Ariye Mahlong o Yetetsa ke Tumelo

1. Ke ntaba Pawulo wa lepostola a yye a tikwa a kgotsofele mo a nagana ka lephelo lage?

GO YYE gwa ba le nako ye nngwana ya gore Pawulo wa lepostola o yye a di bona tsa gore go se botalanyana ba nyoko mmolaya, mara mo a nagana ka lephelo lage, o f’lo tikwa a yitseri tswee. O yitseri: “Ke tabogiye go segela mafelelong fote ke ngangarele tumelo.” (2 Thim. 4:6-8) Pawulo o yye a segelela dipheto tsa gabutši ka matla ga mmereko wage wa go tšhomayela wa Sekreste fote ke mo a sa kamake le ka gonyana gore Jehova o titeya sekguba ka yene. Phela le rune re ka segelela dipheto tsa gabutši ke mokane Modimo a re yamogela. Tsotsone re ka di maka byang mara?

2. Anthe ba ra gore king mo ba re motho o yetetsa ke tumelo?

² Mo Pawulo a bolabola ka yene mong le Makreste ya mangwana ya gore maa tshepega, o yitseri: “Re yetetsa ke tumelo, a re yetetse ke dilo tso re di bonang ka maahlo.” (2 Makor. 5:7) Anthe Pawulo ne a ra go king? Mo motho a yetetsa ke tso a di bonang ka maahlo, o segelela dipheto a lebelele fela tso a kgonang go di bona, go di kwa le go di tshwara. Ka nthoko ye nngwana, mo motho a yetetsa ke tumelo, o segelela dipheto a kene a tshepele ga Jehova Modimo. O kgona go bona ka dilo tso a di makang gore motho yewa aa kamake le ka gonyana gore Modimo o nyoko mo rufa le gore taba ya gore o latelela mayele ya Jehova ya re ma krayang ka Lentsung Lage yi nyoko mmerekela.​—Pis. 119:66; Maheb. 11:6.

3. Mo re yetetsa ke tumelo, tsotsone di nyoko re berekela ka mokgo mang? (2 Makorente 4:18)

³ Ke nnete gore ka mokana ga rune dipheto tse dingwana tso re di segelelang, re di segelela re lebelele dilo tso re di bonang ka maahlo, tso re di kwang le tso re tshwarang. Mara mo re ka fo lebelela fela tso re kgonang go di bona ka maahlo kela go di kwa mo re segelela dipheto tse dikgolo, di ka makega gore re be le mathatha. Ke ntaba? Ka taba la gore tso re di bonang ka maahlo kela tso re di kwang di ka re tshokanya ka dinako tse dingwana. Le mo di ka sa re tshokanye, mara mo re ka fo yetetsa ke tso re di bonang ka maahlo, re ka feleletsa re takisa maahlo dilo tso Modimo a di nyakang kela mayele yage. (Mmo. 11:9; Mat. 24:37-39) Mara mo re yetetsa ke tumelo, re nyoko segelela dipheto tso “Morena a [di] yamogelang.” (Maef. 5:10) Mo re latelela mayele ya Modimo, tsotsone di nyoko maka gore re dule re bebiye fote dya maka gore re jabole tsa mannete. (Pis. 16:8, 9; Jes. 48:17, 18) Fote mo re ka fo ya mahlong re yetetsa ke tumelo, re nyoko phela go ya go yye.​—Bala 2 Makorente 4:18.

4. Motho a ka bona ka ying mara gore o yetetsa ke tumelo kela o yetetsa ke tso a di bonang ka maahlo?

⁴ Re ka bona ka ying gore re yetetsa ke tumelo kela re yetetsa ke tso re di bonang ka maahlo? Ka mokana ga rune di nyaka re tiputsise gore: Ke dilo difeng tso ke di lebelelang mo ke segelela dipheto? Ayitsano ke tshepele fela ga tso ke kgonang go di bona? Kela ke yetetsa ke mayele ya go tšwa ga Jehova? Tla re lebeleleneng ka mokgo re ka yang mahlong re yetetsa ke tumelo ga kararo ya dilo tse dikgolo, ke tsowa: mo o kgeta mmereko, mo o kgeta motho ye o nyakang go šadha naye le mo o yetetsa ke mokgahlo. Ga seyemo se sengwana le se sengwana, re nyoko petapeta ka dilo tso re tshwaneleng go nagana ka tsona gore re thogo segelela dipheto tsa gabutši.

