Ke Bomang Banghana Bago ba Inthaneteng?

Monghana ba mo hlatolla go le “motho wa gore o mo tseyela gedimo kela go na le so se go jabodisang ka yene.” Mo re beyisa, Jonathane le Dafita ba thomisiye go ba banghana ba bagolo ka nthago ga mo Dafita a bolayye Gholiyate. (1Sa 18:1) Ba le ka babedi, ba šupetsiye mekgwa ya go bafala ya go maka gore ba šinye ba be banghana. Nka taba lo senghana sa mannete se bang gona mo batho ba tšibana gabutši. Go tseya nako gore o tšibane le motho ye mongwana fote di nyaka o karakare. Mara ga Inthanete, di lula go maka banghana ka go fo pota hala le hala. Ga Inthanete, di lula gore batho ba wutetse so ba leng sona ka taba la gore ba kgona go meta gore ba bolabola ying le gore ba le šupetsa ying. Byalo, di gabutši gore o kgete gore o nyaka go nghanelana le bomang. Mo motho wa gore a o mo tšibi a nyaka go ba monghanago ga Inthanete, o sa tšhabe go gana o nagana gore o nyoko mo kwisa go baba. Ka taba la dikotsi tso di ka bang gona, ba bangwana ba kgetiye go sa bolabodisane le batho ga Inthanete. Mara, king so o tshwaneleng go se gopola mo o ka kgeta go bolabodisana le batho ga Inthanete?

KGANANENG VIDIYO YA GORE, HLALEFA GA TSO TSA GO BOLABODISANA LE BATHO GA INTHANETE, KE MOKANE LE FETOLENENG DIPUTSISO TSOWA:

• 

  Di nyaka o nagane ka ying mo o soko bane o tšhela dithombhe kela o ngwala se sengwana ga Inthanete?

• 

  Ke ntaba o tshwanele go kgeta banghana gabutši ga Inthanete?

• 

  Ke ntaba di nyaka o meta nako yo o yi berekisang o le ga Inthanete?—Ef 5:15, 16