Ditodi tsa Sepukwane sa Mogahlano wa Maphelelo le Matšhomayelelo
NOVEMBER 5-11
MAKOLWANE KA TENG GA LENTSU LA MODIMO | JOHANE 20-21
“Ayitsano o Nnyaka go Feta Tso?”
(Johane 21:1-3) Ka nthago ga tsowa, Jeso a nyarela fote ga malata yage, hala Lewatleng la Thiberiyase. O nyarele ka mokgo. 2 Ne ba gahlanne go le Simoni Petro, Tomase (ye ba reng ke Lefahla), Nathaniyele wa go tšwa Khana ya Galeliya, barwayi ba Zebediya le malata yage ya mangwana ka mabedi. 3 Simoni Petro a re ga bona: “Nna ke ye loba dihlapi.” Ba re gage: “Re ya nago.” Ba tšwa ba kalama sekepe, mara ba sa tanye selo bošego byone.
(Johane 21:4-14) Mara mo letšatši le hlaba, Jeso a yema lewatleng, mara malata ne ma sa mmoni gore ke Jeso. 5 Byalo Jeso a re ga bona: “Bananyana, a le na tsa go ja, akere?” Ba re: “Awwa!” 6 A re ga bona: “Bošelaneng letabane lone ka nthoko ya letsogo la go ja la sekepe, le ko di krayeng.” Ba le bošela, mara ba šitega go le gogela sekepeng ka taba la gore ne le tlele ka dihlapi. 7 Ke mokane lelata lo Jeso ne a kwana nalo la re ga Petro: “Ke Morena!” Byalo, mo Simoni Petro a kwa gore ke Morena, a yapara kobo yage ya ka tawong ka taba la gore ne a sa tšwara, a tlungwela ka lewatleng. 8 Mara malata ya mangwana ma tla ma kalamme sekepe se sengwana se senyana, ma goga letabane lela la go ba le dihlapi tsa go tlala, ka taba la gore ne ba šele ba le thina le go tšwa ka lewatleng, ne go f’lo šala 300 ya mafiti. 9 Mo ba segela ku santeng, ba kraya go na le mollo wa malahla le hlapi le sekgwa di le gana hone. 10 Jeso a re ga bona: “Tlisaneng dihlapi tso le sa tšwang go di loba.” 11 Byalo Simoni Petro a ya a goga letabane lone la gore ne le tlele ka dihlapi tse dikgolo, ne go le 153 ya tsona. Letabane lone a le ya taboga le mo di kene di tlele. 12 Jeso a re ga bona: “Tlaneneng le jeng.” Mara malata yane ke mo ma tšhaba go mmutsisa gore: “Anthe ke wene mang?” ka taba la gore ne ma di tšiba gore ke Morena. 13 Jeso a tseya sekgwa a ba neya sona, a maka tsotsone le ka hlapi. 14 Ne go le la boraro Jeso a nyarela ga malata yage ka nthago ga gore a tsusiwe.
(Johane 21:15-19) Mo ba fetsa go ja, Jeso a re ga Simoni Petro: “Simoni Morwayi wa Johane, ayitsano o nnyaka go feta tso?” A mo fetola ka gore: “Eya, Morena, wa di tšiba gore ke go nyaka ka matla.” A re gage: “Fepa dinkunyana tsaka.” 16 A mmutsisa la bobedi a re: “Simoni morwayi wa Johane, wa nnyaka mara?” Mo a fetola a re: “Eya, Morena, wa di tšiba gore ke go nyaka ka matla.” A re gage: “Disa dinku tsaka tse dinyana.” 17 A re gage la boraro: “Simoni morwayi wa Johane, o nnyaka ka matla mara?” Petro a kwa di mo kokona ka matla gore o šele o mmutsisa la boraro gore: “O nnyaka ka matla mara?” Byalo a re gage: “Morena, wa di tšiba tso ka moka, fote wa di tšiba gore ke go nyaka ka matla.” Jeso a re gage: “Fepa dinku tsaka tse dinyana. 18 Nnete ke re ga lune, mo le sa le ba banyana, ne le fela le tiyapesa le sepelanya le ya mo le nyakang. Mara mo o gula, o nyoko fo wolola matsogo ke mokane motho ye mongwana a go yapesa fote a go yisa ga gore a wo go nyake.” 19 O bolabodiye tsotsowa a nyaka go šupetsa gore ke likgu la mošaga mang la gore le nyoko gadimisa Modimo. Mo a fetsa go hlaya tsotsowa, a re gage: “Ariye mahlong o nšale nthago.”
nwtsty tso di fatisisiwweng ga Joh 21:15, 17
Jeso a re ga Simoni Petro: Polabodisano yowa ya Jeso le Petro yi makegiye go se botala Petro a phigiye Jeso gararo. Jeso o butsisiye Petro gararo gore o tikwa byang ka yene, “Petro a kwa di mo kokona ka matla.” (Joh 21:17) Taba ya Johane yo yi leng ga Joh 21:15-17 yi berekisa mantsu ka mabedi ya Segerika: a·ga·paʹo, ya go rela go nyaka, le phi·leʹo, ya go rela go nyaka ka matla. Jeso o butsisiye Petro gabedi gore: “Wa nnyaka mara?” Ka dinako tsotsone ka dipedi, Petro o dumele gore o mo “nyaka ka matla” ga Jeso. La mafelelo, Jeso a mmutsisa gore: “O nnyaka ka matla mara?” Petro a bolabola a sa kamake fote gore go sone. Nakwe nngwana le ye nngwana mo Petro a re wa mo nyaka, Jeso ke mo a šihlela taba ya gore mo nkare Petro wa resa mo a re wa mo nyaka, a šupetse tsotsone ka go fepa le go “disa” malata ya Jeso ka tso tsa Modimo, mowa go bolabodiwa ka bona go le dinkunyana, kela “dinku tse dinyana.” (Joh 21:16, 17; 1Pe 5:1-3) Jeso o f’lo lesetsa Petro a bolabola gararo a nyaka di napa di šupetsa gore ka nnete wa mo nyaka, ke mokane a mo neya mmereko wa gore a pasope dinku tsage. Mo Jeso a maka tsowa, ne a sa nyake gore Petro a dulele go tiputsisa gore nje o mo tshwarele nakwela a mo phiga gararo.
ayitsano o nnyaka go feta tso?: Gabutšibutši, mantsu ya gore “go feta tso” ma ka hlaya dilo tsa go tlala. Ba bangwana ba go tšhutega ba re ba kwana le go berekisa hlatollo ya gore “o nnyaka go feta ka mokgo o nyakang malata ya mangwana ka gona?” kela “o nnyaka go feta ka mokgo malata ya mangwana ma nnyakang ka gona?” Mara, gabutšibutši di šupa nkare le rela gore “o nnyaka go feta dilo tsowa?” a ra dihlapi tso ba di lobiyeng kela dilo tsa go yelana le bhizinisi ya go loba dihlapi. Byalo mantsu ya nkare ma napa ma kogela taba yowa ka moka ke ya gore: ‘O nnyaka go feta dilo tsa mayemo kela tsa mabešebeše? Mo nkare go sone, fepa dinkunyana tsaka.’ Mo re lebelela dilo tso Petro a di makiyeng botala, putsiso yone yi napa yi mo tshwanela. Le mo Petro go le ye mongwana wa malata ya mathomo ya Jeso (Joh 1:35-42), aa f’lo gwabologa a latelela Jeso ka moka nako. Mara o yye a boyela a ye loba dihlapi. Dikgwedi ka nthago, Jeso o yye a bitsa Petro gore a lesetse bhizinisi yone yage ye kgolo a tle a ‘lobe batho.’ (Mat 4:18-20; Lu 5:1-11) Ka nthago ga likgu la Jeso, Petro o hlayye fote gore we loba dihlapi, ke mokane mapostola ya mangwana ma ya naye. (Joh 21:2, 3) Byalo di šupa nkare Jeso o fo ba a yetetsa Petro gore a make sepheto: Ayitsano o nyoko beya bhizinisi yage ya go loba dihlapi ka ku mahlong, ya gore yi šupetsiwa ka dihlapi tso di kgutudiwweng mahlong ga bona, kela o nyoko yetisa tso tsa Modimo mahlong, a fepa dinkunyana tsa Jeso, kela bo ba mo latelelang?—Joh 21:4-8.
