Ayitsano go Nyoko Tsoga go Fediye ka Mekurukuru?—Bhayibele yi re King?

“Gana byalo ke nako ya go maka gore seyemo so se bebe fote se sa sa ba kotsi. Di nyaka re titshware,” ga tso naga ya Iran yi di makiyeng tsa go hlasela Israyele ka Mokibela wa di 13 tsa April 2024, tsotsone go hlayye Mabhalane ye Mogolo wa Mokgahlo wa Ditšhaba Tsa go Mamarelana ye ba reng ke António Guterres.

Ntwa yo yi leng gona Segare ga Bohlabela ke mošupetso wa dilo tso di makegang lefaseng ka mokana ga lona.

“Dintwa di fo ya mahlong di kene di yeketsega ho lefaseng go tlugisela mola go biyeng le Ntwa ya Bobedi ya Lefase fote di yamme batho ba go teya ka ku ga dibhiliyoni ka dipedi.”—Mokgahlo wa Ditšhaba Tsa go Mamarelana wa go Tšhireletsa, January 26, 2023.

Dipoleke tso di ka yama ke dintwa le mekurukuru ke Israyele, Gaza, Siriya, Azerbaijan, Ukraine, Sudan, Ethiopia, Niger, Myanmar, le Haiti.a

Ayitsano go nyoko tsoga go fediye ka mekurukuru? Ayitsano bo ba go yeta mahlong ba lefase ba nyoko maka gore go bebe? Bhayibele yi re king?

Dintwa tso di leng gona ho lefaseng

Mekurukuru yo yi leng gona ho lefaseng lekgono yi šupetsa gabutši gore go se botala go nyoko fela ka dintwa. Dintwa tsowa di šupetsa go makega ga diporofeto tsa Bhayibele ga nako yo re phelang ga yona. Bhayibele yi re ke “dinako tsa mafelelo.”—Matewu 24:3.

• “Le nyoko kwa ka dintwa, fote ba nyoko le botsa ka tsona. . . . Setšhaba se nyoko lwa le setšhaba se sengwana, le mmušo wo nyoko lwa le mmušo wo mongwana.”—Matewu 24:6, 7.

Bala hlogotaba ya gore “Ke Dilo Difeng Tso di Šupetsang Gore re Phela ga ‘Dinako Tsa Mafelelo’?” o ko thogo bona gore dintwa tso re di bonang lekgono, di šupetsa go makega ga diporofeto tsa ka ho Bhayibeleng ka mokgo mang.

Ntwa ya gore yi nyoko fetsa ka dintwa ka mokana ga tsona

Bhayibele yi hlayye gore go nyoko fela ka mekurukuru yo batho ba yi makang. Tsotsone di nyoko makega ka mokgo mang? Yi seng ka matšhika ya batho mara ka Aremaghedoni, ‘ntwa ya letšatši le legolo la Modimo wa Matšhika ka moka.’ (Kutullo 16:14, 16) Ntwa yone yi nyoko thula lešuba la gore Modimo a make tso a di tshepisiyeng batho tsa gore ba nyoko jabolela go beba ga go ya go yye.—Pisalema 37:10, 11, 29.

Mo o nyaka go tšiba tsa go tlala ka ntwa ya Modimo ya gore yi nyoko fetsa ka dintwa ka mokana ga tsona, bala hlogotaba ya gore “Ntwa ya Aremaghedoni ba ra Ying?”