Ditodi Tsa Sepukwane sa Mogahlano wa Maphelelo le Matšhomayelelo
© 2024 Watch Tower Bible and Tract Society of Pennsylvania
JANUARY 6-12
MAKOLWANE KA TENG GA LENTSU LA MODIMO PISALEMA 127-134
Babelegi—Ariyeneng Mahlong le Kene le Pasopa Bana ba Lune
Yi Tseyele Gedimo Taba ya Gore o ka Mutšing wa Jehova
9 Jehova o makiye gore batho ba thogo ba le bana, a boya a ba neya mmereko wa gore ba ba tšhutise go šupetsa Modimo gore ba mo nyaka ka matla ba boye ba mmerekele. Mo nkare ke wene mmelegi, ayitsano o se tseyela gedimo selo sowa sa go hlawolega? Jehova o rufiye mangeloyi ka dilo tsa go tlala, mara wona a ma kgone go ba le bana. Mo nkare wene o na le bana, yi tseyele gedimo ka matla taba yone. Jehova o neyye babelegi mmereko wo mogolo wa go gudisa bananyana ba bona ka go ‘ba wolola fote ba ba tšhutise tso Jehova a di nyakang.’ (Maef. 6:4; Dot. 6:5-7; Pis. 127:3) Mokgahlo wa Modimo wo gelepa babelegi ka dilo tsa go tlala tsa gore ditaba tsa tsona di tšwa ka Bhayibeleng, tsa go tshwana le dipuku, dividiyo, dikoša le tse dingwana tsa gore di ga inthanete. Di fo ba lekgwaying gore Papa wa rune wa legedimong le Morwayi wage ba tseyela bananyana gedimo ka matla. (Luk. 18:15-17) Jehova o jabola ka matla mo babelegi ba tisamela ka yene ba boya ba karakara gore ba pasope bananyana ba bona ba gore ba thina le dipelo tsa bona ka matla. Babelegi bowa ba gelepa bananyana ba bona gore le bona ba karakare gore ba be ka mutšing wa Jehova go ya go yye!
Babelegi—Tšhutisaneng Bana ba Lune Gore ga Jehova ba mo Nyake ka Matla
20 Tšiba bana bago gabutši. Pisalema 127 yi tshwanisa bana le mesefo. (Bala Pisalema 127:4.) Dilo tso di berekisiwang go maka mesefo a di tshwane fote le ka bogolo a di lekane, le bana ba ka mokgonone, a ba tshwane. Byalo di nyaka babelegi ba tšibe ka mokgo ba tshwaneleng ba tšhutise ngwana ye mongwana le ye mongwana. Mogageru ye mongwana le mosadi wage ba ku Israel ba bolabola ka so se ba gelepiyeng go gudisa bana ba bona ka babedi gore ba thogo berekela Jehova, ba re, “Ke mo re sa tšhuti nabo Baebele ka nako ka yyoši.” Mara hlogo ya mutši wo mongwana le wo mongwana yi nyoko kgeta gore yi nyaka go tšhuta ka mokgwa wowa kela e-e.
Tso di Wutammeng ka Bhayibeleng
it-1-E 543
Dimilane Tsa ka Bhayibeleng
Mopisalema o bolabodiye ka mohlare wa diolivi mo a tshepisa bo ba tšhabang Jehova gore: “Barwayi ba lune ba nyoko tshwana le mohlare wa diolivi mo wo hluga wo kene wo dukulugiye tafola yago.” (Pis 128:1-3) Ga go tlala mo ba kupa tso di hlugang ga mohlare wa diolivi, ba berekisa tsona go gaša mohlare wa nyuwane. Go tokegela gana hone, mohlare wa diolivi wa gore wo šele wo tsofele ga go tlala wo hluga ku midung, tsotsone di maka gore wo dule wo le gona. Go fo tshwana le mohlare wone wa go hluga, barwayi bone ba nyoko dukulugela papa wa bona, ba tšhela letsogo gore go thogo jabodisa ka hone mutšing.
JANUARY 13-19
MAKOLWANE KA TENG GA LENTSU LA MODIMO PISALEMA 135-137
“Morena wa Rune o Phala Medimo Yowa ka Mokana ga Yona”
it-2-E 661 ¶4-5
Matšhika, Mehlolo
Matšhika ya Modimo ya go lawola hlago ma maka gore a sa tshwane le medimo ye mengwana. Gore a thogo šupetsa gore ke yene Modimo wa mannete, re ka yemela gore Jehova a šupetse gore o kgona go lawola hlago, a maka tsotsone ka mokgwa wa gore re šala re sa kamake gore ke yene. (Pis 135:5, 6) Ka taba la gore letšatši, ngwedi, dipolanete le dinanedi di na le letheto lo di le latelelang, moya, pula, le dilo tse dingwana di latelela melawo ya tsona, ditšiya le dinonyane di na le ka mokgo di makang dilo mo di rurela ga poleke ye nngwana, byalo dilo tsowa tsa hlago le tse dingwana tsa go tlala tsa go maka dilo ka letheto, di ka sa kgone go gadimisa lebitso la Modimo mo le phigisiwa kela go le yemelela ga morapelo wa matsaka.
