Ke Ntaba Dihlatse Tsa Jehova di sa ji Khesemose?

Matsaka ya ga go tlala batho ba ma hlayang

Matsaka: So se makang gore Dihlatse Tsa Jehova di sa ji Khesemose ke gore a di dumele ga Jeso.

Nnete: Ke rune Makreste. Re tshepa gore ke Jeso Kreste a le ntoši ye a nyoko re phonisang.—Mebereko 4:12.

Matsaka: Le sinyanya mitši mo le tšhutisa batho gore ba sa ji Khesemose.

Nnete: Mitši re yi tseyela gedimo ka matla fote re berekisa Bhayibele go mitši gore yi tiyelele.

Matsaka: A le tikwisi ka “monate wa Khesemose” wa go neyana dilo, go beba ho lefaseng le tsa go jabodisa.

Nnete: Re karakara ka matla ka moka matšatši gore re neye batho ba bangwana dilo fote re dule re bebiye. (Diyema 11:25; Maroma 12:18) Mo re beyisa, ka mokgo re tshwarang megahlano ya rune le ka mokgo re tšhomayelang di sipidisana le tso Jeso a di hlayyeng mo a re: “Modimo o le neyye mahala, le lune le sa patedisi.” (Matewu 10:8) Go tokegela gana hone, ke Mmušo wa Modimo fela wo wo nyoko leyang go beba ga mannete ho lefaseng.—Matewu 10:7.

Ke Ntaba Dihlatse Tsa Jehova di sa ji Khesemose?

• Jeso o hlayye gore re gopole likgu lage, go seng letšatši lo a belegiwweng ka lona.—Luka 22:19, 20.

• Mapostola ya Jeso le malata yage ya botala a sanka ma ja Khesemose. Puku ya New Catholic Encyclopedia yi hlaya gore “Taba ya go gopola matšatši ya batho ba belegiwweng ka wona yi thomisiye ka nthago ga 243 [C.E.],” mo go šele go fitiye mengwaga ya go teya ka ku ga sekete mapostola ya mafelelo ma šele ma hlokofele.

• A go na sa go šupetsa gore Jeso o belegiwwe ka di 25 tsa December, letšatši lo a belegiwweng ka lona a la ngwadiwa ka ho Bhayibeleng.

• Rune re tshepa gore Modimo aa yamogele Khesemose ka taba la gore yi thomisiye ke batho ba go sa dumele gage.—2 Makorente 6:17.

Ayitsano ra sinya mo re ja Khesemose?

Batho ba go tlala lekgono ba sa na ba ja Khesemose le mo ba kene ba tšiba gore yi thomisiye ke batho ba go sa dumele ga Modimo le gore Bhayibele a yi yeme nayo taba yone. Batho ba mošaga wone ba ka butsisa gore: Ke ntaba Makreste ma sa kwane nayo taba yone? Ke ntaba ba yi maka taba ye kgolo?

Bhayibele yi re hlohletsela gore re “berekise menagano.” (Maroma 12:1, 2) Yi re tšhutisa gore re tseyele nnete gedimo. (Johane 4:23, 24) Ke nnete gore dya re hlupa mo re sa tshwane le batho ba bangwana, mara re nyaka go ngangarela ditšhiko tsa Bhayibele le mo tsotsone di sa jabodisi ba go tlala.

Le mo rune re sa ji Khesemose mara re hlompa sepheto so batho ba bangwana ba se segelelang ga taba yowa. A re kenakene mo batho ba bangwana ba ja Khesemose.