Ditodi Tsa Sepukwane sa Mogahlano wa Maphelelo le Matšhomayelelo
© 2023 Watch Tower Bible and Tract Society of Pennsylvania
JANUARY 1-7
MAKOLWANE KA TENG GA LENTSU LA MODIMO | JOBO 32-33
Kgomoletsa bo ba Šekelang
it-1-E 710
Elihu
Elihu ne a sa kgetele, ne a sa nyake go maka gore motho a tikwe a hlawolegiye go phala ba bangwana. Ne a di tšiba tsa gore go fo tshwana le Jobo, o makiwwe ka botsopa, fote Modimo wa Matšhika ka moka ke yene a mo makiyeng. Elihu ne a sa nyake go tshosa Jobo, mara o bolabodiye naye gabutši, a boya a ro mmitsa ka lebitso go leng dilo tsa gore Elifase, Bhildada kela Zofara ba šitegiye go di maka.—Job 32:21, 22; 33:1, 6.
w14-SE 6/15 25 ¶8-10
Ayitsano Tso di Kgahleletsang Batho o di Tseya ka Mokgo Jehova a di Tseyang ka gona?
8 Re nyoko kgona go kwelana go baba mo re gopola gore magageru ya mangwana ma kgahleletsiye ke mathatha ya go thathafa ka matla, ya go tshwana le go lwala, mathatha ya ka gaye kela go šekela. Tšatši le lengwana le rune re ka tikraya re le ga seyemo sone. Mo ma so ko segela ga Naga yo ba Tshepisiwweng yona, Maisrayele ya gore ne ma hlupegiye fote ma tapegiye matšhika nakwela ma sa le Egepita, ma yye ma gopotsiwa gore ma sa “thathafisi dipelo” tsa bona ga bobhuti ba bona. Jehova ne a nyaka gore ba kwele bo ba go tihlupegela fote ba ba gelepe.—Dot. 15:7, 11; Lef. 25:35-38.
9 Bo ba gore ba kgahleletsegiye a di nyake re ba yahlula kela go ba naganela tsa gore a di gabutši, mara di nyaka re ba kgomoletse ka tsa go tšwa ka mangwalong. (Job 33:6, 7; Mat. 7:1) Mo re beyisa, mo motho a kwalela a kalamme sethuthuthu ke mokane ba mo tabogisela sepetlele, ayitsano ba sepetlele ba nyoko thoma ka go nyakisisa gore ke yene a tipakeleng kotsi yone? Awwa, ka go yakgoswa ba nyoko mo gelepa. Go fo ba ka mokgonone mo mogageru a wele ke mathatha, re nyaka go mo gelepa ka tsa go tšwa ka mangwalong.—Bala 1 Mathesalonika 5:14.
10 Mo re ka yema gore re naganisise ka seyemo sa bona, re ka tikraya re sa sa ba tseya gabutši. Nagana ka bo sesi ba rune ba gore ke botala ba tiyisela go phigisa ke ba mutši. Ba bangwana ba bona ba ka bonala ba sa re selo fote ba tikgomolelele, mara ayitsano a ba šupetse tumelo ye kgolo le matšhika? Mo o bona mmane wa go pasopa bana bage a ntoši a tla nabo megahlanong ka moka matšatši, nje a wo tikisi ke tumelo yage le gore o tikemisele? Fote o nagana ying ka bana ba go ngangarela nnete le mo go na le ba go ba kutšetsela go maka tsa go befa mo ba le sekolong? Re kene re tinyanafatsiye, di nyake re di tšibe gore bo ba gore ba bonala ba lelemela, gabutšibutši ba ‘tiyelele tumelong’ go fo tshwana le rune ba gore a re na mathatha ya go tlala.—Jak. 2:5.
Nako ya Gabutši ya Gore o Bolabole ke Leng?
17 Monna wa bone ye a vakašeleng Jobo ke mo go le Elikgu, wa gore ke mo go le lešaga la Abhrahama. Ke mo a theetsele mo Jobo le banna bala ka bararo ba kene ba bolabola. Di fo ba lekgwaying gore ke mo a theetsele gabutši mo ba bolabola ka taba la gore o yye a kgona go yeletsa Jobo a kene a mo kwela go baba fote Jobo a di bona le yene gore o tshwanele a lukise kaye. (Job. 33:1, 6, 17) Selo se segolo so Elikgu ne a hlupega ka sona ke go gadimisa lebitso la Jehova, go seng yene kela motho ye mongwana. (Job. 32:21, 22; 37:23, 24) Ga tso Elikgu a di makiyeng, re thogo di bona gabutši gore nnete go na le nako ya go fo re tse, ke mokane wa theetsela ba bangwana mo ba bolabola. (Jak. 1:19) Se sengwana so re se tšhutang ke gore mo re neya ba bangwana mayele, so re tshwaneleng go hlupega ka matla ka sona ke gore go thanakiwe Jehova, go sa thanakiwi rune.
18 Re ka šupetsa gore taba yowa ya go kgona go bolabola re yi tseyela gedimo ka go latelela so Baebele yi se bolabolang mo yi re go na le nako ya go bolabola le mokgwa wa go bolabola. Kgoši ya go hlalefa yo ba reng ke Solomoni, yi yye ya ngwala gore: “Lentsu la gore le bolabodiwa ka nako ya gabutši le tshwana le maapola ya gholdi ka teng ga sitša sa siliva.” (Diy. 25:11) Mo re theetsela gabutši tso ba bangwana ba di bolabolang ke mokane re thomisa ka go nagana ka so re nyoko se bolabolang, mantsu ya rune ma ka fo tshwana le maapola yane ya gholdi, ma nyoko ba gabutši fote ma nyoko bafala. Byalo, kela re bolabola ka go nyana kela re bolabola ka matla, tso re di bolabolang di nyoko tiyisa ba bangwana fote ra maka gore Jehova a jabole. (Diy. 23:15; Maef. 4:29) Mo re maka ka mokgonone re ko ba re šupetsa gore taba yowa ya go kgona go bolabola, re yi tseyela gedimo ka matla!