Le mo go le ka mokgonone, Jehova Modimo a ka berekisa hlago le dilo tse dingwana tsa go yelana le hlago go šupetsa gore ke yene Modimo, a di berekisa ka mokgwa wa go sa tlwayelega gore a segelele tso yene a di nyakang, ga go tlala ka nako yo yene a yi nyakang. Le mo nkare go fela go ba le kgwakgwaa, didingwane kela tse dingwana tsa go tshwana natso, tsa gore tsona ka bo tsona a di re makatse mara ka taba la gore di makegiye gore go makege tso Modimo a diporofitiyeng, tsotsone di makiye gore re šale re makele. (Tshwanisa le 1Mg 17:1; 18:1, 2, 41-45.) Ga go tlala dilo tsowa ka bo tsona ne di makatsa, ka taba la bogolo kela go tshosa (Ek 9:24) kela ka taba la gore di makegiye ka mokgwa wa go sa tlwayelega kela wa gore a re so hlwe re kwa ka wona kela ka nako ya go sa tlwayelega.—Ek 34:10; 1Sa 12:16-18.
Taba ya Gore Jehova aa Tšhentšhatšhentšhi mo a re o Nyaka Motho, yi go Tshwara Byang Mara?
16 Mo re tseya Jehova go le poleke yo re ka Tšhabelang ga yona, re kwa re tšhireletsegiye. Mara, di ka makega gore matšatši ya mangwana re ka kwa di re kgahleletsiye la gore re šitege le go ya mahlong. Mo dilo di yemme ka mokgonone, Jehova o nyoko re gelepa ka mokgo mang? (Bala Pisalema 136:23.) O nyoko re ngangarela ka matsogo yage, a re thegeletsa a boya a re gelepa gore re thogo yema ka mawoto ya rune. (Pis. 28:9; 94:18) Ka mokgo taba yowa yi re berekelang: Taba ya gore Modimo o nyoko fo dula a na le rune yi re gopotsa gore go na le dilo ka dipedi tso re rufegiyeng ka tsona. Sa mathomo, re na le poleke ya go tšhabela ga yona di sa yi ka gore re tšwa kaye. Sa bobedi, Papa wa rune wa legedimong o re nyaka ka matla fote wa tihlupa ka rune.
Tso di Wutammeng ka Bhayibeleng
it-1-E 1248
Jah
Lentsu lowa Jah ga go tlala ba le berekisa mo ba thanaka le mo ba yepelela, mo ba rapela le mo ba fawa, fote ga go tlala le berekisiwa mo ba hlakela ka taba la go hlula kela go phonisiwa, kela mo ba bonne letsogo la Modimo la go ba le matšhika. Mešupetso ya mo yi berekisiwweng gona yi tlele. Mantsu yawa ya gore “Thanaka Jah, lune batho!” (Haleluya) ma nyarela go le koša ya gore ke mokgwa wa go thanaka Modimo wa Dipisalema, ya mathomo ya gona yi ga Pisalema 104:35. Ga dipisalema tse dingwana yi ba mathomisong (Pis 111, 112), ga tse dingwana ya ba segare (135:3), ga tse dingwana mafelelong (Pis 104, 105, 115-117), mara ga go tlala yi ba mathomisong le mafelelong (Pis 106, 113, 135, 146-150). Ga puku ya Kutullo, bo ba dulang legedimong ba boyelele mantsu yawa ga tleletlele mo ba thanaka Jehova.—Kut 19:1-6.
La mafelelo mo “Jah” yi nyarelang gona yi šupetsa go thanaka Jehova ka dikoša le go phophota. Go na le koša ya Moše ya go bolabola ka go phonisa. (Ek 15:2) Ga tso di ngwadiyeng ke Jesaya, ba šihlele gabedi ka go gahlanisa mabitso yawa ka mabedi, “Jah Jehova.” (Jes 12:2; 26:4) Hezekiya, ga sereto sage sa go thanaka ka nthago ga mo a fodisiwwe ka mohlolo nakwela a lwala lela la go kgwa, o yye a šupetsa gore wa leboga ka go berekisa lentsu lowa Jah gatleletlele. (Jes 38:9, 11) Ba fapanisa bo ba kgwileng, ba gore a ba kgone go thanaka Jah, le bo ba tikemiseleng go phela lephelo la go mo thanaka. (Pis 115:17, 18; 118:17-19) Le mo go le ka mokgonone, dipisalema tse dingwana di bolabola ka dithapelo tsa go leboga go phonisiwa, go pasopiwa le go wolodiwa.—Pis 94:12; 118:5, 14.
JANUARY 20-26
MAKOLWANE KA TENG GA LENTSU LA MODIMO PISALEMA 138-139
O sa Lisetse go Tšhoga go go Šitisa
Thanaka Jehova ka Phutegong
10 Ayitsano o kwa nkare o kgahleletsiye ke se sengwana mo di nyaka o yemise letsogo o fetole mogahlanong? Mo nkare go sone, a yi wene o ntoši. Nnete ke gore ba go tlala ba rune re kwa re tšhoganyana mo re fetola mogahlanong. Gore o thogo le hlula letšhogo lowa, di nyaka o di tšibe gore o tshosa king. Ayitsano o tshosa ke gore o nyoko lebala tso o nyakang go di fetola kela o tshosa ke gore o ka sa fetole tsona? Ayitsano o šekedisa ke gore tso o nyoko di fetolang di ka sa kwale go tshwana le tsa ba bangwana? Gabutšibutši, letšhogo la mošaga wone le gabutši. Mo o tšhoga ka mokgonone, di ya šupetsa gore o tseya ba bangwana ba go phala fote wa tinyanafatsa. Mokgwa wone Jehova o wo nyaka ka matla. (Pis. 138:6; Mafil. 2:3) Mara fote, Jehova o di nyaka ka matla gore o mo thanake o boye o tiyise magageru megahlanong. (1 Mathes. 5:11) O go nyaka ka matla fote o nyoko go neya lešiši mo o kwa nkare le ya gayela.
