Go Makegiye Ying ka Mekgwa ya Gabutši?—King so Bhayibele yi se Hlayang?

Mekgwa ya gabutši a yi sa le šiyo. Batho ba go lwela ba gore ba womme dihlogo ba tseyatseya ditogotela; batho ba go ya gwe jeng ga ditolo tsa go rekisa tsa go ja ba dhelela bo ba ba leyelang tsa go ja; batho ba go kalama elebhreyi ba gore a ba hlompe ba rogelela bo ba ba gelepang; bana ba go woma dihlogo ba tshosetsa le go hlasela mathitšere ya bona fote ba bangwana ba dipolotiki ba maka mekurukuru mola ba ba bangwana ba maka nkare ba na le mekgwa ya gabutši.

Bhayibele ke puku ya gabutši ya go re yetetsa gore re thogo ba le mekgwa ya gabutši. Fote yi boya yi re hlayisela gore ke ntaba batho ba go tlala lekgono ba sa sa na mekgwa ya gabutši.

Go makegiye ying ka mekgwa ya gabutši?

Batho a ba titshware gabutši, a ba sa na mekgwa ya gabutši, a ba tshepege fote a gona so ba se dumelang, tsotsone di makega lefaseng ka mokana ga lona.

• Dipego tsa gore a yi botala di tšwile tsa gore ne ba butsisa batho diputsiso di šupetsa gore Maamerikha ma nagana gore batho ba United States a ba sa titshwara gabutši, mo ba tshwanisa le 22 ya mengwaga ya go feta.

• Ga letsima le lengwana ba butsisiye batho ba go teya ka ku ga 32 000 ga 28 ya dinaga, ke mokane 65 ya diphesente ba hlayye gore batho ba go se na mekgwa lekgono ba tlele ka matla go phala ku mathomisong.

Bhayibele yi hlayye botala ka dilo tso re di bonang matšatši yawa.

• “Mara tšiba gore ka dinako tsa mafelelo go nyoko ba le dinako tsa go baba ka matla. Batho go ko ba ba go tinaganela ba ntoši, ba go ba le dipawo, ba go kganya, ba go titseyela gedimo; ba go ba le maroga, ba go sa theetsele babelegi, ba go sa leboge, . . . ba go sa kwane le go beba [le] dintwa.”—2 Thimothi 3:1-3, Good News Translation.

Mo o nyaka go tšiba tsa go tlala ka seporofeto sowa, bala hlogotaba ya gore “Ayitsano Bhayibele yi di Hlayye Botala Tso Batho ba di Naganang le go di Maka Lekgono?”

Puku ya go re yetetsa gore re thogo ba le mekgwa ya gabutši

Ga lefase lowa la go se na batho ba go ba le mekgwa ya yela, batho ba go tlala ba krayye gore Bhayibele ke yona yo yi ka ba yetetsang gore ba be le mekgwa ya gabutši. Yi na le mayele ya gabutši yi “dula yi tshepega, gana byalo le go ya go yye.” (Pisalema 111:8) Bona mešupetso yowa:

• Tso Bhayibele yi di hlayang: “Dilo ka mokana ga tsona. . . tso le nyakang batho ba le maka tsona, le lune le ba make tsona.”—Matewu 7:12.

  Tso le relang tsona: Di nyaka re tshwara batho gabutši le go ba hlompa go ya ka mokgo le rune re nyakang ba re tshwara ka gona.

• Tso Bhayibele yi di hlayang: “Ka gore a le sa bolabola matsaka, ye mongwana le ye mongwana a bolabole nnete le moyagelane wage.”—Maefeso 4:25.

  Tso le relang tsona: Di nyaka re tshepege ga se sengwana le se sengwana.

Mo o nyaka go tšiba tsa go tlala ka taba yowa re kgopela o bale:

• Sewokamelo sa gore se na le hlogotaba ya gore “Selo sa Gabutši le sa Gore a se Gabutši—Sa go re Yetetsa so re ka se Tshepang.”

• Hlogotaba ya gore“Lefisela ba Bangwana Pelo—Ka Mokgo Bhayibele yi ka go Gelepang.”