Watchtower LAYIBHRARI YA INTHANETENG
Watchtower
LAYIBHRARI YA INTHANETENG
Sepulana
  • BHAYIBELE
  • DIKGATISO
  • MEGAHLANO
  • w20 May maph. 8-11
  • Magoši ya go Phigisana ga Dinako tsa Mafelelo

A go na vidiyo mo o kgetiyeng gona.

Ke masopo, go sinyegiye se sengwana mo vidiyo yi leketsa go bula.

  • Magoši ya go Phigisana ga Dinako tsa Mafelelo
  • Sewokamelo se Sabalatsa tsa Mmušo wa Jehova (Sa go Tšhutisa)—2020
  • Kgatiso ya go Yelana
  • “Kgoši ya Lebowa” ga Dinako tsa Mafelelo
    Sewokamelo se Sabalatsa tsa Mmušo wa Jehova (Sa go Tšhutisa)—2020
  • “Kgoši ya Lebowa” ke Mang Lekgono?
    Sewokamelo se Sabalatsa tsa Mmušo wa Jehova (Sa go Tšhutisa)—2020
  • Puku ya Kutullo yi re Manaba ya Modimo ma Nyoko Tlela ke Tsa Mošaga Mang
    Sewokamelo se Sabalatsa tsa Mmušo wa Jehova (Sa go Tšhutisa)—2022
  • Tšhuta ga Seporofeto sa Bhayibele
    Sewokamelo se Sabalatsa tsa Mmušo wa Jehova (Sa go Tšhutisa)— 2023
Sewokamelo se Sabalatsa tsa Mmušo wa Jehova (Sa go Tšhutisa)—2020
w20 May maph. 8-11

Magoši ya go Phigisana ga Dinako tsa Mafelelo

Diporofeto tso go bolabodiwang ka tsona mo ga tšhate yowa di makega thina le thina kela magahla. Di šupetsa ka mekgwa ya go tlala gore nnete re phela ga “dinako tsa mafelelo.”—Dan. 12:4.

Tšhate ya go šupetsa diporofeto le ye ne go le kgoši ya lebowa le kgoši ya borwa ka 1870 go ya mahlong.
  • Tšhate ya 1 ga 4 ya tsona, yi šupetsa ka mokgo diporofeto di makegang ka gona thina le thina ka dinako tsa mafelelo le go tloga gana hala ga bo 1870 go ya gana hala ga 1918. Mengwaga ya go thoma ka 1914 go ya mahlong go hlayiwa gore ke dinako tsa mafelelo. Seporofeto 1: Phoolwane ya go tshosa ya hlaga ya go ba le kašupa ya dihlogo ya gore yi nyarele ka nako yo yi leng ho tšhateng. Mo Ntwa ya Mathomo ya Lefase yi kene yi ya mahlong, hlogo ya bošupa hala ga phoolwane yela ya go tshosa yi yye ya kwalela. Go tlugisela ka 1917 go ya mahlong, hlogo ya bošupa yi yye ya fola fote phoolwane yone ya go tshosa ya hlaga ya hlohlotela. Seporofeto 2: Kgoši ya lebowa le kgoši ya borwa di yye dya bonala gabutši ka 1870. Kgoši ya lebowa yi nyarela fote ka 1871 go le Jeremane. Kgoši ya borwa la mathomo ke mo go le Brithani, mara ka 1917 kgoši ya borwa go yye gwa ba Mmušo wa Lefase wa Makgowa le Maamerikha. Seporofeto 3: Go thoma bo 1870, Charles T. Russell le banghane bage ba yye ba tšibega go le ‘bo ba leyang molayetsa.’ Mathomisong ya bo 1880, ‘Zion’s Watch Tower’ yi yye ya hlohleletsa bo ba yi balang gore ba sabalatse ditaba tsa go bafala. Seporofeto 4: Go tlugisela ka 1914 go ya mahlong, go biye nako ya go buna. Ngwere le korong baa di yahluganya. Seporofeto 5: Go tlugisela ka 1917 go ya mahlong, mawoto ya tshipi ya gore ma na le letsopa maa nyarela. Fote sepotofeto sone se šupetsa gore: Dilo tso ke mo di makega go tlugisela ka 1914 go segela ka 1918, Ntwa ya Mathomo ya Lefase. Dilo tso di makegiyeng tsa gore ke mo di hlupahlupana le batho ba Jehova: Go tlugisela ka 1914 go segela ka 1918, Bo ba Tšhutang Baebele ba ku Brithani le Jeremane ba yye ba ba bošela jele. Ka 1918, magageru ya ku ntlokgolo ya lefase ka moka ya ku United States ba yye ba ba bošela jele.
    Seporofeto 1.

