Ditodi Tsa Sepukwane sa Mogahlano wa Maphelelo le Matšhomayelelo

Ditodi Tsa Sepukwane sa Mogahlano wa Maphelelo le Matšhomayelelo

MARCH 3-9

MAKOLWANE KA TENG GA LENTSU LA MODIMO DIYEMA 3

Šupetsa Gore wa mo Tshepa ga Jehova

ijwbv taba 14 ¶4-5

Diyema 3:5, 6—“O sa Titshepe ka Matla”

“Tshepa Jehova ka Pelo Yago ka Moka.” Re šupetsa gore ga Modimo re ya mo tshepa mo re maka dilo ka mokgo a nyakang. Di nyaka re tshepe Modimo ka dipelo tsa rune ka moka. Ka ho Bhayibeleng, ga go tlala mo ba bolabola ka pelo ba ra motho ye re leng yene ka ku tengteng, gana hone go kena ka mokgo motho a tikwang ka gona, tso di mo hlohletselang, ka mokgo a naganang, le ka mokgo a titshwarang ka gona. Byalo ga taba ya go tshepa Modimo ka dipelo tsa rune ka moka a go fo kena fela ka mokgo re tikwang. Sepheto sowa re se segelela ka taba la gore a re kamake le ka go nyana gore ye a re Makiyeng o tšiba tso di re berekelang.—Maroma 12:1.

“O sa titshepe ka matla.” Di nyaka re tshepe Modimo ka taba la gore rune beng a re ya yenela. Mo re tithega ka rune beng kela re dumelela ka mokgo re tikwang go lawola ka mokgo re makang dilo, re ka segelela dipheto tsa go ka bonala di lukiye mara mafelelong di ka leya maphomela ya go sasamela. (Diyema 14:12; Jeremiya 17:9) Mahlalefelo ya Modimo ma phala kgole ya rune. (Jesaya 55:8, 9) Mo re yetetsa ke Modimo, re nyoko phomelela.—Pisalema 1:1-3; Diyema 2:6-9; 16:20.

ijwbv taba 14 ¶6-7

Diyema 3:5, 6—“O sa Titshepe ka Matla”

“Ga dilo ka moka tso o di makang, dula o naganne ka yene.” Di nyaka re dula re naganne ka Modimo ga selo se sengwana le se sengwana so re se makang ho lephelong le ga dipheto tse dikgolo tso re di segelelang. Re maka tsotsone ka go mo rapela gore a re yetetse le go latelela tso a di hlayang ka Lentsung lage, Bhayibele.—Pisalema 25:4; 2 Thimothi 3:16, 17.

“O nyoko maka gore ditsela tsago di wolologe.” Modimo o maka gore ditsela tsa rune di wolologe ka go re gelepa gore re phele ka melawo yage ya go loka. (Diyema 11:5) Ka mokgonone re phema go wela dikotsing fote re jabolela lephelo.—Pisalema 19:7, 8; Jesaya 48:17, 18.

be-SE 76 ¶4

Ariye Mahlong o Gola

Mo motho a gahlanne le mayemo ya go tlalanyana lephelong, tsone di ka maka gore a nagane gore: ‘Ke yye ka ba ga seyemo sowa ku nthago. Ke ya tšiba gore di nyaka ke make ying.’ Ayitsano tsotsone di ko ba di šupetsa go hlalefa? Diyema 3:7 yi re pasopisa ka gore: “O sa tipone o hlalefiye.” Ke nnete gore tso re fitiyeng ga tsona ho lephelong go nyaka di re gelepe gore re kgone go bona mahlaya ka moka ya taba mo re lebanne le seyemo lephelong. Mara mo nkare re ya gola ga tso tsa Modimo, tso re fitiyeng ga tsona di nyoko maka gore re di tshepe ka monaganong le dipelong tsa rune gore re hloka gore Jehova a re rufe gore re thogo phomelela. Byalo re ko ba re šupetsa gore re ya mahlong re gola mo re yakgoswa re tšhabela ga Jehova gore a re yetetse ho lephelong, re sa tshepele ga rune beng mo re lebana le mathatha. Fote re ko ba re šupetsa gore re ya mahlong re gola mo re tshepa gore a go na so se ka makegang mo yene a sa di dumelele, le mo re ba le senghana sa go tiya sa gore fote se ya tshepega le Papa wa rune wa ku magedimong.

