Mo ke Thomisa go mo Tshepa ga Jehova, Pelo yo ya Napa yi re Kgehle

KE THOMISA GO MO TSHEPA GA JEHOVA

Ke nna wa 1948, ke golele semitšaneng se sengwana hala borwabodikela bya Nigeria. Ka nako yonone, Papa ye monyana Moustapha, monyanana wa papa, le bhuti waka ye mogolo ye ba reng ke Wahabi, ba yye ba kolobetsiwa gore go be bona Dihlatse Tsa Jehova. Papa o hlokofele ke na le nkokwane ya mengwaga. Ke mo di nkwisiye go baba ka matla. Wahabi o mputsiye gore re ka mmona fote ga Papa mo a tsoga dilahlong. Mantsu yane ma yye ma nkgomoletsa, ka kwa di ntšhofa gore ke nape ke tšhuta Bhayibele ka matla. Ke yye ka kolobetsiwa ka 1963. Bobhuti baka ba bangwana ka bararo le bona ba yye ba kolobetsiwa.

Ka 1965, ke yye ka ya Lagos ke ye dula le bhuti ye mogolo Wilson ke mokane ka bereka thina ka matla le mašupatsela ya mangwana ya nako ka moka ga Phutego ya Igbobi. Go jabola ga bona le matšato di nkutšetsele gore le nna ke tseye bošupatsela ka January 1968.

Wweru ye mongwana wa go bereka Bethele ye ba reng ke Albert Olugbebi, o yye a lukiselela mmithini wa go hlawolega a makela rune ba gore re sa gola, a re botsa gore go gayela mašupatsela ya go hlawolega ka lebowa la Nigeria. Ke sa na ke gopola gabutši tso di hlayyeng ke Wweru Olugbebi a kene a na le matšato, a re: “Lune le sa na le tiyelele, fote le ka di kgona go berekisa nako le matšhika ya lune ga dilo tsa Jehova. Tšhomo yi yemele lune!” Ke yye ka kwa di ntšhofa gore ke tseyele ga Jesaya, le nna ka kgopela gwe gelepeng.—Jes. 6:8.

Ka May 1968, ba yye ba nneya mmereko wa go ba mošupatsela wa go hlawolega mutšing wo mogolo wa Kano, hala lebowa la Nigeria. Ka nako yone ke mo go na le Ntwa ya Biafra (1967-1970), fote bo ne ba lwa gana hone ke mo ba sinyannye naga yo, mo ba soko kutulugela bohlabela bya Nigeria. Mogageru ye mongwana wa gore ke mo di šupetsa gore wa nkwela o liketsiye go nhlohletsela gore ke sa yi. Mara ke yitseri gage: “Ke di bona gabutši gore o hlupegiye ka nna fote ke leboga stereka. Mara, mo nkare Jehova wa di yaka gore ke mo makele mmereko wowa, a ke kamake le ka gonyana gore o nyoko ba le nna.”

KE MO KE TSHEPIYE JEHOVA GA POLEKE YA GORE YI HLAGATSIYE KE NTWA

Poleke yo ya Kano ke mo yi sa jabodisi le ka gonyana. Ntwa ya gana hala yi yye ya sinyanya mutši wowa wo mogolo. Mo re kene re tšhomayela, ke mo re fela re taka ditoopo tsa batho ba gore ba ba bolayye ka nako yone ya ntwa. Ke mo go na le diphutego tsa go tlalanyana hala Kano, mara magageru ya go tlala ke mo ma tšhabiye. Batšhomayedi ba gore ke mo ba šele ke mo ba teya gana hala ga 15 fote ke mo ba dula ba tšhugiye ba boya ba kgongwele. Magageru yane ke mo ma kwa nkare ma ka ro hlakela mo ba bona re segela re le kobodi ya mašupatsela ya go hlawolega. Batšhomayedi ba yye ba re theetsela mo re kene re ba tiyisa ba boya ba maka tso re di hlayang. Re tšhediye letsogo gore ba thomise go hluhlutela ga tso tsa Modimo ke mokane ra thomisa le go romela dipego tsa tšhomo ra boya ra odha dipuku.

