Ditodi tsa Sepukwane sa Mogahlano wa Maphelelo le Matšhomayelelo
FEBRUARY 3-9
MAKOLWANE KA TENG GA LENTSU LA MODIMO | GENESI 12-14
“Senghana sa Gore se Yama le Wene”
(Genesi 12:1, 2) Ke mokane Jehova a re ga Abhramo: “Tloga mo nageng ya genu le ga mašaga yago le ga mutši wa bokokwane wago o ye ga naga yo ke nyoko go šupetsang yona. 2 Ke nyoko maka gore wene o be setšhaba se segolo, fote ke nyoko go rufa, ke nyoko maka gore lebitso lago go be le legolo, ke mokane batho ka mokana ga bona ba nyoko rufiwa ka taba lago.
it-1-E 522 ¶4
Senghana
Senghana sa Gore se Makiwwe le Abhrahama. Senghana so se makiwweng le Abhrahama se thomisiye go bereka nakwela Abhramo (Abhrahama) a taka noka ya Eforate a bakiye Kanana. Molawo wa senghana wo makiwwe mo go šele go fitiye 430 ya mengwaga. (Gal 3:17) Jehova o bolabodiye le Abhrahama nakwela a sa dula Mosopotamiya, ku Uri ya Makaladiya, a mmotsa gore a ye ga naga yo a nyoko yi šupetsang ke Modimo. (Meb 7:2, 3; Gen 11:31; 12:1-3) Eksoda 12:40, 41 (LXX) yi re botsa gore mo go šele go fela 430 ya mengwaga Maisrayele ma sa dula Egepita le ga naga ya Kanana, “ka letšatši lolone” Israyele ya gore ke mo yi hlupegisiwa hala Egepita, yi yye ya tšwa. Ba tšwile Egepita mo go šele ka Nisani 14, 1513 B.C.E. (Ek 12:2, 6, 7) Sosone se ka fo ba se šupetsa gore Abhrahama o takiye noka ya Eforata nakwela a ya Kanana ka Nisani 14, 1943 B.C.E. fote di fo ba lekgwaying gore ke mo go le ka nako yonone mo senghana so se makiwweng le Abhrahama se thomisa go bereka. Modimo o nyarele fote ga Abhrahama ka nthago ga gore a ye Kanana a šele a segele Šakeme ke mokane a yeketsa ga so a mo tshepisiyeng sona, a re, “Pewu yago ke nyoko yi neya naga yowa,” go šupetsa gore senghana sowa se yelana byang le so se yyeng sa tshepisiwa ku Edeni, le go wunyulla gore “pewu” yo yi nyoko tlang ke motho, ke gore, ke mo yi nyoko nyarela mo batho ba kene ba belega ka go lategetsana. (Gen 12:4-7) Ga Genesi 13:14-17; 15:18; 17:2-8, 19; 22:15-18 go bolabodiwa ka tse dingwana tsa gore Jehova o yye a tlatsisa ka tsona ka nthagonyana.
(Genesi 12:3) Ke nyoko rufa bo ba go rufang, fote ye a nyakang o tlela ke tsa go befa ke nyoko maka gore a be le senyama, fote mitši ka mokana ga yona ya mo lefaseng yi nyoko rufiwa ka taba lago.”
w89-SE 7/1 3 ¶4
Ke Ntaba di Nyaka o Tšiba Nnete ka Abhrahama
So se tshepisiwweng se ya makatsa, fote taba yone Abhrahama o kwile gabedi. (Genesi 18:18; 22:18) Gore tsotsone di thogo makega, Modimo o nyoko tsosa ba gore ba yemela mitši ya gore yi kgwelele. Bo ba ko bang ba tsusiwwe ba nyoko ba ba rufiwwe ka matla, ka nako yone ba go tlala ga bobone ba nyoko ba ba phela Pharadeyising ho lefaseng, ya gore batho ba yye ba maka gore yi šaše. Ke mokane, ba nyoko tšhutisiwa gore ba ka maka ying gore ba kraye lephelo la go ya go yye.—Genesi 2:8, 9, 15-17; 3:17-23.
(Genesi 13:14-17) Ka nthago ga gore Llota a yarogane le Abhrahama, Jehova o yitseri: “Yinusa mahlo yago ša poleke yonone o leng ga yona ke mokane o lebelele lebowa le borwa, bohlabela le bodikela, 15 ka taba la gore naga ka mokana ga yona yo o yi bonang, ke nyoko yi neya wene le bana bago gore go be ya lune go ya go yye. 16 Fote ke nyoko maka gore bana bago ba tshwane le lerole la ho lefaseng, gore mo nkare go na le ye a ka balelang lerole la lefase, di ra gore le bana bago ba ko balegeng. 17 Tlogamela, o sepela sepele le naga yowa, o bone gore yi lefiye go segela kaye fote ke ye koto go segela kaye, ka taba la gore ke nyoko yi neya wene.”
it-2-E 213 ¶3
Molawo
Go ya ka tso di šupetsang ke tsa ku botala, ba bangwana ba go tšhutega ba tseya gore mo motho ba mo neya naga ya gore o yi rekiye, ke mo ba mo šupetsa mo ba mo kgereleng gona a yemme polekeng ya gore yi gedimo. Ke mokane mo ye a yi rekang a re, “Ke ya bona,” ke mo a šupetsa gore wa yi yamogela. Nakwela Jehova o tshepisa Abhrahama gore o nyoko mo neya naga ya Kanana, o yitseri a yi lebelele ka mathoko ka mane. Abhrahama yene aa hlaya gore, “Ke ya bona,” kela di ka fo ba di makiye ke gore Modimo ne a bolabodiye gore o nyoko yi neya pewu yage ka nthago nyana. (Gen 13:14, 15) Moše, wa gore ka molawo ke mo a yemelela Israyele, ba mmutsiye gore “bona” naga yowa, go šupetsa gore mo nkare taba yowa go bolabodiwweng ka yona ke nnete, Maisrayele ke mo ma nyoko tseya naga yone ma yetetsa ke Jošuwa. (Dot 3:27, 28; 34:4; bona fote so Sathane a se tshepisiyeng Jeso ga Mat 4:8.) Taba ye nngwana yo yi makegiyeng ya go yelana nayo ke yowa: go sepela ba feta nageng kela go kena ga yona gore ba thogo yi tseya gore go be ya bona. (Gen 13:17; 28:13) Ga tso di ngwadiwweng ku botala, ke mo ba balela le nombhoro ya mehlare yo yi leng ga poleke ye nngwana le ye nngwana mo ba yi rekisa.—Tshwanisa le Gen 23:17, 18.
