Nombhoro ya Diphoolwane Tso di Leng Gona Lekgono yi Pomegiye ka 73 ya Diphesente mo re yi Tshwanisa le ya Tso ne di le Gona 50 ya Mengwaga ya go fela—Bhayibele yi re King?

Ka October 9, 2024, mokgahlo wa pasopa dilo tsa hlago wo ba reng ke World Wildlife Fund wo ntshiye pego ye nngwana ya gore yi šiya motho a yahlamme ya go bolabola ka ka mokgo batho ba sinyang dilo tsa hlago ka gona. Yi hlayye gore “ga 50 ya mengwaga ya go fela (1970-2020), nombhoro ya diphoolwane tso ne di le gona yi pomegiye ka 73 ya diphesente.” Pego yone yi pasopisiye ka gore: “Re ka hlaya re sa kamake gore tso di nyoko makegang ga kapheta ya mengwaga ya gore yi sa tla di nyoko šupetsa gore go nyoko makega ying ka lephelo mo lefaseng.”

Batho ba go tlala ba makatsa ke dipego tsa mošaga wowa. Lefase lowa re le nyaka ka matla fote re hloyye go bona diphoolwane di hlupega. Re tikwa ka mokgonone ka taba la gore Modimo o makiye gore re pasope diphoolwane.—Genesi 1:27, 28; Diyema 12:10.

O ka tiputsisa gore, ‘Nje re nyoko di kgona go pasopa diphoolwane tsowa? Bhayibele yi re king?’

Tshepo ya tsa ku mahlong

Le mo re ka bhahla re re re liketsa go phonisa diphoolwane, ke Modimo a le ntoši wa gore a ka kgona go di pasopa tsa mannete. Ga Kutullo 11:18, Bhayibele yi porofeta gore Modimo o nyoko “fetsa ka bo ba go sinya lefase.” Temanyana yone yi re tšhutisa dilo ka dipedi:

1. 1. Modimo o nyoko maka gore batho ba sa fetse ka lefase lowa.

2. 2. Modimo o nyoko maka se sengwana go se botala. Re di tšibela kaye tsone? Ka gore gana byalo, mo re tshwanisa le ku botala, batho ba ka fo fetsa ka diphoolwane tsowa.

Modimo o nyoko maka ying gore a lukise bothatha byowa? O nyoko berekisa Mmušo wa ku legedimong gore a thogo lawola lefase ka mokana ga lona. (Matewu 6:10) Mmušo wone wo nyoko tšhutisa batho ba gore baa theetsela gore di nyaka ba pasope diphoolwane.—Jesaya 11:9.