Tšhuta ga Mantsu ya Mafelelo Yaa Banna ba go Tshepega ba ma Hlayyeng mo ba Soko Bane ba Timela

1. Ke ntaba re ka tšhuta ga bo ba gore ba šele ba gudiye?

KA MOKANA ga rune re ya di nyaka gore ba re yeletse gore re thogo segelela dipheto tsa gabutši. Re ka kraya mayele yane ga bagolo le Makreste ya mangwana ya gore ma butšwiye. Mo nkare ke ba bagolo ga rune, di nyaka re sa tseye gore tso ba re yeletsang ka tsona di tšwile moya. Jehova o nyaka gore re tšhute se sengwana ga bo ba gore ba šele ba gudiye. Phela ke botala ba ja bušwa, byalo tsa lephelo ba di bonne fote di makiye gore ba thogo kwisisa dilo le gore ba hlalefe.—Jobo 12:12.

2. Re nyoko bolabola ka ying ga hlogotaba yowa?

² Ka dinako tsa Bhayibele, Jehova o berekisiye bo ba gore ba šele ba gudiye ba gore baa tshepega gore ba tiyise le go yetetsa batho bage. Tseya ka mošupetso wa Moše, Dafita le Johane wa lepostola. A ba phela ka dinako tsa go tshwana fote ba makegele ke dilo tsa go sa tshwane. Mo ba šele ba nkgela ke likgu, ba yye ba yeletsa bo ba gore ke ba banyana ga bona. Ye mongwana le ye mongwana wa banna bowa ba gore ba šele ba gudiye ba gore fote baa tshepega, o šihlele ka mokgo taba ya go theetsela Modimo go leng ye kgolo ka gona. Jehova o makiye gore mantsu ya bona ba ma ngwale ka ho Bhayibeleng gore re thogo kota se sengwana ga wona. Di sa yi ka gore re sa le ba banyana kela re šele re gudiye, di ka re berekela mo re ka sikela mayele ya bona. (Marom. 15:4; 2 Thim. 3:16) Ga hlogotaba yowa, re nyoko lebelela mantsu ya mafelelo yaa ma hlayyeng ke kararo ya banna bo ba gore ba šele ba gudiye le gore re ka tšhuta ying ga tso ba di hlayyeng.

“O NYOKO TIYISELA NAKO YA GO LEFA”

3. Moše ne a berekela Jehova le batho bage ka mekgwa yifeng?

³ Moše ke mo a tineyele ga Jehova ka boyene byage ka moka. Ke mo go le moporofeta, a bereka go le wa go yahlula, wa go yeta mahlong fote go le wa go ngwala. Ye naa, phela Moše o di bonne tsa lephelo! O yetetsiye setšhaba sa Israyele gore se tšwe bobhantiting ku Egepita fote a bona mehlolo ya go tlala ya gore yi makiye ke Jehova. Jehova o mmerekisiye gore a ngwale kapheta ya dipuku tsa mathomo tsa Bhayibele, Pisalema 90 fote di ka fo makega gore o ngwadiye le Pisalema 91. Fote di ka makega gore o ngwadiye le puku ya Jobo.

4. Moše o yye a tiyisa bomang, fote ke ntaba?

⁴ Mo Moše a šele a le thina le go hlokofala, a na le 120 ya mengwaga, o yye a bitsa Maisrayele ka mokana ga wona gore a ma gopotse ka dilo tso ma di bonneng tso Jehova a yyeng a ma makela tsona. Mo Maisrayele ya mangwana ma sa gola, ma yye ma di bona ka maahlo dilo tso Jehova a di makiyeng le mehlolo yo a yyeng a yi maka go tokegela le mo A yahlula Maegepita. (Ek. 7:3, 4) Ma di bonne mo Jehova a yahluganya meetši ya Lewatle le Lekhubedu ke mokane ma feta gare ga lona. Fote ma bona mo Jehova a fetsa ka masole ka mokana ga wona ya Faro. (Ek. 14:29-31) Ku mašahleng, ma bonne ka mokgo Jehova a ma pasopiyeng ka gona. (Dot. 8:3, 4) Byalo, mo Maisrayele ma yemele gore ma kene ga Naga yo ba ma Tshepisiyeng, Moše o yye a berekisa lešuba lone gore a thogo ma tiyisa.a

