A re Ntoši

1-2. (a) Ke ntaba di nyaka re sa kamake gore a re ntoši mo re gahlana le tsa go re ghula? (b) Re nyoko bolabola ka ying ga hlogotaba yowa?

MO GO na le dilo tsa go re manya, re ka fo tikwa nkare re fo ba re le ntoši ka teng ga sekepe se senyana gare ga lewatle la gore le na le sedingwane. Mara a re ntoši. Papa wa rune wa ku legedimong aa fo bona tso re ghulanang natso mara o re tshepisa gore o nyoko re gelepa gore re thogo di hlula. Ka taba la gore ke rune malata yage ya go tshepega, Jehova o re tshepisa gore: ‘Ke nyoko le gelepa.’—Jes. 41:10.

² Hlogotaba yowa yi nyoko re šupetsa ka mokgo Jehova a re gelepang (1) ka go re yetetsa, (2) ka go re neya tso re di gayelang, (3) ka go re tšhireletsa, le (4) ka go re kgomoletsa. Jehova o re tshepisa gore le mo re ka ghulana le dintshitshire tsa mošaga mang, a ka sa tsoge a re libele. A ka sa tsoge a re šiyye. Byalo, a re ntoši.

JEHOVA WA RE YETETSA

3-4. Jehova o re yetetsa ka mokgo mang? (Pisalema 48:14)

³ Bala Pisalema 48:14. Jehova wa di tšiba gore re ka sa kgone go tiyetetsa le gore re hloka yene gore a re yetetse. Lekgono o ba yetetsa ka mokgo mang bo ba mo rapelang ba gore baa tshepega? Mokgwa wo mongwana wo a wo berekisang ke Bhayibele. (Pis. 119:105) Jehova o re gelepa gore re segelele dipheto tsa gabutši, a boya a re gelepa gore re tshwane naye ka mokgo a makang dilo le ka mokgo a naganang ka gona. Mo re theetsela tso a re tšhutisang a berekisa Bhayibele, re ya jabola gana byalo fote re na le tshepo ya go phela go ya go yye ku mahlong.a Mo re beyisa, o re tšhutisa gore re tshwarele ba bangwana le gore re sa dule re ba kwatele, gore re tshepege ga dilo ka mokana ga tsona, le go kwana le ba bangwana di tšwa pelong. (Pis. 37:8; Maheb. 13:18; 1 Pet. 1:22) Mo re šupetsa diyengwa tsowa tsa gabutši, re ba babelegi ba gabutši, banna le basadi ba gabutši le banghana ba gabutši.

⁴ Ka ho Bhayibeleng, Jehova o re botsa ka tso di makegeleng batho ba gore ne ba ghula ke dilo tsa go tshwana le tso di re ghulang, fote ba tikwa ka mokgo re tikwang. (1 Makor. 10:13; Jak. 5:17) Mo re bala ka tso di makegeleng batho bowa re boya re berekisa tso re di tšhutang, di re berekela ka mekgwa ka mmedi. Mokgwa wa mathomo, re kgona go di kwisisa gore a yi rune re ntoši ba gore re gahlana le dilo tsa go re ghula. Di makegele le ba bangwana fote ba yye ba tiyisela ka taba la gore ne ba gelepa ke Jehova. (1 Pet. 5:9) Mokgwa wa mabedi, re tšhuta gore re ka maka ying gore re thogo tiyisela re kene re jabodiye.—Marom. 15:4.

5. Jehova o berekisa bomang gore a re yetetse?

⁵ Jehova o berekisa le magageru gore a re yetetse.b Mo re beyisa, bapotulugi ba dula ba vakašela diphutego gore ba di tiyise. Dipolabolo tsa bona di re tiyisa tumelo fote di re gelepa gore re dule re le ngata ka yyoši. (Meber. 15:40–16:5) Bagolo ba phutego le bona ba karakara ka matla go gelepa ye mongwana le ye mongwana wa rune gore a dule a le thina le Jehova. (1 Pet. 5:2, 3) Babelegi ba tšhutisa bana ba bona gore ga Jehova ba mo nyake ka matla, gore ba thogo segelela dipheto tsa gabutši le gore ba be le mekgwa ya gabutši. (Diy. 22:6) Fote Makreste ya basadi ya gore ma butšwiye ma gelepa magageru ya basadi ya gore ma sa gola ka go ma beyela mošupetso wa gabutši, ba ma yeletsa fote ba ma tiyisa.—Tito 2:3-5.

