O sa sa Sinya Nako—Napa o Kolobetsiwa

1. Ke dilo difeng tsa gabutši tso di ka go tšhofang gore o kolobetsiwe?

AYITSANO o mo nyaka ka matla ga Jehova Modimo, yene ye a go neyyeng selo se sengwana le se sengwana sa gabutši, re ra le mong lona lephelo? Ayitsano wa di nyaka go mo šupetsa gore o mo nyaka la go sa hlayisege? Mokgwa wa gabutši ka matla wa go mo šupetsa gore wa mo nyaka ke mo o tineyela gage o boya o šupetsa gore o tineyele ka go kolobetsiwa meetšing. Mo o maka dilo tsowa, o napa o ba ye mongwana wa ba mutši wa Jehova. Tsotsone di nyoko maka gore Papago wa gore fote ke Monghanago a go yetetse a boye a go pasope ka taba la gore ke wene wage. (Pis. 73:24; Jes. 43:1, 2) Mo o tineyela o boya o kolobetsiwa, tsotsone di go thulela lešuba la gore o thogo tikwisa ka lephelo la go ya go yye.​—1 Pet. 3:21.

2. Re nyoko petapeta ka ying ga hlogotaba yowa?

² Ayitsano go na le so se go tshwarelelang gore o kolobetsiwe? Mo nkare se gona, barena, di tšibe tsa gore a o ntoši. Wa tšiba, dimiliyoni tsa bo ba yyeng ba kolobetsiwa ne di nyaka gore di tšhentšhe maphelelo ya tsona le ka mokgo di naganang gore di thogo tshwanelega gore di kolobetsiwe. Gana byalo, ba berekela Jehova ba kene ba jabodiye fote ba na le matšato. O ka tšhuta ying mara ga bo ba yyeng ba kolobetsiwa ka dinako tsela tsa ku botala? Tla re petapeteneng ka dintshitshire tso ba yyeng ba ghulana natso ke mokane re bone gore rune re ka kota ying ga mešupetso ya bona.

MASAMARIYA MA YYE MA KOLOBETSIWA

3. Ke dilo difeng tse dingwana tso Masamariya ne di nyaka ma di tšhentšha mo ma soko bane ma kolobetsiwa?

³ Masamariya ke mo go le mogoba wo mongwana wa sedumedi ka dinako tsa Jeso. Masamariya ya go tlala ne ma dula ga mutši wa Šikeme le wa Samariya tsa gore di ka lebowa la Judiya. Mo Masamariya ma soko bane ma kolobetsiwa, ne ma tshwanele ma yamogele Lentsu la Modimo ka mokana ga lona ma boye ma tšhute tsa go tlala ga lona. Phela Masamariya ne ma dumela gore kapheta ya dipuku tsa go thomisa ga Genesi go segela ga Dotoronoma, nakwenngwana le puku ya Jošuwa, ke tsona fela tso di tšwang ga Modimo. Le mo go le ka mokgonone, Masamariya ke mo ma yemele Mesiya gore a segele go fo ya ka mokgo ba ngwadiyeng ga Dotoronoma 18:18, 19. (Joh. 4:25) Gore ma thogo kolobetsiwa, ne ma tshwanele ma yamogele Jeso go le Mesiya ye ba ma tshepisiyeng. “Masamariya ya go tlala” ma yye ma fo maka ka mokgonone. (Joh. 4:39) Ba bangwana ne di nyaka ba tomole taba ya go hlawolana ya gore ne yi le gona segareng ga Masamariya le Majuda.​—Luk. 9:52-54.

