Jehova, Papa wa Rune, re mo Nyaka ka Matla

1-2. Ke ntaba Jehova a makiye gore go kgonege gore re be ba mutši wage fote o di makiye byang tsotsone?

JEHOVA o re memme gore re be ba mutši wage wa batho ba gore ba rapela yene. A yi go jabodisa ga tsona wa tšiba! Bo ba leng ga mutši wowa ke batho ba gore ba tineyele ga Modimo fote ba šupetsa gore ba na le tumelo ga sehlabelo sa go lepolla so se makiyeng ke Morwayi wage. Ke rune mutši wa gore o dula o jabodiye. Re jabodisa ke go tšiba gore re phelela ying fote tshepo yo re nang nayo ya go phela go ya go yye legedimong kela Pharadeyising mo lefaseng yi maka gore re jabole ka matla.

² Jehova o makiye gore go kgonege gore re be ka mutšing wage ka taba la gore o re nyaka ka matla. Mara gore tsotsone di kgonege ke mo di nyaka gore Jehova a make selo se sengwana se segolo ka matla. (Joh. 3:16) Re “rekiwwe go tura.” (1 Makor. 6:20) Jehova o berekisiye sehlabelo sa go lepolla go maka gore go kgonege gore re be le senghane sa thina naye. Re thogo ra le Motho wa ku malenghelengheng ya dilo ka mokana ga tsona re re ke Papa. Ga hlogotaba ya go fela, re bolabodiye gore Jehova ke mong yene Papa wa go phala bo papa ka mokana ga bona.

3. Re ka tiputsisa diputsiso tsa mošaga mang? (Fote lebelela lebhokisi la gore “Ayitsano Jehova o Ntseyela Hlogong?”)

³ Go fo tshwana le ye mongwana ye a ngwadiyeng Baebele re ka tiputsisa gore: “Mara Jehova nka mo patela ka ying barena ga dilo ka mokana ga tsona tsa gabutši tso a mmakeleng tsona?” (Pis. 116:12) Phetolo ke gore re ka sa di kgone go patela Papa wa rune wa magedimong. Mara ka taba la gore o re nyaka ka matla, tsotsone di maka gore le rune re mo nyake ka matla. Johane wa lepostola o ngwadiye gore: ‘Re mo nyaka ka matla ka taba la gore go thomisiye yene a šupetsa gore o re nyaka ka matla.’ (1 Joh. 4:19) Ke dilo difeng tso re ka di makang go šupetsa Papa wa rune wa magedimong gore re mo nyaka ka matla?

DULA O LE THINA LE JEHOVA

4. Jakobo 4:8 yi re ke ntaba re tshwanele re karakare ka matla gore re be banghane ba Jehova?

⁴ Jehova o nyaka gore re be banghane bage re boye re bolabole naye. (Bala Jakobo 4:8.) O re botsa gore re “sa lesetse go rapela,” ka taba la gore o dula a na le nako ya rune. (Mrm. 12:12) Aa dule a tshwaraganne kela a tinnwe gore a ka šitega go re theetsela. Mo re bala Lentsu lage Baebele le dipuku tso di re gelepang gore re yi kwisise, ke setšha re theetsela Modimo. Fote re theetsela Modimo mo re le megahlanong ya Sekreste. Mo bananyana ba dula ba bolabola le babelegi ba bona, sosone se maka gore ba dule ba mamarelanne, le rune mo re dula re bolabola le Jehova sosone se re gelepa gore re dule re mamarelanne naye.

5. Re ka maka ying gore re wolole merapelo ya rune gore Jehova a thogo yi yamogela?

⁵ Nagana ka mokgo merapelo yago yi leng ka gona mo o rapela Modimo. Jehova o nyaka gore re mo tshollwele tso di leng ka ho dipelong tsa rune mo re mo rapela. (Pis. 62:8) Re tshwanele re tiputsise gore: ‘Ayitsano merapelo yaka yi fo ba go makela moyano, go fo bolabola dilo tsa gore a ka thomisa ke nagana ka tsona kela ke merapelo ya gore yi tšwa pelong, ya gore ke thomme ke nagana ka tso ke nyoko di bolabolang mo ke rapela?’ A re kamake gore ga Jehova o mo nyaka ka matla fote o nyaka gore senghane sago naye se sa šehle. Gore o thogo maka ka mokgonone, di nyaka gore o sa lesetse go bolabola naye nako ye nngwana le ye nngwana. O sa šiyi selo mo o bolabola naye. Mmotse tso di go jabodisang le tso di go kgongwetsang. O sa kamake le ka go nyana go ya gage gore a go gelepe.

