Ayitsano o ka Tšhuta se Sengwana ga Dilo Tsa Lula Tso Bhayibele yi di Tšhutisang?

1. Dilo tso Bhayibele yi di tšhutisang di go yamme ka mokgo mang mo o thomisa go tšhuta nnete?

DILO tso re di tšhutiyeng mo re sa thomisa go tšhuta Bhayibele, di tšhentšhiye lephelo la rune. Mo re beyisa, nakwela re tšhuta gore lebitso la Modimo ke Jehova, re napiye re thomisa go ba monghanage. (Jes. 42:8) Mo re fetsa go tšhuta gore go makega ying ka bo ba kgwileng, re lisetsiye go tiputsisa gore ayitsano mašaga ya rune ya gore ma hlokofele maa hlupegisiwa mo ma leng gona kela byang. (Mmo. 9:10) Fote re tšhuta ka Pharadeyisi yo Modimo a re tshepisang yona ho lefaseng, re lisetsiye go šekela ka tsa ku mahlong. Re napiye re di tshepa tsa gore re ka phela nako ya go lefa le gore re ka sa phele 70 kela 80 ya mengwaga—mara re nyoko phela go ya go yye.—Pis. 37:29; 90:10.

2. Lengwalo la 2 Petro 1:12, 13 le šupetsa byang gore le Makreste ya gore ma butšwiye, ma ka berekela ke dilo tsa gore ma šele ma di tšhutiye ka ho Bhayibeleng?

² Re sa tsoge re di tseyele fase dilo tso re di tšhutiyeng nakwela re sa thomisa go tšhuta Bhayibele. Mo Petro a ngwala borifi byage bya mabedi, ne a ngwalela Makreste ya gore ne ma ‘tšiba mong yona nnete.’ (Bala 2 Petro 1:12, 13.) Mara ka dinako tsone, ke mo go na le batho ba go sa loka ka phutegong ba gore ne ba nyaka go fokola magageru gore ma keketlele kgole le nnete. (2 Pet. 2:1-3) Petro ke mo a nyaka go tiyisa magagabo gore ma thogo titšhireletsa ga matsaka yaa batho bone ne ba ma tšhutisa. Byalo, o yye a ma gopotsa dilo tse dingwana tsa gore ma šele ma di tšhutiye. Dilo tsone ne di nyoko ma gelepa gore ma dule ma tshepega go segela mafelelong.

3. Ke ntaba di nyaka gore Makreste ka mokana ga wona ma ye mahlong ma ghayela ka dilo tso ma di tšhutiyeng nakwela ma sa thomisa go bala Bhayibele? Re beyisele.

³ Phela mo re kene re gola ga tso tsa Modimo, re ka kota se sengwana ga tso re di tšhutiyeng mo re sa thomisa go tšhuta Bhayibele. Mo re beyisa: Motho wa gore ke segele ga tso tsa go yapega le wa gore o sa tšhuta, ba ka berekisa dilo tsa go tshwana tso ba nyoko di tšhelang mo ba yapega tsa go ja. Mara mo nako yi kene yi ya, yela wa gore wa yi teya poto o šele a tšhutiye go berekisa dilo tsetsela a nyoko di tšhelang mo a yapega gore a yapege tsa go ja tsa mehlobohlobo tsa gore manatefelo ya gona o šala o tileka le manwana. Go fo ba ka mokgonone le ka malata ya Jehova ya gore ke botala ma yi tshwere le bo ba gore ba sa tšwa go tšhuta Bhayibele, ba ka lebelela nnete ya ka ho Bhayibeleng ya gore a yi nape yi hlupa ka mekgwa ya go sa tshwane. Seyemo sa rune kela mmereko wo re wo makelang Jehova wo ka fo ba wo tšhentšhiye go tlugisela re kolobetsiwa. Mo re nagana ka tso re di tšhutiyeng ka ho Bhayibeleng ku botala, re napa re bona ka mokgo re ka di berekisang ga seyemo so re leng ga sona gana byalo. Tla re lebeleleneng gore Makreste ya gore ma butšwiye ma ka tšhuta ying ga kararo ya dilo tso Bhayibele yi di tšhutisang tsa gore a di hlupi.