Go Wunyulla tso di Wutammeng ka Baebeleng
(Genesi 13:8, 9) Ke mokane Abhramo a re ga Llota: “Ke ya go kgopela, a di nyake go ba le go sa kwane ho gaka le ho gago le ga batho ba ka ba go disa le bago, ka taba la gore ke rune bobhuti. 9 Ayitsano naga yowa a yi ye kgolo gore yi ka re yenetsa? Ke kgopela re yarogane. Mo nkare o ya ga letsogo la sepata, nna nko ya ga la go ja; mara mo nkare o ya ga la go ja, nna nko ya ga la sepata.”
w16.05-SE 5 ¶12
Lukisa go sa Kwane re sa na re Nyakanana
12 Taba ya ka Baebeleng ya batho ba Modimo ba gore ba yye ba lukisa taba go sa na go bebiye ke yo go bolabodiwweng ka yona ya Abhrahama le motlogolo wage ye ba reng ke Llota. Ka babedi ga bona ke mo ba na le tso ba di ruwweng, ke mokane gwa makega gore bo ba go ba disela ba lwele naga ya go disela ga yona. Abhrahama ke mo a sa nyake gore ba lwe, byalo o yye a re go thomise Llota a kgete gore yene le mutši wage ba nyaka gwe dula kaye. (Gen. 13:1, 2, 5-9) O re beyisele gabutši wa tšiba! Abhrahama ke mo a nyaka gore seyemo se dule se bebiye, ke mo a sa hlupege ka tsa gore yene o nyoko kraya ying. Nje o yye a lahlegela ke se sengwana ka taba la go maka dilo ka go loka? E-e. Ka nthagonyana ga so se makegiyeng segare gage le Llota, Jehova o tshepisiye Abhrahama gore o nyoko mo rufa ka matla. (Gen. 13:14-17) Modimo a ka sa lesetse bo ba mmerekelang ba hlupega ka matla ka taba la gore ba makiye dilo go ya ka ditšhiko tsa go hlawolega le go lukisa go sa kwane ba kene ba nyakanana.
(Genesi 14:18-20) Ke mokane Melekizedeke kgoši ya Salema wa gore ke mo go le moprista wa Modimo wa malenghelengheng a tla le sekgwa le wayini. 19 Ke mokane a mo rufa a re: “Abhramo a rufe ke Modimo wa malenghelengheng, ye a makiyeng legedimo le lefase; 20 Fote go gadimisiwe Modimo wa malenghelengheng, Wa gore o go neyye bo ba go poyilang!” Ke mokane Abhramo a mo neya lokobela la tso a nang natso.
(Maheberu 7:4-10) Monna ye Abhrahama wa gore ke hlogo ya mutši a mo neyyeng lekobela la dilo tsa go bafala tso a di krayyeng mo a hlula, ne a le ye mogolo. 5 Ke nnete gore go ya ka Molawo wa Moše, barwayi ba Llifi ba gore ne go le maprista ke bona bo ne di nyaka ba hlekeletsa makobela ga batho, ba gore ke magageru le ba gore ba tšwa ga moloko wa Abhrahama. 6 Mara monna yewa wa gore ne a sa tšibege gore o tlogelele kaye, o yye a tseya lekobela la Abhrahama ke mokane a rufa yewa wa gore ne a tshepisiwwe. 7 Di fo ba lekgwaying gore ye monyana o rufa ke ye mogolo. 8 Fote go gongwana, banna ba gore baa kgwa, ke bona ba krayang lekobela, mara go gongwana, o phona ka taba la mošupetso wo a wo krayyeng. 9 Fote re ka fo re le Llifi, wa gore o kraya lekobela, o patele ka Abhrahama, 10 ka taba la gore ne a sa nyoko ba kokwane wa motlogolo wage wa gore le yene ke kokwane wage mo a gahlana le Melekizedeke.
it-2-E 683 ¶1
Moprista
Melekizedeke kgoši ya Salema ke mo go le moprista (ko·henʹ) wa go makatsa. Baebele a yi hlaye gore o tšwa kaye, o belegiwwe leng kela gore o yye a kwa byang. Boprista byage aa bo kraya ka taba la gore a tšwa ga mutši wa boprista, fote a go na bo ba yyeng ba tla mahlong kela ka nthago gage. Melekizedeke ke mo go le kgoši fote go le moprista. Boprista byage ke mo bo feta kgole bya Malifi, ka taba la gore Lelifi, ke setšha a patele lekobela ga Melekizedeke, ka taba la gore Abhrahama ke mo a soko mmelega nakwela a neya Melekizedeke lekobela ke mokane a mo rufa. (Gen 14:18-20; Heb 7:4-10) Ga dilo tsowa Melekizedeke ke mo go le serithi sa Jeso Kreste, “moprista wa go ya go yye ka mokgwa wa Melekizedeke.”—Heb 7:17.
Go Bala Baebele
(Genesi 12:1-20) Ke mokane Jehova a re ga Abhramo: “Tloga mo nageng ya genu le ga mašaga yago le ga mutši wa bokokwane wago o ye ga naga yo ke nyoko go šupetsang yona. 2 Ke nyoko maka gore wene o be setšhaba se segolo, fote ke nyoko go rufa, ke nyoko maka gore lebitso lago go be le legolo, ke mokane batho ka mokana ga bona ba nyoko rufiwa ka taba lago. 3 Ke nyoko rufa bo ba go rufang, fote ye a nyakang o tlela ke tsa go befa ke nyoko maka gore a be le senyama, fote mitši ka mokana ga yona ya mo lefaseng yi nyoko rufiwa ka taba lago.” 4 Ke mokane Abhramo a maka tso Jehova a mmutsiyeng tsona, le Llota a ya naye. Abhramo ke mo a na le 75 ya mengwaga nakwela a ya Harane. 5 Abhramo o tsere mosadi wage Sara le Llota morwayi wa bhuti wage le dilo ka mokana ga tsona tso ne ba le natso le batho bo ne ba ba tsere Harane, ke mokane ba ya nageng ya Kanana. Mo ba šele ba segele Kanana, 6 Abhramo o sipidiye mone nageng go segela polekeng ya Shakeme, thina le mehlare ye megolo ya More. Ka nako yonone, Makanana ke mo ma sa le mone nageng. 7 Jehova a nyarela ga Abhramo ke mokane a re: “Naga yowa ke nyoko yi neya ditlogolwane tsago.” Ke mokane gana mone a yagela Jehova aletare, wa gore o nyarele gage. 8 Ka nthagonyana, o sipidiye a ya polekeng ya gore yi dithabeng ya bohlabatšatši bya Bethele, ke mokane a hloma letente lage Bethele yi le ka bodikela, Ayi yi le ka bohlabatšatši. Gana mone a yagela Jehova altare ke mokane a thomisa go bitsa lebitso la Jehova. 9 Ka nthagonyana, Abhramo a yaga lešaka ke mokane a ya Nekebhebho, a dula ga poleke ye nngwana ka nthago ga ye nngwana. 10 Byalo gwa ba le tlala mone nageng, ke mokane Abhramo a thewoga a bakiye Egepita gore a ye dula gona ka nako ye nyana, ka taba la gore tlala mone nageng ke mo go le ye kgolo. 11 Mo a šele a le thina le go kena Egepita, o yitseri ga mosadi wage Sarayi: “Ke kgopela o ntheetsele! Ke di tšiba gore ke wene mosadi wa go bafala ka matla. 12 Byalo mo Maegepita ma go bona, ma nyoko re a re kamake, ‘Yewa ke mosadi wage.’ Ke mokane ba nyoko mpolaya mara wene ba go lesetsa o phela. 13 Ke kgopela o ba botse gore ke wene sesi waka, gore di nsepelele gabutši ka taba lago, ke mokane nko phoneng.” 14 Mo Abhramo a sa tšwa go kena Egepita, Maegepita ma di bona gore mosadi yewa o bafele ka matla. 15 Le morwediya wa kgoši a mmona, ke mokane ba thomisa go mo thanaka ga Faro, gore ba thogo mo tseya ba mo yise ga mutši wa Faro. 16 O tshwere Abrhamo gabutši ka taba lage, ke mokane a ba le dinku, dikgomo, dibhongolo tsa pholo le tsa tshadi, dibereki tsa banna le tsa basadi le dikamela. 17 Ke mokane Jehova a leyela Faro le ba mutši wage dilo tsa go sasamela ka matla ka taba la Sarayi mosadi wa Abhramo. 18 Ke mokane Faro a bitsa Abhramo a re: “Ke mo o rorebeng? Ke ntaba o sa mpotsa gore ke mosadi wago? 19 Ke ntaba o yitseri, ‘Ke sesi waka,’ ka šinya ke mo tseya gore ke mo make mosadi waka? Ke yewa mosadi wago. Mo tseye o sepele!” 20 Ke mokane Faro a ba botsa gore ba make ying ka yene, fote ba mo raka yene le mosadi wage le dilo ka moka tso ne a le natso.