Tso di Wutammeng ka Bhayibeleng

w06-SE 9/15 17 ¶7

Monopo wa go Tšwa ga Puku ya Diyema

3:3. Di nyaka re tseyele gedimo taba ya go tshwara ba bangwana ka mokgwa wa go ba šupetsa gore re ba nyaka ka matla le gore re kwana le nnete, fote re di make batho ba šala ba di bona, go tshwana le ka mokgo ne ba nyoko bona mo re yapere makolwane ya go tura ho molaleng. Fote di nyaka dilo tsone re di ngwale ka dipelong tsa rune, gore batho ba re tšibe ka tsona.

MARCH 10-16

MAKOLWANE KA TENG GA LENTSU LA MODIMO DIYEMA 4

“Tšhireletsa Pelo Yago”

w19.01 15 ¶4

O ka Maka Byang Gore o Tšhireletse Pelo Yago?

Lentsu lowa la gore “pelo” ga Diyema 4:23, le rela “so motho a leng sona ka ho teng gage” kela “so a leng sona ka makhukhung.” (Bala Pisalema 51:6) Ka mantsu ya mangwana, “pelo” yi rela tso re di naganang re ntoši, ka mokgo re tikwang, tso re nyakang go di maka le tso re nabelang go di segelela. Gabutšibutši a yi rele so re leng sona ka ho tawong, mara yi ra so ka nnete-nnete re leng sona ka ho teng.

w19.01 17 ¶10-11

O ka Maka Byang Gore o Tšhireletse Pelo Yago?

Mo nkare ka nnete re ya di nyaka go tšhireletsa dipelo tsa rune, di nyaka re tšiba dilo tso di ka ga re tlonyang gore mo di nyarela, re tšibe gore re kena kakaye. Lentsu lowa la gore ga Diyema 4:23 ba le hlatolla go le “tšhireletsa” le re gopotsa ka mmereko wo wo makang ke matšinghelani. Bomatšinghelani ba dinako tsela tsa Kgoši Solomoni ke mo ba yema mo mapharong ya mutši ke mokane ba yahlamela mo ba bona go šutela se sengwana sa go tshosa. Mo re nagana ka taba yowa ya bomatšinghilane bowa, re thogo kwisisa gabutši gore ke ntaba di nyaka re karakare gore Sathane a sa re fokole.

Ku botala, bomatšinghelani bo ba berekelang ka ho teng ga mutši ke mo ba berekisana le bo ba kwalang digheyiti tsa hone mutšing. (2 Sam. 18:24-26) Ka mokana ga bona ke mo ba berekisana gore mutši o pasopege, ke mo ba kwala digheyiti tsa mutši mo di šupa nkare lenaba le ya šutela. (Neh. 7:1-3) Le rune makwalo ya rune ya gore ma lokotšiwwe gabutši ka Baebeleb ma ka bereka go tshwana le bomatšinghelani ke mokane ma yakgoswa ma re botsa mo Sathane a nyarela le mathayithayi yage ya go sinya dipelo tsa rune—ka mantsu ya mangwana, mo a nyaka gore tso re di naganang, ka mokgo re tikwang, tso re nyakang go di segelela kela tso re di nabelang go be tsa go kekema. Mo makwalo ya rune ma yahlamela ma re go nyarela kotsi, le rune di nyaka re yakgoswe re kwala digheyiti.

w19.01 18 ¶14

O ka Maka Byang Gore o Tšhireletse Pelo Yago?

Di nyaka re tlosa dipelo tsa rune ga dilo tsa go sa yi ka tsela re boye re di tšhutise go theetsela tsa gore di gabutši. Tla re boyele ka gonyana ga taba yela ya mutši ya gore wo yagelele ke mapharo. Matšinghelani o kwala digheyiti gore manaba ma šitege go kena, mara go gongwana wa di bula gore go thogo kena ba gore ba tl’le khita tsa go ja kela dilo tse dingwana hone mutšing. Mo go ka fo dula go kwadiwwe digheyiti, batho ke mo ba nyoko kgwa ka tlala. Le rune di nyaka re bule dipelo tso tsa rune gore Jehova a di tlatse ka dilo tsa gabutši gore re thogo maka dilo tso yene a di nyakang.

w12-SE 5/1 32 ¶2

“Tšhireletsa Pelo Yago!”

Ke ntaba di nyaka re pasope pelo ya rune ya go tshwanisela? Modimo o hlohletsele kgoši Solomoni gore a ngwale gore: “Ga dilo ka moka tso di nyakang o di tšhireletse, tšhireletsa pelo yago, ka taba la gore lephelo le tšwa ga yona.” (Diyema 4:23) Lephelo lo re le phelang gana byalo le lo re nyoko le phelang ku mahlong le tithegiye ka pelo ya rune ya go tshwanisela. Ke ntaba? Ka taba la gore Modimo o bona so se leng ka pelong. (1 Samuwele 16:7) Pelo ya rune ya go tshwanisela, re ra “so motho a leng sona ka ho teng gage,” ke yona yo yi nyoko makang gore Modimo a re yamogele kela awwa.—1 Petro 3:4.

