wweši ga mangeloyi yala ya gore ne ma neyiwwe ka šupa ya merebelese o yye a tla gaka a re: “Tlang howa, ke nyoko go šupetsa gore mosadi wa go rekisa mmele wa gore o duli ga meetši ya go tlala o nyoko yahludiwa byang, 2 wa gore magoši ya lefase ma makiye bonghwahla naye ke mokane batho ba lefaseng ka mokana ga bona ba tlayila ka wayine ya bonghwahla byage.” 3 Ke mokane a ntseya ka matšhika ya moya a ng’yisa mašahleng. Ke mokane ka bona mosadi a kalamme pholwane ya go tshosa ya hlaga ye khubedu ya gore ne yi ngwadiwwe mabitso ya go tlala ya go rogelela yi na le ka šupa ya dihlogo le lesome la manaka. 4 Mosadi yewa ne a yapere dikobo tse diphepholo le tse dikhubedu, ke mokane a kgabisiwwe ka gholdhi, matlapa ya go tura le makolwane, a tshwere komitši ya go makiwa ka gholdi ya gore ne yi tlele ka dilo tsa go silikisa le tsa go sa yela tsa bonghwahla bye a bo makang. 5 Mopong wage ne go ngwadiwwe mantsu ya gore: “Babhilona ye Mogolo, mmane wa bo ba go rekisa mmele le wa dilo tsa go silikisa tsa ho lefaseng.” 6 Ke mokane ka bonna mosadi wa gore ne a tlayila ka taba la madi ya bo ba go hlawolega le madi ya dihlatse tsa Jeso. Ke yitseri go mmona ka makala ka matla. 7 Lengeloyi la re gaka: “O makatsiye king? Ke nyoko go botsa sa gore a se tšibege ka mosadi yewa le ka pholwane ya go tshosa ya hlaga ya gore yi na le ka šupa ya dihlogo le lesome la manaka ya gore yi pepudiye mosadi yewa: 8 Pholwane ya hlaga ya go tshosa yo o yi bonneng ne yi le gona, mara a yi šiyo, fote yi šele yi le thina le go tšwa mokoting wa go yisa, sone se rela gore ba nyoko fetsa ka yona. Ke mokane ka mokana ga bona bo ba dulang lefaseng—ba gore mabitso ya bona a maa ngwadiwa ga lengwalo la go kokoropana go tlugisela ku mathomisong ya lefase—ba nyoko makala mo ba bona ka mokgo pholwane ya hlaga ya go tshosa yi yyeng ya ba gona, mara yi seng šiyo, fote yi sa nyoko ba gona.9 “Tsowa di nyaka monagano wa gore wo hlalefiye: Ka šupa ya dihlogo di yemela kašupa ya dithaba, tsa gore mosadi yewa o dula gedimo ga tsona. 10 Ke mokane ne go na le kašupa ya magoši: Kaphetha ya wona a ma sa lawola, ka yyoši yi kene ya lawola ke mokane ya bošupa a yi soko segela; mara mo yi segela di nyaka yi sa duli nako ya go lefa. 11 Ke mokane pholwane ya go tshosa ya hlaga ya gore a yi šiyo, ke kgoši ya mabala, mara yi tšwa ga mogoba ya bošupa ke mokane gwe feleng ka yona.
DECEMBER 30–JANUARY 5
MAKOLWANE KA TENG GA LENTSU LA MODIMO | KUTULLO 20-22
“Lebelela! Ke Maka Gore Dilo ka Mokana ga Tsona go be Tsa Nyuwane”
(Kutullo 21:1) Ke mokane ka bona legedimo la nyuwane le lefase la nyuwane; ka taba la gore legedimo la botala le lefase la botala di fitiye, le lewatle a le sa le šiyo.