4. Mebereko 8:5, 6, 14 yi re Masamariya ma f’lo re king ka tso Filipi ne a di tšhomayela?

⁴ Masamariya ma gelepiye king gore ma thogo kolobetsiwa? Mo Filipi wa go tšhomayela a tšhomayelela “batho ba gana hone ka Kreste,” Masamariya ya mangwana ma “yamogele lentsu la Modimo.” (Bala Mebereko 8:5, 6, 14.) A sanka ma gana go theetsela Filipi le mo yi le gore ne yi le Lejuda. Di ka makega gore ma yye ma gopola ditemanyana tsa go hlaya gore Modimo aa hlawolane. (Dot. 10:17-19) Ga dinako ka moka, ke mo ma “theetsele tso Filipi a di hlayang” ka Kreste, fote ma napiye ma di bona gabutši gore Filipi o romme ke Modimo. Filipi le yene o yye a maka mehlolo ya go tlala ya go tshwana le go fodisa ba go lwala le go raka madimona.​—Meber. 8:7.

5. King so o se tšhutang ga Masamariya?

⁵ Phela Masamariya yane nke ma f’lo gana go tšhuta ga Filipi ka taba la gore ke Lejuda kela ka taba la gore ne go sa le la mathomo ma kwa tso ne a di tšhutisa. Mara a sanka ma yikela tsotsone di makega. Masamariya a sanka ma sinya nako, ma yye ma kolobetsiwa ka nthago ga go tshepa ma tiyisiye gore Filipi o ma tšhutisiye nnete. Bhayibele mo yi hlatolla taba yowa yi re: “Mo ba thomisa go dumela ga Filipi, yela wa gore ke mo a sabalatsa ditaba tsa go bafala ka Mmušo wa Modimo le ka lebitso la Jeso Kreste, banna le basadi ke mo ba kolobetsiwa.” (Meber. 8:12) Ayitsano a o kamake le ka gonyana gore Lentsu la Modimo ke nnete le gore Dihlatse tsa Jehova di hludiye taba ya go hlawolana fote di šupetsana gore mo di re di ya nyakanana, di ya resa—go leng mong sona setwaba sa Makreste ya mannete? (Joh. 13:35) Gona gee, o sa tšhabe go kolobetsiwa. Le wene o ka tshepa o tiyisiye gore Jehova o nyoko go rufa.

6. Mošupetso wa Ruben wo ka go gelepa ka mokgo mang?

⁶ Ruben, wa go tšwa hala Germany, o gulele ga mutši wa gore ke Dihlatse. Mara, mo a sa gola, ke mo a kamaka gore Modimo o gona. O yye a yi hlula byang taba yage ya go kamaka? O di bonne gore aa tšibi tsa go tlala ka taba yowa, byalo o yye a fetsa ka gore a tšhute tsa go tlala ka yona. O yitseri: “Mo ke titšhutisa ke le ntoši, ne di nyaka gore ke ro napa ke kenelela gore ke thogo kraya gore ke sefeng sa gore ke nnete le sa gore ke matsaka. Ke yye ka tšhuta ga tlelenyana ka hlogotaba ya go bolabola ka gore dilo di f’lo timakegela.” O yye a bala puku ya gore, Is There a Creator Who Cares About You? Kgatiso yone yi gelepiye Ruben gore a tiyise tumelo yage ga Modimo. O yye a šala a yahlamme a re: ‘Ye lune! Jehova wa phela.’ Fote mo Ruben a vakašela ntlokgolo ya lefase ka moka, o napiye a kwana ka matla le mokgahlo wa rune wa lefaseng ka mokana ga lona wa gore fote wo mamarelanne. Mo Ruben a boyela Germany, o yye a kolobetsiwa a na le 17 ya mengwaga. Mo nkare go na le sa gore wa se kamaka ga tso o di tšhutiyeng, nyakolla ka ho dikgatisong tsa rune. Taba ya go kamaka re ka yi hlula ka go tšiba mong yona nnete. (Maef. 4:13, 14) Fote mo o kene o kwa dipego tsa go bolabola ka mokgo batho ba Jehova ba nyakananang ka gona le gore ke ngata ka yyoši ga dipoleke tse dingwana tsa mo lefaseng wa boya o di bona gore tsotsone ke nnete ka ho phutegong ya genu, taba ya gore o kwana le mokgahlo wa rune wa lefaseng ka moka yi nyoko napa yi hluhlutela.