    Mangwalo Kut. 11:7; 12:13, 17; 13:1-8, 12

    Seporofeto “Phoolwane ya hlaga” ke botala ka matla yi kene yi ya tlase le kgakala ho lefaseng yi lawola batho. Ka dinako tsa mafelelo, hlogo ya yona ya bošupa baa yi kwaletsa. Ka nthago, hlogo yone ya yalafiwa ke mokane “lefase ka mokana ga lona” le yinghayingha le phoolwane ya hlaga. Sathane o berekisa phoolwane yone go “lwa le bo ba šeleng.”

    Ka mokgo se makegang ka gona Ka nthago ga Mogogola, go yye gwa nyarela memmušo ya batho ya gore ke mo yi phigisana le Jehova. Ka nthago ga makgolokgolo ya mengwaga, mo Ntwa ya Mathomo ya Lefase yi kene yi ya maahlong, Mmušo wa Brithani ba yye ba wo fetsa matšhika ka matla. Wo yye ya tsogatsoga mo wo tshwarisana le United States. Sathane o berekisa bo ba dipolotiki gore ba hlorise batho ba Modimo, ka matlamatla ga dinako tso tsa mafelelo.

  • Seporofeto 2.

    Mangwalo Dan. 11:25-45

    Seporofeto Go sa kwane ga kgoši ya lebowa le kgoši ya borwa ga dinako tsa mafelelo.

    Ka mokgo se makegang ka gona Jeremane le Mmušo wa Makgowa le Maamerikha dya phigisana. Ka 1945, Soviet Union le bo ba yemang nayo go yye gwa ga kgoši ya lebowa. Ka 1991, Soviet Union yi yye ya šaša ke mokane mo go-ya-go-ya, Russia le bo ba yemang nayo go yye gwa ba kgoši ya lebowa.

  • Seporofeto 3.

    Mangwalo Jes. 61:1; Mal. 3:1; Luk. 4:18

    Seporofeto Jehova o romela “bo ba go leya molayetsa” gore ba ‘kgure tsela’ mo Mmušo wa Mesiya wo soko bane wo ba gona. Mogoba wowa wo gona gore wo thogo “tšhomayela ditaba tsa go bafala ga batho ba dipelo tsa go temeka.”

    Ka mokgo se makegang ka gona Go tlugisela ka bo-1870 go ya maahlong, C. T. Russell le bo a berekang nabo ba yye ba bereka ka matšato gore ba hlatolle nnete ya Baebele fote. Ka bo-1880, ba yye ba šihlela taba ya gore malata ya Modimo ma tshwanele ma tšhomayele. Ba yye ba sabalatsa dihlogotaba tsa go tshwana le ya gore “Go Nyakega 1 000 ya Batšhomayedi” le ya gore “Go Kgetiwa Gore o Thogo Tšhomayela.”

  • Seporofeto 4.

    Mangwalo Mat. 13:24-30, 36-43

    Seporofeto Lenaba le gaša ngwere ya go tlala ka matla mašemong ya korong ke mokane ngwere ya gola ya phiphetsa korong go segela ka nako ya gore go buniwe, ke mokane ngwere le korong baa di yahloganya.

    Ka mokgo se makegang ka gona Mafelelong ya bo-1800 go ya mahlong, Makreste ya mannete ke mo ma thogo bonala gabutši gore a yi wona Makreste ya matsaka. Ka dinako tsa mafelelo, Makreste ya mannete maa kgobeketsiwa ke mokane ma sa sa gahlana le Makreste ya matsaka.

  • Seporofeto 5.

    Mangwalo Dan. 2:31-33, 41-43

    Seporofeto Mawoto ya tshipi le letsopa ke ya sethombhe sa gore se na le ditshipi tsa mehlobohlobo.