5. Mantsu ya mafelelo ya ma hlayyeng ke Moše ga Dotoronoma 30:19, 20 ma makiye gore Maisrayele ma tshepe taba yifeng?

⁵ Moše o yitseri king? (Bala Dotoronoma 30:19, 20.) O gopotsiye setšhaba sa Israyele gore tso di ba yemeleng ku mahlong, di bafele stereka. Mo Jehova a ma rufa, Maisrayele ne ma nyoko phela nako ya go lefa ga naga ya gore o ma tshepisiye yona. Ye lune, phela naga yone ke mo yi nonne! Mo Moše a bolabola ka yona, o yitseri: “Mitši ye megolo le ya gabutši ya gore a le ya yi yaga, dintlo tsa gore di tlele ka dilo tsa gabutši tsa mehlobohlobo tsa gore a le ya di berekela, didiba tsa gore di makiwwe gabutši tsa gore a le ya di yepa, le mehlare ya didhriva le ya diolivi ya gore a le ya yi gaša.”—Dot. 6:10, 11.

6. Ke ntaba Modimo a yye a lisetsa ditšhaba tse dingwana di hlula Maisrayele?

⁶ Moše o yye a pasopisa Maisrayele. Gore ma ye mahlong ma phela ga naga ya gore yi bafele, ke mo di nyaka ma theetsele melawo ya Modimo. Moše o ma kgopele gore ma “kgete go phela” ka go theetsela Jehova le ka go “mo mamarela.” Mara Maisrayele a sanka ma theetsela Jehova. Byalo, mo nako yi kene yi ya, Modimo o yye a lisetsa Maasiriya ke mokane ka nthago le Mabhabhilona gore ma ba hlule fote ma ba yise bobhantiting.—2 Mag. 17:6-8, 13, 14; 2 Dikor. 36:15-17, 20.

7. King so re ka se tšhutang ga mantsu ya Moše? (Lebelela le sethombhe.)

⁷ Re tšhuta ying? Go theetsela go maka gore re kraye lephelo. Go fo tshwana le Maisrayele yaa ne ma le thina le go kena ga Naga yo ba ma Tshepisiyeng, le rune re šele re le gheyiting ya lefase la nyuwane lo Modimo a re tshepisiyeng lona, ga gore re nyoko bona lefase le tšhentšha gore go be pharadeyisi. (Jes. 35:1; Luk. 23:43) Diyabolo le madimona yage ba ko ba ba se šiyo. (Kut. 20:2, 3) Go ka sa sa ba le dikereke tsa gore di tšhutisa matsaka ka Jehova. (Kut. 17:16) Memmušo ya batho ya gore yi kgahleletsa batho ba yona yi ko ba yi sa sa le šiyo. (Kut. 19:19, 20) Jehova a ka sa yikele batho ba go woma dihlogo gore ba make tsa go tšiba ke bona hala pharadeyising. (Pis. 37:10, 11) Batho ka mokana ga bona pharadeyising, ba nyoko theetsela melawo ya Jehova ya go loka fote go nyoko beba. Batho ka mokana ga bona ba nyoko nyakanana fote ba nyoko tshepana. (Jes. 11:9) Tsone re di yemele ka maahlo ya makhubedu! Go tokegela gana hone, mo re ka fo theetsela Jehova, re ka ya mahlong re phela ga lefase la gore ke pharadeyisi fote re ka sa fo phela makgolokgolo ya mengwaga fela, mara re nyoko phela go ya go yye.—Pis. 37:29; Joh. 3:16.

8. Tshepo ya lephelo la go ya go yye yi gelepiye morumiwa ye mongwana ka mokgo mang? (Juda 20, 21)

⁸ Mo re ka fo dula re ghayela ka lephelo la go ya go yye lo Modimo a re tshepisiyeng lona, tsotsone di ka re gelepa gore re mo theetsele le mo go ka teya leduma la mošaga mang. (Bala Juda 20, 21.) Tso a re tshepisiyeng di ka re gelepa gore re kikirisane le dilo tsa go ka maka gore re sa tshepege ga Modimo. Mogageru ye mongwana wa gore ke botala go le morumiwa ku Afrikha wa gore fote ne a dula nabela go maka dilo tsa gore a di jabodisi Jehova, o yitseri: “Mo ke šele ke di bona tsa gore tshepo yaka ya go phela go ya go yye ke nyoko yi šupa ka monwana, tsotsone di n’gelepiye gore ke tikemisele go lwa le bothatha byone le gore ke dule ke rapela Jehova ka byona. Ke yye mahlong ke hlula bothatha byone ka taba la gore ne a n’gelepa.”