la boraro: Petro o phigiye Jeso gararo; byalo Jeso o mmulela sekgala gararo sa go šupa ka mokgo a tikwang. Mo Petro a kene a maka tsotsone, Jeso a mmotsa gore a šupetse gore wa mo nyaka ka go beya mmereko wa go hlawolega ka ku mahlong ga dilo tse dingwana ka moka. Petro ke mo a nyoko ba a na le magageru ya mangwana mo ba kene ba fepa, ba tiyisa fote ba disa morape wa Kreste wa bo ba mo latelelang ba tshepega. Bobone ne ba tlotsiwwe mara ba sa na ba nyaka go fepiwa ka tso tsa Modimo.—Lu 22:32.
Go Wunyulla tso di Wutammeng ka Baebeleng
(Johane 20:17) Jeso a re gage: “O sa ntlaparele, ka taba la gore a ke so yinugele ga Papa. Mara ariye ga bobhuti baka o ba botse gore ‘Ke yinugela ga Papa wa gore fote ke Papa wa lune le ga Modimo waka wa gore fote ke Modimo wa lune.’ ”
nwtsty tso di fatisisiwweng ga Joh 20:17
O sa ntlaparele: Lentsu lowa la Segerika la haʹpto·mai le ka rela “go tikisa” kela “go mamarela; go ngangarela.” Bo ba go hlatolla ba bangwana ne ba tseya nkare Jeso o re: “O sa ntikisi.” Mara Jeso ke mo a sa re gore Mariya Magdalina a sa mo tikisi, ka taba la gore aa gana nakwe basadi ba bangwana “ba mo tshwara mawoto” ka nthago ga mo a tsusiwwe. (Mat 28:9) Di šupa nkare Mariya Magdalina ne a tšhaba gore Jeso ne a le thina le go ba šiya, ne a nyoko yinugela legedimong. Ka taba la gore ne a di nyaka ka matla tsa go ba le Morena wage, ke mo a mo tlaparele ka matla ga Jeso, a sa nyake a khwanyudisa. Jeso ke mo a nyaka gore Mariya a di bone gore aa soko tloga, a mmotsa gore a sa mo tlaparele mara a ye ga malata yage a ma botse ditaba tsa gore o tsugiye dilahlong.
(Johane 20:28) Tomase mo a mo fetola a re: “Morena wa ka le Modimo waka!”
nwtsty tso di fatisisiwweng ga Joh 20:28
Morena wa ka le Modimo waka!: Di rela., “Morena wa nna mong le Modimo [ho the·osʹ] wa nna mong!” Ba bangwana ba go tšhutega ba tseya nkare mantsu yawa ma šupetsa go makala ga gore go na le go jabola ka teng, ba bolabola le Jeso mara gabutšibutši ba jabolela Modimo, Papage. Ba bangwana ba re mantsu yane ya Segerika ne ma rela Jeso. Le mo go ka fo ba go le sone, mantsu ya gore “Morena wa ka le Modimo waka” ma kwisisega gabutši mo o bala taba ka mokana ga yona yo e lego ga Mangwalo ya go butšwelediwa. Ka gore Jeso o yye a romela malata yage molayetsa a re, “Ke yinugela ga Papa wa gore fote ke Papa wa lune le ga Modimo waka wa gore fote ke Modimo wa lune,” a go na so se šupang gore Tomase ne a tseya nkare Jeso ke Modimo wa matšhika ka moka. (Bona tso di fatisisiwweng ga Joh 20:17.) Tomase o yye a kwa Jeso a rapela ‘Papage,’ a re ke “Modimo a ntoši wa mannete.” (Joh 17:1-3) Byalo Tomase ne a ka fo ba a yitseri Jeso ke “Modimo waka” a maka ke dilo tsowa: Ke mo a tseya Jeso go le “modimo” mara go se Modimo wa matšhika ka moka. (Bona tso di fatisisiwweng ga Joh 1:1.) Kela a ka fo ba a bitsiye Jeso ka mokgo malata ya mangwana ya Modimo ne ma bolabola ka gona mo ma bitsa mangeloyi ya Jehova, go tshwana le ka mokgo go ngwadiwweng ka Mangwalong ya Seheberu. Di šupa nkare Tomase ke mo a di tšiba ditaba tsa batho, kela tsa motho ye mongwana ye a ngwadiyeng Baebele, tsa mo a fetola kela a bolabola ka lengeloyi, mara tso a di bolabolalang di kwala nkare ne a bolabola ka Jehova Modimo. (Bona le Gen 16:7-11, 13; 18:1-5, 22-33; 32:24-30; Bay 6:11-15; 13:20-22.) Byalo, Tomase le yene a ka fo ba a yitseri Jeso ke “Modimo waka” ka mokgwa wonone, tsotsone di šupetsa gore ke mo a di tšiba gore Jeso o yemela Modimo wa nnete kela wa mmolabolela.
Ba bangwana ba re ka taba la gore go na le lentsu le lengwana la Segerika lo le tlang ka mahlong ga mantsu ya gore “morena” le “modimo,” tsotsone di šupetsa gore ma rela Modimo wa matšhika ka moka. Mara, ga taba yowa, lentsu lowa le ka fo ba le šupetsa ka mokgo go bolabodiwwang ka gona ga Segerika. Go na le go gongwana ga gore go berekisewwe mantsu ka Segerika ya mo o nyaka motho a go theetsela kela a go lebelela, ga mangwalo ya go tshwana le Lu 12:32 (ya go rela., “morape wo monyana”) le Kol 3:18–4:1 (“Le rela., “basadi ba go ba le banna”; “banna ba go ba le basadi”; “bana”; “bo papa”; “dibereki”; “magoši”). Ga taba yonowa, hlatollo ya 1Pe 3:7 ne yi ka re: “Banna ba go ba le basadi.” Byalo taba yowa ya gore go berekisiwwe lentsunyana lowa mowa, yi ka sa nape yi hlatolla gore Tomase ke mo a naganne ying mo a bolabola ka mokgone.