Tso di Wutammeng ka Bhayibeleng

w21.08 8 ¶4

Ayitsano o ko di Kgona go Yemela Jehova?

Diyema 4:18 yi re botsa gore, “pata ya wa go loka yi tshwana le mo go thoma go khanya ka bošego, go fo ya go kene go yela go šinye go ba motshegare.” Mantsu yawa ma šupetsa gabutši gore Jehova o gelepa batho bage gore ba kwisise tso a nyakang go di maka—o ba wunyullela tsona ka gonyana ka gonyana. Mara temanyana yowa yi re yedisela taba ya gore ke dilo difeng tso di nyakegang gore Mokreste a šinye a šupetsa gore o tlalele ga tso tsa Modimo. Gore motho a bonale gore o tlalele ka ho ga tsa Modimo, a di nyake re mo jaga. Di tseya nako. Mo wene mong o garagara o kene o titšhutisa o le ntoši o boya o theetsela mo o wolola ke Lentsu la Modimo le mokgahlo wage, mo nako yi kene yi ya re nyoko ba le mekgwa ya go tshwana le ya Kreste. Re nyoko tokegela ga tso re di tšibang ka Modimo. Tla re bone gore taba yowa Jeso o yi tshwanisiye le ying.

MARCH 17-23

MAKOLWANE KA TENG GA LENTSU LA MODIMO DIYEMA 5

Kganela Kgole le go Maka Bonghwahla

w00-SE 7/15 29 ¶1

O ka Kgona go Dula o Yediye ga Lefase Lowa la go sa Yela

Ga seyema sowa, motho wa go sa titshware gabutši ba mo šupetsa go le “mosadi wa go sa tlwayelega”—wa go rekisa mmele. Mantsu ya a ma berekisang go goga batho ma tswetswenya go tshwana le todi ya dinosi le go thelela go tshwana le oyili ya diolivi. Ke nnete gore tsa go maka gore o feleletse o makiye bonghwahla di thoma ka mokgonone. Mo re beyisa, nagana ka mabhalane wa go ba le 27 ya mengwaga ye ba reng ke Amy, wa gore ne a bafele ka matla. O hlaya gore: “Ne go na le monna ye mongwana ku mmerekong wa gore ne a nyaka go dula a mpolabodisa fote ne a dula a nthanaka ka moka nako. Di ya jabodisa mo motho a go thanaka. Mara ne ke di bona gore gabutšibutši ne a nyaka go yetsela le nna. Ne nka sa dumele gore a nlahletse.” Mantsu ya go jabodisa ya monna kela mosadi a ma berekisang go go goga maa jabodisa, mara di nyaka re ma bone gore gabutšibutši ke ya mošaga mang. Fote gore re thogo maka tsotsone di nyaka re tišhutise go nagana.

w00-SE 7/15 29 ¶2

O ka Kgona go Dula o Yediye ga Lefase Lowa la go sa Yela

Maphomela ya go maka bonghwahla ma gakga go tshwana le semelane sa go galaka fote ma hlaba go tshwana le sabola ya go sega ka ho le ka ho—ma baba ka matla fote maa bolaya. Ga maphomela yane ya go baba go kena lekwalo la go go kokona, go yima o sa polana, kela malwele ya go tshelela mo o maka tsa mapaying le motho ye mongwana. Fote nagana ka ka mokgo motho ye a šadhiyeng a robegang pelo ka gona mo monna kela mosadi wage a sa tshepege gage. Go sa tshepegele motho ye o šadhiyeng naye, le mo go ka ba ga teya, go ka kwaletsa motho lephelo lage ka moka. Eya, bonghwahla bya baba.

w00-SE 7/15 29 ¶5

O ka Kgona go Dula o Yediye ga Lefase Lowa la go sa Yela

Di nyaka re kganele kgole le batho ba go maka bonghwahla gore ba sa tle ba re kutšetsela. Ke ntaba di nyaka re tipotlometsa marageng ka go theetsela dikoša tsa bona tsa go sa yela, go lebelela TV kela dimuvi tsa go tšwa pateng, kela go lebelela batho ba go sa tšwara? (Diyema 6:27; 1 Makorente 15:33; Maefeso 5:3-5) Fote re ko ba re šupetsa go sa hlalefa mo rune beng re ba goga gore ba re šutelele ka go yapara le go tilukisa ka mokgwa wa gore a yi wona!—1 Thimothi 4:8; 1 Petro 3:3, 4.