“O NYOKO PHOMELELA”

9. Dafita o yye a ghulana le dintshitshire tsa mošaga mang?

⁹ Dafita ke mo go le kgoši ya gabutši. Ke mo go le motho wa go kgana dikoša, a reta, go le lesole fote go le wa go porofeta. O yye a ghulana le dintshitshire tsa go tlala. O fetsiye mengwaga ya go tlala a wutamme ka taba la gore Kgoši Sawulo ne a liketsa go mmolaya. Ka nthago ga gore ba mmeye gore go be kgoši, di yye dya nyaka gore Dafita a tšhabe fote, nakwela morwayi wage ye ba reng ke Abhsalomo a nyaka go mo tseyela setulo. Le mo nkare Dafita ne a na le mathatha fote a kekemisiye go gongwana, o yye mahlong a tshepega ga Modimo go segela a hlokofala. Jehova o mo hlatolliye go le ‘monna wa gore [O] kwana naye.’ Di nyaka re theetsele mayele ya Dafita!—Meber. 13:22; 1 Mag. 15:5.

10. Ke ntaba Dafita a yye a yeletsa morwayi wage Solomoni mo a soko bane a ba kgoši?

¹⁰ Mo re beyisa, lebelela tso Dafita a di butsiyeng morwayi wage, Solomoni, wa gore ne go nyoko ba kgoši ya Israyele ka nthago gage. Jehova o hlawodiye Solomoni gore a yage tempele ga gore batho ne ba nyoko rapela Jehova gona. (1 Dikor. 22:5) Ke mo go na le mmereko wa go tlala fote ne a nyaka gore Jehova a mo gelepe gore a thogo yetetsa setšhaba sone. Mara Dafita ne a nyoko mmotsa gore king? Tla re boneneng.

11. Go ya ka 1 Magoši 2:2, 3, Dafita o yeletsiye Solomoni ka mokgo mang, fote go makegiye ying mo Solomoni a mo theetsela? (Lebelela le sethombhe.)

¹¹ Dafita o yitseri king? (Bala 1 Magoši 2:2, 3.) Dafita o butsiye morwayi wage gore mo a ka fo theetsela Jehova, dilo ne di nyoko mo sepelela gabutši. Fote go fediye mengwaga ya go tlala Jehova a neya Solomoni dilo tsa gabutši a boya a mo gelepa ka dilo tsa go tlala. (1 Dikor. 29:23-25) O yagiye tempele ya go bafala ka matla, a ngwala dipuku tse dingwana tsa Bhayibele fote mantsu ya mangwana yage ba bolabola ka wona go gongwana ka ho Bhayibeleng. Ke mo a tšibega ka taba la gore ne a hlalefiye ka matla fote a ghannye ka matla. (1 Mag. 4:34) Mara go fo ya ka mokgo Dafita a hlayyeng, Solomoni ne a nyoko phomelela solanka a theetsela Jehova Modimo. Sa go kwisa go baba ke gore mo nako yi kene yi ya, Solomoni o yye a thomisa go rapela medimo ye mengwana. Jehova a sanka a di jabolela tsotsone fote o yye a lisetsa go neya Solomoni mahlalefelo ya gore a thogo lawola batho ka mokgwa wa gabutši.—1 Mag. 11:9, 10; 12:4.

12. King so re ka se tšhutang ga mantsu ya Dafita?

¹² Re tšhuta ying? Re nyoko phomelela mo re theetsela. (Pis. 1:1-3) Re ya di tšiba gore Jehova aa tshepisa go maka gore re ghanye kela gore re tšibege go tshwana le Solomoni. Mara mo re ka theetsela Modimo wa rune, o nyoko maka gore re hlalefe gore re thogo segelela dipheto tsa gabutši. (Diy. 2:6, 7; Jak. 1:5) Tso Jehova a re yeletsang ka tsona di ka re gelepa mo re segelela dipheto mo di tla ga mmereko, sekolo, tšheleta le mo re tijabodisa. Mo re ka latelela mayele yage, re ko ba re pasopa senghana sa rune naye fote re nyoko kraya lephelo la go ya go yye. (Diy. 2:10, 11) Re nyoko ba le banghana ba gabutši. Fote mitši ya rune yi nyoko jabola stereka.