FEBRUARY 10-16
MAKOLWANE KA TENG GA LENTSU LA MODIMO | GENESI 15-17
“Ke Ntaba Jehova a Neyye Abhramo le Sarayi Mabitso ya Nyuwane?”
(Genesi 17:1) Mo Abhramo a šele a na le 99 ya mengwaga, Jehova o yye a nyarela gage ke mokane a re: “Ke nna Modimo wa matšhika ka moka. Sepela mahlong gaka fote o tišupetse go le wene motho wa go sa be le selabi.
it-1-E 817
Selabi, Go Leketsa go Kraya Dilabi
Ka nthoko ye nngwana, mekgwa ya batho le tso ba di makang di na le go ba le go sa yi ka tsela. Adamo o makiye gore batho ka mokana ga bona ba sinye fote ba make tsa go sa yi ka tsela. (Rom 5:12; Pis 51:5) Mara Jehova, wa gore o lukiye, “o tšiba ka mokgo re makiwweng ka gona, aa di lebale tsa gore ke rune lerole,” fote o re kwela go baba. (Pis 103:13, 14) Ke mo a tseya Nnowa wa go tshepega wa gore fote ne a theetsela, “a lukiye segare ga bo ne a phela nabo.” (Gen 6:9) O butsiye Abhrahama gore “Sepela mahlong gaka fote o tišupetse go le wene motho wa go sa be le selabi.” (Gen 17:1) Le mo banna bowa ne go le batho ba go sa felegelela fote ba yye ba kgwa, ke mo ba lukiye mahlong ga Jehova, yene “wa go bona sa ka pelong.” (1Sa 16:7; tshwanisa le 2Mg 20:3; 2Kr 16:9.) O butsiye Israyele gore: “O tišupetse go le wene motho wa go loka mahlong ga Jehova Modimo wago.” (Dot 18:13; 2Sa 22:24) O neyele ka Morwayi wage wa go felegelela (Heb 7:26) gore go be sehlabelo sa go re lepolla, gore ka taba la sona batho ka mokana ga bona ba gore ba na le tumelo fote baa theetsela, a thogo ba tseya go le ba “go loka” kela ba gore a ba na selabi, a kene a tišupetsa gore ke yene wa go yahlula ka go loka, a se na selabi.—Rom 3:25, 26; bona GO TSHEPEGA; GO YENELA.
(Genesi 17:3-5) Ka taba la tsotsone, Abhramo a wela fase ka sefahlego, ke mokane Modimo a ya mahlong a bolabola naye a re: 4 “Nna yene, bona! ke maka senghana nago, fote o nyoko ba papa wa ditšhaba tsa go tlala. 5 Lebitso lago go ka sa sa ba Abhramo, lebitso lago go nyoko ba Abhrahama, ka taba la gore ke nyoko go maka papa wa ditšhaba tsa go tlala.
it-1-E 31 ¶1
Abhrahama
Go fitiye nako. Ke mo ba šele ba na le gana hala ga sehlano la mengwaga ba le Kanana, mara Sara ke mo a sa belege. O yye a kgopela gore Haghara wa gore ke mo go le sebereki sage sa go tšwa Egepita a mmelegele ngwana. Abhrahama a dumela. Ka 1932 B.C.E., mo Abhrahama a na le 86 ya mengwaga, Išimayele o yye a belegiwa. (Gen 16:3, 15, 16) Go fitiye nako ya go lefa. Ka 1919 B.C.E., mo Abhrahama a na le 99 ya mengwaga, Jehova o yye a re banna ka mokana ga bona ba mutši wa Abhrahama ba bollwe, sosone go nyoko ba setwaba sa go šupetsa gore go na le senghana gare gage le Abhrahama. Ka nako yonone Jehova o yye a tšhentšha lebitso la Abhramo gwa ba Abhrahama, a re “ka taba la gore ke nyoko go maka papa wa mogoba wa ditšhaba.” (Gen 17:5, 9-27; Rom 4:11) Ka nthago nyana ga gore go nyarele mangeloyi ka mararo ya gore Abhrahama o yye a ma yamogela ka lebitso la Jehova, ma tshepisiye gore ka mongwaga wa go latela, Sara o nyoko yima a belega morwayi!—Gen 18:1-15.
(Genesi 17:15, 16) Ke mokane Modimo a botsa Abhrahama a re: “Mosadi yewa wago Sarayi, o sa sa mmitsa Sarayi, ka taba la gore lebitso lage go nyoko ba Sara. 16 Ke nyoko mo rufa fote ke nyoko go neya morwayi ka yene; ke nyoko mo rufa, o nyoko ba ditšhaba; magoši ya batho ba nyoko tšwa gage.”
w09-SE 2/1 13
Lebitso la Motho le go Botsa Ying ka Yene?