Le Tiyisane mo le le Megahlanong ya Phutego
7 O ka gelepa ke go lebelela dilo tse dingwana tso o ka di makang tsa gore di krayega ga dikgatiso tsa go fela tsa Sewokamelo. Mo re beyisa, di nyaka o lukiselele gabutši. (Diy. 21:5) Mo o šele o kwisisa tso di nyoko tšhutiwang, o nyoko tikwa o lukulugiye gore o fetole. Fote o sa lefisi mo o fetola. (Diy. 15:23; 17:27) O ka sa nape o tšhoga ka matla mo o fetola tsa gore a dya lefa. Phetolo ya gore a ya lefa, nakwenngwana ya gore yi na le lefoko ka lloši kela ka mabedi, yi ka ba lula ga magageru gore ma yi kwisise go phala ya gore yi lefiye fote yi fagaganne ka ditaba tsa go tlala. Mo o fetola phetolo ya go sa lefa o berekisa mantsu yago, o ko ba o šupetsa gore o lukiselele gabutši fote taba yo go tšhutiwang ka yona o yi kwisisa gabutši.
Tso di Wutammeng ka Bhayibeleng
it-1-E 862 ¶4
Go Tshwarelana
Go tokegela gana hone, Mokreste ye mongwana le ye mongwana o tshwanele a tshwarele ba bangwana ga tso ba mo sinyeleng ga tsona go se na taba gore ba mo kwisiye go baba ga kaye. (Lu 17:3, 4; Ef 4:32; Kol 3:13) Modimo aa tshwarele bo ba ganang go tshwarela ba bangwana. (Mat 6:14, 15) Le mo nkare go sinya go maka gore go ntshiwe “motho yene wa go sa loka” ka phutegong ya Sekreste, motho yene mo nako yi kene yi ya a ka tshwarediwa mo a šupetsa gore o tisola a resa. Ka nako ya gona, ka moka bo ba leng ka phutegong ba nyoko šupetsa motho yene gore ba mo nyaka ka matla. (1Ko 5:13; 2Ko 2:6-11) Mara Makreste a ma gapeletsege go tshwarela bo ba kwaletsang ba bangwana, ba go sinya ka bomu fote ba sa tisole. Bobone go ba manaba ya Modimo.—Heb 10:26-31; Pis 139:21, 22.
JANUARY 27–FEBRUARY 2
MAKOLWANE KA TENG GA LENTSU LA MODIMO PISALEMA 140-143
Maka Dilo Tsa go Sipidisana le Tso o di Rapeleleng
“Theetsela ba go Hlalefa”
13 Tseya gore mo Modimo a re wolola o šupetsa gore o re nyaka ka matla. Jehova o re nyakela tsa gabutši. (Diy. 4:20-22) Mo a re wolola a berekisa Lentsu lage, dikgatiso kela a berekisa magageru o re šupetsa gore o re nyaka ka matla. Maheberu 12:9, 10 yi re “O maka tsotsone gore a thogo gelepa rune.”
14 Wene o fo theetsela mo ba go wolola, o sa hlupege gore ba go wolola byang. Ka dinako tse dingwana, di ka makega gore re kwe nkare mo ba re wolola a baa berekisa mokgwa wa gabutši. Nnete ke gore, mo motho a wolola ye mongwana di nyaka a liketse gore di be lula gore ye mongwana a di yamogele. (Magal. 6:1) Mara mo nkare ba wolola rune, re ko ba re maka gabutši go fo theetsela tso ba re wololang ka tsona, le mo yi le gore re kwa nkare nke ba berekisiye mokgwa wo mongwana. Re ka tiputsisa gore: ‘Le mo yi le gore a ke jabolele mokgwa wo ba wo berekisang mo ba ng’wolola, ayitsano tso ba di hlayang baa resa? Ayitsano nka lisetsa go lebelela tsa go kekema tso di makiyeng ke ye a ng’wololang ke mokane ka berekisa tso a di hlayang?’ Re ko ba re hlalefiye mo re ka lisetsa gore ka mokana ga tsona tso ba re wololang ka tsona di re berekele.—Diy. 15:31.
w10-SE 3/15 32 ¶4
Ariyeneng Mahlong le na le “Pelo ya Gore yi Yediye” ga Dinako Tsowa Tsa go Thathafa
Go phigisiwa ka matla, mathatha ya ekonomi le go lwala ka matla di kgahleletsiye malata ya mangwana ya Modimo. Ka dinako tse dingwana, dilo tsone ka moka mo di makega di ba šiyye ba kwa go baba. Le mong Kgoši Dafita o fitiye ga tsa mošaga wone: “Moya waka wo thomisa go fela; ka teng gaka pelo yaka yi kgwile bogašu.” (Pis. 143:4) O gelepiye king gore a hlule mayemo yane? Dafita o yye a gopola ka mokgo Modimo a yyeng a berekisana le malata yage le ka mokgo a yyeng a mo phonisa. O yye a ghayela ka tso Jehova a di makiyeng gore a gadimise lebitso lage la go hlawolega. Dafita ne a dula a hlupegiye ka tso Modimo a di makang. (Pis. 143:5) Le ga rune go fo ba ka mokgonone, mo re ghayela ka Modimo wa rune ye a re Makiyeng le ka moka tso a di makiyeng le tso a yang mahlong a di maka go nyoko re gelepa gore re tiyisele mathatha.
w15-SE 3/15 32 ¶2
Ayitsano Taba ya go Šadha “Lelata la Morena” yi sa Kwagala?
