Ke Tlugiye ga Mayemo ya Tlase ka ya ga Mayemo ya Gedimo

Ke belegiwwe ka August 1967 ke philegiye gabutši mara mo ke na le 18 ya dikgwedi dilo di yye dya tšhentšha, tšatši le lengwana ke yye ka fisa mmele ka matla. Mo ke tsoga ka motshwana wa gona mawoto yaka ke mo ma sa sa tiyelele. Mo ba sepetlele sa Freetown hala Sierra Leone ga gore ke dula gona ba mpombhola, ba krayye gore ke na le bolwele bya go maka gore motho a golofale, bya gore ka matlamatla bo kena bananyana ba mengwaga ya ka tlase ga kapheta. Ditogotela tsa mašapo a sanka dya kgona go n’gelepa gore mawoto yaka ma tiyelele. Ka go nyana ka go nyana, ma yye ma sa sa tiyelela tsa go šinya ke sa sa kgona go sepela kela go yema. Papaka ke mo a fo dulela go hlaya gore ke “ngwana wa go sa felegelela” ka taba la gore ke golofele. Ne ke tikwa ke se selo ne ke fo kgona go phaphula fela ke sa kgone go maka tse dingwana.

Ke Gudiye Nkene ke Phaphula

Ke golele ga poleke ye nyana ke na le mmane le mitši ye mengwana ya gore ya tihlupegela. Batho ne ba nnyaka fote ne ke nabele nkare le papa a ka nnyaka ka mokgonone. Ba bangwana ne ba nagana gore bolwele byaka a yi fo ba bolwele nje mara ke ro loyiwa. Ba bangwana ba yye ba re mmane a ye a nkise mo ba pasopelang gona bananyana ba gore ba golofele. Ke mokane ne ba re tsotsone di nyoko maka gore mmane a sa sa hlupega ka go pasopana le nna. Mmane o ganne fote ne a karakara ka matla gore a mpasope.

Ka taba la gore ne ke sa kgone go yema kela go sepela, ne ke fo phaphula. Mara mo nkene ke tigoga gore ke ye mo ke nyakang go ya gona ne ke kwalela. Gore ke sa kwalele ka matla, ne ke yapara dikobo tsa gore ke tse dikutu. Gore ke thogo tšhireletsa matsogo yaka ne ke berekisa diyeta gore ke sa kgoboge. Ka nthago ke yye ka kraya mapolanka ya gore ne ma tšhireletsa matsogo yaka gabutši go phala diyeta tso ne ke di berekisa. Gore ke thogo sepela, ne ke kokotlela mapolanka yane mo fase ke mokane ke tigoga ke ya mahlong. Fote ne ke ghoba mawoto yaka ma ya ka mo ke yang gona ke moka ke ghoba mokolo waka. Mo ke ‘phaphula,’ ke yisa loto laka mahlong ne go le ntshitshire go goga lo le šeleng. Tsotsone ne di maka gore ke tinwe matsogo le magetla. Gore ke tloge mo ne ke dula gona ne di nyaka mong matšhika ya magolo. Ne ke sa kgone go ya sekolong kela go kgana le bananyana ba bangwana. Ne ke tiputsisa gore ke nyoko phela byang mo mmane a ka fo timela.

Ke rapele Modimo, ke kgopela gore a n’gelepe—a sa nlisetsi ke fo ba motho wa go kgopela batho ba bangwana gore ba nthuše. Ne ke di tšiba gore mo ka fo šutela thina naye ke boya ke mmerekela gabutši, o nyoko nneya tso ke di gayelang. Ka 1981, le mo yi le gore ne go thathafa gore ke sepele, ke yye ka tiyisela ka tšwa ka ya kerekeng ya thina le mo ne ke dula gona. Ke kwile ke tšebisa nka mokgo batho ne ba n’lebelele ka gona. Le moruti wa gona a sanka a n’yamogela, fote o yye a poyilanya mmane ka taba la gore ne ke dulele bhangasetulo ya gore yi patelele ke ba bangwana. Ke segelele sepheto sa gore nka sa sa tsoga ke yye le ka letšatši la mohlolo.

Ka Mokgo ke Gahlanneng le Papaka wa Legedimong

Ka 1984 mo ke na le 18 ya mengwaga, ke yye ka ya mo ne ke tlwayele go dula gona lefastereng la ku gedimo, ne go sa le ka bošego. Ke mo ne ke bona tso ne di makega ka mo tawong. Mara di f’lo mpotsa gore ke thewoge ke tšwele ka tawong ga poleke yo ne re dula ga yone ya gore ga go tlala ne go dula go se na batho. Mo ke segela gana hone, ke yye ka gahlana le banna ka babedi ba gore ne ba tšhomayela ka mutši ka mutši. Ba mputsiye ka dilo tsa gabutši tso di nyoko makegang ku mahlong le gore seyemo saka se nyoko tšhentšha. Ba badiye lengwalo la Jesaya 33:24 le Kutullo 21:3,4. Ke mokane ba nneya sepukwane sa go bafala sa Enjoy Life on Earth Forever! fote ba ntshepisa gore ba nyoko boya ba tl’le ntšhutisa tsa go tlala.