6. Di nyaka re maka ying gore re berekele ke tso Jehova a re yetetsang ka tsona?

⁶ Jehova o re neyye dilo ka mokana ga tsona tso re di gayelang gore re segelele dipheto tsa gabutši le gore re tikwise ka lephelo. Re ka šupetsa ka mokgo mang gore re tseyela gedimo tso a re makeleng tsona? Diyema 3:5, 6 yi re: “Tshepa Jehova ka pelo yago ka mokana ga yona, fote o sa tshepele ga tso o di tšibang.” Mo re maka ka mokgonone, “o nyoko wolola ditsela tsa rune,” tsotsone di rela gore, o nyoko re gelepa gore re sa tlungwele mathatheng ya go tlala le gore re jabole mo re kene re phela. Re mo leboga re sa fetsi ga Jehova ka taba la gore o re tšiba mong go re tšiba fote o re nyaka la go sa hlayisege la go šinya a re neya le mayele ya gore ma nyoko berekela ye mongwana le ye mongwana wa rune!—Pis. 32:8.

JEHOVA O RE NEYA TSO RE DI GAYELANG

7. Mekgwa ye mengwana ya gore Jehova o re pasopa ka yona ke yifeng? (Mafilipi 4:19)

⁷ Bala Mafilipi 4:19. Go tokegela ga taba ya go re Jehova o re yetetsa gore re tlalele ga tso tsage, o ya mahlong a re rufa mo re karakara gore re kraye tsa go ja, dikobo le ga go beya hlogo. (Mat. 6:33; 2 Mathes. 3:12) Go fo ba ga hlago go šekela ka gore dilo tsowa re nyoko di kraya kaye, mara Jehova aa nyake re šekela ka matla ka dilo tsowa. (Mat. 6:25) Ke ntaba mara? Ka taba la gore Papa wa rune a ka sa tsoge a lisetsiye malata yage ya gore maa tshepega. (Mat. 6:8; Maheb. 13:5) Re ka mo tshepa re sa kamake mo a hlaya gore o nyoko re neya tso re di gayelang.

8. Jehova o mo makele ying ga Dafita?

⁸ Nagana ka mokgwa wo Jehova a yyeng a gelepa Dafita. Nakwela lephelo le gakga a tšhabelela Kgoši Sawulo, Jehova o yye a neya Dafita le banna bo ne ba le naye tso ne ba di gayela gore ba thogo phona. Mo Dafita a nagana ka mokgo Jehova ne a mo pasopa ka nako yonone, o yitseri: “Ke yye ka ba ye monyana fote gana byalo ke gudiye, mara a ke soko bona Modimo a lahla motho wa go loka, kela bana bage ba nyakana le tsa go ja.” (Pis. 37:25) Go fo tshwana le Dafita, le wene o ka fo ba o di bonne ka mokgo Jehova a yyeng a go pasopa ka gona kela a pasopa magageru ka dinako tsa go thathafa.

9. Jehova o pasopa malata yage lekgono ka mokgo mang mo ma makegela ke dikotsi tsa hlago? (Lebelela le dithombhe.)

⁹ Jehova o gelepa batho bage le ka nako ya mo go na le dikotsi tsa hlago. Mo re beyisa, nakwela go wile tlala ku Jerusalema ka dinako tsa Makreste ya ku botala, magageru ya go tšwa ga dipoleke tse dingwana ma yye ma ba romela tso ne ba di gayela. (Meber. 11:27-30; Marom. 15:25, 26) Malata ya Modimo le lekgono ma gelepa magageru ya gore ma gayela tse dingwana. Mo go ba le dikotsi tsa hlago, Jehova o tšhofa batho bage gore ba neye magageru ya mo go nang le dikotsi tsa hlago dilo tsa go tshwana le tsa go ja, meetši, dikobo le dihlare. Bo ba go bereka ka tsa go yaga ba lukisa magaye ya magageru le Diholo Tsa Mmušo. Fote malata ya Jehova ma yakgoswa ma berekisa Bhayibele gore ma thogo kgomoletsa le go tiyisa bo ba gore dintlo tsa bona di sinyegiye kela bo ba gore bo ba ba nyakang ka matla ba hlokofele.c

10-11. O tšhuta ying ga tso di makegeleng Borys?