Tso di Wutammeng ka Bhayibeleng
w13-SE 1/15 19 ¶10
Ariye Mahlong o Šutela Thina ga Modimo
10 A o sinyi mo o hlupega ka gore o lebelelega byang. Mara a di nyake re šinya re liketsa ka matla go tlosa dilo tso di šupetsang gore se re ya tsofala. Dilo tsone di šupetsa gore re ya gola, re na le serithi, fote re bafele ka teng. Mo re beyisa, Bhayibele yi re: “Hlogo ya dimpu ke fapo ya go bafala mo motho a yi krayye ka tsela ya gabutši.” (Diy. 16:31) Ke ka mokgo Jehova a bonang ka gona, le rune di nyaka re liketse go tipona ka mokgonone. (Bala 1 Petro 3:3, 4.) Ayitsano re ko ba re šupetsa gore re hlalefiye mo re beya maphelo ya rune kotsing ka go maka diopareyišene kela go nwa dihlare gore o thogo bafala? “Go Jabola ga Jehova” ke go bafala ga mannete ga gore go ka tengteng, go sena taba gore re na le mengwaga ka mekaye kela re phelegiye byang. (Neh. 8:10) Ke lefaseng la nyuwane fela mo re nyoko phelegang gabutši ra boya ra boyela ra ba ba banyana le go bafala. (Job 33:25; Jes. 33:24) Mo re kene re sa yemele nako yone, go šupetsa gore re hlalefiye ka tso re di makang le go ba le tumelo go nyoko re gelepa gore re dule re le thina le Jehova mo re kene re teya re tshwarelele ga mathatha ya re ghulanang nawo.—1 Thim. 4:8.
JANUARY 8-14
MAKOLWANE KA TENG GA LENTSU LA MODIMO | JOBO 34-35
Mo Dilo Tsa go Baba di Makegela Batho ba go Loka
wp19.1-SE 8 ¶2
Modimo o Byang?
Modimo o dula a maka dilo gabutši. Gabutšibutši, “a di kwagale tsa gore Modimo wa mannete a ka makana lešidi, tsa gore Wa Matšhika ka moka a ka kekemisa!” (Job 34:10) O yahlula gabutši, go fo ya ka mokgo mopisalema a hlayyeng mo a bolabola le Jehova a re: “O nyoko yahlula batho bowa gabutši.” (Pisalema 67:4) Ka taba la gore “Jehova o bona tsa ka pelong,” a ka sa tshokanye ke batho ba go timakisanya mara o kgona go tšiba nnete gore a thogo yahlula gabutši. (1 Samuwele 16:7) Go tokegela gana hone, Modimo o bona ka moka tso batho ba di makang tsa gore a di gabutši le tsa bošakašakane, fote o tshepisa gore go se botala bo “ba dipelo tse diphifadu go nyoko fela ka bona mo lefaseng.”—Diyema 2:22.
w17.04-SE 10 ¶5
Go Nyoko Sepela Ying mo Mmušo wa Modimo o Segela?
5 Jehova o nyaka go maka ying? Gana byalo Jehova o sa neyye batho ba dipelo tse diphifadu nako ya gore ba tšhentšhe. (Jes. 55:7) A yi so ko segela nako ya gore ye mongwana le ye mongwana wa bona a yahludiwe la mafelelo. Ke masipidiselo yawa ya dilo ya gore ma yahludiwwe. Mara go nyoko makega ying ka batho ba gore ba gana go tšhentšha fote ba ya mahlong ba thega masipidiselo yawa ya dilo go segela go segela motšhatšhamelo wo mogolo? Jehova o tshepisa gore o nyoko fetsa ka batho bago maka tsa go befa go ya go yye. (Bala Pisalema 37:10.) Bo ba go maka tsa go befa ba ka nagana gore bona ba ka sa yahludiwi. Ba go tlala ba kgona go wutetsa tso ba di makang, fote ga lefase lowa ba kgona go tšhabelela maphomela ya tso ba di sinnyeng. (Job 21:7, 9) Mara Bhayibele yi re gopotsa gore: “Mahlo ya Modimo ma lebelele ka moka tso motho a di makang, fote O bona magato yage ka moka. A go na letshwifi kela morithi wa letshwifi mo batho ba go maka tsa go befa ba ka wutamang gona.” (Job 34:21, 22) A go na ye a ka wutamelang Jehova Modimo. A go na motho ye a ka tshokanyang Modimo; a go na ga gore go tshwifele ka matla tsa gore mahlo yage ma ka sa kgone go bona mo taba yi tšwang gona. Ka nthago ga Aremaghedoni, o nyoko lebelela mo ye wa pelo ye phifadu ne a le gona, mara o ka sa mo kraye. Go ko ba go fediye ka yene—go ya go yye!—Pis. 37:12-15.
Ayitsano o Nyoko Phiriketsega ka Taba la Jeso?
19 Ayitsano le lekgono di sa na di makega? Eya. Batho ba go tlala lekgono baa kwata mo ba bona re sa tšhele letsogo ga tsa dipolotiki. Ba nyaka go re bona re vowuta. Mara Jehova o re tšhutisiye gore mo re kgeta go lawola ke batho, di ra gore re gana go lawola ke Yene. (1 Sam. 8:4-7) Fote batho ba ka fo nyaka gore re yage dikolo le dipetlele, re make le dilo tsa gore di gelepa setšhaba. Ba kwatisa ke gore re maka mmereko wa go tšhomayela, a re hlupege ka go lukisa mathatha ya lefase lowa.
20 King so se ka makang gore tumelo ya rune yi sa šehle? (Bala Matewu 7:21-23.) Di nyaka re hlupege ka matla ka mmereko wo Jeso a hlayyeng gore re wo make. (Mat. 28:19, 20) Re sa tikraye re šele re nyaka go lukisa mathatha ya lefase lowa. Batho re kwana nabo ka matla fote re hlupega ka mathatha ya bona, mara re ya di tšiba tsa gore selo sa kawone sa gore re ka ba gelepa ka sona bayagelane bowa ba rune ke gore re ba tšhutise ka Mmušo wa Modimo le go ba gelepa gore ba be le senghana sa gabutši le Jehova.
Tso di Wutammeng ka Bhayibeleng
w17.04-SE 29 ¶3
Nkare Matšato ya o Nang Nawo ma ka Gadimisa Jehova!
