Ke Make Byang mo Monghanaka a ka Nkwisa go Baba?

• Tsa gore o di tšibe

• Tso o ka di makang

• Tso dithaka tsago di di hlayang

Tsa gore o di tšibe

• A go na senghana sa gore a se na mathata. Ka taba la go sa yenela, monghanago​—re ra le wa gore o mo tseya go le monghanago ye mogolo​—a ka hlaya kela go maka se sengwana sa go go kwisa go baba. Nnete ke gore le wene a wa yenela. Ga dilo ka moka, ayitsano a wo gopole nako yo o yyeng wa kwisa motho ye mongwana go baba?​—Jakobo 3:2.

• Tso tsa Inthanete di ka maka gore o kwe go baba. Mo re beyisa, David wa gore o sa gola o re: “Mo o kena ga tso tsa Inthanete ke mokane o bona banghana bago ba le braying, o ka thomisa go tiputsisa gore ke ntaba ba sa go mema. Ke mokane wa thomisa go kwa nkare ba go jikele fote di ka go kgongwetsa.”

• O ka tšhuta go lukisa bothatha byone.

Tso o ka di makang

Tipombhole. Bhayibele yi re: “O sa yakgoswele go kwata, ka taba la gore diphokophoko ke tsona di yakgoswelang go kwata fote di tshwarana ka pelo.”​—Mmolabodi 7:9.

“Ka dinako tse dingwana o šala o di bona ka nthago gore tso ne o di kwatele a di re selo.”​—Alyssa.

Nagana ka tsowa ša: Ayitsano o fo kwatakwata le ga dilo tsa go sa re selo? Ayitsano o ka titšhutisa go tiyisela ga tso batho ba bangwana ba kekemisang ga tsona ka taba la go sa yenela?​—Mmolabodi 7:21, 22.

Nagana ka maphomela ya go tshwarela ba bangwana. Bhayibele yi re: ‘Ba nyoko mo thanaka mo a fo di teyisa ka moya tso ba mo kwatisiyeng ka tsona.’​—Diyema 19:11.

“Le mo go na le sa go maka gore o kokole, di gabutši gore o tshwarele ba bangwana di tšwa pelong, fote tsotsone di ra gore o ka sa dule o gopotsa motho yene ka tso a di sinnyeng le go maka gore a dule a kgopela tshwarelo. Mo o šinya o mo tshwarela, lebala ka taba yone.”​—Mallory.

Nagana ka tsowa ša: Ayitsano ba go sinyele ka matla? Ke ntaba o sa fo yi fitisa gore go bebe?​—Makolosi 3:​13.

Naganela motho ye mongwana. Bhayibele yi re: “Le sa nyake tsa go fo jabodisa lune le ntoši mara le nyake le tsa go jabodisa ba bangwana.”​—Mafilipi 2:4.

“Mo o mo nyaka fote o mo hlompa ga monghanago, mo go ba le mathata le nyoko yakgoswa le ma lukisa ka gore le hlupegiye ka matla ka senghana sa lune. Le se berekele senghana sa lune fote a le nyake se sinyega.”​—Nicole.

Nagana ka tsowa ša: Ayitsano o bona dilo tsa gabutši ga tso motho ye mongwana a di hlayang?​—Mafilipi 2:3.

O sa lebale gore: Go tšiba mo o kgerang le mo ba go kwisiye go baba di nyoko go berekela le mo o šele o gudiye. Ke ntaba o sa tšhuti mokgwa wone gana byalo?