¹⁰ Jehova aa kone le bo ba gore a ba soko mmerekela. Le rune di nyaka gore bo ba gore a ba soko mmerekela re ba kwele go baba. (Magal. 6:10) Mo re maka ka mokgonone, re ka kgona go ba gelepa gore ba tšhute ka Jehova. Tseya ka mošupetso wa Borys wa gore ke phrinsipale wa gore o dula Ukraine. Le mo Borys go se Hlatse ya Jehova, ke mo a dula a ba tshwara gabutši bana ba sekolo ba gore ne go le Dihlatse fote a šupetsa gore ne a hlompa tso ne ba di dumela. Ka taba la gore ne go na le ntwa, Borys o yye a tloga mo ne a dula gona gore a ye ga poleke ya gore ne yi pasopegiye nageng yonone ke mokane magageru ma yye ma mo gelepa. Ka nthago, Borys o yye a ya Segopotsong sa likgu la Kreste. Mo a nagana ka dilo tso magageru ma mo makeleng tsona, o yitseri: “Dihlatse Tsa Jehova ke mo di nkwela go baba fote di mpasopiye. Ke di leboga ke sa fetse.”

¹¹ Le rune re ka yekisela Papa wa rune wa legedimong wa go kwelana go baba ka go šupetsa bo ba gore ba nyaka go gelepiwa gore re ba nyaka ka matla, go ka fo ba go le Dihlatse kela dho. (Luk. 6:31, 36) Re fo tshepa gore mo re ba šupetsa gore re ba nyaka ka matla, tsotsone di nyoko maka gore ba nyake go tšhuta ka Jehova ke mokane re mmerekele re le ggoši. (1 Pet. 2:12) Mara le mo nkare ba kgeta go berekela Jehova kela dho, re nyoko jabola ka taba la gore ‘di jabodisa ka matla mo re neya ba bangwana.’—Meber. 20:35.

JEHOVA WA RE TŠHIRELETSA

12. Jehova o tshepisa gore batho bage o nyoko ba tšhireletsa ka mokgo mang? (Pisalema 91:1, 2, 14)

¹² Bala Pisalema 91:1, 2, 14. Lekgono, Jehova o tshepisa go tšhireletsa batho bage ga se sengwana le se sengwana sa gore se ka tupetsanya senghana sage nabo. A ka sa tsoge a lisetsiye Sathane gore a thilafatse morapelo wa mannete. (Joh. 17:15) Fote ka nako ya “motšhatšhamelo wo mogolo,” re ka napa re di tshepa gore Jehova o nyoko maka so a se tshepisiyeng, o nyoko re gelepa gore re dule re tiyelele tumelong fote o nyoko re phonisa.—Kut. 7:9, 14.

13. Jehova o tšhireletsa ye mongfwana le ye mongwana wa rune ka mokgo mang?

¹³ Jehova o tšhireletsa ye mongfwana le ye mongwana wa rune ka mokgo mang? Jehova o re neyye Bhayibele gore re thogo tšiba selo sa gabutši le sa gore a yi sa gabutši. (Maheb. 5:14) Mo re maka tso Bhayibele yi re botsang tsona, re tšhireletsa senghana sa rune le Modimo fote re segelela dipheto tsa gabutši tsa gore di nyoko re gelepa gore re jabole fote re dule re philegiye. (Pis. 91:4) Go tokegela gana mone, Jehova o re neyye phutego gore yi thogo re gelepa gore re dule re mo tshepegela. (Jes. 32:1, 2) Magageru ka phutegong ma mo nyaka ka matla ga Jehova fote maa mo theetsela. Mo re fetsa nako re le nawo megahlanong, re le tšhomong le mo re tijabodisa, tsone di ya re tiyisa fote di re gelepa gore re kganele kgole le dilo tsa go sa loka.—Diy. 13:20.