3 Jehova a sa nka a ghobolla tso Elihu a di hlayyeng mo a butsisa gore: “Mo nkare o lukiye, king so o mo neyang sona [Modimo]; king so yene a se krayang gago?” (Job 35:7) Ayitsano Elihu ne a rela gore ka moka tso re liketsang go di maka ga mmereko wa Modimo a di re selo? Awwa. Ne a rela gore Jehova aa tithega ka tso rune re mo makelang tsona. Jehova o felegelele. Re ka sa kgone go mo maka gore a ghanye kela a be le matšhika. Mara ka moka tso re di makang tsa gabutši, tso re kgonang go di maka kela matšhika ya rune ke dilo tsa gore Modimo o re neyye tsona, fote wa jabola mo re di berekisa gabutši.
JANUARY 15-21
MAKOLWANE KA TENG GA LENTSU LA MODIMO | JOBO 36-37
Ke Ntaba o Tshwanele go Tshepa Tso Modimo a re Tshepisang Tsona Tsa go Phela go ya go Yye
w15-SE 10/1 13 ¶1-2
Ayitsano ga Modimo re ka mo Kraya Tsa Mannete?
MODIMO O GONA GO YA GO YYE: Bhayibele yi re tšhutisa gore Modimo o nyoko dula a le gona ‘go ya go yye.’ (Pisalema 90:2) Ka mantsu ya mangwana, Modimo aa na mo a thomang gona kela mo a felelang gona. Rune batho, “mengwaga yage le mo re ka nyaka go yi kwisisa re ka sa di kgone.”—Jobo 36:26.
Ka mokgo tsone di go berekelang: Modimo o go tshepisa go go neya lephelo la go ya go yye mo o ka thomisa ka go mo tšiba. (Johane 17:3) Nje tso a re tshepisang tsona ne di nyoko kwagala mola yene mong a sa phele go ya go yye? Ke yene fela, “Kgoši ya gore ke botala yi le gona,” a ka kgonang go maka dilo tsa mošaga wowa.—1 Thimothi 1:17.
Ayitsano o Leboga tso Modimo a go Neyyeng Tsona?
6 Go tloga mo lefase le leng gona go ya mo letšatši le leng gona, ke sekgala sa gabutši ka matla ka taba la gore se gelepa gore meetši ma dule ma le gona. Hala letšatši le šutele thina nyana, meetši ka mokana ga wona ke mo ma nyoko tshwehla ke mokane maa fela, gwa fo šala go fisa fote go womme go f’lo re khwaša, go sa phele selo. Hala lefase le le kgolenyana le letšatši, meetši ka mokana ga wona nke ma nyoko gahla, ke mokane lefase la ba bholi ye kgolo ya meetši ya go gahla. Jehova o beyye lefase ga poleke ya gabutši, tsotsone di maka gore modukulugo wa meetši wo thogo maka gore lephelo le ye maahlong. Letšatši le tšhuba meetši ya ku lewatle le ya ma leng gona ho fase ke mokane tsotsone dya maka gore go be le maru. Mongwaga wo mongwana le wo mongwana, letšatši le moyafatsa meetši ya go tlala ka matla. Meetši yane ma fo dula ku sebakabakeng ka lesome la matšatši mo ma soko bane ma ba pula kela sebera. Meetši yane ma feleletsa ma boyele ku mawatleng kela dinokeng ke mokane ma thomisa modukulugo wonola fote. Modukulugo wowa wa go makega ka letheto wo fo šupetsa gabutši gore Jehova o hlalefiye fote o na le matšhika ya magolo.—Job 36:27, 28; Mmo. 1:7.
Dula o Tiyisa Tshepo yo o Nang Nayo ga Modimo
16 Tshepo ya rune ya gore re nyoko phela go ya go yye ke selo sa gabutši so re se neyang ke Modimo. Re di yemele ka maahlo ya makhubedu gore re kraye lephelo la go ya go yye ku mahlong—go leng so re tšibang gore se nyoko makega. Tshepo yone yi tshwana le tshipi ya go tshwara sekepe gore se sa thogathoge, yi gelepa gore re tiyisele dintshitshire, re tiyisele mo re hlupegisiwa fote le mo re nkgela ke likgu. Yi re berekela go tshwana le lekarapo, la gore le tšhireletsa tso re di naganang gore re thogo kganela kgole le tsa go kekema ke mokane re kwane le tsa go loka. Tshepo ya rune ya gore yi tšwa ka ho Bhayibeleng, yi re gelepa gore re šutele thina le Modimo fote yi napa yi re šupetsa gore o re nyaka ka matla. Di nyoko re berekela ka matla mo re wa re tsoga gore re tiyise tshepo ya rune.
Tso di Wutammeng ka Bhayibeleng
it-1-E 492
Go Bolabodisana
Ditaba le dilo tse dingwana ne ba di sabalatsa ga batho ka moka ka mekgwa ya go tlala nyana ga dinaga tsa Bhayibele tsa ku botala. Ga go tlala, batho ba gana mone le ba go tšwa dinageng tsa go tlala ne ba sabalatsa ditaba ka molomo. (2Sa 3:17, 19; Job 37:20) Ba go tšwa ba sepela, ba gore ga go tlala ba sepela ka dikharavane, ne ba sabalatsa ditaba tsone ga dipoleke tsa kgole tsa gore ne ba fela ba yema ga tsona gore ba kraye tsa go ja, meetši le tse dingwana tso ba di gayelang mo ba kene ba tshwere leyeto la bona. Palestine ne yi le ga gore batho ba go sepela ka dikharavane ba go tšwa Asia, Afrikha le Europe ne ba kgona go feta ga yona ba ya ga dinaga tsa kgole. Byalo batho ba gona ne ba kgona go tšiba ditaba tsa dilo tse dikgolo tso di makegiyeng dinageng tse dingwana. Ditaba tsa gana mone le tsa dinageng tse dingwana, ga go tlala ne ba di kwelela dimmakete.
JANUARY 22-28
MAKOLWANE KA TENG GA LENTSU LA MODIMO | JOBO 38-39
Ayitsano o Fela o ba le Nako ya go Lebelela Hlago?
Ayitsano o ko di Kgona go Yemela Jehova?