Modimo o tšhentšhiye mabitso ya batho ba bangwana ba gore ke mo ba šele ba gudiye gore go be ya boporofeta. Mo re beyisa, o tšhentšhiye lebitso la Abhramo, la go rela gore “Papa o Gadimisiwwe,” gore go be Abhrahama, la go rela gore “Papa wa batho ba go tlala.” Abhrahama go yye gwa ba papa wa ditšhaba tsa go tlala, go fo tshwana le ka mokgo lebitso lage le hlayang. (Genesi 17:5, 6) Nagana fote ka mosadi wa Abhrahama, Sarayi, ya gore yi ka fo ba yi rela gore “Wa go Garatsa.” Ke mo a jabodiye la go sa hlayisege mo Modimo a mo neya lebitso la gore ke “Sara,” ya gore yi rela gore “Morwediya wa Kgoši,” la gore ke mo le šupetsa gore ke mo go nyoko ba kokwane wa magoši.—Genesi 17:15, 16.
Go Wunyulla tso di Wutammeng ka Baebeleng
(Genesi 15:13, 14) Ke mokane o yitseri ga Abhramo: “O di tšibe gabutši tsa gore bana bago go nyoko ba batho ba go tšwa ka tawong ga naga ya gore a yi ya bona fote batho ba naga yone ba nyoko ba maka mabhantiti le go ba hlupegisa ka 400 ya mengwaga. 14 Mara ke nyoko yahlula setšhaba so ba nyoko bang ba se berekela, ke mokane ka nthago ga mone ke nyoko maka gore ba sepele le dilo tsa go tlala.
it-1-E 460-461
Tsa Botala
Jehova o butsiye Abhramo (Abhrahama) gore: “O di tšibe gabutši gore bana bago go nyoko ba batho ba go tšwa ka tawong ga naga ya gore a yi ya bona fote batho ba naga yone ba nyoko ba maka mabhantiti le go ba hlupegisa ka makgolo ya mane ya mengwaga.” (Gen 15:13; bona le Meb 7:6, 7.) Taba yowa go bolabodiwwe ka yona go soko belegiwa wa gore ke mo a nyoko kraya dilo ka moka, wa gore ke mo a tshepisiwwe, kela “pewu,” yene Isaka. Ka 1932 B.C.E. Haghara wa gore ke mo go le sebereki sa ngwannyana sa Leegepita o belegele Abhramo Išmayele, ke mokane ka 1918 B.C.E. Isaka a belegiwa. (Gen 16:16; 21:5) Mo re bala re ya morago go tlugisela ga 400 ya mengwaga ya mo Maisrayele ma tšwa Egepita, ga gore ke mo ba fela ba ‘hlupegisiwa’ gona (Gen 15:14), re segela ga 1913 B.C.E., fote ka nako yone Isaka ke mo a na le sehlano sa mengwaga. Di šupa nkare Isaka ke mo ba mo lomodiye letswele ka nako yone fote ke mo go šele go le “motho wa go tšwa ka tawong” ga naga ya gore a yi ya gabo, o thomisiye go bona go hlupegisiwa ga gore go bolabodiwwe ka gona ku botala nakwela Išmayele wa gore ke mo a na le gana hala ga bo 19 ya mengwaga a mo “poyila.” (Gen 21:8, 9) Le mo nkare gana byalo go poyila ke Išmayele wa gore ke mo a nyoko kraya dilo ka mokana ga tsona go ka tseyiwa go se taba ye kgolo, ke mo go se ka mokgonone ka dinako tsa mopatriyareka yewa. Re thogo di bona ka mokgo Sara a yyeng a tikwa ka gona fote Modimo le yene o yye a yema le Sara nakwela a kgopela gore Haghara le Išmayele ba rakiwe. (Gen 21:10-13) Gore taba yowa yi hlatudiwwe gabutši ka mangwalong ya go hlawolega yi šupetsa go thomisa ga 400 ya mengwaga ya gore go porofitiwwe ka yona ya go hlupegisiwa ga gore ke mo go ka sa fele go segela ma ntshiwa Egepita.—Gal 4:29.
(Genesi 15:16) Mara ba nyoko boya mowa ka moloko wa bone, ka taba la gore go sinya ga Maamoro a go soko fetelela.”
it-1-E 778 ¶4
Go Ntshiwa
“Ka moloko wa bone.” Di nyaka re gopola gore Jehova o butsiye Abhrahamo gore ka moloko wa bone, ditlogolwane tsage ke mo di nyoko boyela Kanana. (Gen 15:16) Ka 430 ya mengwaga go tlugisela ka nako yela senghana sa go makiwa le Abhrahamo se thomisiyeng go bereka go segela mola ba ntshiwa, ke mo go na le meloko ya ka ku ga ka mene, re sa lebale le lephelo la go lefa la gore ba yye ba le jabolela ka nako yone, go ya ka so se ngwadiwweng. Mara gabutšibutši Maisrayele ma fetsiye 215 ya mengwaga ma le Egepita. Gore re thogo bona ‘meloko yone ka mene’ ka nthago ga gore ba kene Egepita re ka balela re berekisa moloko ka wwoši wa Israyele, moloko wa Llifi: (1) Llifi, (2) Khohathe, (3) Amoramo, le (4) Moše.—Ek 6:16, 18, 20.
Go Bala Baebele
(Genesi 15:1-21) Ka nthago ga sowa lentsu la Jehova la tlela Abhramo ka mmono, la re: “Abhramo, o sa tšhoge. Ke nna legawu lago. O nyoko rufiwa ka matla.” 2 Abhramo a fetola a re: “Morena Jehova wa Malenghelengheng, o nyoko nneya ying, ka taba la gore a ke na ngwana fote ye a nyoko krayang tsa mutši waka ke Eliza wa Damasekase?” 3 Go tokegela hone, Abhramo a re: “A wa nneya ngwana, fote ye mongwana wa ba mutši waka go nyoko ba yene ye a nyoko tseyang dilo ka moka.” 4 Mara ye lune! Jehova mo a mo fetola o yitseri, “Monna yene a ka sa kraye selo sa mutši wago, mara di nyoko kraya ke morwayi wago.” 5 Ke mokane a mmitsa gore a tšwele ka tawong a re: “Ke kgopela o lebelele gedimo magedimong o balele dinanedi, o bone mo nkare o ko kgoneng.” Ke mokane a re: “Le bana bago ba nyoko ba ka mokgonone.” 6 Ke mokane a dumela tso di bolabolang ke Jehova, fote a mo tseya go le motho wa go loka. 7 Ke mokane a tokegela ka gore: “Ke nna Jehova, wa gore ke go ntshiye Uru ya Makaladiya gore ke go neye naga yowa go be yago.” 8 Mo a fetola a re: “Morena Jehova wa Malenghelengheng, nko di tšiba byang gore naga yowa go nyoko ba yaka?” 9 Ke mokane a mo fetola a re: “Ntseyele senamane sa gore se na le mengwaga ka meraro, le pudi ya tshadi ya gore yi na le mengwaga ka meraro, nku ya pholo ya go ba le mengwaga ka meraro, liba la gaye, le liba le lenyana la hlaga.” 10 Ke mokane a tseya ka mokana ga tsona a di kopelela gwa ba dikopa ka dipedi, a beya sekopa se sengwana ka thoko ga se sengwana, mara dinonyane tsone aa di kupa. 11 Ke mokane dinonyane tsa go ja nama tsa thomisa go thewogela ga nama yone tsa yi ja, mara Abhramo ke mo a fo di rakaraka. 12 Mo letšatši le šele le nyoko dikela, Abhramo o yye a ya ka boroko ke mokane letshwifi le legolo la gore le ya tshosa la thewogela gage. 13 Ke mokane o yitseri ga Abhramo: “O di tšibe gabutši tsa gore bana bago go nyoko ba batho ba go tšwa ka tawong ga naga ya gore a yi ya bona fote batho ba naga yone ba nyoko ba maka mabhantiti le go ba hlupegisa ka 400 ya mengwaga. 14 Mara ke nyoko yahlula setšhaba so ba nyoko bang ba se berekela, ke mokane ka nthago ga mone ke nyoko maka gore ba sepele le dilo tsa go tlala. 15 Mara wene, o nyoko ya ga bokokwane wago o kgotsofele; o nyoko bolokiwa o šele o phidiye ka matla. 16 Mara ba nyoko boya mowa ka moloko wa bone, ka taba la gore go sinya ga Maamoro a go soko fetelela.” 17 Mo letšatši le šele le dikele fote go le letshwifi, go yye gwa thomisa go tupa mmuši, ke mokane mollo wa feta gare ga dikopa tsela. 18 Ka letšatši lone, Jehova o makiye senghana le Abhramo, a re: “Naga yowa ke nyoko yi neya bana bago, go tlugisela ga noka ya Egepita go segela ga noka ye kgolo, noka ya Eforata: 19 naga ya Makenite, Makhenezite, Makedemonite, 20 Mahitite, Mapherizite, Marefayime, 21 Maamoro, Makanana, Maghighašite le Majebusi.”