Ka dinako tse dingwana o ka tikwa go tshwana le mopisalema Dafita, mo a re: “Mfetole ka go yakgoswa barena Jehova; matšhika yaka maa fela. O sa n’wutametsele sefahlego sago.” (Pis. 143:5-7, 10) Mo o tikwa ka mokgonone, neya Papago wa ku magedimong nako ya go go šupetsa gore o nyoko go makela ying. O ka maka tsotsone ka go tipeyela nako ya go bala Lentsu lage le go ghayela ka tso o di balang. O nyoko tšiba melawo yage le tso a di makeleng malata yage ku nthago. Mo o mo theetsela, di ko ba di šupetsa gore a wo kamake gore go theetsela yene go šupetsa gore o hlalefiye.
Tso di Wutammeng ka Bhayibeleng
it-2-E 1151
Tšhefu ya Dinoga
Mo yi Berekisiwa ka Mokgwa wa go Tshwanisela. Matsaka ya motho wa go maka tsa go befa, ya gore maa kwaletsa le go sinya lebitso la ye ba mo bolabolelang matsaka, ma tshwanisiwa le tšhefu ya noga ya go bolaya. (Pis 58:3, 4) Bo ba go sinyana mabitso, mo go bolabodiwa ka bona ba re, “Tšhefu ya noga yi ka tlase ga lleme la bona” (kela, “ka melomong ya bona”), le tšhefu ya noga ya go bolaya yi duli mo molomong wa yona wa ka kgakala. (Pis 140:3; Mrm 3:13) Mo lleme la motho le berekisiwa ka tseya ya gore ya kwaletsa, le seba, le tšhutisa matsaka kela le hlaya tsa go yelana le tsotsone, “le na le tšhefu ya gore ya bolaya.”—Jak 3:8.
FEBRUARY 3-9
MAKOLWANE KA TENG GA LENTSU LA MODIMO PISALEMA 144-146
“Go Jabola bo Modimo wa Bona go Leng Jehova!”
Diputsiso Tsa Bo Ba Šeleng Ba Badiye
2. Lentsu lowa la nyuwane le fo re kwatla ga pisalema yowa ka mokana ga yona. Ba go tlala ba kwisisa gore ka mokg’o lentsu lo la gore “ke mokane” le berekisiwweng ka gona mo ga temanyana 12 le rela gore tsa go rufiwa tso di hlateyiwang ga manyana 12 go segela ka 14 di rela batho ba go loka—bo ba kgopelang go ‘phonisiwa’ ga ba dipelo tsa go befa. (temanyana 11). Taba yowa ya gore yi tšhentšhiwwe yi bonala le ga temanyana 15, ga gore lentsu lo la go “jabola” le nyarela gabedi fote le yelana gabutši le yawa ya mangwana, a ma šiyane. Byalo, dilo tsone di šupetsa gore go jabola ka mokg’onone go nyoko ba ga batho ba go tshwana—ba gore “wa bona Modimo ke Jehova!” O sa lebale fote gore Seheberu sela sa botala ke mo se hloka ditwaba tsa go go lawola mo o bala. Byalo taba yone ya maka gore bo ba hlatollang ba thomise ka go tiputsisa gore taba yowa yi rela ying gore ba thog’o yi beya gabutši, ba kene ba naganne ka mokgwa wa go ngwala le wa go reta ka Seheberu, go hlofiwa ga mantsu, le ditemanyana tse dingwana tsa Baebele tsa go yelana le yowa.
3. Mantsu ya ma fetodiwweng ma yelana gabutši le ditemanyana tsa Dibaebele tse dingwana, tsa gore Modimo o tshepisa gore o nyoko rufa batho bage ga tsona mo ba ya mahlong ba tshepega. Ka taba la go lukisiwa ga taba yowa yi hlatollang ke lentsu lowa la gore asher, pisalema gana byalo yi šupetsa Dafita a krayye tshepo ya gore mo Modimo a šele a phonisiye setšhaba sa Maisrayele ga manaba, O nyoko rufa batho ka mojabolo fote dilo tsa bona di nyoko wolologa. (Lef. 26:9, 10; Dot. 7:13; Pis. 128:1-6) Mo re beyisa, Dotoronoma 28:4 yi re: “Bana bago ba nyoko rufiwa, ka moka le diyengwa tsa mobu wago le dinamane tsa morape wago, tsa dikgomo le dinku tsago.” Yowa ke nnete ka taba la gore ka nako tsela go buša morwayi wa Dafita ye ba reng ke Solomone, setšhabeng ke mo go bebiye fote lephelo le natefa. Fote ka mokg’o Solomone ga tse dingwana ne a lawola ka gona di šupetsa gabutši so se nyoko tlang se makega mo go lawola Mesiya.—1 Mag. 4:20, 21; Pis. 72:1-20.
Dula o Tiyisa Tshepo yo o Nang Nayo ga Modimo
16 Tshepo ya rune ya gore re nyoko phela go ya go yye ke selo sa gabutši so re se neyang ke Modimo. Re di yemele ka maahlo ya makhubedu gore re kraye lephelo la go ya go yye ku mahlong—go leng so re tšibang gore se nyoko makega. Tshepo yone yi tshwana le tshipi ya go tshwara sekepe gore se sa thogathoge, yi gelepa gore re tiyisele dintshitshire, re tiyisele mo re hlupegisiwa fote le mo re nkgela ke likgu. Yi re berekela go tshwana le lekarapo, la gore le tšhireletsa tso re di naganang gore re thogo kganela kgole le tsa go kekema ke mokane re kwane le tsa go loka. Tshepo ya rune ya gore yi tšwa ka ho Bhayibeleng, yi re gelepa gore re šutele thina le Modimo fote yi napa yi re šupetsa gore o re nyaka ka matla. Di nyoko re berekela ka matla mo re wa re tsoga gore re tiyise tshepo ya rune.