re-SE 301 ¶2
Legedimo la Nyuwane le Lefase la Nyuwane
2 Ku botalatala mo Johane o soko ba gona, Jehova o yye a botsa Jesaya gore: “Ke nna yewa ke maka legedimo la nyuwane le lefase la nyuwane; o ka sa sa gopola dilo tsa ku botala fote di ka sa sa tla pelong yago.” (Jesaya 65:17; 66:22) Seporofeto sowa se makegiye la mathomo ku botala nakwela Majuda ya go tshepega ma boya Jerusalema ka 537 B.C.E., ka nthago ga gore ma fetse 70 ya mengwaga ma le bobhantiting Bhabhilona. Mo ma maka ka mokgonone, ne go le setšha yi le setšhaba sa gore se yedisiwwe sa “lefase la nyuwane,” sa gore ne se le ka tlase ga mmušo wa nyuwane, “magedimo ya nyuwane.” Mara Petro wa lepostola o yye a hlatolla seporofeto sowa ka gore: “Mara go na le legedimo la nyuwane le lefase la nyuwane tso re di yemeleng tsa gore o re tshepisiye tsona, ga tsona go loka go nyoko ro naama.” (2 Petro 3:13) Johane o šupetsa gore so ba re tshepisiyeng sona se nyoko makega ka Letšatši la Morena. Go nyoko fela ka “legedimo la botala le lefase la botala,” go leng dilo tso Sathane a di makang le dilo tso di kutšetselang ke yene le madimona yage. “Lewatle” la go sa loka, la gore le yemela batho ba go sa kwi, go nyoko fela ka lona. Ke mokane go nyoko tla “legedimo la nyuwane le lefase la nyuwane” tsa gore ke mmušo wa nyuwane ga Mmušo wa Modimo.—Tshwanisa le Kutullo 20:11.
(Kutullo 21:3, 4) Ke mokane ka kwa lentsu la gedimo la go tšwa ga setulo sa go lawola le re: ‘Lebelela! Letente la Modimo le bathong, o nyoko dula nabo, fote go nyoko ba batho bage. Modimo ka boyene o nyoko ba nabo. 4 Fote o nyoko sula menepedi ka moka mahlong ya bona, malikgu ma ko ba ma se šiyo, go lla le go kwa go baba di ko ba di sa sa le šiyo. Dilo tsa botala di fitiye.”
w13-SE 12/1 11 ¶2-4
“Lebelela! Dilo ka Moka ke di Maka Tsa Nyuwane”
“[Modimo] o nyoko sula menepedi ka moka mahlong ya bona.” (Kutullo 21:4) O nyoko sula menepedi ya mošaga mang? A ka sa suli menepedi ya mo re jabodiye kela dinepedi tsa gore di pasopa maahlo ya rune. Modimo o bolabola ka menepedi ya gore yi ntsha ke gore re kwile go baba ka taba la mehlopego. Modimo a ka sa fo sula menepedi nje; o nyoko yi tlosa go ya go yye ka go tlosa dilo ka mokana ga tsona tso di makang gore re lle.
“Malikgu ma ko ba ma se šiyo.” (Kutullo 21:4) King sa gore se re llisiye ka matla go feta likgu mara? Jehova o nyoko yimulla batho bage ba gore baa theetsela ga likgu. Byang mara? Ka go tlosa selo so se makang gore re kgwe sa gore ke: go sinya ga gore re go tshiletsiye ke Adamo. (Maroma 5:12) Jehova o nyoko maka gore batho bo ba mo theetseleng ba yenele ka sehlabelo sa Jeso. “Go nyoko fela” ka selo se segolo so se re hlupang ka matla—likgu. (1 Makorente 15:26) Batho ba go tshepega ba nyoko phela ka mokgo Modimo ne a nyakiye gore ba phele ka gona ku mathomisong—ba yenele mmeleng.
“Le . . . go kwa go baba.” (Kutullo 21:4) Ke go kwa go baba ga mošaga mang ga gore go nyoko tlusiwa? Ke dilo tsa go jabodisa tso di nyoko bang di makega letšatši le lengwana le le lengwana tsa gore di nyoko sula dilo ka mokana ga tsona tsa go re kwisa go baba.
(Kutullo 21:5) Ke mokane yewa wa gore O duli setulong sa go lawola o yitseri: “Lebelela! Dilo ka mokana ga tsona ke di maka tsa nyuwane.” Fote o yitseri: “Ngwala ka taba la gore mantsu yawa maa tshepega fote ke nnete.”