FEBRUARY 17-23
MAKOLWANE KA TENG GA LENTSU LA MODIMO | GENESI 18-19
“‘Wa go Yahlula Lefase ka Moka’ o Fetsa ka Sodoma le Ghomora”
(Genesi 18:23-25) Ke mokane Abhrahama a šutela a re: “Ayitsano nnetennete o nyoko fetsa ka batho ba go loka le ba dipelo tse diphifadu? 24 Tla re fo re go na le 50 ya batho ba gore ba lukiye mone ga poleke yone. Ayitsano o ka fetsa ka bona ka mokana ga bona wa sa kwele poleke yone go baba ka taba la 50 ya batho ba go loka bo ba leng ga yona? 25 Di kwisa go baba go nagana gore o ka maka selo sa mošaga wonone wa fetsa ka banna ba go loka le ba dipelo tse diphifadu gore ba kraye patela ya go tshwana! A di go tshwanele. Nje wa go yahlula lefase ka moka a ka sa make dilo tsa go loka?”
w17.04-SE 18 ¶1
“Wa go Yahlula Lefase ka Moka” o fo Dula a Maka Dilo tsa go Loka
“Ayitsano wa go yahlula lefase ka moka a ka sa make dilo tsa go loka?” (Gen. 18:25) Ka putsiso yone, Abhrahama ke mo a šupetsa gore wa di tshepa tsa gore Jehova o nyoko kwela Sodoma le Ghomora go baba. Ke mo a di tshepa tsa gore Jehova a ka sa di make tsa go “bolaya batho ba go loka go fo tshwana le mo a bolaya ba dipelo tse diphifadu.” Abhrahama ke mo a sa “nagana” selo sa mošaga wonone. Ka nthago ga 400 ya mengwaga, Jehova mo a bolabola ka yene mong o yitseri: “Letlapa, wa go maka dilo tsa go loka, wa gore ditsela tsage ka moka di lukiye. Modimo wa go tshepega wa gore a ka sa make tsa go hlawolana; wa go loka le wa gabutši.”—Dot. 31:19; 32:4.
(Genesi 18:32) Mafelelong a re: “Jehova, ke ya go kgopela, o sa kwate ka matla, mara ke kgopela go bolabola la mafelelo: Tla re fo re go krayega kapheta (5) ya banna.” A mo fetola a re: “Nka sa yi sinyanye ka taba la kapheta (5) ya banna.”
Go Lefisa Pelo—Tšiba Gore ke Ntaba o Tiyisela
Ke nnete gore mo re nyaka go tšhuta go lefisa pelo, re ka tšhuta ga ye mogolo wa gona ka matla, Jehova. (2 Pe. 3:15) Di tlele ka ho Baebeleng tso di šupetsang gore Jehova o yye a lefisa pelo ka matla. (Neh. 9: 30; Jes. 30:18) O fo nagana ka mokgo Jehova a yyeng a maka ka gona nakwela Abhrahama a mmutsisa ka so a nyoko se makang mo a psyitlanya Sodoma? Sa mathomo, Jehova aa mo tshwara molomo ga Abhrahama mo a kene a bolabola. Mara Jehova o yye a lefisa pelo a kene a theetsele putsiso ye nngwana le ye nngwana ya Abrahama le tso ne a šekela ka tsona. Byalo Jehova o yye a šupetsa gore ke mo a theetsele Abrahama mo a boyelela dilo tso ne di mo hlopa, a boya a mo tshepisa gore o nyoko yi lesetsa Sodoma mo a ka fo kraya go na le sehlano sa batho ba go loka ga mutši wonone. (Gen. 18:22-33) Wowa ke mošupetso wa gabutši wa go lefisa pelo le go sa tabogele go maka dilo!
(Genesi 19:24, 25) Ke mokane Jehova a maka gore go ne pula ya go baba le mollo gedimo ga Sodoma le Ghomora—ke mo yi tšwa ga Jehova, yi tšwa legedimong. 25 Byalo o yye a fetsa ka dipoleke tsone, eya, poleke yone ka mokana ga yona, le bo ba gore ke mo ba dula ga dipoleke tsone le dimilane tsa mone nageng.
w10-SE 11/15 26 ¶12
Jehova Morena wa Rune wa Malenghelengheng!
12 A re kamake gore Jehova o nyoko šupetsa matšhika yage. A ka sa fo tiyisela le mo a bona dilo tsa go befa di kene di ya mahlong, fote re ya di tšiba tsa gore re phela dinakong tsa mafelelo. Jehova o yye a fetsa ka batho ba dipelo tse diphifadu ka nakwela ya Mogogola. O fetsiye ka Sodoma le Ghomora le Faro le masole yage. Sisera le masole yage le Sanhendrini le masole yage ya Asiriya ke mo ba ka sa di kgone go hlula wa Malenghelengheng. (Gen. 7:1, 23; 19:24, 25; Ek. 14:30, 31; Bay. 4:15, 16; 2 Mg. 19:35, 36) Byalo le rune a re kamake gore Jehova a ka sa fo lesetsa lebitso lage le poyidiwa ka thoko go kene go hlupegisiwa dihlatse tsage. Go tokegela gana hone, gana byalo re ya di bona gore Jeso o gona le gore re phela mafelelong ya lefase lowa.—Mat. 24:3.