6. Re tshwanele re make ying gore re dule re mamarelanne le Papa wa rune wa magedimong?

⁶ Gore re dule re mamarelanne le Papa wa rune wa magedimong, di nyaka re sa lesetse go mo leboga. Re yema le tso mopisalema a di bolabodiyeng mo a re: “Barena, Jehova Modimo waka, o makiye dilo tsa go tlala ka matla, tso o di makiyeng di bafele ka matla fote di šupetsa gore wa re naganela. Aa šiyo le ka wweši wa go tshwana nago; le mo nka leketsa go hlayisa ke boya ke bolabola ka tsona, nka sa ro fetsa go di balela ka taba la gore di tlele ka matla!” (Pis. 40:5) A re fo tikwa re le batho ba go leboga nje; mara re šupetsa ka tso re di bolabolang le ka tso re di makang gore ga Jehova re ya mo leboga. Tsotsone di re maka gore re sa tshwane le batho ba go tlala lekgono. Re phela ga lefase la gore batho ba gona a ba leboge dilo ka mokana ga tsona tso Modimo a ba makeleng tsona. Gabutšibutši, se sengwana so se šupetsang gore re phela ga “dinako tsa mafelelo” ke gore batho a ba leboge. (2 Thim. 3:1, 2) A di nyake re tshwana nabo!

7. King so Jehova a nyakang re se maka fote ke ntaba?

⁷ Babelegi a ba di nyake tsa gore bana ba bona ba dule ba ngapanana mara ba nyaka gore ba be banghane. Byalo, Jehova le yene o nyaka gore bana bage ka mokana ga bona ba dule ba kwana. Gabutšibutši, ka mokgo re nyakananang ka gona di fo šupetsa gabutši gore ke rune Makreste ya mannete. (Joh. 13:35) Re yema le tso mopisalema a di ngwadiyeng mo a re: “Di gabutši fote a yi go natefa ga tsona, mo bana ba motho ba duli ggoši ba kwana!” (Pis. 133:1) Mo magageru re ma nyaka ka matla, re šupetsa Jehova gore re ya resa mo re re re ya mo nyaka, a re timakisi. (1 Joh. 4:20) Di jabodisa ka matla wa tšiba go ba le magageru ya go ba le ‘dipelo tse dibutši fote ba kwelana go baba’!—Maef. 4:32.

ŠUPETSA KA GO THEETSELA GORE GA JEHOVA WA MO NYAKA

8. Johane wa Mathomo 5:3 yi re king so se makang gore re theetsele Jehova?

⁸ Jehova o nyaka gore bana ba theetsele babelegi ba bona, byalo o nyaka gore le rune re mo theetsele. (Maef. 6:1) Di ya mo tshwanela gore re mo theetsele ka taba la gore ke yene ye a re makiyeng, ke yene ye a makang gore re ye mahlong re kene re phela fote o hlalefiye go phala babelegi ka mokana ga bona. Mara selo se segolo so se makang gore re theetsele Modimo ke gore re mo nyaka ka matla. (Bala 1 Johane 5:3.) Go na le dilo tsa go tlala tso di re tšhofang gore re theetsele Jehova, mara yene aa re gapeletsi gore re mo theetsele. Jehova o makiye gore re lokologe go maka tso re di nyakang, byalo di mo jabodisa ka matla mo a bona re kgeta go mo theetsela ka go di nyaka.

9-10. Ke ntaba di nyaka re tšibe melawo ya Modimo re boye re yi berekise mo re kene re phela?

⁹ Babelegi ba nyaka gore bana ba bona ba dule ba tšhireletsegiye. Ke taba lo ba ba beyelang melawo ya go maka gore ba dule ba tšhireletsegiye. Mo bana ba latelela melawo yone, ba šupetsa gore ba tshepa babelegi ba bona fote baa ba hlompa. Byalo di gabutši ka matla gore re nyake go tšiba melawo ya Papa wa rune wa magedimong ke mokane re phele ka yona. Mo re maka tsotsone, re šupetsa Jehova gore re mo nyaka ka matla, re ya mo hlompa fote go maka tsotsone di ya re berekela. (Jes. 48:17, 18) Mara bo ba gore ba tseyela melawo ya Jehova fase, ba feleletsa ba tikwisiye go baba.—Magal. 6:7, 8.

¹⁰ Mo maphelelo ya rune ma jabodisa Jehova, re tšhireletsega ga dilo tsa gore di ka re kwaletsa ho mmeleng, tsa gore di ka re kwisa go baba le tsa gore di ka sinya senghana sa rune le Modimo. Jehova ke yene a tšibang gabutši dilo tso di re tshwaneleng. Aurora, wa gore o dula ku United States, o re, “Ke ya tšiba gore mo re theetsela Jehova, dilo di nyoko re sepelela gabutši.” Le rune re ya di tšiba gore tsone ke nnete. Wene di go berekele ka mokgo mang tsa go theetsela Jehova?

11. Go rapela go re gelepa ka mokgo mang?

¹¹ Go rapela go re gelepa gore re make tso Modimo a di nyakang le mo di se lula. Ka dinako tse dingwana, di ka sa be lula go maka tso Jehova a di nyakang, mara a di nyake re lesetsa go lwa ka matla le taba ya go mo sinyela. Mopisalema o kgopele Modimo gore: “Maka gore ke go theetsele di mpaba.” (Pis. 51:12) Mogageru ye mongwana ye ba reng ke Denise wa gore ke mošupatsela wa nako ka moka o re, “Mo ke kwa ke šitega go latelela wo mongwana wa melawo ya Jehova, ke ya rapela, ke kgopela matšhika ya gore ke make dilo gabutši.” A re kamake le ka go nyana gore Jehova o nyoko fo dula a fetola merapelo ya mošaga wone.—Luk. 11:9-13.