Go Bala Baebele
(Johane 20:1-18) Ka letšatši la mathomo la mo bekeng, Mariya Magdalina a ya lebitleng go sa le ka phu, go sa le letshwifi, ke mokane a bona gore letlapa lela le šele le tlusiwwe lebitleng. 2 A tla a kene a taboga a segela ga Simoni Petro le lelata le lengwana, la gore Jeso ke mo a le nyaka ka matla, a re ga bona: “Ba tsere Morena ku lebitleng, fote a re tšibi gore ba mmeyye kaye.” 3 Ke mokane Petro le lelata lela le lengwana ba ya ku lebitleng. 4 Ba le ka babedi ga bona ba thomisa go taboga, mara lelata lela le lengwana la taboga la mo šiya ga Petro le tabogela ku lebitleng, la mo tšhanghwela. 5 Mo le sikela ka ku lebitleng, la bona malapi ya go makiwa ka lineni ka hala teng, mara la sa kene. 6 Ke mokane Simoni Petro le yene a tla a kene a le šele nthago, ke mokane a kena ka ku lebitleng. A bona malapi ya lineni ma fo ba gana hone. 7 Llapi lo ne le le hlogong gage ne le se thina le malapi ya mangwana, mara ke mo le phutiwwe gabutši le le hala thokonyana. 8 Ke mokane lelata lela le lengwana la gore le yakgoswiye le segela lebitleng le lona la kena, ke mokane la di bona, la tshepa. 9 Ka taba la gore ne ba soko kwisisa mangwalo, gore o tshwanele a tsoge bakgung. 10 Byalo malata yawa ka mabedi ma boyela magaye ya bona. 11 Mara, Mariya a fo yema ka tawong, thina le lebitla lone, a kene a lla. Mo a kene a lla, a sikela ka hala lebitleng, 12 ke mokane a bona mangeloyi ka mabedi ma yapere tse ditšhwewu ma duli mo mmele wa Jeso ne ba wo yetsedisiye gona, lengeloyi le lengwana ke mo le le ka hlogong, le lengwana le le ka mawotong. 13 Ke mokane ma re gage: “O llela ying mosadi?” A re ga bona: “Ba tsere Morena waka, fote a ke tšibi gore ba mo yisiye kaye.” 14 Mo a fetsa gore yane, a sokologa a bona Jeso a yemme hone, mara ne a sa di bone tsa gore ke Jeso. 15 Jeso a re gage: “O llela ying mosadi? O nyaka mang?” Mariya ke mo a tseya gore monna yewa ke wa go kgurakgura gana hone, ke mokane a re gage: “Ye bhuti, mo nkare o mo tsere, mpotse barena gore o mmeyye kaye, ke nyoko ya ke mo lata.” 16 Jeso a re gage: “Mariya!” Mariya a jika, a re gage ka Seheberu: “Rab·boʹni!” (ya go rela “Thitšere!”) 17 Jeso a re gage: “O sa ntlaparele, ka taba la gore a ke so yinugele ga Papa. Mara ariye ga bobhuti baka o ba botse gore ‘Ke yinugela ga Papa wa gore fote ke Papa wa lune le ga Modimo waka wa gore fote ke Modimo wa lune.’ ” 18 Mariya Magdalina a tla a botsa malata yala ditaba tsone, a re: “Ke bonne Morena!” A boya a ba botsa le tso a mmutsiyeng tsona.
NOVEMBER 12-18
MAKOLWANE KA TENG GA LENTSU LA MODIMO | MEBEREKO 1-3
“Phutego ya Sekreste yi Neyiwa Moya wa go Hlawolega”
(Mebereko 2:1-8) Byalo mo letšatši la Monyanya wa Pentekoste le kene le ya mahlong, ka mokana ga bona ke mo ba le ga poleke ka yyoši. 2 Jikijiki gwa kwagala se sengwana sa go duma se tšwa legedimong, go tshwana le sedingwane sa gore se taboga ka matla, ke mokane sa kena sa tlatsa ntlo yo ke mo ba duli ga yona. 3 Byalo ba bona maleme ya nkare ke mollo ke mokane wa yahlogana, gwa ba le wa gore o segela o dula gedimo ga hlogo ya ye mongwana le ye mongwana, 4 ka mokana ga bona ba tlatsiwa ka moya wa go hlawolega fote ba thomisa go bolabola ka mebolabolo ya mehlobohlobo, ka mokgo moya o ba neyyeng gore ba bolabole ka gona. 5 Ka nako yonone Majuda ya go ba ma tineyele ga Modimo ya go tšwa ga setšhaba se sengwana le se sengwana sa ka tlase ga legedimo ke mo ma dula Jerusalema. 6 Byalo mo leduma lone le kwagala, mogoba wo ne wo gahlanne gana hone o yye wa makala ka matla, ka taba la gore ke mo ba ba kwa ba bolabola ka mmolabolo wa bona. 7 Nnete ke mo ba makele ka matla, ba šinya ba re: “Bonaneng howa ša, anthe batho bowa ka mokana ga bona ba bolabolang a yi Magaleliya? 8 Byalo, di tla byang, gore ye mongwana le ye mongwana wa rune a kwe ba bolabola mmolabolo wa mo a belegediwweng gona?
(Mebereko 2:14) Mara Petro a tlogamela a na le bala ba bangwana 11 ya bona ke mokane a bolabolela gedimo, a ba botsa a re “Banna ba Judiya le lune ka moka bo le yagiyeng Jerusalema, tšibaneng taba ye nngwana ke yowa fote le theetseleneng mantsu yaka gabutši.
(Mebereko 2:37, 38) Byalo mo se ba kwile tsotsone, di yye tsa ba hlaba, ke mokane ba bolabola le Petro le mapostola ya mangwana ka mokana ga wona ba re: “Banna, magageru, re make byang?” 38 Petro a re ga bona: “Tisoleneng, fote ye mongwana le ye mongwana wa lune a kolobetsiwe ka lebitso la Jeso Kreste gore le tshwarediwe ga tso le di sinnyeng, ke mokane le nyoko neyiwa moya wa go hlawolega mahala.
(Mebereko 2:41) Byalo bo ba yyeng ba jabolela lentsu lage ba boya ba le yamogela ba yye ba kolobetsiwa, fote go tlugisela ka letšatši lone go yye gwa yeketsega ka batho ba go segela gana hala ga 3 000.
(Mebereko 2:42-47) Ke mokane ba ya mahlong ba tineyela ga so ne se tšhutisa ke mapostola, ba dula ba le ggoši, le mo ba ja tsa go ja ba ja ggoši, fote ba rapela goteya. 43 Byalo, ka mokana ga bona ba thomisa go tšhuga, fote ke mo ba thomisa go bona mapostola ma maka mehlolo ya go tlala le tse dingwana tsa go makatsa. 44 Ka mokana ga bona bo ba yyeng ba ba badumedi ke mo ba le ggoši fote ke mo ba tshwana ka dilo ka mokana ga tsona, 45 fote ke mo ba rekisa dilo tsa bona le tso ba nang natso ke mokane ba di neya ba bangwana ka mokana ga bona, di ya ka so ye mongwana le ye mongwana a gayelang ga sona. 46 Fote ka moka matšatši ke mo ba krayega tempeleng ba gahlanisa ke taba ya go tshwana, fote ba ja tsa go ja mitšing ya mehlobohlobo ba ro boya ba di ja le ba bangwana ba jabodiye ka matla fote le dipelo tsa bona di f’lo re tswee, 47 ba thanaka Modimo fote ke mo ba nyaka ke batho ka matla. Ka nako yonone, Jehova ne a ya mahlong ka moka matšatši a ba yeketsela ba go phonisiwa.
w86 12/1 29 ¶4-5, 7
Tso re Neyelang ka Tsona tsa go Maka Gore Pelo yi fo re Tswee
Mong ka letšatši la mathomo la mo go sa tšwa go ba le phutego ya Sekretse ka mongwaga wa 33 C.E., bala ba gore ke mo go se botala ba kolobetsiwwe ba gore ke mo ba segela gana hala ga 3 000 ba yye ba thomisa ‘go neyanana dilo, go ja tsa go ja le go rapela.’ Ke mo ba di makela ying tsotsone? Ke mo ba di makela gore ba kikitele tumelo ya bona ya nyuwane ka ‘go ya mahlong ba tineyela ga so ne se tšhutisa ke mapostola.’—Mebereko 2:41, 42.
