Anton Petrus/Moment via Getty Images
LE SA KOBOLE!
Ayitsano go ka fo Tsoga Ntwa ya Lefase go se Botala?—Bhayibele yi re King?
Ga 30 ya mengwaga yo yi ka feta, batho ne ba tseya gore dinaga tsa mehlobohlobo di makiye senghana le dinaga tse dingwana fote senghana sone se tiyye le go ya mahlong se kene se gola. Le mo go le ka mokgonone, tso di makegang gana byalo di šupetsa gore dilo tsone ke mo go fo ba go titshwara ka lebilibili.
“Batho ba šekedisa ke gore ntwa ya hala Gaza yi nyoko tshilela le ga dinaga tse dingwana ka gore Israyele le Hezbollah di thomisiye go lwela hala Lebanon mo dinaga di kgerang gona.”—Reuters, January 6, 2024.
“Megoba ya gore yi yetiye mahlong ke Iran yi hlasela dipoleke tsa mehlobohlobo fote Iran yi thomisiye go maka dibhomu tsa nyutlileya. Go tokegela gana hone, gana byalo Russia le China di thega Iran. Ka mokana ga tsona di tshosetsa dinaga tsa bodikela.”—The New York Times, January 7, 2024.
“Ntwa ya hala Russia le yona yi fo ya mahlong yi kene yi sinya ka matla hala Ukraine.”—UN News, January 11, 2024.
“Ikhonomi ya hala China yi fo ya mahlong yi hluhlutela fote le masole ya bona ma na le matšhika, Taiwan yi kganyisela mafase ya mangwana dilo tso yi nang le tsona fote yi maka senghana le China le U.S. tsotsone di napa di rotetsa seyemo gore go thomise mekurukuru.”—The Japan Times, January 9, 2024.
Ayitsano Bhayibele yi hlaya se sengwana ka seyemo sowa sa go fo tšhentšhatšhentšha, so re se bonang se makega lekgono ho lefaseng? Ayitsano tsotsone di nyoko maka gore go be le ntwa ya lefase?
Bhayibele yi di hlayye dilo tso di makegang gana byalo
Bhayibele a ya napa yi re thuletsela dipoleke tso re di bonang di kikirisana lekgono. Mara, yi bolabodiye ka dintwa tso di makegang gana byalo tsa gore di kene dya sabalala fote di ‘maka gore go sa bebe ho lefaseng.’—Kutullo 6:4.
Puku ya Daniyele yi hlayye gore “ga dinako tsa mafelelo,” bo ba go lawola ba lefase ba go ba le matšhika ba nyoko “gogana ka dinko,” kela ba nyoko berekisa matšhika ya bona bošayedi. Ke mokane tsotsone di nyoko ba tšhofa gore ba berekise masole ya bona ya go ba le matšhika fote ba berekise dilo tsa bona tsa “majabajaba,” kela sekwetše sa bona.—Daniyele 11:40, 42, 43.
Ntwa yo yi tlang
Bhayibele yi hlaya gore seyemo sa lefase lowa se nyoko ya mahlong se befa mo se soko bane se ba kawone. Jeso o hlayye gore “go nyoko ba le motšhatšhamelo wo mogolo, wa gore a wo soko ba gona go tlugisela lefase le ba gona.” (Matewu 24:21) “Motšhatšhamelo wone wo mogolo” wo nyoko maka gore go be le ntwa ya Aremaghedoni, yo ba reng ke ‘ntwa ya letšatši le legolo la Modimo wa Matšhika ka moka.’—Kutullo 16:14, 16.
Le mo go le ka mokgonone Aremaghedoni yi nyoko phonisa batho yi seng go ba gagara. Ka ntwa yone Modimo o nyoko fetsa ka memmušo ka moka ya batho yo yi makiyeng gore go be le dintwa tsa go sinya. Mo o nyaka go tšiba tsa go tlala tsa gore Aremaghedoni yi nyoko maka gore go be le go beba ga go ya go yye, bala dihlogotaba tsa go latela: