Mo Nkare ga Jehova o mo Nyaka ka Matla o Nyoko Nabela go Kolobetsiwa

1-2. Mebereko 8:27-31, 35-38 yi re king so se yyeng sa tšhofa nduna ya Leyitopiya gore yi kolobetsiwe.

AYITSANO o nyaka go kolobetsiwa gore o be lelata la Kreste? Ba go tlala ba gore ga Jehova ba mo nyaka ka matla fote ba mo leboga ka taba la dilo tso a ba makeleng tsona, di ba tšhofiye gore ba thogo segelela sepheto sone. Tseya ka mošupetso wa monna ye mongwana wa gore ke mo go le nduna, a berekela kgoši ya mosadi ya Itopiya.

² Mo nduna yowa ya Leyitopiya yi fetsa go kwisisa gore Mangwalo ma re yi tshwanele gore yi kolobetsiwe, a sanka ya sinya nako. (Bala Mebereko 8:27-31, 35-38.) Yi tšhofiye king? Mo yi kene yi sepela ka koloyi ya yona ya gore yi goga ke dipera, ke mo yi kene yi bala puku ya Jesaya, di fo ba lekgwaying gore ke mo yi tseyela Lentsu la Modimo gedimo ka matla. Mo Filipi a šele a bolabodiye nayo, yi yye ya šupetsa gore yi leboga tso Jeso a yi makeleng tsona. Mara ke ntaba nduna yowa yi yye ya ya Jerusalema? Ka taba la gore ke mo yi tikwa gore ga Jehova yi mo nyaka ka matla. Re di tšiba byang tsotsone? Morenewa ke mo a sa tšwa go rapela Jehova ku Jerusalema. Ke mo a lesetsiye sedumedi so a goleleng ga sona ke mokane a thomisa go rapela Modimo wa mannete a na le setšhaba sa gore se tineyele gage. Ka taba la gore ga Jehova ke mo a mo nyaka ka matla, sosone se yye sa mo tšhofa gore a make selo se sengwana se segolo, selo sone ke go kolobetsiwa ke mokane a feleletse go le lelata la Kreste.—Mat. 28:19.

3. King so se ka makang motho gore a tšhabe go kolobetsiwa? (Lebelela lebhokisi la gore “Yago Pelo yi Byang Mara?”)

³ Mo ga Jehova o mo nyaka ka matla, o ka kwa di go tšhofa gore o nyake go kolobetsiwa. Mara o ka kwa o tšhaba go kolobetsiwa ka taba la gore go na le batho kela dilo tso o kwanang natso ka matla. Ka mokgo mang? Nagana ka mešupetso ye mengwana ke yowa. Di ka makega gore o kwana le mašaga le banghane bago ka matla fote o ka hlupa ke taba ya gore mo o ka kolobetsiwa, ba nyoko go hloya. (Mat. 10:37) Kela o ka fo kraya o kwana ka matla le mekgwa ya gore wa di tšiba tsa gore Modimo o yi hloyye fote o ka kwa o thathafela ke go yi lesetsa. (Pis. 97:10) Kela o ka fo ba o gudisiwwe o latelela dilo tsa setšo tso di sipidisanang le dikereke tsa matsaka. O ka fo ba o jabodisa ke dilo tse dingwana tso ne di makiwa ka dinako tsotsone. Byalo o fo kwa go se lula go lesetsa dilo tsa setšo tsa gore Jehova aa kwane natso. (1 Makor. 10:20, 21) Putsiso yo o ka tiputsisang yona ke gore, “King kela ke mang ye ke mo nyakang ka matla?”

YE RE TSHWANELENG GO MO NYAKA KA MATLA

4. Selo se segolo so se nyoko makang gore o kolobetsiwe king?

⁴ Go na le dilo tsa go tlala tso o ka kwang o kwana natso fote o di jabolela. Mo re beyisa, di ka makega gore ke mo o kene o tseyela Baebele hlogong le mo o soko bane o bala le Dihlatse tsa Jehova. Fote di ka makega gore ga Jeso o šele o mo nyaka ka matla. Byalo ka taba la gore o šele o tšiba Dihlatse tsa Jehova, di ka makega gore o nyake go ba banghane ba bona. Mara go kwana le dilo tsone tsa gabutši go ka sa make gore o nyake go tineyela ga Jehova fote o kolobetsiwe. Selo se segolo so se nyoko makang gore o kolobetsiwe ke gore ga Jehova Modimo o mo nyaka ka matla. Mo ga Jehova o mo nyaka ka matla go phala dilo ka mokana ga tsona, o ka sa yikele selo kela motho a go rakela gore o mmerekele. Mo ga Jehova o mo nyaka ka matla, sosone se nyoko go tšhofa gore o nyake go kolobetsiwa fote se nyoko go gelepa gore o dule o tshepega le mo o šele o kolobetsiwwe.