Rune mašupatsela ya go hlawolega re thomisiye go tšhuta mmolabolo wa Sehausa. Batho ba go tlala ba gana hone ba yye ba re theetsela mo ba kwa molayetsa wa Mmušo ka mmolabolo wa bona. Mara batho ba go kena kereke ya gore ke mo yi tšibega ka matla gana hone ke mo ba sa kwane le mmereko wa rune wa go tšhomayela, byalo ke mo di nyaka re gate gabutši. Tšatši le lengwana, nna le motho ye ne ke sepela naye re yye ra lelekisa ke monna ye mongwana a tshwere thipa. Re yye ra ghalawela, ra mo šiya ka lebelo! Ke mo di le gona dikotsi, mara Jehova o makiye gore re ‘dule re pasopegiye,’ ke mokane nombhoro ya batšhomayedi ya thomisa go yeketsega. (Pis. 4:8) Lekgono, hala Kano go na le batšhomayedi ba go teya ka ku ga 500 ga 11 ya diphutego.

TSA GO PHIGISIWA DI MAKEGIYE HALA NIGER

Gana hala ga August 1968, ke mo go fediye dikgwedinyana ke le hala Kano, byalo ba yye ba nromela hala Niamey, ya gore ke mutši wo mogolo wa Ba go Lawola Niger, ke na le mašupatsela ya mangwana ka mabedi ya go hlawolega. Go se botala, re yye ra di kwelela tsa gore Niger, ya hala Bodikela Bya Afrikha, ke ye nngwana ya dipoleke tsa go fisa ka matla ho lefaseng. Ke mo go fisa la go sa hlayisege fote ke mo di nyaka re tšhute le mmolabolo wa gana hone wa gore ba wo berekisa ka matla wa Sefora. Le mo re ghulana le dintshitshire tsowa, re yye ra mo tshepa ga Jehova ra boya ra maka mmereko wa rune wa go tšhomayela ga mutši wo mogolo re kene re tshwarisanne le batšhomayedi ba gore a baa napa ba tlala ka matla ba gore ke mo ba dula gana hone. Go se botala, ampore batho ka mokana ga bona ba gore tsa go bala baa di kgona hala Niamey ba yye ba kraya puku ya gore yi ka ba gelepa go tšhuta Bhayibele, puku yone ke ya The Truth That Leads to Eternal Life. Batho ke mo ba ro re nyakela gore re kakaye gore ba thogo kraya puku yo!

Go se botala, re yye ra di kwelela tsa gore ba go lawola a ba nape ba kwana gabutši le Dihlatse Tsa Jehova. Ka July 1969, re yye ra gahlana mong la mathomothomo ga mogahlano wo mogolonyana wa gana hone polekeng, wa gore ke mo wo na le batho ba go teya gana hala ga 20. Ke mo re di yemele ka maahlo ya makhubedu go bona batšhomayedi ka babedi ba kolobetsiwa. Mara ka letšatši la mathomo la mogahlano wone, go yye gwa segela maphodisa ke mokane ma re letheto le yeme. Ma yye ma rwala mašupatsela ya go hlawolega le mopotulugi ma ya nabo maphodiseng. Mo ba fetsa go re hlaba ka diputsiso, ba re butsiye gore re boye ka motshwana wa gona. Ke mo re di bona tsa gore go nkga sa go nkga, ke mokane ra maka gore polabolo ya ba go kolobetsiwa re yi makele ntlong ye nngwana nje ke mokane ra ya nokeng re ye kolobetsa batho bo, mara ra maka gore di sa bonale.

Ka nthago ga mabeke, Ba Mmušo hone nageng ba yye ba raka nna le kaphetha ya mašupatsela ya mangwana ya go hlawolega. Ba re neyye diawaranyana nje gore re tloge hone nageng, fote ke mo re tshwanele re bone polane rune beng gore re tšwa byang. A re ya phigisana nabo, re yye ra napa re ya ga ofisi ya lekala ya Nigeria, ga gore ba yye ba re neya mebereko ye mengwana.

Ba yye ba ng’yisa ga semitšane se sengwana sa Nigeria so ba reng ke Orisunbare, ga gore tšhomo ya gona ke mo yi natefa ka matla fote go na le mogoba wo monyana wa batšhomayedi ba go dula gana hone. Mara ka nthago ga kobodi ya dikgwedi, ofisi ya lekala yi nkgopele gore ke sologe ke ye Niger ke le ntoši. Mathomisong ke mo ke makele, ke kwa nkare ke tšhugiye, mara ka kwa ke hlologele go bona magageru hala Niger fote!