17 Mo Pawulo wa lepostola a ngwalela Makreste ya ku Roma o ma hlohletsele gore, “Tso ba le tshepisiyeng tsona tsa gore di nyoko makega ku mahlong di le jabodise.” (Marom. 12:12) Pawulo ke mo a bolabola ka go jabola ka taba la gore ne a di tšiba tsa gore mo a ka ya mahlong a tshepega o nyoko kraya lephelo la go ya go yye ku legedimong. Byalo, le rune di nyaka re jabodise ke tshepo yo re nang nayo ka taba la gore re ya di tšiba tsa gore Jehova a ka sa re tshokanye o nyoko di maka tso a re tshepisang tsona. Go fo tshwana le mopisalema wa gore o ngwadiye gore, “go jabola ye a . . . tshepelang ga Jehova Modimo wage, . . . Ye a dulang a tshepega.—Pis. 146:5, 6.
Re ka Napa re ro Jabola mo re na le Lerato la Mošaga Mang?
19 Lefase lo la Sathane la gore le hlopegisiye batho ka mongwaga wa go segela gana ku ga 6 000 le šele le le thina le go fela. Batho ba go tipona, ba go lelekisa tšheleta le ba go rata menate, a e go tlala ga bona mo lefaseng. Mo ba kene ba lelekisa dilo tsowa, ba bona nkare ke tsona di ka makang gore ba jabole mo ba kene ba phela. Mara le ka gonyana a ba jabole. Go makega tso di ngwadiyeng ke mopisalema tsa gore: “Go jabola ye a thušang ke Modimo wa Jakobo, wa gore o titshepele Jehova Modimo wage.”—Pis. 146:5.
20 Rune malata ya Jehova re mo rata ka matla Modimo ye wa rune, mongwaga wo mongwana le mongwana re ya yeketsega ka gore batho ba nabela go tshwana le rune. So se šupetsa gabutši gore Mmušo wa Modimo wa buša fote go se botala o nyoko re makela le tso ye re sa di nagane. Go maka tso Modimo a di nyakang ke gona go makang gore motho a jabole tsa mannete fote re jabodisa ke go tšiba gore re berekela ye a leng Gedimo ga Dilo ka Moka. Bo ba ratang Jehova ba nyoko jabola go ya go yye. Ga hlogotaba ya go latela, re nyoko bona maphomela ya go tipona, ra boya ra bona gore go fapana byang le maphelelo ya go bafala ya malata ya Jehova.
Tso di Wutammeng ka Bhayibeleng
it-1-E 111 ¶9
Diphoolwane
Bhayibele yi hlohletsela gore re tshware diphoolwane gabutši le go di šupetsa gore re di kwela go baba. Ke nnete gore Jehova o šupetsiye gore ke yene a di pasopang a kene a di šupetsa gore wa di nyaka fote o hlupegiye ka matla ka tsona. (Diy 12:10; Pis 145:15, 16) Molawo wa Moše ne wo hlohletsela batho gore ba pasope diphoolwane tsa bona. Mo phoolwane yi lahlegiye, ne ba tshwanele ba yi busetse ga mong wa yona yi pasopegiye; mo ba ka yi kraya yi roba ke morwalo, ne di nyaka ba yi yimulle. (Ek 23:4, 5) Ne ba tshwanele ba di tshware gabutši. (Dot 22:10; 25:4) Le tsona, go tshwana le batho, ka letšatši la Sabatha ne di khutsa. (Ek 20:10; 23:12; Dot 5:14) Diphoolwane tsa gore di kotsi ne di nyaka ba di lawole kela ba di bolaye. (Gen 9:5; Ek 21:28, 29) Ne ba sa dumelediwa gore ba make gore diphoolwane tsa go sa tshwane di gowelane.—Lef 19:19.
FEBRUARY 10-16
MAKOLWANE KA TENG GA LENTSU LA MODIMO PISALEMA 147-150
Di Tlele Tso di Makang Gore re Thanake Jah
w17.07-SE 18 ¶5-6
“Thanaka Jah!”—Ke Ntaba?
5 Jehova ne a sa fo kgomoletsa Maisrayele go le setšhaba, mara ke mo a kgomoletsa ye mongwana le ye mongwana wa bona. Le lekgono go fo ba ka mokgonone. Mo mopisalema a bolabola ka Modimo o re: “O fodisa bo ba kwisiwweng go baba, o ba bhandiša mo ba kwaleleng.” (Pis. 147:3) Eya, Jehova o na le taba le bo ba kwang go baba ho mmeleng le moyeng. Le lekgono, Jehova o dula a tikemisele go re kgomoletsa le go re papatela mo re kwile go baba moyeng. (Pis. 34:18; Jes. 57:15) Wa re hlalefisa le go re neya matšhika gore re thogo tiyisela dintshitshiri tso re ghulanang natso.—Jak. 1:5.