Majuda le ba bangwana ba gore ke mo go se botala ba sukulugiye ke mo ba tlile Jerusalema ba tseya gore ba nyoko fo dula gona go šinye go fela Pentekoste. Mara bo ba gore ke mo go se botala go le Makreste ke mo ba nabela go dula gana hone nako ya go lefanyana gore ba ye mahlong ba tšhuta le go tiyisa tumelo ya bona ya gore ke mo yi so nape yi tiyelela. Sosone se makiye gore go be le ntshetshere ya gore go gayele tsa go ja le ga go yetsela. Divakaši tse dingwana ke mo di se na le mong peni ya lešidi, mara ba bangwana ke mo ba na le sekwetše sa go tlalanyana. Byalo ka nako yonone ba hlekeletsa dilo tso ba nang natso ke mokane ba phakela ba gore baa tihlupegela.—Mebereko 2:43- 47.
Ke mo ba ro tinyakela go rekisa dilo tsa bona le go neyana dilo. Ke mo ba sa tšhofe ke motho gore ba rekise kela ba neyele ka dilo tsa bona; fote ke mo ba ka sa šinyi ba neya batho dilo ka mokana ga tsona, bona beng ba šala ba tihlupegela. Tsotsone ke mo di sa hlaye gore bo ba gore ba ghannye ba rekise tso ba nang natso ka mokana ga tsona ke mokane ba šale ba hlupega. Mara, ke mo ba kwela magagabo go baba ka taba la seyemo so ne se makega ka nako yonone, byalo ba kwa di ba tšhofa gore ba rekise dilo tso ne ba le natso ke mokane ba neyele ka tšheleta ya gona gore yi kwale ga nkare go thulegiye lešuba gore tsa Mmušo di thogo ya mahlong.—Tshwanisa 2 Makorente 8:12-15
Go Wunyulla tso di Wutammeng ka Baebeleng
(Mebereko 3:15) fote le bolayye Moyemedi ye Mogolo wa lephelo. Mara Modimo o mo tsusiye ga bo ba kgwileng, ga taba yone ke rune dihlatse.
it-2-E 61 ¶1
Jeso Kreste
“Moyemedi ye Mogolo wa lephelo.” Kreste Jeso ke mo a šupetsa gore Papage o re kwala go baba ka matla, ke mokane a šinya a neyela mmele wage wa gore o yenele gore go be sehlabelo. Tsotsone di makiye gore bo ba latelelang Kreste ba thogo mamarelana naye mo a lawola a le ku legedimong, fote tsotsone di makiye gore ba bangwana le bona go be malata ya Mmušo wone wa gore wo nyoko tla wo lawola le ho lefaseng. (Mat 6:10; Joh 3:16; Ef 1:7; Heb 2:5; bona GO LEPOLLA.) Byalo go yye gwa ba yene “Moyemedi ye Mogolo [“Nduna,” KJ; JB] wa lephelo” ga batho ka mokana ga bona. (Meb 3:15) Lentsu la Segerika lo le berekisiwweng mowa gabutšibutši le rela “moyetamahlong ye mogolo,” lentsu lowa le tshwana le lo ne le berekisiwa ga Moše (Meb 7:27, 35) nakwela go le “wa go lawola” hala Israyeleng.
(Mebereko 3:19) “Byalo, tisoleneng le boye le sokologeneng gore tso le di sinnyeng di sudiwe, gore dinako tsa go jabola di tšwe ga Jehova ka boyene mong
cl 265 ¶14
Modimo wa Gore “o Tikemisele go Tshwarela”
14 Taba ya mo Jehova tshwarela yi hlatodiwwa fote ga Mebereko 3:19, ya gore: “Byalo, tisoleneng le boye le sokologeneng gore tso le di sinnyeng di sudiwe.” Lentsu lo la mafelelo mo le hlatodiwwa ka Segerika le ka rela “go tlusa . . . go tima kela go sinya.” Bo ba go tšhutega ba tshwanisa taba yone le mo go sudiwa mo go ngwadiwweng gona. Tsotsone di makega byang? Ku botala, ke mo ba ngwala ka enke ya gore ba yi makiye ka dipilo, bolepo le meetši. Mo motho a sa tšwa go ngwala ka enke ya mošaga wonone, ke mo a ka fo tla le sepontši sa go thambha ke mokane a sula gana hone a ngwadiyeng gona. Tsotsone di napa di šupetsa gabutši gore Jehova o kwelana go baba. Mo a re tshwarela ga tso re di sinnyeng, go tshwana le nkare o tseya sepontši ke mokane a di sula.