7 Mo Bhayibele yi re hlatollela gore Jehova o makiye lefase ka mokgo mang, yi hlaya gore wa “meta,” le go kokotela “dikholomo tsa lona,” a boya a beya “letlapa la lona la khonong.” (Jobo 38:5, 6) Ke mo a fela a yemanyana, a lebelela mmereko wage. (Gen. 1:10, 12) O fo nagana nje gore mangeloyi ke mo ma tikwa byang mo ma bona tso Jehova a di makang di ya di kene di bonala gabutši gore o maka ying? Di šupa nkare di ma jabodisiye ka matla! Ke tsona tso di makiyeng gore ma kwagale ka matla mo ma “mo teyela matsogo.” (Jobo 38:7) Re tšhuta ying? Jehova o fetsiye dikete tsa go tlala tsa mengwaga a kene a maka lefase, dinanedi le dilo ka mokana ga tsona tsa gore di ya phela, mara mo a kene a pombhola se sengwana le se sengwana so a se makiyeng, a re “di bafele.”—Gen. 1:31.
Tsogo yi Šupetsa Gore Modimo o re Nyaka ka Matla, o Hlalefiye Fote o Lefisa Pelo
2 Jehova o thomisiye ka go maka Morwayi wage ye ba reng ke Jeso. Ne a berekisana le Morwayi wage go “maka dilo ka mokana ga tsona,” gana hone go kena le mangeloyi. (Makol. 1:16) Jeso o jabolele go bereka le papage. (Diy. 8:30) Go na le so se yyeng sa maka gore mangeloyi le wona ma jabole. Ne ma lebelele mo Jehova a berekisana le Segele se Segolo, Jeso, go maka legedimo le lefase. Mangeloyi ne ma tikwa byang ka taba yowa? Ma yye ma thanaka Modimo mo a maka lefase le dilo ka mokana ga tsona fote ma mo thanaka go segela mo a maka le batho. (Jobo 38:7; Diy. 8:31.) Selo se sengwana le se sengwana so Jehova a se makiyeng se šupetsa gore wa re nyaka le gore o hlalefiye.—Pis. 104:24; Rom. 1:20.
Napa o ro Nyipa mo o Tšhuta ka Jehova o Lebelele Hlago
8 Jehova o nyaka re tshepa yene. Jehova o gelepiye Jobo gore a nape a kikitele tshepo yage Gage. (Jobo 32:2; 40:6-8) Nakwela Modimo a bolabodisana le Jobo, o bolabodiye ka dilo tsa go tlala tso A di makiyeng, gana hone go kena le dinanedi, maru le magadima. Fote Jehova o bolabodiye ka diphoolwane tsa go tshwana le nare le pera. (Jobo 38:32-35; 39:9, 19, 20) Dilo tsowa ka mokana ga tsona, a dya fo šupetsa fela gore Modimo o na le matšhika mara di napiye di yi beya lekgwaying taba ya gore wa nyakanana fote o hlalefiye la go sa hlayisege. Polabodisano yowa yi makiye gore Jobo a nape a mo tshepa ga Jehova tsa nkare ke moka. (Jobo 42:1-6) Go fo ba ka mokgonone mo re tšhuta ga hlago, re napa re gopola taba ya gore Jehova o re phala kgole ka go hlalefa fote o na le matšhika ya go re feta. A ka di kgona go fetsa ka mathatha ya rune fote o nyoko fetsa mong go fetsa ka wona. Taba yowa ya gore fote ke nnete yi ka re gelepa gore re tiyise tshepo ya rune gage.
Tso di Wutammeng ka Bhayibeleng
it-2-E 222
Ye a Beyang Molawo
Jehova ke Yene a re Beyelang Molawo. Jehova ke yene fela lefaseng ka moka ye a ka re neyang molawo. Ke yene a makiyeng gore go be le melawo ya go yetetsa dilo tsa go sa phele tsa hlago (Job 38:4-38; Pis 104:5-19), le maphelo ya dipholwane. (Job 39:1-30) Le motho, ka taba la gore o makiye ke Jehova, o yetetsa ke yona melawo yo yi lawolang hlago, fote ka taba la gore o kgona go titshwara, go nagana, le go kgona go ba le senghana le Modimo, o ka tlase ga melawo ya Modimo ya go re yetetsa gore re phele byang. (Mrm 12:1; 1Ko 2:14-16) Go tokegela gana mone, Melawo ya Jehova yi lawola le mong mangeloyi.—Pis 103:20; 2Pe 2:4, 11.
Melawo ya Jehova ga tso tsa hlago a yi tšhentšhe. (Jer 33:20, 21) Melawo yage a yi tšhentšhatšhentšhi fote yi bereka lefaseng ka moka le magedimong tsa gore le bo ba sayense mo ba yi tšiba, ba kgona go yi berekisa go balela gore ngwedi, dipolanete le dilo tse dingwana tsa ku magedimong di sepela ka lebelo la go segela kaye ka disekonte. Motho ye a phigisanang le melawo yowa ya hlago o nyoko tlela ke maphomela ya go sasamela. Go fo ba ka mokgonone le ga melawo ya Modimo ya gore re titshware byang, a yi tšhentšhi fote a go na gore o yi tšhabelele kela go yi roba o nagana gore o ka sa tlele ke maphomela ya go sasamela. Go nyoko ba le maphomela ya go sasamela go fo tshwana le ya ma bang gona mo o ka roba melawo ya hlago, le mo nkare wona ma ka sa bonagale ka nako yonone. “Modimo aa kweriwi. Ka taba la gore so motho a se gašang ke sona so a nyoko se bunang.”—Gal 6:7; 1Tm 5:24.
JANUARY 29–FEBRUARY 4
MAKOLWANE KA TENG GA LENTSU LA MODIMO | JOBO 40-42
Re Tšhuta Ying ga Tso di Makegeleng Jobo?
w10-SE 10/15 3-4 ¶4-6
“Ke Mang ye a Tšibang Tso Jehova a di Naganang?”
4 Mo re kene re ghayela ka tso Jehova a di makiyeng, go nyaka re kganele kgole le taba ya go solasola Modimo go ya ka mokgo re tseyang dilo ka gona. Mokgwa wone go bolabodiwa ka wona ga mantsu ya Jehova ya ma leng ga Pisalema 50:21: “O naganne gore ke nyoko tshwana nago.” Go fo ba ka mokgo ye mongwana wa go tšhutela Bhayibele a hlayyeng mengwaga ya go teya ka ku ga 175 ya go fela mo a re: “Batho ba na le mokgwa wa go yakgoswela go yahlula Modimo, fote ba mo beyela melawo ya go mo kgerela go ya ka mokgo ba tseyang dilo ka gona.”