w03-SE 8/1 12 ¶14
Jehova, Modimo wa Nnete
14 Dilo tso Jehova a re botsang tsona ka Baebeleng di nyaka re di tseyele hlogong. So a reng o nyoko se maka, ke setšha a se makiye, a ka sa pumutsi. Nka taba lo re mo tshepang. Mo Jehova a re o nyoko ‘patedisa ga bo ba gore a ba mo tšibi le bo ba gore a ba theetsele ditaba tsa go bafala ka Morena wa rune Jeso,’ re ya mo tshepa. (2 Mathesalonika 1:8) Re ya mo tshepa le mo a re o kwana le bo ba gore ba maka tsa go loka, mo a re lephelo la go ya go yye o le neya bo ba gore ba šupetsa ka tso ba di makang gore ba na le tumelo, le mo a re o nyoko tlosa dilo tsa go re kwisa go baba, tsa go re llisa le likgu. Jehova o šupetsiye gore tso a di tshepisiyeng ka nnete di ya tshepega nakwela a botsa Johane wa lepostola gore: “Ngwala mantsu yawa ka taba la gore maa tshepega fote ke nnete.”—Kutullo 21:4, 5; Diyema 15:9; Johane 3:36.
Go Wunyulla Tso di Wutammeng ka Baebeleng
(Kutullo 20:5) (Ka mokana ga bona bo ba gore ba kgwile a ba phela go segela go fela Sekete sa mengwaga.) Yowa ke tsogo ya mathomo.
it-2-E 249 ¶2
Lephelo
Modimo o re mola Adamo a yye a theetsela molawo wo a mo neyyeng wona, nke a sa kgwa. (Gen 2:17) Mo likgu le tlusiwa, batho ba gore baa theetsela ba nyoko ba ba yenele mmeleng, ba ka sa sa kgwa. Ba ka sa ro kgwa le ka tšatši ka lloši. (1Ko 15:26) Puku ya Kutullo yi hlatolla gore likgu le nyoko fela mo go fela sekete sa mengwaga Kreste a lawola. Mo go bolabodiwa ka magoši le maprista ya gore ma nyoko lawola le Kretse ba re “ba yye ba phela ke mokane ba lawola go le magoši le Kreste ka sekete sa mengwaga.” “Mašaledi ya bo ba gore ba kgwile” ba ka sa phele “go segela sekete sa mengwaga se fela,” ke ba gore ba ko ba ba sa phela ka nthago ga sekete sa mengwaga mara mo Sathane a soko ntshiwa mokoting wa go yisa a tl’le dhunghanya batho. Ka nthago ga sekete sa mengwaga, batho ho lefaseng ba ko ba ba yenele go fo tshwana le ka mokgo Adamo le Efa ne ba le ka gona mo ba soko sinya. Ba ko ba ba phela lephelo la go yenela. Bo ba gore ba nyoko hlula mo Sathane a ntshiwwe mokoting tsa senakonyana, ba nyoko jabolela lephelo la go ya go yye.—Kut 20:4-10.
(Kutullo 20:14, 15) Ke mokane likgu le lebitla tsa bošediwa nokeng ya mollo. Sowa se rela likgu la bobedi, noka ya mollo. 15 Go tokegela hone, wa gore ba krayye a sa ngwadiwa ga puku ya lephelo o yye a bošediwa nokeng ya mollo.
it-2-E 189-190
Noka ya Mollo
Mantsu yawa ma nyarela ga puku ya Kutullo fela fote go na le so ma tshwaniselang sona. Baebele ya tihlatollela mo yi re: “Sowa se rela likgu la bobedi, noka ya mollo.”—Kut 20:14; 21:8.
Mošupetso wowa wa noka ya mollo wo hlatodiwa gabutši howa ga puku ya Kutullo. Yi re likgu le nyoko bošediwa nokeng ya mollo. (Kut 19:20; 20:14) Likgu le ka sa tšhubege. Mara Diyabolo yene wa gore ke motho wa gore aa bonale o bošediwwe nokeng ya mollo. Ka taba la gore ke motho wa gore aa bonale, a ka sa tšhubi ke mollo wa mannete.—Kut 20:10; tshwanisa Ek 3:2 le Bay 13:20.
Ka taba la gore noka ya mollo yi yemela “likgu la bobedi” le gore Kutullo 20:14 yi re “likgu le lebitla” di nyoko bošediwa gona, di fo ba lekgwaying gore noka yowa a yi yemele likgu lo re le tshiletsiyeng ke Adamo (Mrm 5:12), kela Hadesi (Šewole). Di šupa gore yi yemela mohlobo wo mongwana wa likgu, la gore a go sa na tsogo ga lona, ka gore mo go ngwadiwweng ka “noka” a go na mo go bolabodiwang gore bo ba leng gona ba nyoko tšwa, mara bo ba kgwang ka taba la Adamo le Hadesi (Šewole), bona ba nyoko tsoga. (Kut 20:13) Mara bo ba gore a baa ngwadiwa ga “puku ya lephelo,” ba gore ba phigisana le go lawola ga Modimo fote ba sa tisole, ba bošediwa nokeng ya mollo ya gore ke go sinyega ga go ya go yye kela lona likgu la bobedi.—Kut 20:15.