6 Ke mokane mopisalema o thomisa go bolabola ka legedimo, o re botsa gore Jehova “o balela nombhoro ya dinanedi” fote “ka mokana ga tsona o di bitsa ka mabitso.” (Pis. 147:4) Ke ntaba go šele go bolabodiwa ka dilo tsa legedimong? Nagana ka sowa: Mopisalema ne a kgona go bona dinanedi ka maahlo yage mara ne a sa tšibi gore nka di kaye. Mo mengwaga yi kene yi takamela, nombhoro ya dinanedi tso re kgonang go di bona yi yeketsegiye ka matla. Ba bangwana ba nagana gore go na le dibhiliyoni tsa dinanedi ga setšhotšho sa dinanedi sa Milky Way. Fote di ka fo makega gore go na le dimiliyoni tsa dimiliyoni tsa ditšhotšho tsa dinanedi! Rune a re kgone go balela dinanedi! Mara ye a di Makiyeng o di nneyye mabitso ka mokana ga tsona le go maka gore di yeme kaye. Tsone di rela gore dinanedi a di tshwane ga Jehova. (1 Makor. 15:41) Batho ba mo lefaseng bona gee? Modimo wa gore o tšiba mo nanedi ye nngwana le ye nngwana yi leng gona ka nako ya gona, o tšiba le wene gore o kaye, o tikwa byang, le gore o gayela ying ka nako ya gona!
w17.07-SE 18 ¶7
“Thanaka Jah!”—Ke Ntaba?
7 Jehova aa fo go tseyela hlogong fela mara o na le matšhika fote o kwisisa ka mokgo o tikwang gore a thogo go gelepe mo tsa lephelo di go kgahleletsa. (Bala Pisalema 147:5.) O ka kwa nkare seyemo sago se thathafa ka matla fote se go kgahleletsa tsa gore o šitega le go wona. Modimo wa di kwisisa gore re kgona go maka dilo go segela kaye, ‘aa lebale gore re fo ba lerole.’ (Pis. 103:14) Ka taba la gore a ra yenela, re fo dulela go boyelela tsetsela re di sinnyeng. Phela re sa na re tisola ka taba la gore re yye ra thelelela ke lleme, gore re na le mekgwa ya gore yi fela yi re khwanyogela ka dinako tse dingwana kela go fela o nabela tso ba bangwana ba nang natso! A go na mo Jehova a kekemisang gona mara ka mokgo a re kwisisang ka gona a go hlayisege, gwa makatsa!—Jes. 40:28.
w17.07-SE 21 ¶18
“Thanaka Jah!”—Ke Ntaba?
18 Mopisalema ne a di tšiba tsa gore Modimo ne a tseyela batho bage ba ku botala gedimo. Ne go le sona se ntoši setšhaba so ne ba se neyye “lentsu” la Modimo le ‘melawo yage le go yahlula gage.’ (Bala Pisalema 147:19, 20.) Lekgono re rufegiye ka matla ka taba la gore ho lefaseng ke rune fela bo re bitsiwang ka lebitso la Modimo. Ka taba la gore re tšiba Jehova fote re makiye gore Lentsu lage le re berekele maphelong ya rune, re kgona go jabolela senghana naye. Go fo tshwana le ye a ngwadiyeng Pisalema 147, ayitsano a wo kwe di go tlalele dilo tso di makang gore o nyake go yahlamela o re “Thanaka Jah!” le go boya o hlohletsela ba bangwana gore ba make ka mokgonone?
Tso di Wutammeng ka Bhayibeleng
Napa o ro Nyipa mo o Tšhuta ka Jehova o Lebelele Hlago
Jehova o tipeyela nako ga se sengwana le se sengwana. Mongwaga wo mongwana le wo mongwana go thomisa ka kgwedi ya February mo yi ya mafelelong go segela ka segare sa kgwedi ya May, Maisrayele ke mo ma bona dikenudi di pherera di ya lebowa. Modimo o butsiye Maisrayele gore le mong “kenudi ya ku legedimong yi tšiba sehla sa yona.” (Jer. 8:7) Go fo tshwana le mo Jehova a beyele dinonyane nako ya gore di rurele ga poleke ye nngwana, go fo ba ka mokgonone le ka nako ya gore a yahlule. Byalo, lekgono mo re kene re lebelele dinonyane tsa gore di rurela ga poleke ye nngwana, di re gopotsa gore ga Jehova re ka mo tshepa gore o beyye “nako ya gona” ya gore a fetse ka lefase lowa la go befa.—Habak. 2:3
FEBRUARY 17-23
MAKOLWANE KA TENG GA LENTSU LA MODIMO DIYEMA 1
Lune ba Gore le sa Gola—Le Nyoko Theetsela Mang?
w17.11-SE 29 ¶16-17
O sa Lesetse Selo se go Šitisa go Kraya Patela Yago
16 Mo nkare o sa gola fote o kwa nkare babelegi bago ba Makreste a ba go kwisisi fote ba go thibela ga tsa go tlala gee? Taba yone yi ka go kwatisa, o ka thomisa go kamaka gore go berekela Jehova ke mokgwa wa gabutši wa go phela. Mara mo o ka lisetsa dilo tsone di go kwatisa tsa go šinya o lisetsa go berekela Jehova, o nyoko bona gore a go na batho ba gore ba hlupegiye ka matla ka wene go phala babelegi bago ba go tšhaba Modimo le ba ka phutegong yago.