SAWULO WA GO TŠWA TARASUSE O YYE A KOLOBETSIWA

7. Sawulo ne di nyaka a tšhentšhe ka mokgo a tseyang dilo ka mokgo mang?

⁷ Lebelela mošupetso wa Sawulo wa go tšwa Tarasuse. Ke mo a tšhutegiye ka matla mo di tla ga tsa Molawo wa Sejuda fote ke mo a thomisa go tšibega gare ga Majuda. (Magal. 1:13, 14; Mafil. 3:5) Ka dinako tsone, Majuda ne ma tseya Makreste go le ba go kgeloga. Byalo, Sawulo o yye a kwata a ma hlorisa. Ke mo a titshokanya, a tseya gore ne a maka tso di nyakang ke Modimo. (Meber. 8:3; 9:1, 2; 26:9-11) Phela gore Sawulo a thogo yamogela Jeso a boye a kolobetsiwe go le Mokreste, ke mo di nyaka gore yene a tikemisele gore a hlupegisiwe.

8. (a) Sawulo o gelepiye king gore a thogo kolobetsiwa? (b) Mebereko 22:12-16 yi re Ananiyase o yye a mo gelepa ka mokgo mang ga Sawulo? (Lebelela le sethombhe.)

⁸ Sawulo o gelepiye king gore a thogo kolobetsiwa? Mo Morena Jeso wa gore ba mo gadimisiye a nyarela gage, Sawulo o yye a popela maahlo. (Meber. 9:3-9) O fetsiye kararo ya matšatši a sa ji fote a re kamake gore o yye a ghayela ka tso ne di sa tšwa go mo makegela. Eya, Sawulo o yye a sa kamake le ka gonyana gore Jeso ke Mesiya le gore bo ba mo latelelang ke mo ba tshwere yona ba le ga sedumedi sa mannete. Di ka makega gore Sawulo o yye a tisola ka matla ka taba la gore o yye a tšhela letsogo ga taba ya gore ba bolaye Stefano! (Meber. 22:20) Mo go fela kararo ya matšatši, lelata le lengwana lo ba reng ke Ananiyase le yye ga Sawulo, la mo yalafa gore a thogo bona ke mokane la mo hlohletsela gore a sa diyege, a nape a kolobetsiwa. (Bala Mebereko 22:12-16.) Sawulo o yye a tinyanafatsa, a theetsela Ananiyase ke mokane a kolobetsiwa.​—Meber. 9:17, 18.

9. O tšhuta ying ga Sawulo?

⁹ Go na le tso re ka di tšhutang ga Sawulo. Phela nke a yikele taba ya go ba le magetla kela go tšhaba batho yi mo šitisiye gore a kolobetsiwe. Mara a sanka a lisetsa tsone gore di makege. Sawulo ke mo a tinyanafatsiye fote a tikemisele go tšhentšha maphelelo yage gore a thogo latelela Kreste. (Meber. 26:14, 19) Sawulo ke mo a tikemisele go ba Mokreste le mo a kene a di tšiba gore tsotsone di nyoko maka gore a hlupegisiwe. (Meber. 9:15, 16; 20:22, 23) Ka nthago ga mo a kolobetsiwwe, o yye mahlong a tikokotlela ka Jehova gore a mo gelepe a thogo tiyisela dintshitshire tsa go sa tshwane. (2 Makor. 4:7-10) Mo o kolobetsiwa gore o be ye mongwana wa Dihlatse Tsa Jehova, o ka gahlana le tse dingwana tsa gore di liketsa tumelo yago kela wa phigisiwa. Le mo go le ka mokgonone, o ka tshepa o tiyisiye gore Modimo le Kreste ba nyoko dula ba go gelepa gore o thogo tiyisela le gore o dule o tshepega.​—Mafil. 4:13.