5 Di nyaka re pasope gore re sa tšhentšhi so Modimo a leng sona gore a be Modimo ye re naganang gore di nyaka a be yene go ya ka tso rune re bonang di lukiye. Ke ntaba taba yone go le ye kgolo? Mo re kene re bala Mangwalo, tse dingwana tso Jehova a di makiyeng di ka bonala di se gabutši ka taba la gore a ra yenela. Maisrayele ya botala ma yye ma nagana ka mokgonone fote ma ba le monagano wa gore a yi wona ka tso Jehova a di makiyeng mo a berekisana nabo. Bona tso Jehova a ba butsiyeng tsona: “Lune batho le nyoko re: ‘Tsela ya Jehova yi kekemme.’ Barena, ntheetseleneng lune ba ntlo ya Israyele. Ayitsano tsela yaka yi kekemme? Nje a yi ditsela tsa lune tsa gore di kekemme?”—Hez 18:25.
6 So se ka re gelepang gore re sa yahlule Jehova go ya ka mokgo re bonang dilo ka gona ke go gopola gore rune a re kgone go bona dilo ka moka fote ka dinako tse dingwana ra pomotsa. Jobo ne di nyaka a yi tšhute taba yowa. Mo Jobo a makegela ke dilo tsa go baba, o yye a kgongwela ka matla fote a thomisa go nagana ka matla ka mathatha yage. O yye a sa sa bona taba ye kgolo. Mara Jehova o yye a mo gelepa a kene a mo šupetsa gore wa mo nyaka gore a bone taba ye kgolo. Mo a butsisa Jobo diputsiso tsa go teya ka ku ga 70, tsa gore Jobo o šitegiye le go di fetola, Jehova ne a šihlela taba ya gore Jobo aa kgone go kwisisa dilo ka moka. Jobo o yye a tinyanafatsa, a lukisa ka mokgo a bonang dilo ka gona.—Bala Jobo 42:1-6.
w17.06-SE 25 ¶12
Dula o Naganne ka Taba ye Kgolo
12 Ayitsano Jehova o yakgoswele go wolola Jobo a sa jikajiki le mo yi le gore ne a sa tšo tiyisela seyemo sa go kwisa go baba? Awwa, fote Jobo ne a sa nagane ka mokgonone. Le mo nkare ne a gahlanne le mathatha, tso Jobo ne a di bolabola di yye dya šupetsa gore wa leboga. O yye a hlaya gore: “Ka tisola ga tso ke di hlayyeng, ke tisola ke le leroleng le luteng.” Tsotsone di makegiye ka gore Jehova o mo wolodiye a sa jikajike mara ka mokgwa wa gabutši. (Jobo 42:1-6) Le gore mathomisong, Jobo o yye a wolola ke Elihu wa gore ne a sa le ye monyana. (Jobo 32:5-10) Ka nthago ga gore Jobo a yamogele mo Modimo a mo wolola le go lukisa ka mokgo a tseyang dilo ka gona, Jehova o yye a botsa ba bangwana gore o tseyela Jobo gedimo ka taba la gore o yye a tshepega mo a liketsiwa.—Jobo 42:7, 8.
“Tshepa Jehova”
17 Jobo ke ye mongwana wa malata ya Jehova ya gore ma f’lo ya mahlong ma šupetsa lešiši fote ma sa thogathoge le mo go nyarela dintshitshire. Mo Pawulo wa lepostola a ngwalela Maheberu o bolabodiye ka batho ba go tlala ba gore o re ke “mogoba wo mogolo wa dihlatse.” (Maheb. 12:1) Ka mokana ga bona ba yye ba feta ga dintshitshire tse dikgolo mara ba f’lo ya mahlong ba šupetsa gore ba na le tumelo ga Jehova. (Maheb. 11:36-40) Ayitsano ba sinnye nako ya bona mo ba tiyisela ba boya ba karakara? Dho! Le mo yi le gore batho bone a sanka ba bona tso Modimo a di tshepisiyeng di makega nakwela ba sa phela ba f’lo ya mahlong ba tshepela ga Jehova. Fote ka taba la gore ne ba sa kamake gore Jehova wa ba yamogela, ke mo ba sa yi kamake taba ya gore ba nyoko di bona tso a di tshepisiyeng di makega. (Maheb. 11:4, 5) Mešupetso ya bona ya re tiyisa fote yi maka gore re nape re ye mahlong re tshepela ga Jehova.
18 Lefase lo re phelang ga lona lekgono le fo ya le kene le befa le bifiye. (2 Thim. 3:13) Fote Sathane a soko tinwa ga taba yage ya go dula a liketsa batho ba Modimo. Le mo re ka gahlana le dintshitshire ku mahlong di nyaka re tikemisela go karakara ka matla re berekela Jehova re sa kamake gore “re tshepiye Modimo wa go phela.” (1 Thim. 4:10) O sa lebale gore taba ya gore Modimo o yye a rufa Jobo yi šihlela taba ya gore “Jehova o kwelana go baba fote o nyakanana ka matla.” (Jak. 5:11) Le rune di nyaka re dula re tshepega ga Jehova re sa kamake gore o nyoko rufa “bo ba mo nyakang tsa mannete.”—Bala Maheberu 11:6.
Tso di Wutammeng ka Bhayibeleng
it-2-E 808
Go Kweriwa
Jobo ne go le monna wa go loka wa gore o yye a dula a tshepega le mo a kweriwa ka matla. Mara o yye a thomisa go sa sa tseya dilo gabutši a boya a hlaya tsa gore a yi tsona, tsotsone di makiye gore ba mo wolole. Mo Elihu a bolabola ka yene o yitseri: “Ke mang wa go tshwana le Jobo, wa go nwa dikwero nkare ke meetši?” (Job 34:7) Jobo o thomisiye go hlupega ka matla ka mathatha yage, a lebala ka Modimo, a boya a nagana gore yene o lukiye go phala Modimo. (Job 35:2; 36:24) Mo “banghana” bala ka bararo ba fetsiye go mo kwera, Jobo o yye a tseya gore ba kwera yene go seng Modimo. Mo a maka tsotsone ne a tshwana le motho wa gore aa sa na taba le mo ba mo kwera fote o jabodisa ke tsotsone, ne go le tsa nkare o nwa meetši ya go mo natefela. Modimo o yye a mo šupetsa gore gabutšibutši banghana bone bage ne ba bolabolela Modimo matsaka. (Job 42:7) Go fo tshwana le nakwela Israyele yi nyaka go ba le kgoši, Jehova o butsiye moporofeta Samuwele gore: “A baa jikela wene, mara ba jikele nna gore ke sa be kgoši ya bona.” (1Sa 8:7) Fote Jeso o butsiye malata yage gore: “Le nyoko hloya ke ditšhaba ka mokana ga tsona [go seng ka taba la lune, mara] ka taba la lebitso laka.” (Mat 24:9) Mo Mokreste a dula a gopola dilo tsowa, tsotsone di nyoko mo gelepa gore a tiyisele mo ba mo kwera fote o nyoko kraya patela ka taba la gore o yye a tiyisela.—Lu 6:22, 23.