JEHOVA KE YENE A MAKIYENG DILO KA MOKA

4. Go tšiba gore Jehova ke yene a Makiyeng Dilo go re yamme ka mokgo mang?

⁴ “Ye a makiyeng dilo ka mokana ga tsona ke Modimo.” (Maheb. 3:4) Re ya di tšiba tsa gore polanete yo re leng ga yona le lephelo di makiye ke ye wa go hlalefa wa gore fote o na le matšhika, yene Ye a Makiyeng Dilo. Ke yene ye a re makiyeng, byalo o re tšiba mong gore tšiba. Go tokegela gana hone, o na le taba le rune. O re nyakela tsa gabutši. Go tšiba nnete yowa ya gore a yi hlupi ya gore Jehova ke yene a Makiyeng Dilo ka Moka, go re yamme ke mokgwa wa go makatsa fote go maka gore re tšibe gore re phelela ying.

5. Ke nnete yifeng ya gore yi ka re gelepa gore re tinyanafatse? (Jesaya 45:9-12)

⁵ Nnete yowa ya gore Jehova ke yene ye a Makiyeng Dilo, yi re tšhutisa gore re tinyanafatse. Ka nthago ga gore Jobo a nagane ka matla ka yene mong le ka batho ba bangwana, Jehova o yye a mo gopotsa gore Yene ke yene wa Matšhika ka moka wa gore o Makiye Dilo ka Moka. (Jobo 38:1-4) Tsotsone di gelepiye Jobo gore a thogo di bona gore mekgwa ya Modimo yi phala ya batho kgole. Fote se sengwana sa gore se yelana le sosone, ke so se ngwadiyeng ke moporofeta Jesaya sa gore: “Ayitsano selo so se makiwweng se ka butsisa mong wa sona sa re: ‘O maka ying?’”—Bala Jesaya 45:9-12.

6. Ke leng ka matlamatla mo di nyakang gore re nagane ka taba ya gore Modimo o na le matšhika fote o hlalefiye? (Lebelela le dithombhe.)

⁶ Mo Mokreste a šele a na le mengwaga ya go tlala a berekela Jehova, a ka thomisa go titshepa yenebeng, a sa tshepele ga Jehova le ga Lentsu Lage gore le mo yetetse. (Jobo 37:23, 24) Byalo, re re king mo motho a ghayela ka mahlalefelo ya gore re šitega le go ma kala le matšhika ya Ye a Makiyeng Dilo? (Jes. 40:22; 55:8, 9) Nnete yowa yi nyoko mo gelepa gore a dule a tinyanafatsiye fote o ko thogo di bona gore mokgwa wo Jehova a tseyang dilo wo phala wage kgole.

7. Rahela o yye a maka ying gore a thogo yamogela tso di tšhentšhiyeng?

⁷ Rahela wa gore o dula Slovenia, o bonne ka mokgo go nagana ka Ye a Makiyeng Dilo go mo gelepiyeng gore a thogo yamogela mo go tšhentšha se sengwana ka ho mokgahlong. O re: “Ka dinako tse dingwana ke mo di se lula gore ke yamogele dipheto tso di segeleleng ke bo ba re yetang mahlong. Mo re beyisa, le ka nthago ga mo ke lebelele vidiyo yela ya Tsa 2023 Tsa Nyuwane Tsa Mogoba wa go Lawola #8, ke tikrayye ke šele ke yahlamme mo ke bona mogageru ye mongwana a kgabašele ka makgakga a beya polabolo. Byalo, ke yye ka rapela Jehova gore a n’gelepe gore ke thogo yamogela taba yowa.” Rahela o di bonne tsa gore ka taba la gore Jehova, yene Ye a Makiyeng legedimo le lefase, ke yene ye a kgonang go yetetsa mokgahlo wage ka mokgwa wa gabutši. Mo nkare le wene di ya go thathafela go kwisisa kela go yamogela mo go tšhentšhiye se sengwana, ke ntaba o sa tinyanafatse ke mokane o ghayele ka mahlalefelo ya go sa hlayisege le matšhika ya Ye a Makiyeng Dilo?—Marom. 11:33-36.