10. Mošupetso wa Anna wo ka go berekela ka byang?

¹⁰ Anna o gulele Bohlabela bya Yuropo. Ka nthago ga mo mmane wage a kolobetsiwwe, Anna o yye a thomisa go tšhuta Bhayibele a dumelele ke papage, ka nako yonone ke mo a na le 9 ya mengwaga. Mara, tsotsone di yye dya tsosa mathatha ga mašaga yage ya gore ne ma dula ggoši le ba ga bo Anna. Mašaga yage ke mo ma tseya gore taba yowa yi nyoko tšebisa mutši wone mo ye mongwana wa bona a lisetsa sedumedi sa bokokwane ba bona. Mo Anna a na le 12 ya mengwaga, o yye a kgopela papage gore a mo dumelele gore a kolobetsiwe. Papage ne a nyaka go tšiba gore ayitsano sepheto sowa o ro tisegelela sona kela go na le motho ye a mo gapeletsang. O yye a fetola ka gore, “Ke mo nyaka ka matla ga Jehova.” Papage o yye a mo dumelela gore a kolobetsiwe. Ka nthago ga mo a kolobetsiwwe, mašaga yage ma yye mahlong ma sa mo tshware tsona. Lešaga lage le lengwana le mmutsiye gore, “Wa tšiba ne go ko ba go le kawone hala o fo tiphelela lephelo la go sa hlamatsega kela o kgokge, go phala go fo ba Hlatse ya Jehova.” Anna o di kgonne byang go tiyisela? O yitseri, “Jehova o n’gelepiye gore ke tiyelele fote mmane le papa ke mo ba dula ba nthega.” Anna o na le mo a ngwadiyeng gona dinako tso Jehova a mo gelepiyeng mo a kene a phela. O fela a sikela gona gore a sa lebale ka mokgo Jehova a yyeng a mo gelepa ka gona. Mo nkare o tšhaba gore ba nyoko go hlupegisa, o sa lebale gore Jehova o nyoko go gelepa le wene.​—Maheb. 13:6.

KHONELIYASE O YYE A KOLOBETSIWA

11. King so se ka fo bang se yye sa tshwarelela Khoneyilase gore a kolobetsiwe?

¹¹ Re ka boya re tšhuta taba ye nngwana ye kgolo ga mošupetso wa Khoneliyase. Ke mo a “lawola mogoba wa masole,” gabutšibutši, ke mo go le ndhuna ya masole ya Roma ya go teya gana hala ga 100. (Meber. 10:1, setw.) Ka taba la tsotsone, ne a ka fo ba a tšibega setšhabeng le bosoleng. Ke mo a “makela batho dilo tsa gabutši.” (Meber. 10:2) Jehova o yye a roma Petro gore a ye a mmotse ditaba tsa go bafala. Ayitsano setulo so Khoneliyase ne a le ga sona se yye sa mo tshwarelela gore a kolobetsiwe?

12. Khoneliyase o gelepiye king gore a thogo kolobetsiwa?

¹² Khoneliyase o gelepiye king gore a thogo kolobetsiwa? Re bala gore “yene le ba mutši wage ke mo ba … tšhaba Modimo.” Fote Khoneliyase a sanka a lisetsa go rapela Modimo di mmaba. (Meber. 10:2) Mo Petro a tšhomayelela Khoneliyase ditaba tsa go bafala, yene le ba mutši wage ba yye ba ba le tumelo ga Kreste fote a baa sinya nako, ba yye napa ba kolobetsiwa. (Meber. 10:47, 48) A re kamake gore Khoneliyase ke mo a tikemisele go tšhentšha mo go nyakegang gore a thogo berekela Jehova a na le ba mutši wage.​—Još. 24:15; Meber. 10:24, 33.

13. King tso o ka di tšhutang ga Khoneliyase?

¹³ Go fo tshwana le Sawulo, Khoneliyase nke a f’lo lisetsa setulo so ne a le ga sona se mo šitisa gore a be Mokreste. Mara aa di yikela tsotsone gore di makege. Ayitsano di nyaka o tšhentšhe dilo tse dingwana tse dikgolo ga lephelo lago gore o thogo kolobetsiwa? Mo nkare go ka mokgonone, Jehova o nyoko ba wa go go Gelepa. O nyoko go rufa mo nkare o tikemisele go berekisa ditšhiko tsa Bhayibele mo o kene o phela gore o thogo mmerekela.