Go Bala Baebele
(Mebereko 2:1-21) Byalo mo letšatši la Monyanya wa Pentekoste le kene le ya mahlong, ka mokana ga bona ke mo ba le ga poleke ka yyoši. 2 Jikijiki gwa kwagala se sengwana sa go duma se tšwa legedimong, go tshwana le sedingwane sa gore se taboga ka matla, ke mokane sa kena sa tlatsa ntlo yo ke mo ba duli ga yona. 3 Byalo ba bona maleme ya nkare ke mollo ke mokane wa yahlogana, gwa ba le wa gore o segela o dula gedimo ga hlogo ya ye mongwana le ye mongwana, 4 ka mokana ga bona ba tlatsiwa ka moya wa go hlawolega fote ba thomisa go bolabola ka mebolabolo ya mehlobohlobo, ka mokgo moya o ba neyyeng gore ba bolabole ka gona. 5 Ka nako yonone Majuda ya go ba ma tineyele ga Modimo ya go tšwa ga setšhaba se sengwana le se sengwana sa ka tlase ga legedimo ke mo ma dula Jerusalema. 6 Byalo mo leduma lone le kwagala, mogoba wo ne wo gahlanne gana hone o yye wa makala ka matla, ka taba la gore ke mo ba ba kwa ba bolabola ka mmolabolo wa bona. 7 Nnete ke mo ba makele ka matla, ba šinya ba re: “Bonaneng howa ša, anthe batho bowa ka mokana ga bona ba bolabolang a yi Magaleliya? 8 Byalo, di tla byang, gore ye mongwana le ye mongwana wa rune a kwe ba bolabola mmolabolo wa mo a belegediwweng gona? 9 Mapareta, Mamede le Maelama ya gore ke mo ma dula Mesopothamiya, Judiya le Khapadokiya, Pontiyo le phrovensing ya Asia, 10 Firighiya le Phamfiliya, Egepita le dimitšaneng tsa go hlehla le Libhiya thina le Kirene, le divakaši tsa go tšwa Roma, Majuda le le ba gore ke mo go se botala ba sukulugiye, 11 Makereta le Maarabhiya—re kwa ma bolabola ka mmolabolo wa rune le ka dilo tsa go bafala ka matla tsa Modimo.” 12 Eya, ka mokana ga bona ke mo ba makele fote ba sa kwisisi, ba bolabodisana ba ntoši ba re: “Di ra gore king tsotsowa mara?” 13 Le mo go le ka mokgonone, ba bangwana ke mo ba ba kweranya ba re: “Ba kguri wayini ya go natefa.” 14 Mara Petro a tlogamela a na le bala ba bangwana 11 ya bona ke mokane a bolabolela gedimo, a ba botsa a re “Banna ba Judiya le lune ka moka bo le yagiyeng Jerusalema, tšibaneng taba ye nngwana ke yowa fote le theetseleneng mantsu yaka gabutši. 15 Gabutšibutši batho bowa, a ba tlayili, ka mokgo le ba tseyang ka gona, ka taba la gore yowa ke awara ya kararo ya letšatši. 16 Mara, tsowa ke tso di bolabodiwweng ka moporofeta Juwele: 17 ‘Modimo o re: “Ka dinako tsa mafelelo, ke nyoko tšhela sepetlo sa moya wa ka gedimo ga mohlobo wo mongwana le wo mongwana wa batho, ke mokane barwayi ba lune le barwediya ba lune ba nyoko porofeta fote masogana ya lune ma nyoko bona mmono le banna ba lune ba bagolo ba nyoko lora meloro, 18 le ga mabhantiti yaka ya banna le ya basadi, ke nyoko tšhela sepetlo sa moya waka ka matšatši yanane, ba nyoko porofeta. 19 Fote ke nyoko maka dilo tsa go makatsa ku gedimo legedimong le mešupetso ho fase lefaseng—go nyoko ba le madi, mollo le mugudi wa nkare ke mmuši. 20 Letšatši le nyoko fifala ke mokane ngwedi yi nyoko tšhentšha gwa ba madi mo go soko segela letšatši le legolo la go tshusa la Jehova. 21 Ke mokane ye mongwana le ye mongwana ye a bitsang lebitso la Jehova o nyoko phonisiwa.” ’
NOVEMBER 19-25
MAKOLWANE KA TENG GA LENTSU LA MODIMO | MEBEREKO 4-5
“Ba Yye Mahlong ba Bolabola Lentsu la Modimo ba šišimele”
(Mebereko 4:5-13) Ka motshwana wa gona, ba go lawola ba bona, banna ba bagolo le bamangwalo ba gahlana hala Jerusalema, 6 ba na le moprista ye mogolo ye ba reng ke Ananiyase, go na le Kheyifase, Johane, Aleksanda, le ba bangwana ka mokana ga bona bo ne go le mašaga ya moprista ye mogolo. 7 Ba yemisa Petro le Johane segare sa bona ke mokane ba thomisa go ba butsisa ba re: “Le re le makiye dilo tsowa ka matšhika ya mang kela ka lebitso la mang?” 8 Ke mokane gwa segela moya wa go hlawolega ga Petro, a re ga bona: “Banna ba go lawola batho le lune ba bagolo, 9 mo nkare re sekisiwa howa lekgono ka taba la selo sa go bafala so re se makeleng monna yewa wa gore ke mo a golofele, wa gore lune le nyaka go tšiba gore o yalafiye ke mang, 10 byalo di tšibeneng lune le batho ka mokana ga bona ba Israyele gore ka lebitso la Jeso Kreste wa Nazareta, yela le mo kokoteleng phateng mara Modimo a mo tsusiyeng bakgung, ka yene yenene, monna yewa o philegiye fote ke yewa o yemme mahlong ga lune. 11 Lowa ke lona ‘letlapa la gore bommeselane ke mo le sa le tseyele hlogong mara go yye gwa ba letlapa la khonong ya fandhiši.’ 12 Byalo, a go na motho ye mongwana ye a ka phonisang batho, ka taba la gore a go na lebitso le lengwana ka tlase ga legedimo la gore le gona bathong gore le thogo re phonisa. 13 Byalo mo ba bona gore Petro le Johane ke mo ba bolabola ba sa hlagasele, le gore ne go le batho ba gore a baa tšhutega fote go le batho ba go tlwayelega, ba yye ba makala. Tsa thomisa go boya ho monaganong gore gale ba yye ba ba le Jeso.
w08 9/1 15, lebhokisi
Mantsu ya ma Bolabodiwweng ma ba Mantsu ya go Ngwadiwa ya go Hlawolega—Go Ngwala ka Dinako Tsela tsa mo go Thomisa Sekreste
Ayitsano Mapostola ke mo ma sa Tšhutega?
Mo bo ba go lawola le banna ba bagolo ba Jerusalema “ba bona gore Petro le Johane ke mo ba bolabola ba sa hlagasele, le gore ne go le batho ba gore a baa tšhutega fote go le batho bobo ba ba tšibang, ba yye ba makala.” (Mebereko 4:13) Nje mara ka nnete mapostola yawa ne ma sa tšhutega, kela ma sa tšibi mangwalo? Mo The New Interpreters Bible yi bolabola ka taba yowa yi re: “Mantsu yawa a di nyake re napa re tseya gore ma hlaya gore Pawulo [le Johane] ke mo ba sa kena sekolo fote ba sa di kgone tsa go ngwala kela go bala. Ma fo ba ma šupetsa gore batho ba gore mmereko wa bona ke go yahlola le batho ba gore ke bona mapostola, setšhaba ke mo se tseya gore ba šiyana ka matla ka seyemo.”
w08 5/15 30 ¶6
Menopo ya go Tšwa ga Puku ya Mebereko
4:13—Ayitsano Petro le Johane ke mo ba sa tšhutega kela ba sa tšibi mangwalo? Awwa. Batho ke mo ba re ‘a baa tšhutega fote go le batho ba go tlwayelega’ ka taba la gore a sanka ba ya dikolo tsa boruti gore ba ye tšhutela dilo tsa go yelana le sedumedi.
(Mebereko 4:18-20) Ke mokane ba ba bitsa fote ba re ga bona ba sa hlaye kela go tšhutisa selo ka lebitso la Jeso. 19 Mara Petro le Johane mo ba ba fetola ba re: “Mo nkare le bona di le gabutši mahlong ga Modimo go theetsela lune ke mokane re lesetse go theetsela Modimo, yahlolaneng lune beng. 20 Mara rune, re ka sa lesetse go bolabola ka dilo tso re di bonneng le tso re di kwileng.”