Mo ba boya la bobedi, ba mputsiye gore ba nyoko n’leyela morumiwa ye mongwana wa gore o sa tšwa go segela ye bareng ke Pauline, gore a ko ya mahlong le polabodisano ya rune. Ba yye ba maka ka mokgonone ke mokane senghana saka le Pauline se yye sa gola tsa nkare re ro ba mmane le morwediya. Mmane waka wa nnete o yye a nhlohletsela gore ke ye mahlong ke tšhuta Bhayibele le ‘Pauline,’ wa gore ne a nšupetsa gore wa nnyaka, ne a n’lefisela pelo, ne a nkwela go baba, a njabolela fote ne a dula a nhlola gore seyemo saka se byang. O ntšhutisiye go bala. O berekisiye kgatiso ya Puku ya ka ya Ditaba Tša Beibele, o n’gelepiye gore ke thogo tšiba ka Papaka ye ne ke nyaka go mo tšiba mathomisong.

Tso ke di tšhutiyeng ka ho Bhayibeleng di makiye gore ke jabole la go sa hlayisege. Tšatši le lengwana ke yye ka butsisa Pauline gore nka tla mogahlanong wa Dihlatse Tsa Jehova wa gore ne wo tšibega wo le wa go Tšhuta Puku ya Phutego,a wa gore ne ba wo tshwarela mutšing wa Hlatse ya Jehova fote ne go se kgole le mo ke dulang. Pauline o yye a dumela. Ka Labobedi la go latela, o yye a tla a n’yemela ke fetsa go hlapa gore re thogo ya mogahlanong re le ka babedi. Ye mongwana o yye a hlaya gore ke botse Pauline a mpatelele khumbhi ke mokane nna ka re, “ke nyoko tisipelela ka mapolanka yaka.”

Mo nako ya gore ke sepele yi segela, mmane le bayagelani ke mo ba n’lebelele ba kene ba nkwela go baba. Mo ke kene ke sepela, ba bangwana ba lakatsiye Pauline ba re “Wa mo gapeletsa!”

Pauline o yye a mputsisa gabutši a re “Jay, o nyaka go sepela?” Yowa ne go le nako ya gore ke šupetse gore ke tshepele ga Jehova. (Diyema 3:5, 6) Ke yitseri “Eya! Sowa ke sepheto saka.” Bayagelani ba yye ba fo lebelela ba kgomolele mo ke kene ke šutela thina le gheyiti, ba napa ba tšhentšha mokgwa wa bona. Mo ke šele ke tšwile ka tawong ga gheyiti, ka mokana ga bona ba yye ba thomisa go njabolela.

Ke jabolele mogahlano! Ne wo le gabutši ka matla! Ka mokana ga bona ba n’yamogele. A gona le ka wweši wa gore ne a ntseyela fase. Ke tikwele ke lukulugiye. Byalo, ne ke dula ke ya mogahlanong. Ka nthagonyana ga hone, ke yye ka butsisa gore ayitsano dya kgonega gore ke be gona le ga megahlano ye mengwana ya gore yi tshwarediwa Holong ya Mmušo ya Dihlatse Tsa Jehova. Ne ke tihlupegela, ne ke fo ba le diroko ka dipedi le diyeta. Mara, ne ke tshepa gore batho ba Modimo ba ka sa n’lahle. Fote go yye gwa ba ka mokgonone.

Gore ke segele Holong ya Mmušo, ne di nyaka ke ‘phaphula’ ke ye ga pata yo dikhumbhi di sepelang ga yona ke mokane ke segele ke kalame khumbhi ke ye Holong ya Mmušo ya gore yi tlase ga mmoto. Ke mokane magageru ne ma segela ma nkakola ma n’yisa holong.

Ke liketsiye, ka bona go loka ga Jehova byalo ne ke nyaka gore go be yene legawu laka. Ke yye ka segelela sepheto sa gore ke dule ke ya megahlanong. (Pisalema 34:8) Ka dinako tsa dipula ne ke segela ke kolobiye fote ke na le maraga ke mokane ne di nyaka ke tšhentšha dikobo holong, tsotsone ne di mperekela!

Puku ya Ngwaga ya Dihlatse tša Jehofa ya 1985 yi yye ya bolabola ka seyemo saka. Ka nthago ga mo Josette wa gore ke Hlatse ya go dula hala Switzerland a badiye ka setori saka ga Puku ya Ngwaga, di yye dya mo tšhofa gore a nromele wheelchair ya go bafala ka matla ya gore ke kgona go yi sipidisa ka letsogo, ya gore yi na le dilo tsa go thiba mo mabilong gore ke sa tlotsanyi ke maraga fote yi na le dilo tsa nkare ke malampa. Ka nthago ga hone, ne ke sepela-sepela ke tikwa gore ke ya hlompega. Bananyana ne ba yi lebelela ke mokane ba re di re jabodisa ka matla mo re go bona o sepela ka wheelchair yowa ya go bafala. Gana byalo, a ke sa phaphula mo ke sepela ke ya tikwa gore se ke motho le batho ba nhlompa fote a ba sa ntseyela fase.