Go Wunyulla tso di Wutammeng ka Baebeleng
(Genesi 18:1) Ka nthago, Jehova a nyarela segare ga mehlare ye mogolo ya Mamere a kene a sa duli ho sekwalong sa letente go kene go fisa ka matla ka letšatši lone.
(Genesi 18:22) Ke mokane banna bala ba tloga mone ba ya thina le Sodoma, mara Jehova ke mo a šele le Abhrahama.
w88 5/15-SE 23 ¶4-5
Ayitsano o Gona wa Gore o Yye a Bona Modimo?
Gana byalo di thogo kwisisega gore ke ntaba Abhrahama a bolabodiye le lengeloyi la go bolabolela Modimo lo le yyeng la tla gage ka mmele wa nama, a bolabola nalo nkare ke Jehova Modimo ka boyene mong. Lengeloyi lowa ke mo le bolabola dilo ka mokana ga tsona tso Modimo ne a nyaka gore di butsiwe Abhrahamo fote ke mo le yemela Yene, ke sona so se makang gore Baebele yi hlaye gore “Jehova o yye a nyarela gage.”—Genesi 18:1.
Gopola gore lengeloyi lo ne le bolabolela Modimo ke mo le di kgona tsa go yisa molayetsa wage go fo tshwana le ka mokgo fowunu kela wayilese yi kgonang go yisa molayetsa ga motho ye mongwana. Ka taba lowa, re thogo kwisisa gore Abhrahama, Moše, Manowa, le ba bangwana ke mo ba maka byang mo ba šinya ba kgona go bolabola le lengeloyi nkare ba ro bolabola le Modimo ka boyene mong. Le mo batho bowa ne ba kgona go bona mangeloyi le gore Jehova wa gadima, sosone a se rele gore ke mo ba bona Modimo. Byalo, a di re gore taba yowa yi phigisana le yo Johane wa lepostola a yi hlayyeng ya gore: “Aa šiyo wa gore o yye a bona Modimo le ka ggoši.” (Johane 1: 18) Tso banna bowa ba di bonneng ke mo go se Modimo, mara ke mo go le mangeloyi ya go yemela Modimo.
(Genesi 19:26) Mara mosadi wa Llota, wa gore ke mo a mo šele nthago, a thomisa go lebelela nthago, ke mokane a ba sewulu sa letswayi.
Kgahlolla bo ba Nang le Tso di ba Kgahleletsiyeng
3 Llota o yi lahliye nakwela a kgeta go dula le batho ba ku Sodoma ba gore ke mo ba maka dilo tsa go sa bolabolege tsa gore a di ya hlamatsega. (Bala 2 Petro 2:7, 8.) Poleke yone ke mo yi ghannye, mara Llota o lobiye dilo tsa go tlala ka matla ka taba la go rurela Sodoma. (Gen. 13:8-13; 14:12) Mosadi wa Llota o yye a feleletsa a sa sa theetsela Jehova ka taba la gore ke mo a tlwayelanne ka matla le batho ba mone polekeng. O yye a kgwa nakwela Modimo a nisa mollo wa go tlabola ga poleke yonone. Nagana ka barwediya ba Llota ka babedi. Ke mo go na le banna ba bangwana bo ne ba ba tshepisiye go ba nyala ba gore ba kgwele ku Sodoma. Llota o lobiye ntlo le tso ne a le natso, fote sa go babisa pelo ka matla, o yye a kgwela ke mosadi. (Gen. 19:12-14, 17, 26) Ayitsano Jehova o yye a kganyela Llota nakwela a lebanne le ntshetshere yone? E-e.
Go Bala Baebele
(Genesi 18:1-19) Ka nthago, Jehova a nyarela segare ga mehlare ye mogolo ya Mamere a kene a sa duli ho sekwalong sa letente go kene go fisa ka matla ka letšatši lone. 2 A lebelela gedimo a bona banna ka bararo ba yemele kgolenyana naye. Mo a ba bona, a tabogela hala monyako wa letente gore a ba gahlanetse, ke mokane a kgotama. 3 A re: “Jehova, mo nkare o nkwele go baba, ke kgopela o sa mfete nna lelata lago. 4 Ke kgopela, ba re leyele meetši gore go hlapisiwe mawoto yago; ke mokane o dule ka tlase ga mohlare. 5 Ka taba la gore o tlile mo ga lelata lago, yema ke leye sekopa sa sekgwa gore o thogo timuluga. Ke mokane o ko thogo sepela.” Mo ba kwa tsotsone ba re: “Go lukiye. O ka maka tso o di hlayyeng.” 6 Byalo Abhrahama a yakgoswa a ya letenteng ga Sara ke mokane a re: “Tšhetšhisa! Kraya dikala ka ditharo tsa folawa, o di dube, ke mokane o make malofo ya sekgwa.” 7 Ke mokane Abhrahama a tabogela lešakeng la merape ke mokane a kgeta sepholwane sa go tsifa. A se neya yewa wa go disa, ke mokane a tšhetšhisa a ye se lukiseng. 8 Byalo a tseya sa go tlotsela le lebese le pholo yela ya gore o yi lukiselele a ba yisela tsona. Ke mokane a yema nabo ka tlase ga mohlare ba kene ba ja. 9 Ba re gage: “Mosadi wago o kaye?” A fetola a re: “Ka hala letenteng.” 10 Ke mokane ka wweši wa bona a ya mahlong a re: “Nnete ke gore ke nyoko boya gago mongwago tlang ka nako yonowa, fote bona! mosadi wago Sara o nyoko belega morwayi.” Byalo Sara ke mo a ba theetsele a yemme monyakong wa letente, wa gore ke mo wo le ka nthago ga monna yene. 11 Abhrahama le Sara ke mo ba tsofele, ba šele ba na le mengwaga ya go tlala. Sara ke mo a šele a fitiye ga mengwaga ya go belega bana. 12 Byalo Sara a titshegela a re: “Nna yene ke fediye fote le morena waka o titsofalele, nje nko di jaboleleng tsotsowa?” 13 Ke mokane Jehova a re ga Abhrahama: “Ke ntaba Sara a tshega fote a re, ‘Nje nko di kgoneng go belega nkene ke tsofele ka mokgo?’ 14 Ayitsano se gona sa gore se ka šita Jehova? Nko boya gago mongwago tlang ka nako yonowa, fote Sara o nyoko ba le morwayi.” 15 Mara Sara a phiga, a re, “A ka tshega!” ka taba la gore ke mo a tšhugiye. Mo a kwa sowa a re: “Eya! O tshegiye.” 16 Banna bowa ba tlogamela ba re baa sepela, ba lebelela lela la Sodoma, Abhrahama ke mo a sepela nabo a ba felegetsa. 17 Jehova a re: “Ayitsano ke wutametsile Abhrahama tso ke nyoko di makang? 18 Phela Abhrahama go nyoko ba setšhaba se segolo sa go ba le matšhika fote ditšhaba ka mokana ga tsona di nyoko rufiwa ka taba lage. 19 Ka taba la gore ke mo tšibiye gore a thogo botsa barwayi bage le ba mutši wage gore tso Jehova a di nyakang ba di tseyele hlogong ka go maka tsa go loka le tsa gabutši, gore Jehova a thogo maka tso a di tshepisiyeng ka Abhrahama.”