14. (a) Ke ntaba Modimo a sa re phonise ga se sengwana le se sengwana so se re ghulang? (b) Pisalema 9:10 yi re tshepisa ying? (Lebelela le setwaba.)

¹⁴ Ku botala, Jehova ne a fela a tšhireletsa batho bage gore ba sa ba kwaletse kela go ba bolaya. Mara ne a sa dule a maka ka mokgonone. Bhayibele yi tšhutisa gore dilo tsa go baba di ka makegela ye mongwana le ye mongwana. (Mmo. 9:11) Fote Jehova o yye a di dumelela gore malata yage ya mangwana ma hlupegisiwe le go bolayiwa gore ma thogo šupetsa gore morene ba reng ke Sathane o teya ka letsaka. (Jobo 2:4-6; Mat. 23:34) Dilo tsowa di fo ba ka mokgonone le lekgono. Le mo nkare Jehova a ka sa tlose tsa go re ghula, a re kamake taba ya gore a ka sa tsoge a lahliye bo ba gore ba mo nyaka ka matla.d—Pis. 9:10.

JEHOVA WA RE KGOMOLETSA

15. Re ka kgomoletsa ke go rapela, go bala Lentsu la Modimo le magageru, byang mara? (2 Makorente 1:3, 4)

¹⁵ Bala 2 Makorente 1:3, 4. Ka dinako tse dingwana re makegela ke dilo tsa gore dya re llisa, dya re šekedisa kela go re kgongwetsa. Nakwenngwana re bolabola re yi tsa, o ga seyemo sa go kgongwetsa fote o tikwa nkare o ntoši. Nje go na le ye a kwisisang ka mokgo o tikwang ka gona? Jehova o di kwisisa gabutši. A di fo mo kwisa go baba mara o re “kgomoletsa ga dilo ka mokana ga tsona tso di re ghulang.” Byang mara? Mo re rapela Jehova re šwennye, o nyoko maka gore re “bebe, batho ba bangwana ba šala ba sa kwisisi.” (Mafil. 4:6, 7) Di re kgomoletsa ka matla mo re bala tso Jehova a re botsang tsona a berekisa Bhayibele. Ka Bhayibeleng, Jehova o re botsa gore o re nyaka go segela kaye, a re tšhutisa gore di nyaka re make ying gore re hlalefe a boya a maka gore re be le tshepo. Fote di re kgomoletsa ka matla mo re le megahlanong ya phutego ga gore re tšhuta ka dilo tsa go re tiyisa tsa go tšwa ka Bhayibeleng, fote re ba le magageru ya gore ma re nyaka ka matla.

16. O tšhuta ying ga tso di makegeleng Nathan le Priscilla?

¹⁶ Go fo šupetsa ka mokgo Jehova a re tiyisang a boya a re kgomoletsa a berekisa Lentsu lage, tseya ka tso di makegeleng Nathan le Priscilla ba gore ba dula United States. Ga mengwaganyana ya go fela, ba yye ba rurela ga poleke ya gore ne go gayela batšhomayedi ba Mmušo. Nathan o re, “Ne re di tshepa gore Jehova o nyoko rufa tso re di makang.” Mara, mo ba fetsa go segela hone, ba yye ba thomisa go sa titsose gabutši ba boya ba ba le mathatha ya sekwetše. Di yye dya nyaka gore ba boyele gaye, mo ba segela gaye ba f’lo ya mahlong ba na le mathatha ya sekwetše. Mo Nathane a kene a nagana o re, “Ne ke fo tiputsisa gore ke ntaba Modimo a sa re gelepa ka mokgo ne re nabela gore a re gelepe. Ne ke šele ke thomisa go nagana gore nakwenngwana ke sinnye.” Mara mo nako yi kene yi takamela, Nathan le Priscilla ba di bonne gore Modimo aa ba lahla. Nathane o re, “Ka dinako tsone tsa go thathafa, Bhayibele ne yi tshwana le monghana wa go hlalefa wa go re tiyisa le go re yetetsa. Mo re lebelela ka mokgo Jehova a re gelepiyeng ka gona gore re thogo tiyisela tso di re ghulang fote re sa fo dulela go nagana ka mathatha ya rune, tsotsone di re gelepiye gore re sa yi kamake taba ya gore Jehova o nyoko fo ya mahlong a re gelepa.”