SO SE MAKANG GORE MODIMO A LISETSE GORE GO BE LE MOHLUPEGO

8. Go tšhuta gore ke ntaba Modimo a sa make se sengwana a kene a bona re hlupega, go re berekele ka mokgo mang?

⁸ Ke ntaba mara Modimo a sa make se sengwana a kene a re bona re hlupega? Wa tšiba, ba bangwana ba gore ba šitegiye go fetola putsiso yowa, ba šinya ba kwatela Modimo kela ba fetsa ka gore ‘ayya, a go na Modimo!’ (Diy. 19:3) Mara wene o šele o tšhutiye gore re ya hlupega ka taba la gore re ro yangwa tso tsa go sinya le go sa yenela, a yi Modimo ye a makang gore re hlupege. O tšhutiye le gore taba ya gore Jehova o lefisele batho pelo, yi thulele dimiliyoni tsa batho gore di thogo mo tšiba le gore di bone ka botsona beng ka mokgo Jehova a nyoko napang a fetsa ka mohlupego. (2 Pet. 3:9, 15) Nnete yowa yi go kgomoletsiye ya boya yi go šutetsa thina naye.

9. Ke leng ka matlamatla mo di ka nyakang gore re ghayele ka gore ke ntaba Jehova a yikela gore go be le mohlupego?

⁹ Mo re kene re sa yemele Jehova gore a fetse ka mohlupego, di nyaka re lefise pelo. Mara, mo lešaga la rune le kgahleletsa ke tsa lephelo, ba sa le tshware gabutši kela le hlokofala, re ka thomisa go tiputsisa gore ke ntaba Jehova a tseya nako. (Habak. 1:2, 3) Mo re tikwa ka mokgonone, di ko ba gabutši gore re ghayele ka gore king so se makang gore Jehova a yikele mohlupego wo fo ya mahlong.a (Pis. 34:19) Re ka boya re ghayela ka tso a tikemiseleng go di maka gore a thogo fetsa ka mohlupego go ya go yye.

10. Anne o gelepiye king gore a kgomoletsege ka nthago ga mo mmane wage a hlokofele?

¹⁰ Phela go fo tšiba nnete ya gore ke ntaba re hlupega, tsotsone di ka re gelepa gore re tiyisele. Anne, wa gore o dula ga naga ya gore yi dukulugele ke meetši yo ba reng ke Mayotte ya gore yi ga Indian Ocean, o re: “Ke yye ka kgongwela ka matla mo mmane a hlokofala mengwaga nyana ya go feta. Mara, ke yye ka dula ke tigopotsa gore phela a yi Jehova ye a makang gore re hlupege ka mokgo. O fo kwa nkare nako ya gore a fetse ka mohlupego le go tsosa mašaga ya rune nke yi šele yi segele. Go ghayela ka nnete yone go makiye gore ke bebe tsa gore le nna mong di nšiya ke makele.”

11. Go tšiba gore ke ntaba Jehova a yikela mohlupego go re gelepa byang gore re ye mahlong re tšhomayela?

¹¹ Mo re tšiba nnete ya gore ke ntaba Modimo a fo yikela gore go be le mohlupego go ka re tšhofa gore re ye mahlong re tšhomayela. Ka nthago ga gore Petro a hlatolle gore Jehova o lefisiye pelo ka taba la gore o nyaka gore batho ba sokologe le gore ba phone, o ngwadiye gore: “Lune le tinyakolle gore le thogo bona gore le batho ba mošaga mang, le gore tso tsa go tlalela ga Modimo le tsa go maka tsa go hlawolega le di tseya byang.” (2 Pet. 3:11) Se sengwana sa dilo tsone tsa go šupetsa “go tlalela ga Modimo,” go kena le mmereko wa rune wa go tšhomayela. Le rune re nyaka batho go fo tshwana le Papa wa rune. Re nyaka gore ba phele lefaseng la nyuwane la Modimo la go loka. Jehova o ba lefisele pelo batho bo ba dulang ga poleke ya genu fote o ba thulele lešuba la gore ba mmerekele. Ye naa, phela o ro thulegela ke mong lešuba la gore o berekisane le Modimo le gore o gelepe batho ba go tlala gore ba tšhute ka yene yi soko tšhaya ka lefase lowa!—1 Makor. 3:9.