    Ka mokgo se makegang ka gona Letsopa le yemela dikopa tsa gore di gabutši ka matla fote batho ba kwana natso mo ba kene ba lawola ke Mmušo wa Lefase wa Makgowa le Maamerikha. Dikopa tsowa di poma matšhika ya mmušo wowa wa lefase gore ma sa sa tiya go tshwana le ya tshipi.

  • Tšhate 2 ga 4 ya tsona, yi šupetsa ka mokgo diporofeto di latelanang ka gona ga dinako tsa mafelelo le go ya gana hala ga 1919 go segela ka 1945. Kgoši ya lebowa ke mo go le Jeremane go segela ka 1945. Kgoši ya borwa ke Mmušo wa Lefase wa Makgowa le Maamerikha. Seporofeto 6: Ka 1919, mo go tsosolosiwa phutego, bo ba go tlotsiwa ba yye ba hlakana fote. Go tlugisela ka 1919 go ya mahlong, mmereko wa go tšhomayela wo yye wa boya wo tiyelela ke mokane wa ya mahlong. Seporofeto 7: Ka 1920, go yye gwa thoma Mogoba wa Ditšhaba ke mokane wa ya mahlong go segela ka Ntwa ya Bobedi ya Lefase. Fote sepotofeto sone se šupetsa gore: Seporofeto 1, phoolwane ya hlaga ya go tshosa ya go ba le kašupa ya dihlogo, se ya mahlong. Seporofeto 5, sa mawoto ya tshipi ya gore ma hlakanne le letsopa, se ya mahlong. Tso di makegiyeng go tlugisela ka 1939 go segela ka 1945, Ntwa ya Bobedi ya Lefase. Dilo tso di makegiyeng tsa gore ke mo di hlupahlupana le batho ba Jehova: Ku Jeremane go tlugisela ka 1933 go segela ka 1945, Dihlatse tsa go teya hala ga 11 000 di yye dya bošediwa jele. Ku Brithani go tlugisela ka 1939 go segela ka 1945, gana hala ga 1 600 ya Dihlatse di yye dya fošediwa jele. Ku United States go tlugisela ka 1940 go segela ka 1944, batho ba go ganetsa ba go feta ga 2 500 ba yye ba kutulugela Dihlatse tsa Jehova.
    Seporofeto 6.

    Mangwalo Mat. 13:30; 24:14, 45; 28:19, 20

    Seporofeto “Korong” ya hlekeletsiwa gore yi beyiwe ka “diralong” ke mokane “lelata la go tshepega la gore fote le hlalefiye” le kgetiwa gore le lawole “ba ntlo.” Mmereko wa go tšhomayela “ditaba tsa go bafala tsa Mmušo” wo thomisa go sabalala “go segela ga batho ka mokana ga bona bo ba dulang lefaseng.”

    Ka mokgo se makegang ka gona Ka 1919 go kgetiwa lelata la go tshepega gore le lawole batho ba Modimo. Go tlugisela ka nako yonone, Bo ba go Tšhuta Baebele ba kena fase ba maka mmereko wa bona wa go tšhomayela. Dihlatse tsa Jehova di tšhomayela ga dinaga tsa go teya ka ku ga 200 fote di hlatolla dilo tsa go bolabola ka Baebele ka mebolabolo ya go teya ka ku ga 1 000.

  • Seporofeto 7.

    Mangwalo Dan. 12:11; Kut. 13:11, 14, 15

    Seporofeto Phoolwane ya hlaga ya go ba le manaka ka mabedi yi yeta mahlong mo go makiwa “sethombhe sa phoolwane ya hlaga,” fote yi “butšwelela sethombhe sone gore se thogo wona.”

    Ka mokgo se makegang ka gona Mmušo wa Lefase wa Makgowa le Maamerikha wo yeta maahlong mo go makiwa Mogoba wa Ditšhaba. Mokgahlo wowa wo thega ke ditšhaba tse dingwana. Mafelelong, kgoši ya lebowa yi ba ga Mogoba wone le yona—mara go tlugisela ka 1926 go segela ka 1933 fela. Mogoba wowa wo tshwanne le Ditšhaba tsa go Mamarelana (UN) tsa gore di yye dya tla ka nthago, wo thanakiwa ka mokgo gabutšibutši go tshwaneleng go thanakiwe Mmušo wa Modimo.