Ke yye ka boyela Niamey. Ka letšatši la gore ke segele malobana wa gona, monna ye mongwana wa dibhizinisi wa Lenigeria ke mo a di bona tsa gore ke nna Hlatse ke mokane a thomisa go mputsisa diputsiso ka Bhayibele. Ke thomisiye go bala naye ke mokane a lisetsa go kgokga le go gaputela mokgete ke mokane a kolobetsiwa. Ka nthagonyana, ke mo ke natefela ke go tšhela letsogo mo ke bona batho ba kene ba yeketsega ka gonyana ka gonyana ga dipoleke tsa gana hone Niger. Mo ke segela la mathomo, ke mo go na le 31 ya Dihlatse ga naga yone, mara mo ke tloga, ke mo go na le 69 ya tsona.

“A RE NAPE RE TŠIBA GABUTŠI GORE GO MAKEGA YING KA MMEREKO WA MMUŠO HALA GUINEA”

Mo 1977 yi šele yi ya mafelelong, ke yye ka sologa ka ya Nigeria gore ba ye ntšhutisa mmereko. Mo tlelase ya mabeke ka mararo yi segela mafelelong, ye ke mo go le mohlakanisi wa Komiti ya Lekala, Malcolm Vigo, o yye a kgopela gore ke bale borifi bya go tšwa ga lekala la Sierra Leone. Magageru ke mo ba nyakela mošupatsela wa gore o philegiye wa gore fote aa šadha, wa gore o bolabola Sekgowa le Sefora gore a ka ya a ba mopotulugi hala Guinea. Mogageru Vigo o mputsiye gore mmereko wo ba ntšhutisiyeng wona ke wa gore ke ye ke potologe. O yye a napa a yi šihlela gore nko ya ke kwa ke goga thabeng. O yitseri gaka, “Yi nagane gabutši mo o soko dumela.” Ka napa ke re gage, “Akere ke roma ke Jehova, nko yeng.”

Ke kalamme elebhreyi ya go ya Sierra Leone ke mokane ka ye gahlana le magageru ya ofisi ya lekala. Mogageru ye mongwana wa go ba ga Komiti ya Lekala o yitseri gaka, “A re nape re tšiba gabutši gore go makega ying ka mmereko wa mmušo hala Guinea.” Ofisi yo ya lekala ke mo yi pasopa mmereko wa go tšhomayela wa naga ya thina ya Guinea, mara ke mo di sa kgonege go bolabodisana le batšhomayedi ba gana hala ka taba la gore seyemo sa dipolotiki ke mo se bifiye. Ofisi yi liketsiye gatleletlele go kraya motho wa gore a ka yemela naga yone, mara yi teyye fase. Byalo, ba yye ba nkgopela gore ke ye ga toropo ye kgolo ya Guinea, mo ba reng ke Conakry, gore ke ye ke dule gona.

Mo ke segela hala Conakry, ke yye ka ya ga ba go yemela naga ya Nigeria ke mokane ka bolabola le wa go yemela naga. Ke mmutsiye gore ke nabela go tšhomayela hala Guinea. O yye a ro mfawa gore ke sa duli hone ka taba la gore ba ka tšhoga ba ntshwere kela go mmaka se sengwana sa go befa. O yitseri gaka, “Sologa o ye Nigeria we tšhomayela gona,” ke mokane nna ka re gage, “A ke nyake go sologa.” Ke mokane o yye a ngwala borifi a kgopela Ndhuna ya Ditaba Tsa Naga ya Guinea gore yi n’gelepe, ke mokane ndhuna yone ya ng’yamogela ka matsogo ka mabedi.

Go se botala, ke yye ka boyela ga ofisi ya lekala ya Sierra Leone ke mokane ka ye botsa magageru ka sepheto so se segeleleng ke ndhuna. Magageru ma yye ma yahlamela ma jabodiye mo ma di kwelela tsa gore Jehova o rufiye leyeto laka. Ke mo ba ndumelele gore ke dule Guinea!

Go tlugisela ka 1978 go segela ka 1989, ke mo ke le mopotulugi hala Guinea, Sierra Leone, ke mokane ka fela ke tshwarela mopotulugi hala Liberia. Mathomisong, ke mo ke fo lwalalwala gatleletlele. Tso ke mo di fela di makega ga dipoleke tsa gore di mong thooko. Mara magageru ke mo ma karakara gore ke segele sepetlele.