(Mebereko 4:23-31) Mo ba šele ba ba ntshiye jele, ba yye ga batho ba bona ke mokane ba ba botsa tso maprista ya magolo le banna ba bagolo ba ba butsiyeng tsona. 24 Mo ba kwa tsotsone, ba yahlamela Modimo magahla ba re: “Morena wa go Lawola, ke Wene o makiyeng legedimo le lefase le lewatle le dilo ka mokana ga tsona tso di leng ga lona, 25 wa gore moya wa go hlawolega o makiye gore a bolabole ka molomo wa kokwane wa kokwane wa rune Dafita, lelata lago gore: ‘Ke ntaba ditšhaba di kwatiye fote batho ba šekela ka dilo tsa go sa hlayi selo? 26 Magoši ya lefase lowa ma yemme mo di nyakang ma yema gona fote ba go lawola le bona ba napiye ba gahlana gore ba be selo ka ssoši, ba jikela Jehova le morwayi wage wa gore o tlosiwwe. 27 Ka nnete Heroda le Pontiyo Pilato le banna ba ditšhaba le batho ba Israyele ba gahlanne ka mokana ga bona ga toropo yowa ba jikela lelata lago la go hlawolega Jeso, wa gore wene o mo tlotsiye, 28 gore go makege tso wene o di nyakang le tso di nyakang ke letsogo lago ka mokgonola o nyakiyeng go tlugisela botala. 29 Byalo Jehova, o sa fo re takisa mahlo mo ba re tshosetsa, fote o make gore malata yago ma ye mahlong ma bolabola lentsu lago ma šišimele, 30 mo o kene o wolola letsogo lago o yalafa, fote go makega mešupetso le dilo tsa go makatsa ka lebitso la lelata lago la go hlawolega, Jeso.” 31 Fote mo ba šele ba rapele di ba baba, poleke yo ne ba gahlanne ga yona ya thomisa go tekateka, ke mokane ka mokana ga bona ba tlala moya wa go hlawolega fote ba thomisa go bolabola ba lentsu la Modimo ba šišimele.
it-1-E 128 ¶3
Lepostola
Tso di Makegang Phutegong ya Sekreste. Mapostola ma yye ma tiyelela ka matla nakwela moya wa Modimo wo segela ga wona ka Pentekoste. Sehlano sa ditema tsa mathomo tsa puku ya Mebereko ya Mapostola se šupetsa gore mapostola ke mo ma sa tšhoge le ka gonyana fote ma na le lešiši la go tšhomayela ditaba tsa go bafala le go botsa batho gore Jeso o tsugiye, le mo bo ba ba lawolang ba ba tshosetsiye ba re ba nyoko ba yisa jele, ba ba teyye le go ba tshosetsa ba re ba nyoko ba bolaya. Ka dinako tsetsela tsa mathomisong tsa Pentekoste, moya wa go hlawolega o yye wa kutšetsela mapostola, gwa šinya go bonala gabutši gore maa di kgona tsa go yeta mahlong, sosone se makiye gore phutego ya Sekreste yi yeketsege ka matla. (Meber 2:41; 4:4) Mathomisong, mmereko wa bona ke mo o makiwa ka matla Jerusalema, ke mokane wa sabalala wa segela Samariya, go se botala wa yenetsa lefase ka mokana ga lona.—Meb 5:42; 6:7; 8:5-17, 25; 1:8.
Go Wunyulla tso di Wutammeng ka Baebeleng
(Mebereko 4:11) Lowa ke lona ‘letlapa la gore lune bommeselane ke mo le sa le tseyele hlogong mara go yye gwa ba letlapa la khonong ya fandhiši.’
it-1-E 514 ¶4
Letlapa la Khonong ya Fandhiši
Pisalema 118:22 yi re botsa gore letlapa lowa la gore le ganne ke ba go yaga ne go nyoko ba “khona” (ka Seheberu ke roʼsh pin·nahʹ). Jeso o yye a bolabola fote a šupetsa gore seporofeto sowa se bereka gage wa gore ke “letlapa la khonong ya fandhiši” (ka Segerika ke, ke·pha·leʹ go·niʹas, khona). (Mat 21:42; Mar 12:10, 11; Lu 20:17) Go tshwana le ka mokgo letlapa la gore le ka gedimo ga ntlo le bona ke motho ye mongwana le ye mongwana, Jeso Kreste ke yene letlapa lo le gadimisiwweng la phutego ya Sekreste ya bo ba tlotsiwweng, ya gore yi tshwanisiwa le tempele ya Modimo. Fote Petro o berekisiye Pisalema 118:22 ga Kreste, a šupetsa gore ne go le “letlapa” lo batho ba le ganneng mara la hlawola ke Modimo gore le be “khona.”—Meb 4:8-12; lebelela le 1Pe 2:4-7.
(Mebereko 5:1) Mara, monna ye ba reng ke Ananiyasi le mosadi wage Safira, ba yye ba rekisa sekopa sa tšhomo.
Petro le Ananiyasi ba Bolabodiye Matsaka—Re ka Tšhuta Ying ga Taba Yowa?
Ananiyasi le mosadi wage ba rekisa sekopa sa tšhomo ya bona gore ba thogo kraya tšheleta ya go gelepa bo ba sa tšwang go kolobetsiwa. Mo Ananiyasi a yisa tšheleta ga maapostola, o re ke tšheleta ka mokana ga yona ya so a se rekisiyeng. Mara wa mo tshokanya! O patetsiye ye nngwana! Modimo o maka gore Petro a yi tšibe taba yowa, ke mokane Petro a botsa Ananiyasi a re: “A wa tshokanya batho, mara o tshokannye Modimo.” Ananiyasi a napa a wa a kgwa! Ka nthago ga diawara ka ditharo, gwa nyarela mosadi wage. Aa tšibi selo gore go makegiye ying ga monnage, le yene fote o bolabola matsaka, a napa a wela fase a kgwa.
Go Bala Baebele
(Mebereko 5:27-42) Ke mokane ba ba leya ba segela ba ba yemisa mahlong ga Sanhedrini. Byalo moprista ye mogolo a ba butsisa 28 a re: “Re le butsiye gabutši gore le lesetseneng tsa go ba le kene le tšhutisa ka lebitso lowa, mara bonaneng! le tlatsanye Jerusalema ka dilo tso tsa lune le di tšhutisang, fote le nyaka go re rwadisa madi ya monna yewa.” 29 Petro le mapostola ya mangwana ba fetola ba re: “Di nyaka re theetsele Modimo wa gore go lawola yene, re sa theetsele batho. 30 Modimo wa bokokwane wa bokokwane wa rune o tsusiye Jeso, yela wa gore le mmolayye, la mo tlemelela phateng. 31 Modimo o mo gadimisiye a mmeya ga letsogo la go ja gore go be Moyemedi ye Mogolo wa go re phonisa, gore a make gore Maisrayele ma tisole le go ma tshwarela ga tso ma sinnyeng. 32 Fote ke rune dihlatse tsa ditaba tso, hlatse ye nngwana ke moya wa go hlawolega, wa gore Modimo o wo neyye bo ba mo theetselang ba gore wa ba lawola.” 33 Mo ba šele ba kwile tsowa, ba napa ba kwata ka matla ba nyaka le go fetsa ka bona. 34 Mara Lefaraseyi lo ba reng ke Ghamaliyele le yye la tlogamela gana hone ga Sanhedrini; ke mo go le thitšere ya go tšhutisa Molawo, ya gore batho ka mokana ga bona ke mo ba yi tseyela hlogong ka matla, ke mokane a ba botsa gore ba ntshe banna bowa ba ye ka tawong ka gonyananyana. 35 Ke mokane a bolabola nabo a re: “Banna ba Israyele, le pasopeneng tso le leketsang go di maka ga banna bowa. 36 Yemaneng ke le botseneng, botalanyana go yye gwa ba le dinako tsa Thewuda, a re yene ke yene, ke mokane banna ba go tlala, ba go segela gana hala ga 400, ba yema naye. Mara o yye a bolayiwa, le batho ka mokana ga bona bo ne ba mo šala nthago ba psyitlanyiwa gwa šala go sa sa na selo. 37 Ka nthago gage, gwa tla Judase wa Legaleliya nakwela go ngwadisiwa, le yene a goga ba bangwana gore ba mo šale nthago. Monna yewa le yene o yye a kgwa, le batho ka mokana ga bona bo ne ba mo šala nthago ba yye ba tlalagana le naga. 38 Byalo mo nna ke lebelele seyemo sowa, ke re ga lune, le sa šuhlašuhlineng banna bowa, mara le fo ba lesetsa. Ka taba la gore mo nkare mogoba wowa kela mmereko wowa ke wa batho, o nyoko khwašoga; 39 mara mo nkare o tšwa ga Modimo, le ka sa di kgone tsa go o khwašola. Le ka šinya le kraya le lwa le Modimo ka boyenemong.” 40 Mo a reyane, ba theetsela tso a ba yeletsang ka tsona ke mokane ba bitsa mapostola yala, ba ma teya ke mokane ba re ma lesetse go bolabola ka lebitso la Jeso, ba ba lesetsa ba tloga. 41 Ke mokane ba tšwa gana hone ga Sanhedrini, ba jabodiye ka taba la gore ba yye ba šinya ba poyidiwa ka taba la lebitso lage. 42 Fote ka moka matšatši hala tempeleng le mutši ka mutši ke mo ba ya mahlong ba sa šepisi ba kene ba tšhutisa le go tšhomayela ditaba tsa go bafala ka Kreste, Jeso.
