Ariye Mahlong o Tshepele ga Mutši wa Gore wo Nyoko Dula wo le Gona

1. Jeso o yitseri ne go nyoko makega ying ka Jerusalema?

MO A SOKO hlokofala, Jeso o butsiye malata yage ka seporofeto se sengwana. Seporofeto sone se makegiye nakwela go fela ka Jerusalema le tempele ya yona. O yye a ma pasopisa gore tšatšenngwana mutši wa Jerusalema wo nyoko ba wo “kgobakanele ke masole.” (Lluk. 21:20) Jeso o butsiye malata yage gore mo ma bona masole yane—ya gore ne go le masole ya Maroma—di nyaka ma nape ma tloga hone polekeng.—Lluk. 21:​21, 22.

2. Pawulo wa lepostola o gopotsiye Makreste ya Maheberu ya gore ne ma dula Judiya le Jerusalema gore di nyaka ma make ying?

² Mo go šele ka gonyana gore masole ya Maroma ma kgobakanele Jerusalema, Pawulo wa lepostola o ngwalele Makreste ya gore ne ma dula Judiya le Jerusalema lengwalo la gore ne le na le molayetsa wa gore ne di nyaka ma le tseyela hlogong. Gana byalo re le tšiba go le puku ya Maheberu. Ga lengwalo lone, Pawulo yeletsiye Makreste yane gore a thogo ma lukiselela dinako tsa go thathafa tsa gore ne di sa ga tla. Ne go nyoko makega ying mara? Ke mo go nyoko fela ka Jerusalema. Mo nkare Makreste yane ne ma nyoko phona, ne di nyaka ma tilukiselele gore ma kgone lisetsa mitši le dibhizinisi tsa wona. Mo a bolabola ka mutši wa Jerusalema, Pawulo o ngwadiye gore: “A re na mutši wa gore wo nyoko fo dula wo le gona.” O tokegele ka gore: “Mara re nyakana le wo wo nyoko tlang.”—Maheb. 13:14.

3. King “poleke ya gore yi na le fandhiši ya mannete,” fote ke ntaba re yi yemele ka maahlo ya makhubedu?

³ Di ka fo makega gore nakwela Makreste ma segelela sepheto sa gore ma tloge Jerusalema le Judiya, batho ba tlala ba yye ba re ke diphokophoko fote ba ma tshega, mara sepheto sone se phonisiye maphelo ya wona. Batho ba go tlala lekgono ba hlaya gore ke rune diphokophoko ka taba la gore a re yetise tšheleta mahlong fote a re ya tshepela ga taba ya gore batho ba nyoko lukisa mathatha ya lefase lowa. Byalo ke ntaba re segelela sepheto sa mošaga wonone? Re ya di tšiba gore Mmušo wa Modimo wo nyoko fetsa ka lefase lowa la go bola. Re ya mahlong re yemele Mmušo wa Modimo ka taba la gore ke “poleke ya gore yi na le fandhiši ya mannete.”a (Maheb. 11:10; Mat. 6:33) Dihlogotaba tse dinyana ga hlogotaba yowa di nyoko bolabola ka: (1) gore tso Pawulo a di butsiyeng Makreste di ma gelepiye ka mokgo mang gore ma ye mahlong ma yemele Mmušo wa Modimo, (2) ka mokgo Pawulo a ba gelepiyeng gore ba tšhabe mo go fela ka Jerusalema, le (3) ka mokgo tso a di hlayyeng di re berekelang ka gona lekgono.

TSHEPELA GA JEHOVA KA TABA LA GORE A KA SA TSOGE A GO LAHLIYE

4. King so ne se maka gore Makreste ma tseyele Jerusalema gedimo?

⁴ Makreste ke mo ma tseyela Jerusalema gedimo. Phutego ya mathomo ya ku botala yi thomisiye ga mutši wone ka 33 C.E., fote magageru ya mogoba wa go lawola ne ma dula gana hone. Go tokegela gana hone, Makreste ya go tlala ne ma na le dintlo fote ma na le dilo tsa go tlala gana hone ga mutši wone. Le mo go le sone, Jeso o pasopisiye malata yage gore ne di nyaka ma tloge Jerusalema le Judiya.—Mat. 24:16.

5. Pawulo o lukiselele Makreste ka mokgo mang ga tso ne di nyoko makega ku Jerusalema?

⁵ Ka taba la gore Pawulo ne a nyaka gore Makreste ma tilukiselele go tloga Jerusalema, o ma gelepiye gore ma thogo di kwisisa gore Jehova ne a tikwa byang ka mutši wone. Pawulo o ma gopotsiye gore Jehova ke mo a sa sa yamogela maprista hala tempeleng kela go yamogela dihlabelo tsa gore ne di makiwa gana hone. (Maheb. 8:13) Batho ba go tlala gana hone mutšing ne ba ganne Mesiya. Batho ne ba sa sa ya Jerusalema gore ba thogo rapela Jehova. Mara Jerusalema le tempele ya yona ne go nyoko fela ka tsona.—Lluk. 13:​34, 35.