  • Tšhate 3 ga 4 ya tsona, yi šupetsa dinako tsa mafelelo fote yi šupetsa go thoma ka 1945 go segela ka 1991. Kgoši ya lebowa yi nyarela go le Soviet Union le bo yi berekisanang nayo go segela ka 1991, fote ka nthago ga yona go ba Russia le bo yi berekisanang nayo. Kgoši ya borwa yi nyarela go le Mmušo wa Lefase wa Makgowa le Maamerikha. Seporofeto 8: Leru la nkare ke bokhoya la go makiwa ke bhomu, yi šupetsa ka mo Mmušo wa Lefase wa Makgowa le Maamerikha wo sinnyeng go segela gona. Seporofeto 9: Ditšhaba tsa go Mamarelana di yye dya nyarela ka 1945, di kwala sekgala sa Mogoba wa Ditšhaba. Fote sepotofeto sone se šupetsa gore: Seporofeto 1, phoolwane ya hlaga ya go tshosa ya go ba kašupa ya dihlogo, se ya mahlong. Seporofeto 5, mawoto ya tshipi ya gore ma gahlanne le letsopa, se ya mahlong. Seporofeto 6, ka 1945 batšhomayedi ba go teya ga 156 000. Ka 1991, batšhomayedi ba go teya ga 4 278 000. Dilo tso di makegiyeng tsa gore ke mo di hlupahlupana le batho ba Jehova: Ga Soviet Union go tlugisela ka 1945 go segela gana hala ga bo 1950, diketekete tsa Dihlatse tsa Jehova di yye dya yisiwa Siberia.
    Seporofeto 8.

    Mangwalo Dan. 8:23, 24

    Seporofeto Kgoši ya go tshosa ka matla “yi sinyanya ka matla.”

    Ka mokgo se makegang ka gona Mmušo wa Lefase wa Makgowa le Maamerikha wo sinyannye ka matla. Mo re beyisa, ka nako ya Ntwa ya Bobedi ya Lefase, United States yi yye ya sinyanya dilo ka matla nakwela yi thunyisa dibhomu ka dipedi ga lenaba la yona la gore le na le matšhika ya magolo ka matla ya go lawola lefase.

  • Seporofeto 9.

    Mangwalo Dan. 11:31; Kut. 17:3, 7-11

    Seporofeto Phoolwane ya go tshosa ya hlaga ya “khala ye khubedu” ya gore yi na le lesome la manaka ya yinuga gore yi tšwe ka mokoting fote ke kgoši ya mabala (8). Puku ya Daniyele yi bolabola ka kgoši yowa gore ke “selo sa go silikisa sa gore se ya sinyanya.”

    Ka mokgo se makegang ka gona Mogoba wa Ditšhaba ka nako ya Ntwa ya Bobedi ya Lefase ke mo wo se na so wo se makang. Ka nthago ga ntwa yone, Ditšhaba tsa go Mamarelana ‘dya nyarela.’ Go fo tshwana le Mogoba wa Ditšhaba wa gore ke mo wo le gona mo go soko bane go nyarela Ditšhaba tsa go Mamarelana, le wona wo yye wa thanakiwa ka matla, mara go thanakiwa ga mošaga wonone ke mo go tshwanela Mmušo wa Modimo. Ditšhaba tsa go Mamarelana di nyoko hlasela dikereke.

