Mo re ka Thomisang Gona mo re Nyaka go Rata Modimo le Moyagelane

Makreste a ma bereke ka Molawo wa Moše, mara melawo ka mmedi ye megologolo ya gore re rate Modimo le moyagelane yi re šupetsa so Jehova a nyakang re se maka. (Mat 22:37-39) Lerato lone a le fo titlela. Le ya kgorediwa. Byang? Tsela ye nngwana ye kgolo ka matla ke ka go bala Baebele ka moka matšatši. Mo re kene re kwa dilo tsa mošagašaga tsa go bafala tso Baebele yi re botsang tsona ka Modimo, re nyoko di bona gore “Jehova o gabutši ka matla.” (Pis 27:4) Ka taba la tsotsone, re fo kwa re mo nyaka ka matla fote le tso re di naganang di tlalela ka matla ka ku gage. Re kwa di re tšhofa gore re theetsele melawo ya Modimo le molawo wa gore go be le tso re tikonang tsona go šupetsa batho ba bangwana gore re ya ba rata. (Joh 13:34, 35; 1Jo 5:3) Go na le dilo ka ditharo tso di ka makang gore re kwe gore go bala Baebele gwa natefa, o ka di berekisa mo o nyaka:

• Maka nkare so o se balang wa se bona, tso ba di kwang le wene o di kwe. O fo tseya nkare o gana hone. Ke mo o ka bona ying, wa kwa ying, kela wa nkgelela ying? Batho bo ba leng gana hone bona ba tikwa byang?

  

• Tšhentšhatšhentšha mabalelo yago. Tse dingwana tso o ka di makang ke tsowa: Balela gedimo, kela o sipidisane le tsa go rekhodiwa. Bala ka motho ye mongwana kela taba ya ka Baebeleng, o sa fo bala ditema ka go lategetsana. Mo re beyisa, o ka berekisa Appendix A7 kela B12 ga New World Translation of the Holy Scriptures mo o nyaka go bala ka Jeso. Bala tema ka mokana ga yona ya mo temanyana ya letšatši yi tšwang gona. Bala dipuku tsa Baebele go ya ka mokg’o di ngwadiwweng ka gona.

  

• Balela go kwisisa. Go bala tema ka yyoši ka letšatši wa yi kwisisa wa boya wa ghayela ka yona go phala go bala ditema tsa go tlala o fo balela go fetsa. Tiputsise gore go makega ying gana hone. Kwisisa so go bolabodiwang ka sona. Berekisa mmepo le dihlatollo tsa ka mathoko. Le mo go ka fo ba taba ka yyoši yo o sa yi kwisising, yi nyakisise. Mo di kgonega, nako yo o yi fetsang mo o kene o bala le yo o yi fetsang mo o kene o naganisisa, di lekanane.