14. Mošupetso wa Tsuyoshi wo ka go berekela ka mokgo mang?

¹⁴ Tsuyoshi wa go tšwa hala Japan, ne di nyaka a tšhentšhe tse dingwana ga mmereko wage gore a thogo tshwanelega gore a kolobetsiwe. Ke mo a tshwarisana le phrinsipale ya sekolo sa mayemo ya gedimo sa gore se tšhutisa batho go kgabisa ka mabhlomu. Phrinsipale yone ke mo yi fela yi kgabisa ka mabhlomu malikgung ke mokane yi tšhela le letsogo ga dilo tso di makang ke batho ba sedumedi sa Sebhuda gana hone malikgung. Mara, mo phrinsipale yone yi šitega go ya, Tsuyoshi ke mo a mo yela sekala ke mokane le yene a tšhela letsogo ga tso ba di makang gana hone. Byalo, mo Tsuyoshi a tšhuta nnete ka taba ya likgu, o yye a di bona gore a ka sa kolobetsiwi mo a ka fo ya mahlong a tšhela letsogo ga dilo tso ne ba di maka. O yye a segelela sepheto sa gore a sa sa tšhela letsogo ga dilo tso ne di maka ke batho ba sedumedi sa Sebhuda. (2 Makor. 6:15, 16) Tsuyoshi o yye a bolabola le phrinsipale ka taba yowa. Go yye gwa ba le maphomela mafeng? Tsuyoshi o yye a kgona go ya mahlong a bereka gana hone a kene a sa sa tšhela letsogo ga dilo tso ne ba di maka. O yye a kolobetsiwa ka nthago ga mongwaga wa mo a thomisiye go tšhuta Bhayibele.a Mo nkare di nyaka o tšhentšhe se sengwana ga mmereko wago gore o thogo jabodisa Modimo, o sa kamake le ka gonyana gore yene o nyoko neya wene le ba mutši wago tso le di gayelang.​—Pis. 127:2; Mat. 6:33.

MAKORENTE MA YYE MA KOLOBETSIWA

15. Makorente ma ka fo ba ma yye ma šitisa king gore ma kolobetsiwe?

¹⁵ Batho bo ne ba dula ga mutši wa Korente ya ku botala ke mo ba kwana le dilo tsa majabajaba fote ba phela lephelo la go sa hlamatsega. Batho ba go tlala ba gana hone ne ba maka dilo tsa gore Modimo aa di yamogele. Byalo, ke mo di nyoko thathafela batho bo ne ba dula ga mutši wone gore ba thomise go berekela Jehova. Le mo go le ka mokgonone, mo Pawulo a segela ga mutši wone ke mokane a tšhomayela ditaba tsa go bafala ka Kreste, “batho ba go tlala ba ku Korente ba gore ba yye ba di kwelela, ba thomisa go dumela fote ba kolobetsiwa.” (Meber. 18:7-11) Ke mokane Morena Jeso Kreste a nyarela ga Pawulo a berekisa mmono ke mokane a re: “Ke na le batho ba go tlala ho polekeng yowa.” Byalo, Pawulo o yye mahlong a tšhomayela gana hone mongwaga ka wwoši le sekopa.

16. King so se gelepiyeng Makorente ya mangwana gore ma hlule dilo tsa go ma phiriketsa gore ma thogo kolobetsiwa? (2 Makorente 10:4, 5)

¹⁶ Makorente ma gelepiye king gore ma thogo kolobetsiwa? (Bala 2 Makorente 10:4, 5.) Ma gelepiye ke Lentsu la Modimo le moya wage wa go hlawolega wa gore fote wo na le matšhika gore ma thogo tšhentšha dilo tse dikgolo ga maphelo ya wona. (Maheb. 4:12) Bo ba gore ne ba le Korente ba gore ba yamogele ditaba tsa go bafala ka Kreste ba yye ba kgona go tomola mekgwa ya go tshwana le go tlayila, go yetswa le taba ya mo banna ba go yetsela le banna ba bangwana.​—1 Makor. 6:9-11.b