6. Ke ntaba tso Pawulo a di hlayyeng ga Maheberu 13:​5, 6 ne di nyoko berekela Makreste?

⁶ Nakwela Pawulo a ngwalela Maheberu, dilo ne di le mothebenene ku Jerusalema. Ye mongwana wa go ngwala dipuku wa Leroma o hlayye gore Jerusalema ne go le mutši wa go tuma ka matla mo ne yi le gona. Majuda ya go tšwa ga dipoleke tsa go tlala ne ma ya menyanyeng ya gana hone mongwaga wo mongwana le wo mongwana. Ke mo ba berekisa tšheleta ya go tlala mo ba le hone mutšing. A re kamake gore Makreste ya mangwana le wona ma makiye lebotha gana hone. Di ka fo makega gore ke tso di makiyeng gore Pawulo a ma botse gore: “Le sa kwane le tšheleta ka matla, mara le kgotsofale ka tso le nang natso.” Ke mokane o yye a bolabola ka lengwalo la gore ga lona Jehova o tshepisa malata yage gore: “Nka sa tsoge ke go šiyye fote nka sa tsoge ke go lahliye.” (Bala Maheberu 13:​5, 6; Dot. 31:6; Pis. 118:6) Ka nthago, ne di nyaka gore Makreste ma sa lebale taba ya gore Jehova a ka sa ma lahle. Ke ntaba mara? Ka gore mo go soko feta nako ya go lefa ba krayye lengwalo lowa, ne di nyaka ba šiye magaye ya bona, dibhizinisi tsa bona le dilo tso ne ba le natso. Ne di nyaka ba thomise lephelo la nyuwane go gongwana, tsotsone ne di se lula.

7. Ke ntaba di nyaka re swinelele ka mokgo re tshepang Jehova gana byalo?

⁷ So re se tšhutang: Go nyoko makega ying go se botala? Go nyoko thomisa “motšhatšhamelo wo mogolo” fote go nyoko fela ka lefase lowa la go bola. (Mat. 24:21) Go fo tshwana le Makreste ya ku Jerusalema, le rune di nyaka gore re tshepege gana byalo fote re tilukiselele nako yone ya gore yi sa ga tla. (Lluk. 21:​34-36) Mo go šele go thomisiye motšhatšhamelo wo mogolo, di ka fo nyaka gore re šiye tse dingwana tsa dilo tso re nang natso kela ka mokana ga tsona, re di tshepa gore Jehova a ka sa tsoge a šiyye batho bage. Le gana byalo mo go soko thomisa motšhatšhamelo wo mogolo, re ka šupetsa gore ga Jehova re mo tshepa go segela kaye. Tiputsise gore, ‘Nje dipheto tso ke di segelelang le dipolane tso ke nang natso di šupetsa gore a ke ya tshepela ga tšheleta mara ke tshepele ga Jehova gore o nyoko mpasopa?’ (1 Thim. 6:17) Tso di makegeleng Makreste ya ku botala di ka re gelepa gore re dule re tshepega mo go šele go thomisiye “motšhatšhamelo wo mogolo.” Mara “motšhatšhamelo wo mogolo” wo nyoko thathafa ka matla go phala se sengwana le se sengwana sa gore se yye sa makegela Makreste. Byalo, re nyoko di tšiba byang gore di nyaka re make ying mo go thomisa motšhatšhamelo wo mogolo?

THEETSELA BO BA GO YETA MAHLONG

8. Jeso o yitseri di nyaka malata yage ma make ying?

⁸ Mengwaganyana ka nthago ga gore ma kraye lengwalo la gore Pawulo ne a le ngwalele Maheberu, Makreste ma yye ma bona masole ya Maroma ma dukulugiye mutši wa Jerusalema. Tsotsone ne di rela gore ma tšhabe; ne go šele go nyoko fela ka mutši wa Jerusalema. (Mat. 24:3; Lluk. 21:​20, 24) Mara ne ma nyoko tšhabela kaye? Jeso o f’lo yi beya lekgwaying hala a re: “Bo ba leng Judiya ba thomise go tšhabela dithabeng.” (Lluk. 21:21) Ke mo go na le dithaba tsa go tlala gana hone. Byalo ne ba nyoko di tšiba byang gore di nyaka ba tšhabele ga thaba yifeng?