5. Re nyoko fetola diputsiso difeng?

⁵ Jeso o yitseri di nyaka ga Jehova o mo nyake ka pelo yago ka mokana ga yona, ka bowene byago, ka monagano le ka matšhika yago ka mokana ga wona. (Mar. 12:30) O ka maka byang gore ga Jehova o mo nyake ka matla ka mokgonone le go mo hlompa ka matla? Mo re bona gore Jehova o re nyaka ka matla, tsotsone di maka gore le rune re mo nyake ka matla. (1 Joh. 4:19) Mo ga Jehova o šele o mo nyaka ka matla, o nyoko fo tikwa byang fote ke dilo difeng tsa gore di nyoko fo timakegela?b

6. Maroma 1:20 yi re re ka berekisa mokgwa wofeng wo mongwana gore re thogo tšhuta ka Jehova?

⁶ Tšhuta ka Jehova ga tso a di makiyeng. (Bala Maroma 1:20; Kut. 4:11) Ghayela ka dilo tso di šupetsang gore Modimo o hlalefiye ga tso a di makiyeng, tsa go tshwana le dilo tsa go mila le diphoolwane. Tšhuta ka go nyana ka mokgo mmele wago wo makiwweng ka gona. (Pis. 139:14) Fote o nagane ka matšhika ya Jehova ya ma pakelanneng ga letšatši, o sa lebale gore le wela ga dibhiliyoni tsa dinanedi tso di leng gona.c (Jes. 40:26) Mo o kene o lebelele dilo tsone, ga Jehova o nyoko napa o mo hlompa la go sa hlayisegi. Senghane sago le Jehova se thomisa mo o tšiba taba ya gore o hlalifiye fote o na le matšhika. Mo o nyaka gore senghana sago le Jehova se nape se tiyelela, di nyaka o tšhute tsa go tlala ka yene.

7. Gore ga Jehova o mo nyake ka matla, king so o tshwaneleng go se tshepa?

⁷ Di nyaka o yi tshepe taba ya gore Jehova o go nyaka ka matla. Ayitsano o kwa di go thathafela go tshepa taba ya gore ye a makiyeng legedimo le lefase wa di tšiba tsa gore o gona fote wa hlupega ka wene? Mo nkare go ka mokgonone, o sa lebale gore Jehova “aa kgole le ye mongwana le ye mongwana wa rune.” (Meber. 17:26-28) O “nyakolla dipelo ka mokana ga tsona,” fote o go tshepisa go fo tshwana le ka mokgo Dafita a butsiyeng Solomoni gore “mo o ka fo mo nyaka, o nyoko maka gore wene o mo kraye.” (1 Dikor. 28:9) Gabutšibutši, so se makang gore o tšhute Baebele gana byalo ke gore Jehova o re, “Ke go gogele ho gaka.” (Jer. 31:3) Mo o dula o leboga dilo ka mokana ga tsona tso Jehova a go makeleng tsona, sosone se nyoko maka gore o mo nyake tsa nkare ke moka.

8. King so o ka šupetsang ka sona gore le wene ga Jehova o mo nyaka ka matla?

⁸ Selo se sengwana sa go šupetsa gore le wene ga Jehova o mo nyaka ka matla ke mo o bolabola naye ka thapelo. Ka mokgo o nyakang Modimo ka gona go nyoko fo ya go hluhlutela mo o kene o mmotsa ka tso di go hlupang fote o leboga dilo ka mokana ga tsona tso a go makelang tsona. Fote senghane sago le Jehova se nyoko napa se tiya ka matla mo o kene o bona a fetola merapelo yago. (Pis. 116:1) O ka sa kamake gore o go tseyela gedimo. Mara di nyaka o kwisise ka mokgo Jehova a naganang gore o thogo dula o mamarelanne naye. Fote di nyaka o tšibe so a se nyakang ho gago. Selo se sengwana so se ka go gelepang gore o mo tšibe gabutši ke mo o bala Lentsu lage Baebele.