MO O KGETA MMEREKO

5. King so re tshwaneleng go nagana ka sona mo re kgeta mmereko?

⁵ Wa tšiba, ka mokana ga rune re ya di nyaka go tipasopa ka sela le sela re boye re pasope le ba mitši ya rune ka tso ba di gayelang. (Mmo. 7:12; 1 Thim. 5:8) Phela mebereko ye mengwana ya golela ye naa. Ga mebereko ye mengwana, sebereki sa gona se ka gola tšheleta ya go bonala gore se thogo pasopa ba mutši wa sona se boye se beye tšheleta ye nngwana ka thoko gore se thogo yi berekisa ku mahlong. Hala mebereko ye mengwana yona, tšheleta yo ba yi golang go fo ya go lekanela gore sebereki sa gona se thogo pasopa ba mutši wa sona ka dilo tsa go tshwana le tsa go ja, ga go dula le dikobo. Byalo, mo re soko bane re tseya mmereko, di kwagala gabutši mo re thomisa re nagana gore re nyoko gola bokaye. Le mo go le ka mokgonone, mo nkare go fo ba sona fela selo so re se naganang ga taba yowa, awwi, re ko ba re yetetsa ke tso re di bonang ka maahlo.

6. Re ka šupetsa byang gore re yetetsa ke tumelo mo re kgeta mmereko? (Maheberu 13:5)

⁶ Mo re yetetsa ke tumelo, re nyoko boya re nagana le ka mokgo mmereko wone wo ka yamang senghana sa rune le Jehova. Re ka tiputsisa gore: ‘Ayitsano mmereko wowa wo ko nyaka gore ke make le dilo tsa gore Jehova o di hloyye?’ (Diy. 6:16-19) ‘Ayitsano wo nyoko nšitisa go ba gona megahlanong, wa maka gore ke sa be le nako ya go tlala tšhomong le go tšhuta Bhayibele fote ayitsano wo nyoko maka gore ke be kgole le ba mutši waka nako ya go lefa?’ (Mafil. 1:10) Mo nkare o fetodiye ka gore eya ga diputsiso tsowa, di ko ba gabutši ka matla gore o sa wo tseye mmereko wone, re ra le mo di se lula gore o kraye mmereko. Ka taba la gore re yetetsa ke tumelo, re segelela dipheto tsa go šupetsa gore ka nnete ga Jehova re ya mo tshepa gore o nyoko kraya tsela ya go re pasopa ka tso re di gayelang.​—Mat. 6:33; bala Maheberu 13:5.

7-8. Mogageru wa hala Borwa bya Amerikha o yye a yetetsa ke tumelo ka mokgo mang? (Lebelela le sethombhe.)

⁷ Mogageru wa hala Borwa bya Amerikha ye ba reng ke Javier,a ne a tšiba ka mokgo go leng taba ye kgolo go yetetsa ke tumelo. O re: “Ke yye ka tlatsa fomo ya go nyaka mmereko wo mongwana wa mayemo wa gore ne wo nyoko n’golela gabedi tšheleta yo ne ke yi gola ga mmereko waka wa go fela fote ne ke nyoko tikwisa.” Mara, so pelo ya Javier ne yi se nabela ka matla, ke go ba mošupatsela. O ya mahlong ka gore: “Ba yye ba mpitsa gore mininjere a mpombhole ka go mputsisa diputsiso tsa go yelana le mmereko wone. Mo re soko bane re thoma, ke yye ka rapela Jehova gore a n’gelepe ka taba la gore ne ke sa kamake gore Jehova ne a tšiba sa gabutši so se ntshwanelang. Tsona ne ke di nyaka gore ba n’yeketsele mmereko le gore ke yi tipe ka masaka, mara ne ke sa wo nyake mmereko wowa mo nkare wo ka sa n’gelepe gore ke segelele tso ke di nyakang ga tso tsa Modimo.”

⁸ Javier o re: “Mo ba kene ba sa mputsisa diputsiso, mininjere o yye a mpotsa gore di ko nyaka gore ke dule ke bereka diawara tsa lefa. Ke yye ka mo hlatollela nkene ke kgibiye gore nka sa kgone go di maka tsotsone ka taba la morapelo waka.” Byalo, Javier o yye a wo gana mmereko wone. Ka nthago ga mabeke ka mabedi, o yye a thomisa mmereko wa go ba mošupatsela. Fote ka nthago, ka wona mongwaga wonone, o yye a kraya letogo la gore a le nyake a bereka diawara tsa go tlala. O re: “Jehova o nkwile mo ke rapela fote o n’gelepiye gore ke kraye mmereko wa gore wo ka sa nšitisi go ba mošupatsela. Wa tšiba ke jabodiye la go sa hlayisege gore ke na le mmereko wa gore a wo mparake gore ke be le nako ya go tlala ya gore ke berekele Jehova le magageru.”