17. O ka tšhuta ying ga Makorente?

¹⁷ Lebelela gore le mo Makorente ne ma tshwanele ma hlule mekgwa yo ne ma topele ga yona, a sanka ma fetsa ka gore di nyoko ma thathafela gore go be Makreste. Ma yye ma karakara gore ma tshware pata ye sesane ya gore yi bakiye lephelong la go ya go yye. (Mat. 7:13, 14) Ayitsano go na le mokgwa wa go befa wa gore wa go phukulusanya wo di nyakang gore o wo hlule gore o thogo kolobetsiwa? O sa lisetsi go lwa nawo! Kgopela Jehova gore a go neye moya wage wa go hlawolega gore wo go gelepe o thogo tšhinghela taba ya go nabela go maka tsa go befa.

18. Mošupetso wa Monika wo ka go berekela ka mokgo mang?

¹⁸ Monika wa go tšwa ga naga ya Georgia, o yye a karakara ka matla gore a lisetse go bolabola dilo tsa go sa yela le go tijabodisa ka dilo tsa go sa hlamatsega gore a thogo kolobetsiwa. O yitseri: “Mo ke soko bane ke kolobetsiwa, ne ke rapela Jehova gore ke thogo kraya matšhika yaa ne ke ma hloka gore ke thogo tšhentšha. Fote Jehova ke mo a di tšiba tsa gore ne ke nyaka go maka tsa gabutši, fote ne a dula a n’gelepa le go n’yetetsa.” Monika o yye a kolobetsiwa a na le 16 ya mengwaga. Ayitsano go na le dilo tso o di makang tsa gore di nyaka o di lisetse gore o thogo berekela Jehova? Ariye mahlong o mo kgopela gore a go neye matšhika ya gore o thogo tšhentšha. Jehova o neyana moya wage wa go hlawolega ka pelo ye tšhwewu.​—Joh. 3:34.

TUMELO YAGO YI KA ŠIGINYA DITHABA

19. O ka gelepa king gore o thogo hlula dintshitshire tse dikgolo tsa nkare ke thaba? (Lebelela le sethombhe.)

¹⁹ Barena, o sa yi kamake taba ya gore Jehova o go nyaka la go sa hlayisege fote o di nyaka ka matla gore o be ka mutšing wage. Taba yone go fo ba nnete wa tšiba, le mo go ka fo ba go na le tsa go go haka di go šitisa gore o thogo kolobetsiwa. Jeso o yye a botsa mogoba wa malata yage ya ku botala gore: “Ho le ka ba le tumelo ye nyananyana ya go lekana le pewu ya mmasetete le nyoko re ga thaba yowa, ‘Tloga howa o ye hala,’ ke mokane yi nyoko tloga fote le ka sa šiti ke selo.” (Mat. 17:20) Bo ne ba theetsele taba yowa ke mo ba šele ba na le mengwaganyana ba na le Jeso, byalo tumelo ya bona ke mo yi sa gola. Mara Jeso o yye a ba tshepisa gore mo ba ka ba le tumelo ya go tshwarega, Jehova o nyoko ba gelepa gore ba thogo hlula dintshitshire tse dikgolo tsa nkare ke thaba. Fote le wene, Jehova o nyoko go gelepa gore o thogo maka ka mokgonone!

20. Mešupetso ya Makreste ya ku botala le ya dinako tsa rune yo re bolabodiyeng ka yona ga hlogotaba yowa yi go hlohletsele ka mokgo mang?

²⁰ Mo nkare go na le se sengwana ho lephelong lago sa gore se ka go šitisa gore o kolobetsiwe, o sa sa sinya nako, yakgoswa o se tlose. O ka kgomoletsa le go tiyisa ke mešupetso ya Makreste ya ku botala le ya dinako tsowa tsa rune. Nkare mešupetso ya bona yi ka go tiyisa le go go hlohletsela gore o tineyele ga Jehova o boye o kolobetsiwe. Phela sepheto sowa, go ko go le mong sepheto sa go di phala ka moka!