  • Tšhate 4 ga 4 ya tsona, yi šupetsa ka mokgo diporofeto di neyetsanang ka gona go ya ga dinako tsa mafelelo le go segela matšatšing ya Aremaghedoni. Kgoši ya lebowa yi nyarela go le Russia le bo yi berekisanang nabo. Kgoši ya borwa go nyarela go le Mmušo wa Lefase wa Makgowa le Maamerikha. Seporofeto 10: Bayetamahlong ba lefase ba tšibisa gore ‘go bebiye fote go tšhireletsegiye.’ Ka nthago ga mone, motšhatšhamelo wo mogolo wo nyoko thoma. Seporofeto 11: Ditšhaba di kutulugela dikereke tsa matsaka. Seporofeto 12: Memmušo ya lefase yi hlasela batho ba Modimo. Bo ba šeleng ba gore ba tlotsiwwe baa kgobeketsiwa gore ba ye legedimong. Seporofeto 13: Aremaghedoni. Ye a duleng ga pera ye tšhwewu o fetsa ka mmereko wage. Phoolwane ya hlaga ya go tshosa ya gore yi na le kašupa ya dihlogo gwa fela ka yona; sethombhe se segolo se pshyayiwa mawotong ya sona ya tshipi ya gore ma na le letsopa. Fote sepotofeto sone se šupetsa gore: Seporofeto 1, phoolwane ya hlaga ya go tshosa ya gore yi na le kašupa ya dihlogo, yi ya mahlong go segela ka Aremaghedoni. Seporofeto 5, mawoto ya tshipi ya gore ma na le letsopa, se ya mahlong go segela ka Aremaghedoni. Seporofeto 6, lekgono batšhomayedi ba go teya ka ku ga 8 580 000. Dilo tso di makegiyeng tsa gore ke mo di hlupahlupana le batho ba Jehova: Ka 2017, mmušo wa ku Russia wo yye wa fošela Dihlatse tsa Jehova jele fote wa boya wa tseya le mo mokgahlo wo yagiyeng gona.
    Seporofeto 10 and 11.

    Mangwalo 1 Mathes. 5:3; Kut. 17:16

    Seporofeto Ditšhaba di tšibisa ka “go beba le go tšhireletsega,” ke mokane “lesome la manaka” le “phoolwane ya go tshosa ya hlaga” di hlasela “nghwahla” le go fetsa ka yona. Ka nthago ga mone, ditšhaba go nyoko fela ka tsona.

    Ka mokgo se makegang ka gona Ditšhaba di ka tipotsa gore di kgonne go maka gore go bebe fote go tšhireletsege. Ke mokane, ditšhaba tso di yemang le Ditšhaba tsa go Mamarelana di fetsa ka dikereke tsa matsaka. Sosone se ko ba se šupetsa gore motšhatšhamelo wo mogolo wo thomme. Motšhatšhamelo wone wo nyoko segela mafelelong mo go fela ka lefase lowa ka mokana ga lona ka nako ya Aremaghedoni.

  • Seporofeto 12.

    Mangwalo Hezek. 38:11, 14-17; Mat. 24:31

    Seporofeto Gogo o nyoko kena ga poleke ya batho ba Modimo. Ke mokane mangeloyi ma hlekeletsa “bo ba go hlawodiwa.”

    Ka mokgo se makegang ka gona Kgoši ya lebowa, yi berekisana le memmušo ya lefase gore yi hlasele batho ba Modimo. Ka nthago ga go hlasediwa mone, bo ba šeleng ba gore ba tlotsiwwe ba nyoko tseyiwa gore ba ye legedimong.

  • Seporofeto 13.

    Mangwalo Hezek. 38:18-23; Dan. 2:34, 35, 44, 45; Kut. 6:2; 16:14, 16; 17:14; 19:20

    Seporofeto “Ye a kalammeng” gedimo ga “pera ye tšhwewu” o feleletsa “go hlula gage” ka go fetsa ka Gogo le masole yage. “Phoolwane ya go tshosa ya hlaga” yi “bošediwa ka teng ga molete wa mollo,” ke mokane sethombhe sela se segolo gwa fela ka sona.

    Ka mokgo se makegang ka gona Jeso, yene Kgoši yo yi lawolang ga Mmušo wa Modimo, wa kenelela gore a gelepe. O fetsa ka ditšhaba tsa go timaka ngata ka yyoši le memmušo ka mokana ga yona ya dipolotiki ya Sathane, a na le 144 000 ya bo ba lawolang ba le naye le masole yage ya gore ke mangeloyi.

    Dipuku tsa Mehlobo ka Moka (2008-2025)
    Tšwang
    Kena
    • Sepulana
    • Share
    • Tso o di Nyakang
    • Copyright © 2025 Watch Tower Bible and Tract Society of Pennsylvania
    • Melawo ya Perekiso
    • Molawo wa Sephiri
    • Privacy Settings
    • JW.ORG
    • Kena
    Share