17. Sesi wa rune ye ba reng ke Helga ba yye ba mo kgomoletsa ka mokgo mang? (Lebelela le sethombhe.)

¹⁷ Magageru ma ka re kgomoletsa. Byang? Tseya ka mošupetso wa Helga, wa gore o dula Hungary. Go fediye mengwaga ya go tlala a na le mathatha ya gore ne ma maka gore a šekele fote a tikwe nkare a yi yene selo. Mo a nagana ka tso di mo makegeleng, ke mo a kgona go di bona gore Jehova ne a berekisa magageru ka phutegong gore ma thogo mo kgomoletsa. O ngwadiye gore: “Jehova ne a dula a n’gelepa mo a bona ke tapega matšhika ka taba la mmereko waka wa go tiphidisa, mo ke pasopa ngwanaka wa gore wa lwala le tse dingwana tsa gore ne di mphika. Ga mengwaga 30 ya yona ya go fela, ke di bonne gore letšatši le lengwana le le lengwana Jehova ne a maka tso a ntshepisiyeng nakwela a re o nyoko nkgomoletsa. Ga go tlala o ntiyisa ka mantsu ya go kgomoletsana ya go tšwa ga ba bangwana. Ne ke fela ke kraya melayetsa ka fowunu kela ka sekhatane kela ba mpotsa gore ke maka tsona ka nako yo ne ke nyaka go butsiwa mantsu ya gabutši.”

18. Re ka kgomoletsa ba bangwana byang?

¹⁸ Le rune re ka kgona go yekisela Modimo ka go kgomoletsa ba bangwana. Re ka di maka byang tsotsone? Re ka ba theetsela re sa jaga, ra bolabola mantsu ya go ba thoba pelo le go ba gelepa ka tse dingwana. (Diy. 3:27) Re karakara ka matla gore re tiyise ka mokana ga bona ba gore baa hlupega, gana hone go kena le ba gore a ba soko berekela Modimo. Mo bayagelane ba rune ba lla, ba lwala kela ba šekela, re ya ba vakašela, ra ba theetsela ke mokane ra ba ngathela se sengwana sa gore se nyoko ba kgomoletsa sa go tšwa ka Bhayibeleng. Mo re yekisela Jehova, “yene Modimo wa gore o re kgomoletsa ga dilo ka mokana ga tsona,” a re fo gelepa magageru gore ma tiyisele dintshitshire mara re gelepa le bo ba gore a ba soko berekela Modimo gore ba tšhute ka yene.—Mat. 5:16.

JEHOVA O NYOKO DULA A NA LE RUNE

19. Jehova o re makela ying, fote re ka mo yekisela byang?

¹⁹ Jehova wa tihlupa ka batho ka mokana ga bona ba gore ba mo nyaka ka matla. Aa re lisetse mo go na le tsa go re ghula. Go fo tshwana le mo mmelegi a pasopa ngwanage, Jehova o pasopa bo ba gore ba mmerekela ba kene ba tshepega. Wa re yetetsa, o re neya tso re di gayelang, wa re tšhireletsa fote wa re kgomoletsa. Re ba re yekisela Papa wa rune wa legedimong mo re gelepa re boya re tiyisa ba bangwana mo go na le tsa go ba ghula. Ga lefase lowa, go ka fo ba go na le dilo tsa go re ghula le tsa go maka gore re ntshe dinepedi, mara a di nyake re kamaka le ka gonyana taba ya gore Jehova o na le rune. Re ya di tšiba gore o re tshepisiye gore: ‘Le sa tšhoge selo, ka gore ke na le lune.” (Jes. 41:10) Ye lune, phela mantsu yawa ma napa ma maka gore re sa tšhabe selo! Ka nnete a re ntoši.