FEBRUARY 5-11
MAKOLWANE KA TENG GA LENTSU LA MODIMO | PISALEMA 1-4
Kgeta go Yema le Mmušo wa Modimo
“Ke Nyoko Šiginya Ditšhaba ka Mokana ga Tsona”
8 Mo batho ba kwa molayetsa wowa, ba fo re king? Ba go tlala ba fo swaya molala. (Bala Pisalema 2:1-3.) Batho ba ditšhaba ba ro fufulela. A ba nyake go lawola ke Jehova. Ga bona, molayetsa wa Mmušo wo re wo tšhomayelang a yi “ditaba tsa go bafala.” Gabutšibutši, go na le memmušo ye mengwana ya gore yi ro rakela mmereko wa rune wa go tšhomayela! Ba go tlala ba go lawola ditšhaba tsowa a ba tšhabe le go ro hlaya gore ba berekela Modimo, mara a ba nyake go lisetsa go yeta batho ba bangwana mahlong kela go ba lawola. Ba go lawola ba lekgono ba fo titshwanela le ba go lawola ba dinako tsela tsa Jeso, ba šuhlašuhlana le bo ba go tshepega ba gore ba latelela Ye Jehova a mo tlotsiyeng ka moya wage, ba šupetsa gore ba phigisana le yene mong.—Meber. 4:25-28.
w16.04-SE 29 ¶11
O sa Thege Lefase Lowa la Gore le Yaroganne
11 Dilo tsa Majabajaba. Mo re kwana ka matla le dilo tso re nang natso, re ka šitega go sa kenakene tsa lefase lowa mo re liketsiwa. Ruth wa go dula hala Malawi, o bonne Dihlatse tsa go tlala di maka tsotsone mo di hlupegisiwa ka bo-1970. O re: “Ne ba sa kgone go lisetsa lephelo la bona la majabajaba. Ba yye ba re yisa kampeng ya mahloriso mara ka nthagonyana ba bangwana ba yye ba kenela mekgahlo ya dipolotiki gore ba thogo boyela magayeng ya bona ka taba la gore ne ba sa nyake go phela lephelo la di kampeng la go gakga.” Mara batho ba go tlala ba Modimo a sanka ba kenela mekgahlo ya dipolotiki le mo seyemo se ba gatelela kela ba kene ba tšiba gore ba nyoko lahlegela ke dilo ka moka tso ba nang natso.—Heb. 10:34.
Tso di Wutammeng ka Bhayibeleng
it-1-E 425
Moroko
Sekwakwa sa ka ho tawong ga pewu ya go tshwana le mabele kela korong. Mo Bhayibele yi bolabola ka moroko yi bolabola ka tsela ya go tshwanisela, yi tshwanisela mekgwa ya go buna ya ku botala. Mo ba fetsiye go buna, sekwakwa le matlakala di ba di sa sana mokgola, byalo ne di tshwanisela selo sa go fefoga, sa go sa re selo, fote di nyaka ba se ntshe ga tsa gabutši ba se lahle.
Sa mathomo, mo ba kene ba buna ba ntsha pewu yowa ho ga sekwakwa kela ga matlakala. Mo moya o kene o teya, moroko wone wo rwala ke moya go fo tshwana le mo moya wo tupisa lerole. (Bona GO FEFERA.) Mošupetso wowa wo hlatolla gabutši ka mokgo Jehova Modimo a ntshang batho ba go kgeloga mo go nang le batho bage fote o lahla batho ba go maka tsa go sa loka le ditšhaba tso di mo phigisang. (Job 21:18; Pis 1:4; 35:5; Jes 17:13; 29:5; 41:15; Hos 13:3) Mmušo wa Modimo wo nyoko psyitlanya manaba ya wona gwa šala go le lerole la gore le nyoko kgona go rwala ke moya go fo tshwana le moroko.—Dan 2:35.
Moroko wone ga go tlala ne ba wo kgobaketsa fote ba wo tšhuba gore wo sa teye ke moya wo boyela morago we thilafatsa tso ba di bunneng. Go fo tshwana le ka mokgo Johane wa go Kolobetsa a porofetiyeng ka gona gore go nyoko fela ka dikereke tsa matsaka—Jeso Kreste go leng yene a Bunang, o nyoko kgobaketsa korong, “mara moroko wone o nyoko wo tšhuba ka mollo wa go sa timi.”—Mat 3:7-12; Lu 3:17; bona MO BA BUNA.
FEBRUARY 12-18
MAKOLWANE KA TENG GA LENTSU LA MODIMO | PISALEMA 5-7
Dula o Tshepega go se na Taba Gore ba Bangwana ba Maka Ying
O ka Maka Byang Gore Baebele yi go Tiyise?
7 Ayitsano o na le monghana kela lešaga la gore le yye la go sepela ka fase? Mo nkare go ka mokgonone, o ka tšhuta se sengwana mo o ka bala ka morwayi wa Kgoši Dafita ye ba reng ke Absalomo, wa gore o yye a sepela papage ka fase a boya a leketsa go mo ketola setulong.—2 Sam. 15:5-14, 31; 18:6-14.
8 (1) Rapela. Mo o kene o naganne ka taba yone o yi badiyeng, thuletsela Jehova gore so motho yene a go makiyeng sona se go kwaletsiye go segela kaye. (Pis. 6:6-9) Korola taba. Ke mokane o mo kgopele gore a go gelepe o thogo bona ditšhiko tsa gore di nyoko go yetetsa mo o kene o leketsa go lukisa bothatha byone.