17 Mo nkare babelegi bago a sanka ba go wolola, nje o ka sa tseye gore a ba tihlope ka wene? (Heb. 12:8) Ka di nako tse dingwana gwa kgonega o kwatisa ke ka mokgo babelegi bago ba go wololang ka gona. O sa fo solasola ka mokgo ba go wololang, mara liketsa go kwisisa gore king so se makang gore ba be ka mokgonone. Dula o kgibiye fote o liketse ka matla gore o sa kraye o ba solasola. Lentsu la Modimo le re: “Monna wa go hlalefa o kgeta mantsu yage, fote monna wa go kwisisa o dula o kgibiye.” (Diy. 17:27) Tikemisele go ba motho wa gore o butšwiye wa gore o yamogela a kgibiye mo a wolodiwa, maka gore di go berekele tso ba go wolodiyeng ka tsona fote o sa hlupege ka gore ba go wolodiye byang. (Diy. 1:8) Phela o rufegiye mo o na le babelegi ba gore ba tshepela ga Jehova fote baa mo nyaka. A re kamake gore ba nyoko go gelepa gore le wene o kraye patela ya lephelo.
w05-SE 2/15 19-20 ¶11-12
Go Pasopa so se Makang Gore re be Makreste
11 Tikemisele go jabodisa Modimo, go seng batho. Ke ga hlago gore mo re titšibisa ga batho ba bangwana ba tšibe le gore re wela ga mogoba wofeng. Ka mokana ga rune re nyaka banghana, fote dya re jabodisa go wela ga mogoba wo mongwana. Mo o šele o le ga mengwaga ya gore o thina le go fetsa sekolo kela o šele o fetsiye sekolo, o ka kwa o gatelela ke dithaka tsago fote o nyaka go ba yekisela le go ba jabodisa. Mara a yi ka dinako ka moka banghana le dithaka tsa rune ba dulang ba re nyakela dilo tsa gabutši. Ka dinako tse dingwana ba fo nyaka go ba nago fela mo le maka dilo tsa go tšwa pateng. (Diyema 1:11-19) Mo Mokreste a gatelela ke dithaka, ga go tlala o liketsa go tiwutetsa gore batho ba sa mo tšibele. (Pisalema 26:4) Pawulo wa lepostola o re pasopisiye ka gore “Le lisetse go titšhentšha gore le tshwane le batho ba lefase lowa.” (Maroma 12:2, The Jerusalem Bible) Jehova o re neya matšhika ya re ma gayelang gore re thogo ya mahlong re lwa le tso di re gatelelang tsa go tšwa ga dithaka.—Maheberu 13:6.
12 Mo tsa go go gatelela di thomisa go maka gore o tiwutetse gore ke wene Mokreste, di gabutši go gopola gore go tshepega ga rune ga Modimo re go tseyela gedimo go feta tso batho ba di hlayang ka rune kela tso ba bangwana ba di makang. Mantsu ya ma leng ga Eksoda 23:2 ke tšhiko ya go re pasopisa ya gore: “O sa fo ya le mogoba wa maka dilo tsa go sa loka.” Mo Maisrayele ya go tlala ma kamaka taba ya gore Jehova wa di kgona go maka tso a di tshepisiyeng, Khalebho o yye a gana a tiyisiye go ya le mogoba. Ne a sa kamake gore tso Modimo a di tshepisiyeng dya tshepega, fote ba yye ba mo rufa ka matla. (Dipalo 13:30; Jošuwa 14:6-11) Ayitsano le wene o tikemisele go gana go ya le mogoba gore o thogo tšhireletsa senghana sago le Modimo?
Tso di Wutammeng ka Bhayibeleng
it-1-E 846
Sephokophoko
Howa lentsu lowa “sephokophoko” a le rele motho wa gore wa šota ho monaganong, mara ka ho Bhayibeleng, ka mokgo ba le berekisiyeng ka gona, gabutšibutši le rela motho wa go gana go nagana fote wa gore o phela ka mokgwa wa gore a wa yela wa gore a wo dumelelane le molawo wa Modimo wa go loka. Mantsu ya mangwana ya Seheberu ya gore ma rela tsotsone ke yawa kesilʹ (‘setlayela; Diy 1:22), ʼewilʹ (“wa go sa hlalefa”; Diy 12:15), na·valʹ (‘wa go se na monagano’; Diy 17:7), le lets (“wa go sa tseye gabutši”; Diy 13:1). Lentsu la Segerika aʹphron le rela “sephokophoko” (Lu 12:20), lowa·noʹe·tos le rela “diphokophoko” (Gen 3:1), fote mo·rosʹ le ra ‘sephokopho’ kela “diphokophoko” (Mat 23:17; 25:2).
FEBRUARY 24–MARCH 2
MAKOLWANE KA TENG GA LENTSU LA MODIMO DIYEMA 2
Ke Ntaba di Nyaka re yi Tseyela Gedimo Taba ya go Titšhutisa Bhayibele?
“Ariyeneng Mahlong le Kene le Ngangarele Nnete”
16 A yi ka mokana ga rune bo re kwanang le tsa go bala le go tšhuta. Mara Jehova o re hlohletsela gore re ye “mahlong re nyaka” fote re ye “mahlong re nyakolla” gore re thogo kwisisa nnete yowa. (Bala Diyema 2:4-6.) Mo re karakara ka matla ga taba yowa di ya re berekela. Corey mo a bolabola ka taba ya go tipalela Bhayibele o re o lebelela temanyana ka yyoši. Mo a hlatolla o re: “Ke bala setwaba ke mokane ke lebelela mangwalo ya mangwana ya ma yelanang le taba yone ke boya ke nyakolla le ga tse dingwana. . . . Ke kota tsa go tlala mo ke bala ke berekisa mokgwa wowa!” A di hlupi gore re ba re berekisa mokgwa wowa kela wo mongwana taba ke gore re šupetsa gore re ya yi leboga nnete yowa mo re maka gore re be le nako re boye re karakare gore re thogo tšhuta nnete yowa.—Pis. 1:1-3.