9. O tšhuta ying ga tso Trésor a gahlanneng natso?

⁹ Byalo, re re king mo re bona nkare mmereko wo re leng ga wona gana byalo a wo re dumelele gore re yetetse ke tumelo? Lebelela tso Trésor wa go tšwa hala Congo a yyeng a gahlana natso. O re: “Mmereko waka wa nyuwane, ne go le mmereko wo ne go le botala ke wo nyaka. Tšheleta yo ne ke yi gola, ne yi tlele la gore tšheleta yo ne ke yi kraya ga mmereko waka wa go fela, ne yi kena gararo fote batho ne ba ntseya ke le motho wa go hlompega.” Le mo go le ka mokgonone, Trésor ke mo a dula a sa be gona megahlanong ka taba la gore ne a tshwanele a šale a bereka diawara tsa go tlala. Fote ke mo ba mo gapeletsa gore a kwale-kwale dilo tsa bošakašakane tso ne di makega mmerekong. Trésor ne a nyaka go lisetsa mmereko wone, mara a hlupa ke taba ya gore o ko šala a se na mmereko. O gelepiye king? O re: “Habakuku 3:17-19 yi n’gelepiye gore ke thogo kwisisa gore le mo nka lisetsa mmereko waka ke mokane ka gola tšheleta ye nyana, Jehova o ko di boneng gore o mpasopa byang. Byalo, ke yye ka lisetsa mmereko wone.” O fetsa ka gore: “Ba go tlala bo ba hirang ba nagana gore motho a ka maka se sengwana le se sengwana mo a krayye mmereko wa go golela go tshwana le wowa, re ra le mong go berekisa nako yo ne a tshwanele a be le ba mutši wage le nako yo ne a tshwanele go maka tso tsa Modimo go fo re a make mmereko wone. Di njabodisa ka matla gore ke yye ka tšhireletsa senghana saka le Jehova le sa ba mutši waka. Ka nthago ga mongwaga, Jehova o yye a n’gelepa gore ke thogo kraya mmereko wa gore wo golela gabutši gore ke thogo kraya tso ke di hlokang le gore ke thogo ba le nako ya go tlala ya go berekela Jehova. Mo re yetisa Jehova mahlong, ka dinako tse dingwana re ka fo gayela sekwetše, mara Jehova o nyoko re pasopa.” Eya, mo re tshepa mayele ya Jehova le tso a re tshepisang, re nyoko ya mahlong re yetetsa ke tumelo fote o nyoko re rufa.

MO O KGETA MOTHO YE O NYAKANG GO ŠADHA NAYE

10. King so se ka makang gore re yetetse ke dilo tso di bonang ke maahlo mo re kgeta ye re nyakang go šadha naye?

¹⁰ Mošadho re ro wo neya ke Jehova fote ke ga hlago gore re fo tikwa re nyaka go šadha. Mo mogageru wa mosadi a nagana ka mogageru wa monna ye a nyakang go šadha naye, a ka fo nagana ka mokgo a lebelelegang ka gona kela ka mokgo a yemegiyeng, ka mokgo a makang dilo, ka mokgo ba bangwana ba mo tseyang ka gona, ka mokgo a tshwarang tšheleta, le gore ayitsano di nyaka a pasope ba gabo kela le ka mokgo a makang a tikwe ka gona.b Dilo tsowa ka mokana ga tsona di nyaka a di tseyele gedimo. Mara, mo nkare o nagana ka dilo tsowa fela, o ko ba a yetetsa ke dilo tso a di bonang ka maahlo.

11. Re ka yetetsa ke tumelo ka mokgo mang mo di tla ga taba ya go kgeta ye re nyakang go šadha naye? (1 Makorente 7:39)

¹¹ Ye lune, phela Jehova o ro titeya sekguba ka magageru ya rune ya banna le ya basadi ya gore ma latelela mayele yage mo di tla ga taba ya go kgeta ye ba nyakang go šadha naye! Mo re beyisa, ma berekisa mayele ya Bhayibele fote ma yema go segela ma “gudiye tsa gore [ma] ka šadha” mo ma soko bane ma kgetisana. (1 Makor. 7:36) Ba thomisa ba lebelela le go bona gore ayitsano motho ye ba nyakang go šadha naye o na le mekgwa ya gabutši yo Jehova a reng monna wa gabutši kela mosadi wa gabutši o tshwanele a be nayo. (Diy. 31:10-13, 26-28; Maef. 5:33; 1 Thim. 5:8) Mo motho wa gore a yi Hlatse a šupetsa nkare wa ba jabolela, a lahlela la bošuwana a nyaka go kgetisana nabo, ba tshepa mayele yawa ya gore ba tshwanele go šadha le motho “wa gore ke lelata la Morena,” ya gore re ma kraya ga 1 Makorente 7:39. (Bala.) Ba ya mahlong ba yetetsa ke tumelo, ba sa kamake gore Jehova o nyoko dula a ba thega mo di tla ga taba ya ka mokgo ba tikwang.​—Pis. 55:22.