FEBRUARY 24–MARCH 1
MAKOLWANE KA TENG GA LENTSU LA MODIMO | GENESI 20-21
“Jehova o Dula a Maka Tso a di Tshepisiyeng”
(Genesi 21:1-3) Jehova a gopola Sara ka mokgo a yyeng a hlaya ka gona, fote Jehova a makela Sara ka mokgo a yyeng a mo tshepisa ka gona. 2 Byalo Sara a yima ke mokane a belegela Abhrahama, wa gore ke mo a šele a tsofele morwayi, ka nako yo Modimo a tshepisiyeng gore di nyoko makega ka yona. 3 Abhrahama a reya morwayi yene Sara a mmelegeleng yene lebitso, a re ke Isaka.
wp17.5-SE 14-15
Modimo a re ke “Morwediya wa Kgoši”
Ayitsano taba ya gore Sara o yye a tshega yi šupetsa gore ke mo a se na tumelo? Awwa. Baebele yi re: “Ka taba la go ba le tumelo, di kgonegiye tsa gore Sara a yime, le mo mengwaga yi šele yi fitiye, ka taba la gore ke mo a tshepa ye a mo tshepisiyeng.” (Maheberu 11:11) Sara ke mo a mo tšiba ga Jehova, ke mo a di tšiba tsa gore o kgona go maka se sengwana le se sengwana so a se tshepisiyeng. Ke mang a ka reng yene aa yi nyake tumelo ya mošaga wonone? Di gabutši ka matla mo re karakara le leketsa go mo tšiba gabutši Modimo yewa wa ka Baebeleng. Mo re maka tsotsone, re ko thogo di bona gore ke mo di tshwanele gore Sara a be le tumelo ya mošaga wone. Nnete Jehova wa tshepega fote o maka se sengwana le se sengwana so a se tshepisang, ka dinako tse dingwana, o di maka ka mokgwa wa gore o ka re makatsa lela la gore re šinye re ro tshega!
“MO THEETSELE”
Mo Sara a šele a na le 90 ya mengwaga, o yye a kraya selo so ke mo a se nabela lephelo lage ka moka. O yye a belegela monna wage morwayi, wa gore ke mo a šele a na le 100 ya mengwaga! Abhrahama o yitseri ngwanene ke Isaka, kela “Go Tshega,” ka mokgono Modimo a hlayyeng. Re ka fo nagana Sara a ngwalangwala a kene a tinnwe ke mokane a re: “Modimo o makiye gore ke jabole; batho ka mokana ga bona bo ba nyoko go di kwelela ba nyoko tshega le nna.” (Genesi 21:6) Mohlolo wo Modimo a mo makeleng wona wo yye wa mo jabodisa lephelo lage ka mokana ga lona. Mara ke mo di tla le mmereko.
Nakwela Isaka a na le 5 ya mengwaga, ba yye ba maka monyanya wa go mo lomola. Mara tse dingwana ke mo di sa sepele gabutši. Mo re bala, ba re Sara ke mo a “dula a bona” mokgwanyana wo mongwana wa go hlupa. Išimayele, morwayi yela wa Haghara, wa gore ke mo a šele a na le 19 ya mengwaga, ke mo a dulela go poyilanya Isaka. Ke mo yi sa fo ba taba ya gore wa kgana. Pawulo wa lepostola o yye a butšwelediwa gore a ngwale ka mokgwa wone wa Išimayele gore ke go hlupegisa. Sara o yye a di bona gore tsotsone ke mo di nyoko thatafisela morwayi wage lephelo. Sara ke mo a di tšiba tsa gore Isaka a yi fo ba ngwana wage fela, ke mo a kena le ga tso Modimo a nyakang go di maka. Byalo o yye a šišimala, a bolabola le Abhrahama a sa jikajiki. O yye a mo kgopela gore a rake Haghara le Išimayele.—Genesi 21:8-10; Magalata 4:22, 23, 29.
Abhrahama o yye a maka byang? Re bala gore: “Tso a di bolabodiyeng ka morwayi wage di yye tsa mo kgongwetsa ka matla ga Abhrahama.” Ke mo a mo nyaka ka matla ga Išimayele fote ka taba la gore ke papage, ke mo a sa yi bona gabutši taba yowa. Mara Jehova ke mo a yi bona gabutši, byalo o yye a yi kena. Re bala gore: “Ke mokane Modimo a botsa Abhrahama gore: ‘O sa kwatisi ke tso Sara a di bolabolang ka mošomanyana yewa le ka sebereki sago. Mo theetsele, ka taba la gore ditlogolo tsago di nyoko tšwa ga Isaka.’” Jehova o yye a tshepisa Abhrahama gore Haghara le morwayi wage ba nyoko pasopega. Abhrahama wa gore ke mo tshepega, o yye a theetsela.—Genesi 21:11-14.
(Genesi 21:5-7) Abhrahama ke mo a na le 100 ya mengwaga mo a belegediwa morwayi wage Isaka. 6 Ke mokane Sara a re: “Modimo o makiye gore ke jabole, batho ka mokana ga bona bo ba nyoko go di kwelela ba nyoko jabola le nna.” 7 Fote a re: “Ke mang wa gore ke mo a ka botsa Abhrahama gore: ‘Sara o nyoko gudisa bana’? Mara ke mmelegele ngwana, a šele a tsofele.”
(Genesi 21:10-12) Byalo a re ga Abhrahama: “Raka sebereki sowa le morwayi wa sona, ka taba la gore morwayi wa sebereki sowa le morwayi waka, Isaka, ba ka sa kraye dilo ggoši!” 11 Mara tso a di bolabodiyeng ka morwayi wage di yye tsa mo kgongwetsa ka matla ga Abhrahama. 12 Ke mokane Modimo a botsa Abhrahama a re: ‘O sa kwatisi ke tso Sara a di bolabolang ka mošomanyana yewa le ka sebereki sago. Mo theetsele, ka taba la gore ditlogolo tsago di nyoko tšwa ga Isaka.
(Genesi 21:14) Byalo Abhrahama a tsoga ka phuu, ke mokane a tseya sekgwa le lepotlela la meetši la sekgopa a di neya Haghara. A di beya magetleng gage, ke mokane a mo raka le mošomanyana yene. Byalo o yye a tloga a yinghayingha le hlaga ya Bherešibha.