Go Hlalefa ga Mannete go Gotla ka Matla
3 Go hlalefa go ka rela go berekisa dilo tso re di tšibang gore re thogo segelela dipheto tsa gabutši. Mara, go hlalefa ga mannete go ka rela dilo tsa go tlala. Bhayibele yi re: “Go tšhaba Jehova ke selo sa mathomo sa go šupetsa go hlalefa fote go tšiba wa go Hlawolega ka Matla ke go kwisisa.” (Diy. 9:10) Byalo, mo re tshwanele re segelele sepheto se segolo, di nyaka re thomise re tšiba gore Jehova o yi tseya byang taba yone—le“go tšiba wa go Hlawolega ka Matla”—go leng ye re tshwaneleng go nagana ka yene re soko bane re segelela sepheto. Tsotsone re ka di kgona mo re ka bala Bhayibele le dikgatiso tsa rune. Mo re maka ka mokgonone, re ba re šupetsa go hlalefa ga mannete.—Diy. 2:5-7.
4 Go hlalefa ga mannete a go na mo re ka go krayang gona, mo go se ga Jehova. (Marom. 16:27) Ke ntaba re re go hlalefa go Tšwa gage? Sa mathomo, Jehova ke yene a makiyeng dilo ka mokana ga tsona, byalo o tšiba se sengwana le se sengwana so a se makiyeng. (Pis. 104:24) Sa bobedi, dilo ka mokana ga tsona tso Jehova a di makang di fo šupetsa gore o hlalefiye. (Marom. 11:33) Sa kararo, tso Jehova a re yetetsang ka tsona, di dula di berekela bo ba di berekisang. (Diy. 2:10-12) Mo nkare re nyaka go hlalefa tsa mannete, re tshwanele re dumelele nnete yi re yetetse mo re nyaka go segelela dipheto le mo re maka dilo tse dingwana.
w16.09-SE 23 ¶2-3
Lune ba Gore le sa Gola Tiyisaneng Tumelo ya Lune
2 Mo o kene o le lelata la Jehova la gore le sa gola kela o motho wa gore o satšo tšhuta ka Yene, ayitsano o kwa o gapeletsega go dumela ga tso batho ba go tlala ba dumelang ga tsona, tsa go tshwana le go tshepa gore dilo di ro timakegela, a dya maka ke Modimo? Mo nkare go ka mokgonone, go na le tso o ka di makang go tiyisa tumelo yago le go maka gore yi dule yi tiyye. Se sengwana so o ka se makang ke go berekisa matšhika ya go nagana ya Modimo a go neyyeng wona, ya gore “ma nyoko go pasopa.” Ma nyoko go pasopa ga dilo tso batho ba di hlayang tsa gore ba tikhandela tsona tsa gore di ka šehlolla tumelo yago.—Bala Diyema 2:10-12.
3 Tumelo ya go tiya yi ba gona mo o tšiba mong yona nnete ka Modimo. (1 Thim. 2:4) Mo o kene o tšhuta Lentsu la Modimo le dikgatiso tsa rune tsa Sekreste, o sa fo wokola ka gedimo. Berekisa matšhika yago ya go nagana gore ‘o thogo kwisisa’ tso o di balang. (Mat. 13:23) Tla re boneneng gore go maka ka mokgonone go nyoko re gelepa byang gore re tiyise tumelo ya rune ga Modimo ye a re makiyeng le ga Bhayibele—dihlogotaba tsa go ba le bohlatse bya go tshepega.”—Heb. 11:1.
Tso di Wutammeng ka Bhayibeleng
it-1-E 1211 ¶4
Go Tshepega
Di ya kgonega gore o ngangarele ga mokgwa wowa wa go tshepega, go seng ka taba la matšhika ya wene beng ya gore o kgona go titshwara gabutši, mara ka go ba le tumelo ya go tiya ga Jehova le ga matšhika Yage ya go kgona go re phonisa. (Pis 25:21) Modimo o re tshepisiye gore o nyoko ba “legawu” le “poleke ya go pasopega,” a pasopa pata ya bo ba sepelang ka go tshepega. (Diy 2:6-8; 10:29; Pis 41:12) Taba ya gore ba dula ba hlupegiye ka gore ayitsano Jehova wa ba yamogela yi maka gore ba tsike lephelong, tsotsone dya maka gore ba sepele ga pata ya go wolologa le go segelela tso ba di nyakang. (Pis 26:1-3; Diy 11:5; 28:18) Le mo go le ka mokgonone, Jobo o yye a di bona gore motho wa go se na selabi a ka kwisiwa go baba ka gore go lawola motho wa pelo ye phifadu fote a ka kgwa naye, mara Jehova o re wa le bona lephelo la motho yene wa go se na selabi fote o tshepisa gore lefa lage le nyoko ba gona, le gore lephelo lage ku mahlong le nyoko beba, fote lefa lage go nyoko ba go loka. (Job 9:20-22; Pis 37:18, 19, 37; 84:11; Diy 28:10) Go fo tshwana le ga Jobo, go ba motho wa go tshepega, go seng go ghanya, ke gona go makang gore motho a tshwanelege, a hlompiwe. (Diy 19:1; 28:6) Bana ba gore ba na le babelegi ba mošaga wowa ke ba gore ba jabodiye ka matla (Diy 20:7), ba nyoko kraya lefa la gabutši ka matla ga mošupetso wo wo beyyeng ke papa bona, ba jabolela taba yo yi tlang le lebitso la go bafala lo a nang nalo le gore wa hlompiwa.