9. Ke ntaba di ka fo ba di makegiye gore Makreste ma tiputsise gore ma tšhabele ga dithaba difeng? (Lebelela le mmepo.)

⁹ Dithaba tse dingwana tsa gore Makreste ne ma ka tšhabela ga tsona ke tsowa: dithaba tsa Samariya, dithaba tsa Galeliya, Thaba ya Heremoni le dithaba tsa Lebhanoni, le dithaba tsa gore di ka mosekola wa Nooka ya Jorodane. (Lebelela mmepo.) Gana hone ga dithaba tsone, ke mo go na le mitši ye mengwana ya gore batho ne ba nagana gore yi pasopegiye. Mo re beyisa, mutši wa Ghamla, ke mo wo le gedimo ga thaba ya go lefa fote ne di se lula go segela ga wona. Majuda ya mangwana ne ma tshepa gore mutši wone ne wo pasopegiye. Mara Maroma ma wo hlasele ma boya ma fetsa ka wona, fote batho ba go tlala ba gore ne ba dula gana hone ba yye ba kgwa.b

10-11. (a) Jehova a ka fo ba a yetetsiye Makreste byang? (Maheberu 13:​7, 17) (b) Taba ya go theetsela bo ba go yeta mahlong yi berekele Makreste ka mokgo mang? (Lebelela le sethombhe.)

¹⁰ Di šupetsa nkare Jehova ne a yetetsa Makreste a berekisa bo ba go yeta mahlong ka phutegong. Ye mongwana wa go ngwala tsa ku botala ye ba reng ke Eusebius, ka nthago o yye a ngwala ka tso ne di makega ka dinako tsone. O hlayye gore Modimo o wunyullele magageru ya mangwana gana hone Jerusalema gore di nyaka Makreste ma tloge Jerusalema ke mokane ma ye Pella ya gore ke mutši wa hala Pereya. Mutši wa Pella ne go le wa gabutši wa gore Makreste ne ma ka ya ga wona. Ke mo wo se kgole le Jerusalema, byalo ne di le lula go ya ga wona. Fote, batho ba go tlala ku Pella ne go se Majuda, byalo ke mo ba sa liketse go lwa le Maroma.—Lebelela mmepo.

¹¹ Makreste ya gore ma tšhabele dithabeng ma berekisiye tso Pawulo a di hlayyeng hala a re “theetselaneng bo ba gore ba le yeta mahlong” ka phutegong. (Bala Maheberu 13:​7, 17.) Ba yye ba theetsela ke mokane ba phona. Ka taba la gore ne ba yemele Mmušo wa Modimo, “poleke ya gore yi na le fandhiši ya mannete,” Jehova aa ba lahla.—Maheb. 11:10.

12-13. Jehova o yetetsiye batho bage ka mokgo mang ka dinako tsa go thathafa ka matla?

¹² So re se tšhutang: Jehova o berekisa bo ba go yeta mahlong gore a thogo yetetsa batho bage. Go na le mešupetso ya go tlala ka Bhayibeleng ya go šupetsa ka mokgo Jehova a berekisiyeng banna ba go tshepega gore a yetetse batho bage ka dinako tsa go thathafa. (Dot. 31:23; Pis. 77:20) Le rune lekgono re bonne dilo tsa go tlala tsa go šupetsa gore Jehova o ya mahlong a berekisa bo ba go yeta mahlong.

¹³ Mo re beyisa, nakwela go thomisa bolwele bya go sabalala bya COVID-19, “bo. . . ba go yeta mahlong” ba butsiye diphutego gore di make ying. Magageru yane ma butsiye bagolo gore magageru ka diphutegong di nyaka ma gahlane byang gore ma ye mahlong ma rapela Jehova. Mo go soko fela dikgwedi tsa go tlala bolwele byone bo thomisiye, ke mo re na le megahlano ye megolo ka 500 ya mebolabolo. Magageru ne ba kgona go bona letheto lone ka inthanete kela TV, kela ba le theetsela wayiliseng. Ke mo go le la mathomo go makega dilo tsa mošaga wonone. Le mo go kene go na le bolwele byone bya go sabalala, Jehova ke mo a ya mahlong a re yetetsa. Tsotsone di makiye gore re dule re le ngata ka yyoši. Re ka bolabola re sa kamake gore le mo go ka teya leduma la mošaga mang ku mahlong, Jehova o nyoko dula a gelepa bo ba go yeta mahlong gore ba segelele dipheto tsa gabutši. Gore re thogo tilukiselela motšhatšhamelo wo mogolo le gore re thogo segelela dipheto tsa gabutši ka nako yonone, ga Jehova di nyaka re mo tshepe fote di nyaka re theetsele bo ba gore ba yeta mahlong. King se sengwana so se nyakegang?