Go Wunyulla tso di Wutammeng ka Baebeleng
(Genesi 20:12) Le mo go se sone, nnete ke sesi waka, ke morwediya wa papa mara a yi morwediya wa mmane, fote o yye a ba mosadi waka.
wp17.3-SE 12
“Ke Wene Mosadi wa go Bafala”
Sara ke mo go le sesi wa Abhrahama ka papage. Thera ke mo go le papa wa bona ka babedi, mara ye mongwana le ye mongwana ke mo a na le mmane wage. (Genesi 20:12) Le mo yi le gore lenyalo la mošaga wone a le sa yamogelega matšatši yawa, di nyaka re sa lebale gore ku botala dilo ke mo di makiwa ka mokgwa wo mongwana. Batho ke mo ba se kgole ka matla le go felegelela, ga gore Adamo le Efa ba go lahliye. Batho bone ke mo ba philegiye, le mo ba nyalana go le mašaga, ke mo di ka sa bake mathata ya gore ba belega bana ba mošaga mang. Ka nthago, mo go šele go fitiye 400 ya mengwaga, batho ke mo se ba phela mengwaga ya go lekananyana le ya rune. Ka nako yonone, Molawo wo hlayye gore batho ba sa sa nyalana mo go le mašaga.—Lefitiko 18:6.
(Genesi 21:33) Ka nthago o yye a gaša mohlare wa mothamarisiki ku Bherešibha, gana hone o yye a bitsa lebitso la Jehova, Modimo wa go ya go yye.
w89-SE 7/1 20 ¶9
Abhrahama ke Mošupetso ga Batho ka Mokana ga Bona ba Gore ba Nyaka Senghana le Modimo
9 Tso Abhramo a yyeng a di maka di yye tsa šupetsa gore o na le tumelo. Di hlayiwa ka mokgwa wowa: “O yye a yagela Modimo aletara gana hone.” (Genesi 12:7) Di ka makega gore go badiwa le ka dihlabelo tsa dipholwane, ka taba la gore ka Seheberu lentsu la gore “aletara” le ra gore “ga go makela dihlabelo.” Ka nthago, Abhramo o yye a fo tsama a maka ka mokgwa wonowa ga dipoleke tse dingwana. Go tokegela gana hone, o yye a ‘bitsa lebitso la Jehova.’ (Genesi 12:8; 13:18; 21:33) Ka Seheberu mo ba re go ‘bitsa lebitso la Jehova’ di ka boya di rela le go “bolabola ka lebitso lone (kela go tšhomayela).” Ba mutši wa Abhramo le Makanana ba ka fo ba ba mo kwile mo a bolabola ka lebitso la Modimo, Jehova, a sa tšhabe selo. (Genesi 14:22-24) Batho ka mokana ga bona ba gore ba nyaka go ba le senghana le Modimo le bona di nyaka ba make ka mokgonone, ba bitse lebitso lage ka tumelo. Gana hone go badiwa le go tšhomayela, “go maka sehlabelo sa go thanaka Modimo ka moka nako, go leng tso di tšwang ka molomo re bolabola ka lebitso lage mahlong ga batho.”—Maheberu 13:15; Maroma 10:10.
Go Bala Baebele
(Genesi 20:1-18) Byalo Abhrahama a tloga hone a ya nageng ya Neghebo ke mokane a thomisa go dula segare ga Khadeši le Šuri. Ka nakwela a dula Gherara, 2 Abhrahama a bolabola ka Sara mosadi wage fote, a re: “Ke sesi waka.” Byalo Abhimeleke, kgoši ya Gherara ya re ba leye Sara ke mokane a mo tseya. 3 Ka nthago, Modimo a nyarela ga Abhimeleke molorong , a mmotsa gore: “Wa tšiba ke setšha o kgwile ka taba la mosadi ye o mo tsereng, ka taba la gore o nyadiwwe fote ke mosadi wa monna ye mongwana.” 4 Mara, Abhimekele ke mo a soko šutela thina gage. Byalo a re: “Jehova, ayitsano o ka bolaya setšhaba sa gore a se ya sinya selo? 5 Anthe a yi yene a mputsiyeng gore, ‘Ke sesi waka,’ fote le yene mosadi yewa, anthe a yi yene a hlayyeng gore, ‘Ke bhuti waka’? Ke di makiye ka pelo ya go tshepega le ka matsogo yago yela.” 6 Ke mokane Modimo wa mannete a mmotsa gana hone molorong a re: “Ke ya tšiba gore o di makiye ka pelo ya go tshepega, nka taba lo ke makiyeng gore o sa nsinyele. Nka taba lo ke makiyeng gore o sa mo tikisi. 7 Byalo solotsa mosadi wa monna yene, ka taba la gore ke moporofeta fote o nyoko go kgopelela ke mokane o nyoko ya mahlong o phela. Mara wa ka sa mo solotse, o di tšibe gore o nyoko kgwa, wene le batho bago ka mokana ga bona.” 8 Abhimeleke a tsoga go sa le ka phuu, a bitsa dibereki tsage ka mokana ga tsona a ba botsa dilo tsowa, ba tšhoga ka matla. 9 Ke mokane Abhimeleke a bitsa Abhrahama ke mokane a re gage: “O re maka ying mara? Ke ro go maka ying tsa gore o šinye o nyoko maka gore nna le setšhaba saka re sinye ka matla ka mokgo? A wa mmaka tsona.” 10 Ke mokane Abhimeleke a ya mahlong a botsa Abhrahama gore: “Ke mo o nyaka gore go makege ying mo o šinya o maka ka mokgo?” 11 Abhrahama a re: “Nka taba la gore ke yye ka nagana gore ‘Batho ba poleke yowa a ba tšibi Modimo, fote ba nyoko mpolaya ka taba la mosadi ye waka.’” 12 Le mo go se sone, nnete ke sesi waka, ke morwediya wa papa mara a yi morwediya wa mmane, fote o yye a ba mosadi waka. 13 Byalo, mo Modimo a re ke tloge mutšing wa papa ke yinghayinghe, ke mmutsiye gore: ‘Gore o nnyaka ka matla, o nšupetse ka mokgo: Go gongwana le go gongwana mo re yang gona, mo o bolabola ka nna, o ba botse gore: “Ke bhuti waka.”’” 14 Ke mokane Abhimeleke a tseya dinku le dikgomo, dibereki tsa banna le tsa basadi a neya Abhrahama fote a solotsa le Sara mosadi wage. 15 Abhimeleke fote a re: “Naga yaka ke yowa. Dula mo o nyakang gona.” 16 Ga Sara a re: “Bhuti wago ke mo neya sekete sa dikopa tsa silva. Ke setwaba sa go šupetsa batho ka mokana ga bona gore a wa sinya selo, fote ba sa go sole ka selo.” 17 Ke mokane Abhrahama a thomisa go kgopela Modimo wa nnete a mo llela, ke mokane Modimo a yalafa Abhimeleke le mosadi wage le dibereki tsage tsa bannyana, ba thomisa go ba le bana; 18 ka taba la gore Jehova ke mo a makiye gore basadi ba mutši wa Abhimeleke ka mokana ga bona ba sa belege ka taba la Sara, mosadi wa Abhrahama.