Tšatši le lengwana, ke yye ka kena ke malariya ya go tshosa, ka boya ka ba le manogana. Mo ke šele ke fodiye, ke yye ka di kwelela gore magageru ke mo ma kene ma butsisana gore ma ka mpoloka kaye! Di makegiye tsa gore ke tikraye ke le thina le go kgwa, mara tsa gore ke lisetse mmereko waka a di ya segela le ka gonyana ho monaganong. Fote le lekgono lo ke sa na ke re go pasopega tsa mannete le ga go ya go yye go tšwa ga Modimo wa gore wa di kgona go re tsosa le mo re ka kgwa.

GA JEHOVA RE MO TSHEPIYE LE MO KE ŠELE KE NA LE MOSADI

Ka 1988, ke yye ka gahlana le Dorcas, wa gore ke mogageru wa mosadi wa gore o tinyanafatsiye ka matla, wa gore o kwana le tso tsa Modimo. Re šadhiye ke mokane a thomisa go bereka le nna ga mmereko wa go potologa. Dorcas o šupetsiye gore ke mosadi wa go nnyaka ka matla fote o tikonne tsa go tlala. Ke mo re sepela ka mawoto re le ka babedi leyeto la go teya gana hala ga 25 ya dikhilomitha go tloga ga phutego ka yyoši re ya ga ya go latela, re rwele dijumbha tsa rune. Ga diphutego tsa gore di kgole ka matlanyana, ke mo re kalama se sengwana le se sengwana sa gore se ka krayega, re sepela dipateng tsa maraga le tsa gore di yepeganne, go fo ba dighindlighindli.

Dorcas o na le lešiši wa tšiba. Mo re beyisa, ke mo re feta dinookeng tsa gore go tlele dikwena. Tšatši le lengwana re sipidiye leyeto la kaphetha ya matšatši, diphate tsa lebhrogo le lengwana ke mo di tšhomoganne ke mokane ra gapeletsega go berekisa sekepe se senyana. Mo Dorcas a sa re wa tlogamela gore a phologe sekepe sone, a thelela a wela ka meetšing ya go yisa. Ka babedi ga rune ga tsa go hlapela a re le beye, fote ke mo go na le dikwena ga nooka yone. Sa go jabodisa ke gore bašomanyana ba bangwana ba yye ba thintha hone meetšing ba mo ntsha. Re fetsiye matšatši ya go tlalanyana boroko bo sa nape bo tshwara gabutši mo re nagana ka letšatši lone, mara re yye ra fo ya mahlong ka mmereko wa rune.

Mathomisong ya 1992, ke mo re makele ka matla mo re kwa gore Dorcas o na le mpa. Ayitsano tsa go ba ga mmereko wa nako ka moka di šašiye? Ke mo re re, “Jehova o re neyye se sengwana!” Ke mokane re yye ra re lebitso la morwediya wa rune ke Jahgift. Mo Jahgift a šele a na le kanne ya mengwaga, go yye gwa segela bhuti wage ye monyana, ra re ke Eric. Re ro napa re di bona tsa gore bana bo ba rune ba babedi re ba neyye ke Modimo. Jahgift o berekiye nako ya go lefanyana ga ofisi ya go hlatolla hala Conakry, ke mokane Eric yene ke lelata ka phutegong.

Dorcas o yye a šinya a lisetsa go ba mošupatsela wa go hlawolega, mara o yye a fo ya mahlong a bereka go le mošupatsela wa nako ka moka, a kene a gudisa bananyana ba rune. Jehova o yye a n’gelepa gore ke ye mahlong ke le ga mmereko wa go hlawolega wa nako ka moka. Mo bananyana ba rune ba šele ba gudiye, Dorcas o di kgonne fote tsa go boyela ga bošupatsela bya go hlawolega. Gana byalo, re le ka babedi re bereka go le rune barumiwa hala Conakry.

SA GO MAKA GORE RE KWE GORE NNETE RE PASOPEGIYE

A go na mo Jehova a yitsering ke ye ke mokane ka gana. Gatleletlele, nna le mosadi waka ke mo re di kwa tsa gore wa re pasopa fote wa re rufa. Go mo tshepa ga Jehova go re pomele mešekelo ya gore yi tlalele ba gore ba tshepa dilo tsa majabajaba. Nna le Dorcas re di bonne rune beng gore sa go maka gore re kwe gore nnete re pasopegiye ke “Modimo wa go re phonisa,” Jehova. (1 Dikor. 16:35) A ke kamake gore maphelo ya batho ka mokana ga bona ba gore baa mo tshepa, ‘Jehova o nyoko ma tlemelela gabutši ka sekhwama sa lephelo.’—1 Sam. 25:29.