GELEPA BA BANGWANA GORE GA PAPA WA RUNE BA MO NYAKE KA MATLA

12. Maefeso 5:1 yi re di nyaka re make ying?

¹² Bala Maefeso 5:1. Ka taba la gore ke rune ‘bana bo Jehova a ba nyakang ka matla,’ re karakara ka matla gore re mo yekisele. Re šupetsa gore re ya mo yekisela mo re nyaka batho ba bangwana, re kwelana go baba re boya re tshwarela bo ba re sinyelang. Mo bo ba gore a ba tšibi Modimo ba bona maphelelo ya rune ya gabutši, di ka fo ba tšhofa gore ba nyake go tšhuta ka yene. (1 Pet. 2:12) Babelegi ba Makreste ba tshwanele ba tshware bana ba bona ka mokgo Jehova a re tshwarang ka gona. Mo ba maka ka mokgonone, bana ba ka nyaka go nghanelana le Papa wa rune wa gore o re nyaka ka matla.

13. Re tshwanele re make ying gore re thogo ba le lešiši?

¹³ Ga go tlala ngwananyana o tseya gore papage o phala bo papa ka mokana ga bona fote o jabodisa ke go bolabola ka yene. Go fo tshwana le rune, re di tšiba gabutši gore Papa wa rune wa legedimong, Jehova o phala bo papa ka mokana ga bona fote re nyaka gore batho ba bangwana ba tšibe ka yene. Mo dipelong tsa rune, re tikwa go tshwana le Kgoši Dafita wa gore o ngwadiye gore: “Ke nyoko ro kganya ka Jehova.” (Pis. 34:2) Mara re ka fo tikwa re tšeba go bolabola ka Jehova. King so se ka makang gore re be le lešiši? Mo re nagana ka mokgo Jehova a nyoko jabolang ka gona mo re bolabola ka yene le gore tsotsone di nyoko gelepa batho ba bangwana ka mokgo mang, sosone se napa se maka gore re sa hlagasele le ka go nyana. Jehova o nyoko re neya lešiši lo re le hlokang. O gelepiye magageru ya dinako tsa mapostola gore ma be le lešiši, byalo le rune o ko re gelepeng.—1 Mathes. 2:2.

14. Ke dilo difeng tso di makang gore re tseyele hlogong mmereko wa go maka batho gore go be malata?

¹⁴ Jehova aa hlawolane fote di mo jabodisa ka matla mo a re bona re kwa re nyaka batho ba bangwana, re se na taba gore ba tšwa kaye. (Meber. 10:34, 35) Mokgwa wo mongwana wo re ka šupetsang ka wona gore batho ba bangwana re ya ba nyaka, ke mo re ba botsa ditaba tsa go bafala. (Mat. 28:19, 20) King so re kgonang go se segelela ka taba la mmereko wowa? Bo ba re theetselang ba ka tšhentšha maphelelo ya bona gana byalo ke mokane ba thogo ba le tshepo ya go phela lephelo la go ya go yye ku mahlong.—1 Thim. 4:16.

GA PAPA WA RUNE O MO NYAKE KA MATLA GORE O JABOLE

15-16. Ke dilo difeng tso di makang gore re jabole?

¹⁵ Jehova ke Papa wa gore o re nyaka ka matla, byalo o nyaka gore mutši wage wo jabole. (Jes. 65:14) Go na le dilo tsa go tlala tso di ka makang gore re jabole gana byalo, le mo re kene re gahlana le tsa go re ghula. Mo re beyisa, a re kamake gore Papa wa rune wa magedimong o re nyaka ka matla. Re tšiba nnete yo Lentsu la Modimo, Baebele yi yi tšhutisang. (Jer. 15:16) Fote ke rune ba mutši wa Jehova wa gore wo na le batho ba gore ga Jehova ba mo nyaka ka matla, ba kwana ka matla le melawo yage fote ba nyakanana tsa mannete.—Pis. 106:4, 5.

¹⁶ Re ka dula re jabodiye ka taba la gore re ya di tšiba gore lephelo le nyoko ba gabutši ku mahlong. Re ya di tšiba tsa gore go se botala Jehova o nyoko tlosa dilo ka mokana ga tsona tsa go befa ke mokane mo se go lawola Mmušo wage, lefase ka mokana ga lona le nyoko ba Pharadeyisi. Re jabodisa ka matla ke gore re na le tshepo ya gore bo ba hlokofeleng ba nyoko tsusiwa ke mokane ba gahlana le mašaga ya bona fote. (Joh. 5:28, 29) Wa tšiba taba yone a yi go jabodisa ga yona! Selo se segolo ka matla ke gore go se go botala ka mokana ga bona ku legedimong le ho lefaseng ba ko ba ba hlompa, ba thanaka ba boya ba berekela Papa wa rune wa gore o re nyaka ka matla.