9. O ka šupetsa ka ying gore o leboga Baebele?

⁹ Tšhuta go tseyela Lentsu la Modimo Baebele gedimo. Ke Baebele yi ntoši yo yi tšhutisang nnete ka Jehova le ka tso a nyoko re makelang tsona. Mo o bala Baebele ka moka matšatši, o lukiselela tso o nyoko di tšhutang le ye o balang naye Baebele o boya berekisa tso o di tšhutang, sosone se šupetsa gore wa yi leboga. (Pis. 119:97, 99; Joh. 17:17) Ayitsano o na le letheto la go tšhuta Baebele o ntoši? Ayitsano o bala Baebele ka moka matšatši?

10. King so se makang gore Baebele yi sa tshwane le dipuku tse dingwana?

¹⁰ Se sengwana so se makang gore Baebele yi sa tshwane le dipuku tse dingwana, ke gore yi na le ditaba tso di bolabodiyeng ke batho ba gore ga Jeso ba mmonne. Ke yona yi ntoši yo yi re hlatollelang ka tso Jeso a yyeng a re makela tsona. Mo o kene o tšhuta ka tso Jeso a yyeng a di bolabola le go di maka, nnete o nyoko nyaka go nghanelana naye.

11. O ka gelepa king gore ga Jehova o mo nyake ka matla?

¹¹ Tšhuta go kwana ka matla le Jeso ke mokane o nyoko fo ya o mo nyaka ka matla ga Jehova. Ke ntaba? Ka taba la gore Jeso o di rwele ka moka tsa Papage. (Joh. 14:9) Byalo, mo o kene o ya mahlong o tšhuta ka Jeso, sosone se nyoko maka gore ga Jehova o mo tseyele gedimo ka matla. Nagana ka mokgo Jeso ne a kwela bo ne ba tseyediwa fase ke batho ba bangwana ka taba la mohlupego, go lwala fote ba lelemela. Nagana le ka mokgo a go yetetsang fote le ka mokgo lephelo lago le bang ka gona mo o mo theetsela.—Mat. 5:1-11; 7:24-27.

12. Go tšhuta ka Jeso, di nyoko go tšhofa gore o make ying?

¹² Mo re nagana ka sehlabelo so Jeso a re makeleng sona gore re thogo tshwarediwa melato ya rune, sosone se napa se maka gore ga Jeso re mo nyake ka matla. (Mat. 20:28) Mo o ka fo kwisisa taba ya gore Jeso o go kgwele ka go di nyaka, di nyoko go tšhofa gore o tisole fote o nyake gore Jehova a go tshwarele. (Meber. 3:19, 20; 1 Joh. 1:9) Fote mo ga Jeso le Jehova o ba nyaka ka matla, o nyoko fo kwa o nyaka go ba thina le ba bangwana ba gore le bona ba tikwa ka mokgonone.

13. Jehova o go neyye ying?

¹³ Tšhuta go kwana le bo ba nyakang Jehova ka matla. Di ka makega gore mašaga yago ya gore a yi Dihlatse le bo ne go le banghana bago ba kwe ba sa di kwisisi gore ke ntaba o nyaka go tineyela ga Jehova. Ba ka leketsa le go go phigisa. Jehova o nyoko go neya magageru ka ho phutegong gore go be mašaga yago. Mo o ka fo dula o le thina le magageru yane, o ko fo kwa gore ma go nyaka ka matla fote maa go tiyisa. (Mar. 10:29, 30; Maheb. 10:24, 25) Mo nako yi kene yi ya, o ka kraya mašaga yago le wona ma thomisa go nyaka go berekela Jehova le go phela ka melawo yage.—1 Pet. 2:12.

14. King so o se bonneng ga 1 Johane 5:3 ka melawo ya Jehova?

¹⁴ Tšhuta go leboga o boye o berekise melawo ya Jehova. Mo o soko bane o tšiba selo ka Jehova, di ka makega gore ke mo o phela ka mokgo wene o nyakang, mara gana byalo o šele o di bonne gore melawo ya Jehova yi gabutši ka matla. (Pis. 1:1-3; bala 1 Johane 5:3.) Nagana ka ditšhiko tsa Baebele tso di bolabolang ka banna, basadi, babelegi le bananyana. (Maef. 5:22–6:4) Mo o kene o berekisa tšhiko yone, ayitsano go na le so se tšhentšhang ka mutšing wago? Ayitsano mo o theetsela ditšhiko tsa Jehova ga taba ya go hlawola banghana gabutši go na le mekgwa yo yi tšhentšhiyeng ho gago? Ayitsano o jabodiye? (Diy. 13:20; 1 Makor. 15:33) Ga go tlala phetolo ya diputsiso tsone ke eya.