Ke Thomisa go Hlohlotela

Ne di le lula go šutela thina le Jehova ka gore ne ke phela ka so ke nang naso fote ke phela lephelo la gore le yediye. Wheelchair yo ne ke sepela ka yona yi yye ya n’gelepa gore ke tšhele letsogo ga mmereko wa tšhomo, ke mokane ke yye ka kolobetsiwa ka di 9 tsa August 1986. Go kolobetsiwa gaka go tšhentšhiye lephelo laka ka tsela ya gore ne ke sa yi nagana. Ke tikwa ke jabodiye fote pelo yaka yi kgehlemele a ke sa tikwa ke le motho nje, gana byalo ke ya titshepa ka taba la gore ke na le Papa wa gore o nnyaka ka matla le batho ba gore ba na le taba le nna.

Ke yye ka nyakana le mašuba ya go leboga Jehova, byalo ke yye ka nagana ka go ba mošupatsela wa nako ka moka mara ne ke kwa nkare nka sa di kgone. (Pisalema 116:12) Ke yye ka rapela ka taba yone ke mokane ka liketsa. Ke thomisiye go ba mošupatsela ka di 1 tsa January 1988, le gana byalo ke sa na ke yi tshwere. Ke rufegiye ka matla! Ke na le magageru ya gore ma nnyaka ka matla fote ma n’gelepa gore ke thogo segelela diawara tso di nyakegang kgwedi ye nngwana le ye nngwana. Fote ke bonne ka mokgo Jehova a nthegiyeng ka gona a berekisa moya wage wa go hlawolega.—Pisalema 89:21.

Ne ke dula ke le pateng ka taba la gore ne ke le mošupatsela, tsotsone ne di gelepa mawoto yaka gore ma tiyelele. Mo nako yi kene yi takamela, ke yye ga tliliniki ya gore yi sa tšwa go bula gore togotela ya mašapo yi mpombhole yi boye yi njima-jimise. Mara, nesi ye nngwana yi mputsiye gore ke sa sa tihlupa ka gore ke thina le go raga pakete. Ke yye ka napa ke kgahleletsega ka matla mo nesi ye nngwana le yona yi mpotsa tsotsone. Mo ke segela gaye ke rapele Jehova gore a n’gelepe gore ke thogo tiyisela seyemo so ne ke le ga sona le go maka gore ke tikwe ke bebiye monaganong.

Tšhomo ne go le yona togotela yaka ya monagano. Ke yona yo ne yi maka gore ke dule ke jima. Ka nthago ga mengwaganyana, nesi ye nngwana yo yi mputsiyeng gore ke nyoko hlokofala go se botala, yi yye ya mpona Holong ya Mmušo mo yi feta. Yi f’lo šala yi yahlamme mo yi mpona ke sa phela!

Di se na taba gore ke lebeletsana le seyemo sa mošaga mang, ne ke liketsa ka matla go dula ke berekela Jehova. Magageru ne ma nthanaka gore ke yakgoswa ke segela megahlanong fote ke na le matšato. Ke dula ke maka ka mokgonone ka taba la gore ke kraya nako ya go tamisa magageru le go ma šupetsa gore ke ma nyaka ka matla.

Ke liketsiye ka bona gore Jehova o lukiye fote ke rufegiye ka matla. Ke jabodiye ka matla ka gore ke gelepiye kararo ya batho gore ba kolobetsiwe. Ye mongwana wa bona ke Amelia wa gore o tšwa ga sekolo sa Gilead sa tlelase ya bo 137. Ke yye ga tleletlele Sekolong sa Mašupatsela sa gore re tšhutisa ke Jehova! Jehova o makiye gore ke titshepe fote ke dule ke jabodiye. Gana byalo batho ba nhlompa. A ke sa titseyela fase. Ke na le banghana ba go tšiba nnete, go seng ba go dula howa Freetown mo ke dulang gona fela mara ba lefaseng ka mokana ga lona.

Go šele go fitiye gana hala ga 40 ya mengwaga ke tšhutiye ka tso Modimo a di tshepisiyeng ga lefase la nyuwane la gore go ka sa sa ba le batho ba go golofala. Tsotsone di ya ntiyisa fote ke di yemele ka maahlo ya makhubedu. Ke nyoko yemela Jehova Modimo ka taba la gore ke ya di tšiba gore a ka sa diyege. (Mika 7:7) Ke rufegiye ka matla ka taba la gore a ka lahla tewu le mo seyemo saka se gakga. Jehova o n’gelepiye gore ke tiyisele mathatha ya go tlala le mayemo ya go thathafa. Ne a dula a n’gelepa ka nako ya gabutši. Ke jabodiye tsa mannete fote ke fo dula ke ngwalangwala, ba ntlusiye fase ga gore ne ke phaphula ba nkisa gedimo ga gore ne ke sa nagane gore nko tsoga ke makegele ke tsa mašaga wonone.