O sa Kamake Gore o Krayye Nnete
3 A ra tshwanela go ba le tumelo ka taba la go bona mo batho ba Modimo ba nyakanana go tshwana le Kreste. Ke ntaba? Di ka makega gore mogageru, mogolo kela mošupatsela a sinye ka matla. Kela o ka re king mo mogageru wa monna kela wa mosadi a go kwisa go baba? Kela ye mongwana a kgeloga ke mokane a go botsa gore tso o di krayyeng a yi nnete. Mo dilo tsa mošaga wonone di ka makega, ayitsano di nyoko go kwisa go baba ke mokane wa napa o sa sa yi kena ya go berekela Jehova? Re tšhuta gore: Mo nkare o yaga tumelo yago ga Modimo ka tso batho ba di makang, o sa yi yage ka taba la senghana sago le Jehova, di nyoko fo tshwana le mo o yaga ntlo setensing sa motho ye mongwana. Mo o yaga tumelo yago, di nyaka o sa berekisi fela dilo tsa gore a dya tiya tsa go tshwana le ka mokgo o tikwang ka gona mara di nyaka o berekise le dilo tsa gore di tiyye fote dya tshwarega. Di nyaka o di bone gore Baebele yi bolabola nnete ka Jehova.—Rom. 12:2.
4 Jeso o yitseri ba bangwana ba nyoko yamogela nnete “ba jabodiye,” mara mo tumelo ya bona yi leketsiwa di nyoko šaša. (Bala Matewu 13:3-6, 20, 21.) Di ka makega gore ke mo ba sa di tšibi gore go latelela Jeso di rela gore ba nyoko gahlana le tsa go ba ghula le tsa go sasamela. (Mat. 16:24) Kela ne ba tseya nkare go ba Mokreste di rela go phela lephelo la lula la gore ba nyoko dula ba rufiwa le la go sa be le dintshitshiri. Mara ga lefase lowa la go sa yenela, re nyoko ja dintshitshiri. Mayemo ma ka tšhentšha ke mokane sosone sa maka gore re dule re sa jabola.—Pis. 6:6; Mmo. 9:11.
Tso di Wutammeng ka Bhayibeleng
it-1-E 995
Lebitla
Ga Maroma 3:13 Pawulo wa lepostola o hlaya mantsu ya ma leng ga Pisalema 5:9, o tshwanisa segologolo sa batho ba go maka tsa go befa le ba go maka bošakašakane le “lebitla la go bulega.” Go fo tshwana le lebitla la gore le bulegiye la go tlala ka ditopo tsa gore di sinyegiye, tso melomo ya bona yi di hlayang mo yi bulega di ya bolaya fote di bodiye.—Tshwanisa le Mat 15:18-20.
FEBRUARY 19-25
MAKOLWANE KA TENG GA LENTSU LA MODIMO | PISALEMA 8-10
“Ke Nyoko go Thanaka, Wene Jehova”!
Yi Tseyele Gedimo Taba ya Gore o ka Mutšing wa Jehova
6 Jehova o re lukiselele mutši wa go hlawolega. U nthago mo Jehova a soko maka motho wa mathomo, o lukisiye lefase gore batho ba thogo dula ga lona. (Jobo 38:4-6; Jer. 10:12) Jehova wa naganelana fote aa konane, byalo o re neyye dilo tsa go tlala tsa gabutši gore re di jabolele. (Pis. 104:14, 15, 24) Ka dinako tse dingwana ke mo a fo fela a yemanyana a lebelela tso a di makiyeng, ke mokane a re mo a lebelela a “bona di bafele.” (Gen. 1:10, 12, 31) O šupetsiye gore o tseyela batho gedimo ka go maka gore ba “lawole” mmereko wage ka moka wa go bafala wo a wo makiyeng ho lefaseng. (Pis. 8:6) Tso Modimo a nyakang go di segelela ke gore batho ba go yenela ba jabolele go pasopa dilo ka mokana ga tsona tsa go bafala tso a di makiyeng, go ya go yye. Ayitsano o dula o leboga Jehova gore o re tshepisiye dilo tsa gabutši ka mokgo?
Ayitsano o Leboga tso Modimo a go Neyyeng Tsona?
10 Se sengwana so re ka se makang go šupetsa gore re leboga taba ya gore re kgona go bolabola ke go hlatollela batho ka Modimo, ka matlamatla bo ba gore a ba kwisisi gore ke ntaba re sa dumele ga taba ya gore dilo di f’lo timakegela. (Pis. 9:1; 1 Pet. 3:15) Bobone ba go tšhutisa gore dilo di ro timakegela ba nyaka gore re tshepe gore lefase lo le dilo ka mokana ga tsona tso di phelang ga lona di f’lo makega. Mo re berekisa Baebele le dilo tse dingwana tso re bolabodiyeng ka tsona ga hlogotaba yowa, re ka di kgona go yemelela Papa wa rune wa legedimong ra boya ra hlatollela bo ba nyakang go theetsela gore ke ntaba re sa kamake gore Jehova ke yene ye a makiyeng legedimo le lefase.—Pis. 102:25; Jes. 40:25, 26.
Ayitsano o ‘Beyisela ba Bangwana ka Mabolabolelo Yago’?
13 Yepelela ka pelo ka moka. Mo re šinya re yepelela dikoša tsa Mmušo, re tšhofa ka matla ke gore re nyaka go thanaka Jehova. Mogageru ye mongwana wa mosadi ye ba reng ke Sara o re yene tsa go yepelela a yi layine yage. Mara tsa go thanaka Jehova ka koša o kwana natso ka matla. Byalo o di bonne tsa gore di ya mo gelepa go lukiselela koša a sa le gaye go fo tshwana le mo a lukiselela dipolabolo tse dingwana tsa mogahlano. O yepelela dikoša gatleletlele ke mokane a liketsa go bona gore di yelana byang le tso ba nyoko di tšhutang. O re, “Tsotsone di n’gelepa gore ke sa hlupege ka matla ka go tšoroka mara ke theetsele molayetsa wa koša.