NOVEMBER 26–DECEMBER 2
MAKOLWANE KA TENG GA LENTSU LA MODIMO | MEBEREKO 6-8
“Phuthego ya Nyuwane ya Sekreste ya Phiriketsega”
(Mebereko 6:1) Byalo ka dinako tsosone mo malata ma kene ma yeketsega, Majuda ya go bolabola Segerika ma yye ma thomisa go kokola ka Maheberu ya go bolabola Sejuda ka taba la gore magagabo ya basadi ba go kgwela ke banna ne ma takiwa ka moka matšatši mo batho ba neyiwa tsa go ja.
bt 41 ¶17
“Di Nyaka re Theetsele Modimo wa Gore go Lawola Yene”
17 Ga phutego yowa ke mo go thomisa go nyarela taba ye nngwana ya gore yi wutamme ya gore ne yi ka tšhoga yi ba phiriketsiye ku mahlong. Ya mošaga mang? Malata ya go tlala ya ke mo ma kolobetsiwa ke mo go le batho ba gore ba vakašiye Jerusalema, ba gore ke mo ba nyaka go tšhuta tsa go tlala mo ba soko sologa. Malata ya gore ke mo ma dula ku Jerusalema ma yye ma neyela ma sa tšhofe ke motho gore go rekiwe tsa go ja le dilo tse dingwana. (Meber. 2:44-46; 4:34-37) Ka nako yonone, go yye gwa nyarela seyemo se sengwana sa go baba. ‘Ka moka matšatši mo batho ba neyiwa’ tsa go ja, basadi ba Magerika ba gore ba kgwele ke banna ‘ke mo ba takiwa.’ (Meber. 6:1) Mara basadi ba Maheberu ba gore le bona ke mo ba kgwele ke banna ke mo ba sa takiwi. Di šupa nkare tabataba ke mo go le go kgeranana. Ga go tlala taba yowa ya go hlawolana kela go kgeranana yi maka gore batho ba nape ba ro nyenyana.
(Mebereko 6:2-7) Byalo bona ba le 12 ba hlekeletsa malata ya go tlala ke moka ba re: “A di ya loka tsa gore re lesetse lentsu la Modimo gore re phakise batho tsa go ja di tafoleng. 3 Ka taba la tsotsone, lune magageru, hlawolaneng banna kašupa ga bona hone ga lune, ba gore baa tshepega, ba go hlalefa le ba go ba le moya wa go hlawolega, gore re ba hlawole ga mmereko wowa wo mogolo; 4 mara rune re nyoko ya mahlong re kenelele ka matla ga tsa go rapela le go tšhomayela lentsu.” 5 Tso ba di bolabodiyeng di wo jabodisiye ka matla mogoba wone ka moka, ke mokane ba hlawola Stefano, monna wa go ba le tumelo le moya wa go hlawolega, le Filipi, Prokhorase, Nikhanore, Timoni, Paremenase le Nikholase wa Anthiyoko wa gore ke mo a sokologiye. 6 Ba ba leya ga mapostola, ke mokane mo ba fetsa go rapela, ba ba beya matsogo. 7 Ka taba lowa, lentsu la Modimo le yye mahlong le kene le sabalala, le nombhoro ya mapostola ya ya mahlong yi kene yi yeketsega ka matla ku Jerusalema; fote maprista ya go tlala ma thomisa go theetsela ka tumelo.
bt 42 ¶18
“Di Nyaka re Theetsele Modimo wa Gore go Lawola Yene”
18 Mapostola, ya gore ke mo go le mogoba wa go lawola ga phutego yela ye nyana mo yi kene yi gola, ba di bonne gore di ko ba di sa nape di šupetsa go hlalefa mo ba ‘lesetsa lentsu la Modimo gore ba phakise batho tsa go ja di tafoleng.’ (Meber. 6:2) Gore ba lukise ntshetshere yowa, ba kgopele malata gore ma nyakane le banna kašupa ga bona ‘ba gore ba na le moya wa go hlawolega fote ba hlalifiye’ gore mapostola ba ma hlawole ba make “mmereko wowa wo mogolo.” (Meber. 6:3) Ke mo di nyaka go be le banna ba gore ba tshwanelega gabutši ka taba la gore mmereko wowa ne ba nyoko wo maka ke mo go se wa go fo phakisa batho tsa go ja, mara ne go le wa go tshwara tšheleta, go rekareka dilo le go ngwalangwala dilo ka mokgo dilo di berekisiwweng ka gona. Banna bo ba kgetiwweng ka mokana ga bona ke mo ba na le mabitso ya Segerika, di ka makega gore tsotsone di yye tsa maka gore basadi bala ba go kgwela ke banna ba kgibe. Mo mapostola ma šele ma rapele ka taba yowa, ma yye ma hlawola banna kašupa ga bona gore ba make ‘mmereko wowa wo mogolo.’
(Mebereko 7:58–8:1) Ka nthago ga gore ba mo lahlele ka ku tawong ga mutši, ba thomisa go mo pshyaya ka matlapa. Bo ne ba hlatsela taba yone ba yye ba yatlala dikobo tsa bona tsa ka tawong mawotong ya mosogana ye bareng ke Sawulo. 59 Mo ba kene ba pshyaya Stefano ka matlapa, o yitseri: “Morena Jeso, yamogela moya waka.” 60 Ke mokane a kgotama, a yahlamela ka matla a re: “Jehova, o sa ba patedisi ga so ba sinnyeng.” Ka nthago ga go bolabola dilo tso, a tiketselela a tikgwela.
8 Sawulo yene o yye a dumela gore Stefano a bolayiwe. Ka letšatši lolone phutego ya Jerusalema ya thomisa go hlopegisiwa ka matla; batho ka mokana ga bona ba tlalagana dimitšaneng tsa Judiya le tsa Samariya, gwa fo šala mapostola fela.