15. O ka maka ying mo nkare o nyaka go gelepiwa gore o thogo berekisa ditšhiko tsa Baebele?

¹⁵ Ka dinako tse dingwana o ka kwa di go thathafela go berekisa tso o di tšhutiyeng ga ditšhiko tsa Baebele. Nka taba lo Jehova a berekisang mokgahlo wage gore wo re neye dikgatiso tsa go hlatolla Baebele tsa gore di ka re gelepa gore re thogo hlawola sa go loka ga sa go sa loka. (Maheb. 5:13, 14) Mo o kene o bala o boya o kenelela ga tso o di tšhutang, o nyoko fo kwa di go tšhofa gore o be ka mokgahlong wa Jehova.

16. Jehova o gahlanisiye batho bage ka mokgo mang?

¹⁶ Tšhuta go kwana ka matla le mokgahlo wa Jehova o boye o wo thege. Jehova o gahlanisiye batho bage ka ho diphutegong ke mokane a maka gore Morwayi wage, Jeso, go be yene hlogo ya ka mokana ga bona. (Maef. 1:22; 5:23) Jeso o makiye gore go be le mogoba wo monyana wa banna ba go tlotsiwa gore go be bona ba yetang mahlong ga mmereko wa gore wo nyaka ba wo make. Jeso o re mogoba wa banna bone ke “lelata la go tshepega le la go hlalefa,” fote mmereko wone wa bona ba wo tseyela gedimo gore ba thogo go gelepa gore o tiyise senghana sago le Modimo fote se dule se pasopegiye. (Mat. 24:45-47) Mokgwa wo mongwana wo lelata la go tshepega le wo berekisang gore re thogo pasopega ke go hlawola bagolo ka ho phutegong gore ba re yetetse. (Jes. 32:1, 2; Maheb. 13:17; 1 Pet. 5:2, 3) Bagolo ba tikemisele go maka so ba ka se kgonang gore ba thogo re kgomoletsa le go re gelepa gore re be thina ga Jehova. Mara selo se segolo ka matla so ba ka se makang ke go go gelepa gore o tšhutise ba bangwana ka Jehova.—Maef. 4:11-13.

17. Maroma 10:10, 13, 14, yi re ke ntaba re bolabola le batho ba bangwana ka Jehova?

¹⁷ Gelepa ba bangwana gore ba tšhute ka Jehova. Jeso o butsiye bo ba mo latelelang gore ba tšhutise ba bangwana ka Jehova. (Mat. 28:19, 20) Re ka di kgona go latelela tso Jeso a hlayyeng gore re di make ka taba la gore re tshwanele re mo theetsele. Mara mo o kene o nyaka Jehova ka matla, o nyoko tikwa go tshwana le Petro wa lepostola le Johane wa lepostola ba gore ba yitseri: “Re ka sa ro lesetsa go bolabola ka dilo tso re di bonneng le tso re di kwileng.” (Meber. 4:20) Di nyoko re jabodisa ka matla mo re ka gelepa ye mongwana gore ga Jehova a mo nyake ka matla. O fo nagana ka mokgo Filipi a yyeng a tikwa ka gona mo a gelepa morenela wa Leyitopiya gore a tšhute nnete ya go tšwa Mangwalong fote aa boya a kolobetsiwa! O nyoko ba o šupetsa gabutši gore o nyaka go ba ye mongwana wa Dihlatse tsa Jehova mo o yekisela Filipi o boya o theetsela taba yo Jeso a yi hlayyeng ya go tšhomayela. (Bala Maroma 10:10, 13, 14.) Ga taba yonone, re nyoko fo tshwana le ka mokgo Leyitopiya lela le butsisiyeng putsiso ya gore: “Ke šitisa king gore ke kolobetsiwe?”—Meber. 8:36.

18. Ga hlogotaba ya go latela re nyoko petapeta ka ying?

¹⁸ O nyoko ba o maka selo sa gabutši ka matla mo o ka fetsa le pelo gore o nyaka go kolobetsiwa. Di nyaka o nagane gabutši ka sepheto so o nyakang go se segelela ka taba la gore yone a yi taba ya go kgana. King so di nyakang o se tšiba ka taba ya go kolobetsiwa? Di nyaka o make ying mo o soko bane o kolobetsiwa le mo o šele o kolobetsiwwe? Diputsiso tsone di nyoko fetodiwa ga hlogotaba ya go latela.