RE PHELA GA “DINAKO TSA MAFELELO”

12. Go tšiba gore re phela ga “dinako tsa mafelelo” go re berekele ka mokgo mang?

¹² Bhayibele yi napiye yi korola mo yi hlatolla ka mokgo batho ba ko bang ka gona ka “dinako tsa mafelelo.” (2 Thim. 3:1-5) Sa rune ke go fo lebelela tso di makegang gore re thogo bona gore seporofeto sowa se makega ka mokgo mang. Mo re kene re bona ka mokgo batho ba titshwarang ka gona go fo ya go befa, re napa re sa kamake le ka gonyana gore Lentsu la Modimo le ya tshepega.—2 Thim. 3:13-15.

13. Mo re lebelele mošupetso wo Jeso a wo hlayyeng ga Lluka 12:15-21, re ka tiputsisa diputsiso difeng?

¹³ Go tšiba gore re phela ga dinako tsa mafelelo go re gelepa gore re berekise nako ya rune gabutši. Lebelela gore re ka tšhuta ying ga mošupetso wa Jeso wa gore wo ga Lluka 12:15-21. (Bala.) Ke ntaba ba re monna yela wa go ghanya ke “sephokophoko”? Aa hlaya tsone ka taba la gore monna yela ne a ghannye, mara ka taba la gore tso ne a di yetisa mahlong ne go se tsona. Ke mo a hlekeletsa “dilo gore a thogo ghanya, mara ka ho ga tso tsa Modimo a sa ghanya.” Morenewa o yi lahliye ka go sa berekisi nako yage gabutši ka taba la gore ke mo a šalele ke nako ye nyana ya gore a phele. Modimo o butsiye morenela gore: “Ba nyoko go bolaya lekgono lowa.” Byalo, lekgono mo nako ya gore go fele ka lefase lowa yi kene yi šutela, di ka ba gabutši gore re tiputsise gore: ‘Ayitsano ke na le dilo tso ke nyakang go di segelela tsa go šupetsa gore ke berekisa nako yaka gabutši? Bana baka gee, ke ba gelepa gore ba segelele dilo tsa mošaga mang? Ayitsano ke berekisa matšhika yaka, nako yaka le sekwetše gore ke thogo ghanya kela ke di berekisa gore tikgobaketsele dilo tsa gabutši legedimong?’

14. Mošupetso wa Miki wo re gelepa ka mokgo mang gore re yi tseyele gedimo taba ya gore re phela ga dinako tsa mafelelo?

¹⁴ Wa tšiba, re ka tšhentšha ka mokgo re tseyang lephelo mo re nagana ka dilo tso di šupetsang gore re phela ga dinako tsa mafelelo. Ke so se makegeleng mogageru wa mosadi ye ba reng Miki. O re: “Mo ke fetsa ghreyiti 12, ne ke di nyaka ka pelo yaka ka moka gore ke ye tšhuta ka diphoolwane. Ka nthoko ye nngwana ne ke nyaka go ba mošupatsela wa nako ka moka ke boye ke ye gelepa mo go gayelang batšhomayedi. Banghana baka ba gore ba butšwiye ba yye ba n’yeletsa gore ke nagane gabutši ka taba ya gore ayitsano di ko makeng tsa gore ke ye sekolong gore nko thogo kraya mmereko wo ke wo jabolelang ka nthoko ye nngwana ke segelele tso ke tiyepeyeleng tsona ga tso tsa Modimo. Ba yye ba n’gopotsa gore lefase lowa le ya fela go se botala. Fote ba n’gopotsa le gore, lefaseng la nyuwane nko kgona go tšhuta ka diphoolwane tsa go tlala ka mokgo nka nyakang. Byalo, ke kgetiye go tšhuta tsa gore a di tseye nako ya go lefa tsa gore fote ne di ko mperekela. Tsowa di n’gelepiye gore ke thogo kraya mmereko wa go tipasopa mo nkene ke le mošupatsela wa nako ka moka le gore ka nthago ke thogo ya Ecuador, mo go gayelang batšhomayedi.” Gana byalo Miki le monnage ba maka mmereko wa go potuluga ga naga yone.