Tso di Wutammeng ka Bhayibeleng
it-1-E 832
Senwana
Ka tsela ya go tshwanisela, Modimo o tšibega go le ye a makang dilo a berekisa “dinwana tsage,” o berekisiye tsona go ngwala dilo tsa go tshwana le Lesome la Melawo yo ne yi ngwadiwwe matlapeng. (Ek 31:18; Dot 9:10), go maka mehlolo (Ek 8:18, 19), le go maka magedimo (Pis 8:3). “Dinwana” tsa Modimo di maka mmereko wa go makatsa fote mo go bolabodiwa ka tsona ba ra moya wa go hlawolega wo go bolabodiwang ka wona ga Genesi yo yi hlatollang go makiwa ga dilo, mo go hlayiwweng gore moya wa Modimo wa go hlawolega (ruʹach, “moya”) ne o fo ya ku le ku mo gedimo ga meetši. (Gen 1:2) Le mo go le ka mokgonone, Mangwalo ya Sekreste ya Segerika ma re gelepa go kwisisa taba yowa gabutši, Matewu yi hlatolla gore Jeso o rakiye madimona a berekisa ‘moya wa Modimo wa go hlawolega’ fote Luka yi re botsa gore ke ka ‘senwana sa Modimo.’—Mat 12:28; Lu 11:20.
FEBRUARY 26–MARCH 3
MAKOLWANE KA TENG GA LENTSU LA MODIMO | PISALEMA 11-15
Tipone o le Lefaseng la Nyuwane la Gore le Bebiye
w06-SE 5/15 18 ¶3
Go fo Lekisiwa ga Puku ya Mathomo ya Pisalema
11:3—Ke difandhiši difeng tso ba di sinnyeng? Tsowa ke difandhiši tso motho ye mongwana le ye mongwana a tithegiyeng ka tsona—melawo, dilo tsa go sepela ka letheto le go yahlula gabutši. Mo dilo tsowa di se šiyo, batho ba ka sa phidisane gabutši fote ba ka sa yahludiwi gabutši. Mo re ghulana le seyemo sa mošaga wone, “ye mongwana le ye mongwana wa go loka” di nyaka a tshepele ga Modimo.—Pisalema 11:4-7.
wp16.4-SE 11
Ayitsano Bokgohlane bo Nyoko Tsoga bo Fediye?
Bhayibele yi re tshepisa gore Modimo go se botala o nyoko fetsa ka bo ba makang gore go be le bokgohlane mo lefaseng. Lefase lowa la lekgono la go tlala ka bokgohlane le f’lo yemela ‘letšatši la go yahludiwa, le go fetsa ka batho ba gore a ba theetsele Modimo.’ (2 Petro 3:5-7) Go ka sa sa ba le batho ba go hlupegisa ba bangwana. King so se makang re sa kamake gore Modimo wa nyaka go re gelepa le go fetsa ka bokgohlane?
Bhayibele yi re botsa gore Modimo “o hloyye ye mongwana le ye mongwana ye a kwanang le bokgohlane.” (Pisalema 11:5) Ye a re Makiyeng o kwana le go beba fote o yahlula gabutši. (Pisalema 33:5; 37:28) Nka taba lo a ka sa lisetseng batho ba go maka bokgohlane go ya go yye.
w17.08-SE 6 ¶15
Ayitsano o Tikemisele go Yema o Lefisiye Pelo?
15 Ke ntaba Dafita ne a tikemisele go yema a lefisiye pelo? Re kraya phetolo ga Pisalema, ga gore kanne o butsisiye gore: “Go segela neng?” Tsowa ke tso a di hlayang: “Nna ke tshepa go nyakanana gago ga mannete, pelo yaka yi nyoko jabolela tso o di makang tsa go re phonisa. Ke nyoko yepelela Jehova ka taba la gore o nrufiye ka matla.” (Pis 13:5, 6) Dafita ne a tshepa go nyakanana ga Jehova. O yemme a kene a jabodiye gore a tle a phonisiwe, fote o yye a gopola ka mokgo Jehova a berekisanneng naye. Eya, Dafita o di bonne gore a go na so se phalang go mo yemela.
kr-SE 236 ¶16
Mmušo wo wo Makang Tso di Nyakang ke Modimo mo Lefaseng
16 Go Pasopega. Ye lune, mantsu ya go tikisa pelo ya ma leng ga Jesaya 11:6-9 ma nyoko makega tsa mannete. Banna, basadi le bana ba nyoko ba ba pasopegiye go gongwana le go gongwana mo ba nyoko bang ba sepela gona ho lefaseng. A go na phoolwane kela motho ye a nyoko ba kwaletsang. O fo nagana nje o kene o phela ga lefase la gore ka mokana ga lona go nyoko ba go le gaye gago, ga gore o nyoko kgona go hlapela dinokeng, madamong, le lewatle, le go kalama dithaba o boya o sepela o pasopegiye ga dipoleke tsa gore di na le byang byo bo tala. Fote mo le dikela o ka sa šekele ka selo. Mantsu ya ma leng ga Hezekiyele 34:25 ma nyoko makega, fote di nyoko kgonega gore batho ba Modimo ba “dule ba pasopegiye go gongwana le go gongwana le go kgona go yetsela mašahleng.”
Tso di Wutammeng ka Bhayibeleng
w13-SE 9/15 19 ¶12
Ayitsano o Tšhentšhiye?
12 Sa go kwisa go baba ke gore re phela le batho ba go tshwana le bo Pawulo a bolabodiyeng ka bona. Ba nagana gore go latelela molawo le ditšhiko ke dilo tsa botala kela dilo tsa go sa kwagale. Mathitšere ya go tlala le babelegi ba kwana le go tšhutisa taba ya gore ‘motho a make ka mokgo yene a bonang go lukiye.’ Go ya ka bona, dilo ka moka di ya tshwana, a go na sa gore se kekemme. Le bo ba reng bona ba rapela Modimo ba re ba lukulugiye gore ba make so ba bonang se lukiye, a di šinyi di nyaka gore ba theetsele Modimo le go latelela melawo yage. (Pis. 14:1) Mokgwa wowa wo ka kwaletsa Makreste ya mannete. Mo o sa pasope, o ka tikraya o tseya tso mokgahlo o re botsang tsona ka mokgonone. O kraya o sa nyake go theetsela tso phutego yi di hlayang kela o kokola ka dilo tsa gore wene a wo kwane natso. Kela o solasola mayele ya Bhayibele yi re neyang mo di tla ga tso re tijabodisang ka tsona, le ka mokgo re berekisang inthanete kela go ya diyunivesithi.