ŠUPETSA MAGAGERU GORE O MA NYAKA KA MATLA FOTE O YAMOGELE BA BANGWANA

14. Maheberu 13:​1-3 yi re king tso Makreste ne di nyaka ma di make mo go soko fela ka Jerusalema?

¹⁴ Mo go thomisa motšhatšhamelo wo mogolo, di nyoko nyaka gore re šupetsane gore re ya nyakanana go phala gana byalo. Ka nako yonone, di nyoko nyaka gore re make tso Makreste ya gore ne ma dula Jerusalema le Judiya ma re beyiseleng ka tsona. Ke mo ba dula ba šupetsana gore baa nyakanana. (Maheb. 10:​32-34) Mara mo go šele mengwaganyana gore go fele ka Jerusalema, ne di nyaka gore ba ro napa ba tiyisa taba ya go šupetsana gore ba “nyakanana go fo tshwana le bana ba motho” le gore fote baa “yamogelana.”c (Bala Maheberu 13:​1-3.) Le rune di nyoko nyaka gore re make ka mokgonone mo go fela ka lefase lowa.

15. Ke ntaba ne di nyaka gore Makreste ya Maheberu ma šupetsane gore maa nyakanana fote maa kwelana ka nthago ga gore ma tšhabe?

¹⁵ Nakwela masole ya Maroma ma dukuluga Jerusalema ke mokane ma sologa, Makreste ma yye ma kgona go tšhaba ma tshwere dijumbhana tse dinyana. (Mat. 24:​17, 18) Ke mo di nyaka ba gelepane mo ba kene ba bakiye dithabeng. Fote mo ba segela Pella, ne di nyaka ba gelepane gore ba kraye poleke ya go dula le mmereko. Magageru ya go tlala ne ma nyaka tsa go ja, dikobo, le ga go beya hlogo. Makreste ne ma kgona go šupetsana gore ma nyakanana ka matla mo ma pasopana.—Tito 3:14.

16. Magageru ya gore ma nyaka re ma gelepa re ka ma šupetsa ka mokgo mang gore re ma nyaka ka matla? (Lebelela le sethombhe.)

¹⁶ So re se tšhutang: Magageru ya rune re ma nyaka ka matla, byalo re ya ma gelepa mo ma nyaka go gelepiwa. Mo re beyisa, ba go tlala ba gelepiye magageru ya gore ma tšhabiye mo ne ma dula gona ka taba la ntwa le dikotsi tsa hlago. Ba neyye magageru yawa dilo tso ne ma di gayela ba boya ba ma gelepa le go ma hlohletsela gore ma ye mahlong ma berekela Jehova. Mogageru wa mosadi wa gore o tlugiye Ukraine ka taba la go tšhaba ntwa o yitseri: “Re bonne ka mokgo Jehova a berekisiyeng magageru gore a thogo re yetetsa le go re pasopa. Ke mo ma re kwela go baba fote ma re gelepiye ku Ukraine, Hungary, le howa Germany.” Re bereka ggoši le Jehova mo re gelepa magageru re boya re ma neya tso ma di gayelang.—Diy. 19:17; 2 Makor. 1:​3, 4.

17. Ke ntaba di le gabutši ka matla gore re šupetsane gore re ya nyakanana fote re karakara gore re thogo gelepana gana byalo?

¹⁷ Mo go šele go thomisiye motšhatšhamelo wo mogolo, di nyoko nyaka gore re gelepane go phala gana byalo. (Habak. 3:​16-18) Jehova wa re tšhutisa gana byalo gore re šupetse magageru ya mangwana gore re ma nyaka ka matla fote re nyaka go ma gelepa, tsowa di nyoko re berekela ka matla ka nako yonone.

GO NYOKO MAKEGA YING KU MAHLONG?

18. Re ka yekisela Makreste ya ku botala byang?

¹⁸ Makreste ya gore ma theetsele ke mokane ma tšhabela dithabeng ma phonne nakwela go fela ka Jerusalema. Ma lisetsiye mutši wone, mara Jehova aa ma lisetsa. Lekgono gee? A re nape re tšiba dilo ka moka tsa gore di nyoko makega ku mahlong. Mara Jeso o re butsiye gore re tikemisele gore re theetsele. (Lluk. 12:40) Re ka ghayela ka tso Pawulo a di ngwaleleng Maheberu ke mokane ra di berekisa. Fote Jehova o tshepisiye ye mongwana le ye mongwana wa rune gore a ka sa tsoge a mo šiyye fote a ka sa tsoge a go lahliye. (Maheb. 13:​5, 6) Koriyeneng mahlong re tshepele ga Mmušo wa Modimo, poleke ya gore yi nyoko ba gona go ya go yye ke mokane re nyoko rufega go ya go yye.—Mat. 25:34.