12. O tšhuta ying ga mošupetso wa Rosa?

¹² Lebelela tso di yyeng dya makegela mošupatsela ye ba reng ke Rosa wa hala Colombia. Mmereko wage ne wo maka gore a dule a gahlane le morene mongwana wa gore a yi Hlatse wa gore o yye a thomisa go jabodisa ke Rosa. Rosa le yene o f’lo kwa a jabodisa ke morenela. O re: “Ne a šupetsa go le monna wa gabutši ka matla. Ke mo a gelepa batho ga poleke yo ne a dula ga yona fote a šupetsa go le motho-motho. Ne ke jabodisa nka mokgo ne a ntshwara gabutši ka gona. Phela ke mo a f’lo re di-ngoo tso ne ke di nyaka ga monna, mara ne go se Hlatse.” O ya mahlong ka gore: “Ke mo di thathafa gore ke mo gane ka taba la gore ke so pelo yaka ne yi se nyaka. Ka nako yonone, ne ke teya ke bodutu fote ke nyaka go šadha, mara ke mo ke soko bane ke kraya mogageru wa gore nka kgetisana naye.” Le mo go le ka mokgonone, Rosa a sanka a lebelela fela tso a kgonang go di bona ka maahlo. O yye a ghayela ka gore go nyoko makega ying mara ka senghana sage le Jehova mo a ka fo fetsa ka gore a kgetisane le morenela wa ku mmerekong. Byalo, o yye a napa a lisetsa go tigahlanisa naye ke mokane a tshwaragana ka mmereko wa Jehova. Di so yi kgole, ba yye ba mo mema gore a tle Sekolong sa Batšhomayedi ba Mmušo fote gana byalo o bereka go le mošupatsela wa go hlawolega. Rosa o re: “Jehova o nrufiye ka dilo tsa go tlala tsa gore di makiye gore ke jabole stereka.” Le mo di ka fo sa be lula gore re yetetse ke tumelo mo di tla ga ditaba tsa gore pelo yowa yi thina natso ka matla, mara tsotsone di nyoko berekela runebeng.

MO O YETETSA KE MOKGAHLO

13. King so se ka makang gore re yetetse ke dilo tso di bonang ke maahlo mo mokgahlo wo re yetetsa?

¹³ Bagolo, bapotulugi, ofisi ya lekala le Mogoba wa go Lawola ba dula ba re yetetsa ka dilo tso di ka re gelepang gore re thogo berekela Jehova. Mara ka dinako tse dingwana o kraya re sa di kwisisi gore ke ntaba magageru ma re yetetsa ka taba ye nngwana. O kraya re fo lebelela fela ka mokgo taba yo ba re yetetsang ka yona yi nyoko re thathafiselang dilo ka gona. Fote o kraya re šele re thomisa le go lebelela dilo tso mogageru ye a re butsiyeng taba yone a kekemisang ga tsona.

14. King so se nyoko re gelepang gore re yetetse ke tumelo mo mokgahlo wo re yetetsa? (Maheberu 13:17)

¹⁴ Mo re yetetsa ke tumelo, re tshepa gore Jehova ke yene a yetetsang mokgahlo wage fote o se tšiba gabutši seyemo sa rune. Ka taba la tsotsone, re yakgoswa re theetsela fote re maka ka mokgonone re sa kokole. (Bala Maheberu 13:17.) Re ya di tšiba tsa gore mo re latelela tso ba re yetetsang ka tsona, re gelepa gore phutego ya rune yi dule yi mamarelanne. (Maef. 4:2, 3) Fote re tshepa gore le mo nkare magageru ya ma yetang mahlong a maa yenela, Jehova o nyoko re rufa mo re ka fo ma theetsela. (1 Sam. 15:22) Yene o nyoko lukisa selo se sengwana le se sengwana sa gore di nyaka se lukisiwe ka nako ya gona.​—Mmik. 7:7.