13. Carmen o makiye byang gore a phomelele lephelong?

¹³ Carmen, wa gore o dula Mozambique, ke mo a tseya gore go tšhutega ka matla ne go nyoko maka gore a phomelele. O yye yunivesithi ke mokane a tšhutela tsa go thalathala. O ngwadiye gore: “Ne ke kwana ka matla le tso ne ke di tšhuta. Mara ke mo di njela nako fote di ntapa matšhika. Ne ke le sekolong go tlugisela ka 7:30 ka bošego go segela ka 6:00 ka malobana. Ne di se lula go ya megahlanong, fote senghana sa ka le Jehova ne se šele se šehla. Ke yye ka di bona gore ne ke sa latelele tso Jehova ne a n’yeletsa tsona.” (Mat. 6:24) O yye a rapela ka bothatha byowa ke mokane a nyakolla ga dikgatiso tsa rune. O tokegele ka gore: “Ka nthago ga gore bagolo le mmane waka ba n’yeletse gabutši, ke yye ka segelela sepheto sa gore ke lisetse hala yunivesithi gore ke thogo berekela Jehova nako ka moka. Sosone se n’gelepiye gore ke segelele sepheto sa gabutši ka lephelo laka fote a ke tisole le ka gonyana.”

14. Molayetsa wo mogolo wa Moše le Dafita ne go le wofeng?

¹⁴ Moše le Dafita ke mo ba nyaka Jehova ka matla fote ne ba yi tseyela gedimo taba ya go mo theetsela. Ga mantsu ya bona ya mafelelo, ba hlohletsele bo ne ba ba theetsele gore ba tseyele ga bona ka go dula ba mamarele Jehova Modimo wa bona. Ba le ka babedi ba pasopisiye ba bangwana gore mo ba ka lahla Jehova, a ka sa sa ba yamogela fote a ka sa sa ba rufa go ya ka mokgo a ba tshepisiyeng. Mayele ya bona maa re berekela le lekgono. Ka nthago ga mengwagangwaga, lelata le lengwana la Jehova le hlatolliye ka mokgo go leng taba ye kgolo gore re dule re tshepega ga Modimo.

“KE JABOLA LA GO SA HLAYISEGE”

15. Johane wa lepostola o yye a gahlana le tsa mošaga mang mo a kene a phela?

¹⁵ Johane ke mo go le lepostola la gore Jeso Kreste ne a kwana nalo ka matla. (Mat. 10:2; Joh. 19:26) Johane ke mo a sepela le Jeso mo a kene a tšhomayela, a bona mehlolo yo a yi makiyeng fote a sanka a mo jikela mo go thathafa. Ke mo a kene a libelele mo Jeso ba mmolaya fote o mmonne ka nthago ga gore ba mo tsose. O bonne le mo phutego ya Sekreste yi gola. Johane o phidiye go segela a bona ditaba tsa go bafala di “tšhomayediwa lefaseng ka mokana ga lona.”—Makol. 1:23.

16. Marifi ya Johane ma berekele bomang?

¹⁶ Mo a šele a le thina le go hlokofala, Johane o kgonne go tšhela letsogo mo go ngwadiwa Lentsu la Modimo. O ngwadiye ka dilo tsa go makatsa tsa gore “di wunyulliye ke Jeso Kreste.” (Kut. 1:1) Johane o ngwadiye Ebangedi ya gore ba yi reyye ka lebitso lage. A boya a ngwala le kararo ya marifi ya gore ba ma hlohletsele. O ngwadiye borifi byage bya kararo a ngwalela Mokreste wa gore wa tshepega ye ba reng ke Ghayiyosi, wa gore Johane ne a mo nyaka ka matla tsa nkare ke ngwanage. (3 Joh. 1) Ka nako yonone, ne go ka fo ba go šele go na le ba go tlala ba gore Johane ne a ba nyaka ka matla tsa nkare ke bana bage. Tso di ngwadiyeng ke monna yewa wa gore ne a šele a gudiye wa gore fote ne a tshepega, di tiyisiye bo ba gore ba latelela Jeso go segela le lekgono lowa.

