MAPHELELO YA SEKRESTE
Jehova wa re Gelepa ga Tso re Ghulanang Natso
Ga dinako tsowa tsa mafelelo, re lebana le dintshitshire. Ka dinako tse dingwana, re ka kwa nkare re ka sa kgone go di tiyisela. Mara mo re ya mahlong re šutela thina le Jehova, o nyoko re gelepa gore re tiyisele dintshitshire tsa gore kwisa go baba. (Jes 43:2, 4) Re ka šutela thina ga Jehova ka mokgo mang mo re lebanne le dintshitshire?
Thapelo. Mo re tshollwela Jehova tso di leng ka pelong, o nyoko maka gore re bebe le go re neya matšhika ya gore re tiyisele.—Flp 4:6, 7; 1Mt 5:17.
Megahlano. Ka matlamatla ga dinako tsowa, di nyaka re tšibe tso di leng ka Bhayibeleng le gore re nghanelane le batho ba Jehova mo re le megahlanong. (Heb 10:24, 25) Mo re lukiselela megahlano, re ba gona, re boya re fetola mo re le megahlanong, re ko ba re maka gore moya wa Jehova wo re berekele.—Kut 2:29.
Go Tšhomayela. Mo re karakara gore re fetse nako ya go tlala re le tšhomong, re nyoko kwa go le lula gore re nagane ka dilo tsa gabutši. Fote re ko ba re tiyisa senghana sa rune le Jehova le senghana sa rune le magageru.—1Ko 3:5-10.
LEBELELANENG VIDIYO YA GORE JEHOVA A KA SA GO LISE, KE MOKANE LE FETOLENENG DIPUTSISO TSOWA:
Malu o gelepiye king gore a dule a le thina le Jehova mo a lebanne le dintshitshire?
Go tshwana le Malu, mantsu ya ma leng ga Pisalema 34:18 ma ka re kgomoletsa ka mokgo mang mo re lebanne le dintshitshire?
Taba ya Malu yi re šupetsa byang gore Jehova o re neya ‘matšhika ya gore a maa tlwayelega’ mo re lebanne le dintshitshire?—2Ko 4:7