Ayitsano Makreste ma Tshwanele ma je Khesemose?

Batho ba dimiliyoni lefaseng ka mokana ga lona ba tshepa gore Khesemose ke letšatši la go jabolela letšatši lo Jeso Kreste a belegiwweng ka lona. Le mo go le ka mokgonone, ayitsano o yye wa tiputsisa gore malata ya Jeso ya ku botala ma yye ma jabolela go ja Khesemose? Ayitsano wa di tšiba gore Bhayibele yi re king ka matšatši ya go belegiwa? Go kraya diphetolo tsa diputsiso tsowa di nyoko re gelepa gore re thogo bona tsa gore ayitsano Khesemose ke ya Makreste.

Sa mathomo, Bhayibele a yi hlaye gore re make monyanya ka letšatši lo Jeso a belegiwweng ka lona kela la malata ya Modimo ya go tshepega. Mangwalo ma re botsa ka batho ka babedi fela ba gore ba yye ba maka monyanya wa letšatši lo ba belegiwweng ka lona. Ka mokana ga bona ne ba sa rapele Jehova, Modimo wa ka ho Bhayibeleng fote hone menyanyeng ya bona go yye gwa makega dilo tsa go befa. (Genesi 40:20; Mareka 6:21) Go ya ka Encyclopædia Britannica, Makreste ya ku botala ne ma sa kwane le mokgwa wowa “wa go maka monyanya ka letšatši lo motho a belegiwweng ka lona, wa gore wo tšwa ga dikereke tsa matsaka.”

Bhayibele a yi hlaye gore Jeso o belegiwwe neng. Cyclopedia ya McClintock le Strong yi hlayye gore: “Letšatši lo Kreste a belegiwweng ka lona a le krayege ga Testamente ya Nyuwane kela ga dipuku tse dingwana.” Gabutšibutši hala Jeso a nyakiye gore malata yage ma make monyanya ka letšatši lo a belegiwweng ka lona nke a makiye gore letšatši lone le tšibege.

Sa mabedi, Bhayibele a yi hlaye gore Jeso kela ye mongwana wa malata yage ba yye ba ja Khesemose. Go ya ka New Catholic Encyclopedia, go ja Khesemose go nyarele la mathomo ga “Chronograph ya Philocalus, ya gore ne yi ntshiwa mongwaga wo mongwana le wo mongwaga go leng puku ya Maroma ya gore yi ngwadiwwe ka 336 [C.E.].” Di fo ba lekgwaying gore ne go šele go fitiye mengwaga ngwaga Bhayibele yi ngwadiwwe fote Jeso a sa sa le šiyo ho lefaseng. Go tokegela gana hone, McClintock le Strong ba hlayye gore “Khesemose a ya thomisa ke Modimo fote a yi šiyo ga Testemente ya Nyuwane.”a

Ka gore ke Thitšere ya Gabutši, Jeso o butsiye malata yage tso ma tshwaneleng ma di make tsa gore di tšwa ka ho Bhayibeleng. Mara yi seng go ja Khesemose. Go fo tshwana le mo thitšere ya sekolo yi sa di nyake tsa gore bo yi ba tšhutisang ba sa latelele tso yi ba tšhutisiyeng tsona le Jeso o nyaka gore malata yage ma ‘make tso di ngwadiwweng’ ka ho Mangwalong ya go Hlawolega—1 Makorente 4:6.

Mara go na le monyanya wo mogolo wa gore Makreste ya ku botala ne ma tlwayelanne nawo—ke go gopola Segopotso sa likgu la Jeso. Jeso o butsiye malata yage gore ba le gopole neng letšatši lone a boya a ba šupetsa gore ba make byang. Tso a di hlayyeng le letšatši lo a hlokofeleng ka lona di ngwadiwwe ka ho Bhayibeleng—Luka 22:19; 1 Makorente 11:25.

Re šele re di kwile gore Khesemose ke monyanya wa sedumedi sa matsaka mara Makreste ya ku botala a sanka ma tšhela letsogo ga wona. Go tokegela gana hone, Bhayibele a yi hlayi selo gore Jeso kela ye mongwana wa malata yage ba yye ba ja Khesemose. Ka taba la tsotsone, Makreste ya dimiliyoni ma segelele sepheto sa go sa ji Khesemose