15. Batho ba ka fetola byang mo re ba botsa ditaba tsa go bafala? Beyisa. (Lebelela le dithombhe.)

¹⁵ A di nyake re tapega matšhika mo mathomisong batho ba sa nyake go theetsela ditaba tsa go bafala. Phela batho ba ka tšhentšha. Tseya ka mošupetso wa bhuti wa Jeso ye ba reng ke Jakobo. O bonne Jeso a kene a gola, a ba Mesiya, a boya a tšhutisa ka mokgwa wa gore a go na le motho ka wwoši ye a yyeng a tšhutisa ka wona. Mara go fediye mengwaga ya go tlala Jakobo a sa latelele Jeso. Phela o yye a ba lelata ka nthago ga mo Jeso ba mo tsusiye—a ba mong lelata la go ba le matšato!b (Joh. 7:5; Magal. 2:9) O sa yi tseyele fase taba ya go bolabola le mašaga ya gore a ma soko šupetsa gore maa jabolela kela o boyele o tšhomayelela bala ba gore a sanka ba yamogela molayetsa wa Mmušo. O sa lebale gore re phela ga dinako tsa mafelelo, byalo mmereko wa rune wa go tšhomayela wo yakgoswiye. Dilo tso o ba botsang tsona lekgono, di ka tla dya ba yama ku mahlong, nakwenngwana le ka nthago ga mo go šele go thomme motšhatšhamelo wo mogolo.c

DULA O LEBOGA TSO JEHOVA A RE GOPOTSANG TSONA

16. Tso Jehova a re gopotsang tsona di go berekele ka mokgo mang? (Lebelela le lebhokisi la “Di Berekise Gore o Thogo Gelepa ba Bangwana.”)

¹⁶ Ditaba tse dingwana tsa go bolabola ka Bhayibele tso mokgahlo wo re neyang tsona ba di makele batho ba gore a ba nape ba tšiba tsa go tlala ka Bhayibele. Mo re beyisa, polabolo ya batho ka moka ya beke ye nngwana le ye nngwana, dihlogotaba tse dingwana le dividiyo tsa gore di ga jw.org le dimakazini tsa batho ka moka ba di makele batho ba gore a yi Dihlatse. Mara, le rune dilo tsone ba re gopotsang tsona di ya re berekela. Di maka gore ga Jehova re mo nyake ka matla, di tiyisa tumelo ya rune ga Lentsu lage fote di re lokotša gore re thogo tšhutisa batho nnete ya Bhayibele gabutši.—Pis. 19:7.

17. Ke ga seyemo sa mošaga mang ga gore di ka nyaka o gopole tso o di tšhutiyeng mo o sa thomisa go tšhuta Bhayibele?

¹⁷ Rune Dihlatse Tsa Jehova, re ya jabola mo ba re yedisela Mangwalo gabutši ka bonyuwane. Mara re boya re yi leboga ka matla nnete ya Bhayibele yo re yi tšhutiyeng mathomisong ya gore fote yi makiye gore re šutele thina ga Jehova. Mo di ka fo makega tsa gore re kwe di re hlohlona gore make dilo ka mokgwa wa rune re sa nyake go latelela tso re yetetsang ke mokgahlo wa Jehova, di nyaka re tinyanafatse fote re sa lebale gore ke mang ye a yetetsang mokgahlo wone—ke wa matšhika ka moka wa gore fote o hlalefiye, yene Ye a Makiyeng Dilo. Mo rune kela lešaga la rune le tiyisela tsa go mo liketsa, re ka lefisa pelo ra boya re ghayela ka taba ya gore ke ntaba Jehova a yikela mohlupego. Fote mo re nyaka go segelela sepheto sa gore re berekise nako ya rune le tso re nang natso byang, re ka gopola gore re phela ga dinako tsa mafelelo fote nako yo yi šeleng ya gore go fele ka lefase lowa ke ye nyana. Barena, nkare tso Jehova a re gopotsang tsona di ka ya mahlong di re hlalefisa, di re tiyisa fote di re hlohletsele gore re ye mahlong re mmerekela re kene re tshepega.