17. Go ya ka 3 Johane 4, king so se makang gore re jabole ka matla?

¹⁷ King so Johane a se ngwadiyeng? (Bala 3 Johane 4.) Johane o ngwadiye ka go jabola ga gore go leya ke go theetsela Modimo. Ka nako ya mo Johane a ngwala borifi byage bya kararo, ba bangwana ne ba tšhutisa dilo tsa matsaka fote ba maka gore phutego go sa sa ba ngata ka yyoši. Le mo go le ka mokgonone, ba bangwana ba yye mahlong ba “sepela ka tsela ya nnete.” Ke mo ba theetsela Jehova fote ba ‘maka tso molawo wo di hlayang.’ (2 Joh. 4, 6) Makreste yawa ya go tshepega ma makiye gore Johane le Jehova ba jabole.—Diy. 27:11.

18. King tso re ka di tšhutang ga mantsu ya Johane?

¹⁸ Re tšhuta ying? Mo re tshepega, re nyoko jabola. (1 Joh. 5:3) Mo re beyisa, dipelo tsowa tsa rune di fo tlulatlula go fo tšiba gore re jabodisa Jehova. Jehova o ro hlakela mo re kganela kgole le go maka tsa go befa fote re theetsela melawo yage. (Diy. 23:15) Mangeloyi ku legedimong le wona maa jabola. (Luk. 15:10) Le rune di ya re jabodisa mo re bona ye mongwana a dula a tshepega, ka matlamatla mo go na le tsa go mo phika le tsa go mo woka. (2 Mathes. 1:4) Fote mo go fela ka lefase lowa la Sathane, taba ya gore re yye mahlong re tshepega ga Jehova yi nyoko maka gore re jabole stereka.

19. Mogageru wa mosadi ye ba reng ke Rachel o yitseri king ka taba ya go tšhutisa ba bangwana nnete? (Lebelela le sethombhe.)

¹⁹ Re jabola ka matla mo re tšhutisa ba bangwana ka Jehova. Rachel, wa gore o dula hala Dominican Republic, o re ke selo se segolo ka matla go tšhutisa ba bangwana ka Jehova Modimo wa rune. O gelepiye batho ba go tlalanyana gore ba thomise go rapela Jehova. O re: “Ke šitega le go hlaya ka mokgo ke jabodiyeng ka gona mo ke bona bo ba gore ke ya ba tšhutisa ba ya mahlong ba mo nyaka ka matla ga Jehova, ba tšhuta go napa ba ro tisamela ka yene fote ba tšhentšha hala le hala gore ba mo jabodise. Go jabola hone go di phala kgole dilo tso ke di makiyeng kela ke tikonneng tsona gore ke thogo ba tšhutisa.”

BEREKELA KE MANTSU YA MAFELELO YA BANNA BA GO TSHEPEGA

20. King so re tshwanang ka sona le Moše, Dafita le Johane?

²⁰ Moše, Dafita, le Johane ba phidiye ku botala, fote ka mokgo ne ba phela ka gona go fapanne kgole le ka mokgo re phelang ka gona lekgono. Mara re tshwana nabo ka dilo tsa go tlala. Ke mo ba berekela Modimo wa mannete fote le rune go fo ba ka mokgonone. Go fo tshwana nabo, le rune re rapela Jehova, re tisamela ka yene fote re ya gage gore a re yeletse. Go fo tshwana le banna bone ba ku botala, a re kamake gore Jehova o rufa bo ba gore baa mo theetsela.

21. Re nyoko rufega ka ying mo re latelela mayele ya Moše, Dafita le Johane re boya re theetsela Jehova?

²¹ Byalo, tla re theetseleneng mantsu ya mafelelo yaa banna bowa ba re yeletsang ka wona fote re theetsele melawo ya Jehova. Ke mokane re nyoko phomelela tsa mannete ga dilo ka mokana ga tsona tso re di makang. Re nyoko phela fote re nyoko “ba gona nako ya go lefa.” Eya, re nyoko phela go ya go yye! (Dot. 30:20) Fote re nyoko jabola ka taba la gore re jabodisa Papa wa rune wa ku legedimong, wa gore o nyoko re rufa go phala ka mokgo ne re naganne ka gona.—Maef. 3:20.