15-16. King so se gelepiyeng mogageru ye mongwana gore a thogo yetetsa ke tumelo le mo yi le gore ne a kamaka tso ne ba mo yetetsa ka tsona? (Lebelela le sethombhe.)

¹⁵ Lebelela taba yo yi yyeng ya makega ya gore yi napa yi šihlela ka mokgo taba ya go yetetsa ke tumelo yi ka re berekelang ka gona. Hala Peru, mmolabolo wo ba wo bolabolang ke wa Spanish, mara batho ba go tlala ba bolabola mebolabolo ya mo ba dulang gona. Wo mongwana wa yona ke wo ba reng ke Sequechua. Go šele go fediye mengwaga ya go tlala magageru ya go bolabola Sequechua ma nyakana le batho bo ba bolabolang mmolabolo wa Sequechua tšhomong ya bona. Mara, gore ba thogo maka tso mmušo wo di nyakang, ne di nyaka ba tšhentšha tse dingwana mo di tla ga mokgwa wo ba wo berekisang gore ba segelele batho. (Marom. 13:1) Mafelelong, ba bangwana ke mo ba tiputsisa gore ayitsano di ka sa šitisi mmereko wa bona ga tšhomo yone. Ka taba la gore magageru ne ma theetsela tso ba ma yetetsiyeng ka tsona, Jehova o yye a ma rufa ga tso ma yyeng ma karakara go di maka gore ma thogo kraya batho ba go tlala ba gore ba bolabola Sequechua.

¹⁶ Mogolo ye mongwana ye ba reng ke Kevin, wa gore o ga phutego ya mmolabolo wa Sequechua, ke mo go le ye mongwana wa magageru yala ya gore ne ma kokona ke taba yowa. Mo a hlatolla o re: “Ke yye ka tiputsisa gore, ‘Re nyoko ba kraya byang byalo batho ba gore ba bolabola Sequechua?’” Kevin o yye a maka ying? O re: “Ke yye ka gopola Diyema 3:5. Ka boya ka nagana ka Moše. Jehova o yye a mo yetetsa ka dilo tsa gore ne di šupetsa nkare a di kwagale. O yye a botsa Moše gore a yete Maisrayele mahlong a ma ntshe Egepita, ba ye Lewatleng le Lekhubedu ga gore ne go bonala nkare ba ba patrekiye fote ne go se na mo ba ka tšhabelelang Maegepita ya gore ne ma ba lelekisa. Le mo go le ka mokgonone, Moše o yye a fo theetsela, fote Jehova o yye a mo rufa ka mokgwa wa go makatsa ka taba la go theetsela gage.” (Ek. 14:1, 2, 9-11, 21, 22) Kevin ke mo a tikemisele go tšhentšha ka mokgo ne a tšhomayela ka gona. Go yye gwa ba le maphomela mafeng? O re: “Ke yye ka šala ke yahlamme mo ke bona ka mokgo Jehova a re rufiyeng ka gona. Mathomisong, ne re sepela ka matla tšhomong fote ka dinako tse dingwana re fo kraya motho ka wwoši fela kela ka babedi ba gore ba bolabola Sequechua. Mara gana byalo re ya ga dipoleke tsa gore di na le batho ba go tlala ba gore ba bolabola Sequechua. Tsotsone di makiye gore re thogo ba le dipolabodisano tsa go tlala, re boyele ga batho bone le go tšhuta nabo Bhayibele. Fote batho ba go tlala ba tla megahlanong ya rune.” Eya, mo re yetetsa ke tumelo, Jehova o nyoko dula a re rufa.

17. O tšhutiye ying ga hlogotaba yowa?

¹⁷ Re bolabodiye ka kararo ya dilo tse dikgolo tso di nyakang re ya mahlong re yetetsa ke tumelo ga tsona. Mara di nyaka re ye mahlong re yetetsa ke tumelo ga dilo ka mokana ga tsona tsa go tshwana le mo re kgeta tsa go tijabodisa ka tsona, le mo re segelela dipheto mo di tla ga taba ya gore motho o nyoko kena sekolo go segela kaye kela go gudisa bana. Sepheto se sengwana le se sengwana so di nyakang re se segelela, di nyaka re sa yetetse fela ke dilo tso re kgonang go di bona mara di nyaka re yetetse le ke senghana sa rune le Jehova, mayele yage le taba yo a re tshepisiyeng yona ya gore o nyoko re pasopa. Mo re ka maka ka mokgonone, re ko thogo “theetsela Jehova Modimo wa rune go ya go yye.”​—Mmik. 4:5.