Go Wunyulla tso di Wutammeng ka Baebeleng
(Mebereko 6:15) Mo ka mokana ga bo ba duling ga Sanhedrini ba mo lebelela, ba bona nkare sefahlego sage se tshwana le sa lengeloyi.
bt 45 ¶2
Stefano—‘O Kwelana go Baba ka Matla Fote o na le Matšhika’
2 Gana byalo go na le selo sa go jabodisa so se makegang ka sefahlego sa Stefano. Bo ba go yahlola mo ba mo lebelela ba bona sefahlego sage “se tshwana le sa lengeloyi.” (Meber. 6:15) Mangeloyi ma leyela batho molayetsa wa go tšwa ga Jehova Modimo, byalo a ma tšhoge selo, ma kgibiye fote ma kwana le tsa go beba. Le Stefano o ka mokgonone—le bo ba ba go yahlola ba dipelo tse diphifadu tsa gore di mo hloyye baa di bona tsotsone. Mara ke ntaba a fo dula a kgibiye?
(Mebereko 8:26-30) Mara, lengeloyi la Jehova le bolabodiye le Filipi la re: “Tlogamela o ye ka hala borwa ka pata ya go thewoga yi tšwa Jerusalema yi ya Gatsa.” (Yowa ke pata ya kgwaakgwa.) 27 Ke mokane a tlogamela a sepela, byalo ke yenene o gahlana le monna wa Leyithopiya, wa gore le yene ke mo a lawola tse dingwana a le ka tlase ga Khandase, kgoši ya mosadi ya Mayithopiya, wa gore ke mo a pasopa makgekgeba le makolwane yage ka mokana ga wona. Ke mo a yye Jerusalema a ye rapeleng, 28 byalo ke mo a sologa a tšwa gona a kalamme sekotšikara sage sa dipera, a bala puku ya moporofeta Hezekiya a kene a kwagala. 29 Byalo moya wa bolabola le Filipi wa re: “Šutela thina le sekotšikara sowa.” 30 Filipi a taboga thina naso ka ho nthoko ke mokane a mo kwa mo a bala puku ya moporofeta Hezekiya a kene a rasa, ke mokane a re: “Ayitsano tso o balang ka tsona wa di kwisisa?”
bt 58 ¶16
Go Tšhomayela “Ditaba tsa go Bafala ka Jeso”
16 Makreste lekgono ma ka maka mmereko wo Filipi a wo makiyeng. Thina le thina go thulega lešuba la go botsa batho ka molayetsa wa Mmušo wa Modimo le mo ba ka fo ba ba se tšhomong, go tshwana le mo ba ya ga go ya. Ga go tlala, tsa gore ba šinye ba gahlane le motho wa pelo ya go bafala a yi tsa go fo re di ro timakegela nje. Di maka ke gore so Baebele yi se hlayang mo yi re mangeloyi ma yetetsa mmereko wowa wa go tšhomayela gore molayetsa o thogo segela ga “setšhaba se sengwana le se sengwana le setšo le mmolabolo le batho.” (Kut. 14:6) Jeso o hlayye go sa le botala gore mangeloyi ma nyoko ba le rune mo re kene re maka mmereko wowa wa go tšhomayela. Ga mošupetso wo Jeso a wo makiyeng wa korong le ngwere, o yitseri ka nako ya go buna—mo go fela lefase lowa—‘ba go buna ke mangeloyi.’ O yeketsiye ka gore batho bo ba moya ba nyoko ‘kgobeketsa dilo ka mokana ga tsona tso di phiriketsang le batho ka mokana ga bona ba go maka tsa go befa ke mokane ba ba bošela ka tawong ga mmušo wage.’ (Mat. 13:37-41) Ka nako yonone, mangeloyi ma nyoko ba ma kgobeketsa batho ba gore ba nyoko tla ba lawola Mmušong—ke mokane ka nthago gwa kgobeketsiwa “mogoba wo mogolo” wa “dinku tse dingwana”—wa gore Jehova o nyaka go wo gogela ga mokgahlo wage.—Kut. 7:9; Joh. 6:44, 65; 10:16.
Go Bala Baebele
(Mebereko 6:1-15) Byalo ka dinako tsotsone mo malata ma kene ma yeketsega, Majuda ya go bolabola Segerika ma yye ma thomisa go kokola ka Maheberu ya go bolabola Sejuda ka taba la gore magagabo ya basadi ba go kgwela ke banna ne ma takiwa ka moka matšatši mo batho ba neyiwa tsa go ja. 2 Byalo bona ba le 12 ba hlekeletsa malata ya go tlala ke moka ba re: “A di ya loka tsa gore re lesetse lentsu la Modimo gore re phakise batho tsa go ja di tafoleng. 3 Ka taba la tsotsone, lune magageru, hlawolaneng banna kašupa ga bona hone ga lune, ba gore baa tshepega, ba go hlalefa le ba go ba le moya wa go hlawolega, gore re ba hlawole ga mmereko wowa wo mogolo; 4 mara rune re nyoko ya mahlong re kenelele ka matla ga tsa go rapela le go tšhomayela lentsu.” 5 Tso ba di bolabodiyeng di wo jabodisiye ka matla mogoba wone ka moka, ke mokane ba hlawola Stefano, monna wa go ba le tumelo le moya wa go hlawolega, le Filipi, Prokhorase, Nikhanore, Timoni, Paremenase le Nikholase wa Anthiyoko wa gore ke mo a sokologiye. 6 Ba ba leya ga mapostola, ke mokane mo ba fetsa go rapela, ba ba beya matsogo. 7 Ka taba lowa, lentsu la Modimo le yye mahlong le kene le sabalala, le nombhoro ya mapostola ya ya mahlong yi kene yi yeketsega ka matla ku Jerusalema; fote maprista ya go tlala ma thomisa go theetsela ka tumelo. 8 Byalo Stefano ke mo nyaka ke Modimo ka matla fote a na le matšhika, ke mo a maka dilo tse dikgolo tsa go bafala tsa gore ke mo di makatsa batho le mešupetso. 9 Mara go yye gwa segela banna ba bangwana bo ba reng ke ba Sinagoge ya Ba go Lokologa, ba na le Masayirini le Maalezendhriya, le ba bangwana ba go tšwa Silisiya le Asia, gore ba tle ba thothane le Stefano. 10 Mara di ba šitiye go mo hlula ka polabolo ka taba la gore ke mo a hlalefiye fote a na le moya wa go hlawolega. 11 Ke mokane ba kutšetsela batho ka makhukhung gore ba hlaye gore: “Re mo kwile a bolabola dilo tsa maroga ka Moše le Modimo.” 12 Ke mokane tsotsone tsa dunghanya batho, bagolo, le bamangwalo, ke mokane ba mo kutulugela, ba mo tshwara ka tšhinghi ba mo yisa ga Sanhendhrini. 13 Ba leyye le dihlatse tsa go mmolabolela matsaka tsa gore ke mo di re: “Monna yewa o fo ya mahlong a bolabola dilo tsa go sa hlamatsega ka poleke yowa ya go hlawolega le ka Molawo. 14 Mo re fo le beyisela, re kwile a re Jeso yewa wa Natsaretha o nyoko sinyanya poleke yowa fote o nyoko tšhentšha melawo yo Moše a re neyyeng yona.” 15 Mo ka mokana ga bo ba duling ga Sanhedrini ba mo lebelela, ba bona nkare sefahlego sage se tshwana le sa lengeloyi.