Go Bala Baebele
(Kutullo 20:1-15) Ke mokane ka bona lengeloyi le thewoga le tšwa legedimong le tshwere sekhiya sa mokoti wa go yisa le tshwere le ketane ye kgolo. 2 La tshwara noga ye kgolo ya botala, ya gore ke Diyabolo wa gore fote ke Sathane, la mo tlemelela sekete sa mengwaga. 3 Ke mokane la mo bošela mokoting wa go yisa la mo kwalela gona gore a sa fokole batho ka mokana ga bona go segela go fela sekete sa mengwaga. Ka nthago, di nyaka a ntshiwe tsa senakonyana. 4 Ke mokane ka bona ditulo tsa go lawola, ba gore ba duli ga tsona ba ba neyye matšhika ya go yahlula. Ka bona moya wa bo ba gore ba bolayiwwe ka tso ba di makiyeng ka taba la Jeso le ka go bolabola ka Modimo, ba gore a sanka ba rapela pholwane ya go tshosa ya hlaga le serithi sa yona, ba gore fote a baa merekiwa mo mopong le letsogong la bona. Ba yye ba tsoga ke mokane ba lawola go le bona magoši le Kreste ka sekete sa mengwaga. 5 (Ka mokana ga bona bo ba gore ba kgwile a ba phela go segela go fela Sekete sa mengwaga.) Yowa ke tsogo ya mathomo. 6 Wa go jabola le wa go hlawolega ke ye a nyoko tsusiwang la mathomo; ga bowa likgu la bobedi le ka sa ba make selo, mara go ko ba go le maprista ya Modimo le ya Kreste ka sekete sa mengwaga. 7 Byalo ka nthago ga gore go fele sekete sa mengwaga, Sathane o nyoko ntshiwa jele, 8 ke mokane o nyoko ya gwe dhunghanya batho dikhonong ka dine tsa lefase, a hlekeletsa Ghogho le Maghogho gore ba tle ntweng. Bowa ke mo ba tlele ka matla go tshwana le santa ya lewatleng. 9 Ke mokane ba yye ba tlala lefase lowa ka mokana ga lona ba boya ba dukulugela matente ya bo ba go hlawolega le poleke ya gore ne ba yi nyaka ka matla. Mara go yye gwa tla mollo wa go tšwa legedimong wa ba kgwisa. 10 Ke mokane Diyabolo wa gore ne a ba fokola o yye a bošediwa nokeng ya mollo wa go dura ka matla, ga gore pholwane ya go tshosa ya hlaga le mo moporofeta wa matsaka ba yye gona; fote ba nyoko hlupegisiwa go ya go yye bošego le motshegare. 11 Ke mokane ka bona setulo se segolo sa wa go lawola le Ye a duling ga sona. Legedimo le lefase di yye dya tšhaba mahlong gage fote ne go se na poleke ya tsona. 12 Ke mokane ka bona ba gore ba kgwile, ba bagolo le ba banyana ba yemme mahlong ga setulo sa go lawola ke mokane gwa badiwa mangwalo ya go kokoropana. Mara gwa budiwa lengwalo le lengwana la go kokoropana; la gore ke la lephelo. Bo ba gore ba kgwile ba yye ba yahludiwa go ya ka dilo tso ba yye ba di maka tsa gore di ngwadiwwe ga mangwalo ya go kokoropana. 13 Ke mokane lewatle la hlatsa ba gore ba yye ba kgwela ga lona, likgu le lebitla di yye dya ntsha bo ba go kgwela ga tsona ke mokane ba yahludiwa go kene go lebelediwa tso ba di makiyeng. 14 Ke mokane likgu le lebitla ba di bošela nokeng ya mollo. Sowa se rela likgu la bobedi, noka ya mollo. 15 Go tokegela gana hone, wa gore ne a sa ngwadiwa ga puku ya lephelo o yye a bošediwa nokeng ya mollo.