Ke Mang ye a Nyoko Phonisang Batho?—Bhayibele yi re King?

Kwang dipego tso di hlayyeng ke ba mokgahlo wa Ditšhaba Tsa go Mamarelana:

• Go thomisa ka di 7 tsa October go segela ka di 23 tsa October 2023, ntwa ya hala Gaza-Israyele yi bolayye batho ba go teya ka ku ga 6 400 fote go kwalele 15 200 ya bona, ba go tlala ba gona ne go fo ba batho ba go dula hone polekeng. Go tokegela gana hone, ba go tlala ba ba gapeletsiye gore ba tloge magaye ya bona.

• Ka di 24 tsa September 2023, ntwa ya hala Russia le Ukraine yi bolayye batho ba go teya ka ku ga 9 701 fote ba go teya ka ku ga 17 748 ba kwalele hala Ukraine.

King so Bhayibele yi se tshepisang bo ba gore ba hlupega ka taba la ntwa?

Tso di re neyang tshepo

Bhayibele yi re botsa gore Modimo “o nyoko suwelanya dintwa lefaseng ka mokana ga lona.” (Pisalema 46:9) O nyoko berekisa mmušo wa legedimong go thiba sekgala sa memmušo ka mokana ga yona ya batho. (Daniyele 2:44) Mmušo wa Modimo wo nyoko yimulla batho.

Bona tso Jeso Kreste Kgoši ya Mmušo wa Modimo a nyoko di makang:

• “O nyoko phonisa bo ba go tihlupegela ba gore baa mo llela gore a ba gelepe, ba go tinyanafatsa le ba gore a go na wa go ba gelepa. Ba go tinyanafatsa le ba go tihlupegela o nyoko ba kwela go baba fote o nyoko ba phonisa. Mo go na le tsa go ba kgahleletsa le mo ba hlupegisiwa o nyoko ba phonisa.”—Pisalema 72:12-14.

Mo Mmušo wage wo segela, Modimo o nyoko fetsa ka mathata le mehlupego tso di makiyeng ke dintwa le bokgohlane.

• “O nyoko sula dinepedi ka moka maahlong ya bona, malikgu ma ko ba ma sa sa le šiyo, le go lla kela go gotla kela go kwa go baba. Dilo tsa botala di ko ba di fitiye.”—Kutullo 21:4.

Go se botala Mmušo wa Modimo wo nyoko leya dilo tsa gabutši ho lefaseng. Bhayibele yi hlayye gore “le nyoko kwa ka dintwa fote ba nyoko le botsa ka tsona” tsa gore re kene ra di bona dya makega lekgono. (Matewu 24:6) Dilo tsowa le tse dingwana di šupetsa gore re phela ga “dinako tsa mafelelo” tsa memmušo ya batho.—2 Thimothi 3:1.