Tso di Wutammeng ka Bhayibeleng

w00-SE 7/15 29 ¶7

O ka Kgona go Dula o Yediye ga Lefase Lowa la go sa Yela

Solomoni o šihlela maphomela ya magolo ka matla ya go maka bonghwahla. Go maka bonghwahla go sipidisana le go tseyediwa fase kela go sa tihlompe. Ayitsano a di tšebisi go maka tsa mapaying gore o fo tikgotsofatsa kela gore o kgotsofatse motho ye mongwana? Ayitsano a di šupetse o le motho wa go sa tihlompe mo o maka tsa mapaying le motho wa gore a wa šadha naye?

MARCH 24-30

MAKOLWANE KA TENG GA LENTSU LA MODIMO DIYEMA 6

King Tso re di Tšhutang ga Ditšhotšhwane?

it-1-E 115 ¶1-2

Tšhotšhwane

‘Mahlalefelo ya Hlago.’ ‘Mahlalefelo’ ya ditšhotšhwane a yi mahlalefelo ya gore di ro thoma di nagana, mara ke mahlalefelo ya hlago ya gore Modimo o ro di maka di le nawo. Bhayibele mo yi bolabola ka tšhotšhwane yi re yi ‘lukiselela tsa go ja tsa yona go sa le selemo fote yi hlekeletsa tso yi di gayelang mo go buniwa.’ (Diy 6:8) Ga ditšhotšwane tsa mohlobohlobo tso di krayegang ku Palestine, go na le yo ba reng ke tšhotšhwane ya go buna (Messor semirufus), ya gore yi hlekeletsa mabele mo mehlare yi hloga le ka selemo, ya ma berekisa ka dinako tsa gona le marega, ga gore tsa go ja a di krayege gabutši. Ga go tlala ditšhotšhwane tsone di krayega mo ba feferelang mabele gona, ga gore dipewu le mabele di tlele gona. Mo pula yi ka na, ya maka gore tsa go ja tsela yi di hlekeletsiyeng di thambhe, tšhotšhwane yone ya go buna yi nyoko di tseya yi di beya letšatšing gore di wome. Fote yi tšibega ka go ngatha pelo ya pewu gore pewu yone yi sa gole yi ba semelane. Ditšhotšho tsa ditšhotšhwane tsa go buna di bonagala gabutši ga mesela yo di sepelang ga yona le ga molete wo di dulang ga wona wa gore di wo kwala ka dikwakwa tsa dipewu ka ho tawong.

Mekgwa ya Yona ya Gore re ka yi Kopisela. Tso ba di krayyeng mo ba nyakolla ka tšhotšhwane di makiye gore go hlayiwe mantsu yawa: “Ariye ga tšhotšhwane, wene wa go tshwata; lebelela ka mokgo yi makang dilo gore o thogo hlalefa.” (Diy 6:6) A yi fo ba taba ya gore di ya karakara mo di lukiselela tsa ku mahlong mara di maka dilo ka matšato fote di tikemisele, ga go tlala di rwala kela go gogoyisa dilo tsa gore di roba go di feta, di maka tso di ka di kgonang gore di thogo fetsa mmereko wa tsona, fote a di lahle tewu le mo di fela di wa, kela di thelela, kela di phokologa matlapeng. Di berekisana ka mokgwa wa go makatsa fote di hlupega ka ditšhotšhwane tse dingwana tso di berekang natso, ka dinako tse dingwana di gelepa tso di kwaleleng kela tso di tinweng gore di boyele mo di dulang.

w00-SE 9/15 26 ¶3-4

Pasopa Lebitso Lago

Ayitsano o ka sa tšhuti go bereka ka matšato go tshwana le tšhotšhwane? Go bereka ka matšato le go lokotša ka mokgo re makang mmereko wa rune di gabutši ka matla go se na taba gore ba re lebelele kela awwa. Eya, re le sekolong, mmerekong, le mo re kene re maka mmereko ga tso tsa Modimo, di nyaka re wo make ka matšhika ya rune ka moka. Go fo tshwana le mo tšhotšhwane yi ba le maphomela ya gabutši ka taba la go bereka ka matla, Modimo le yene o nyaka gore re ‘bone tsa gabutši ga mmereko ka moka wo re wo makang.’ (Mmolabodi 3:13, 22; 5:18) Patela ya go bereka ka matla ke go ba le lekwalo la go yela le go kgotsofala wene mong.—Mmolabodi 5:12.

A berekisa diputsiso ka dipedi tsa go sa nyake phetolo, Solomoni o liketsa go tsosa motho wa gore wa tshwata wa go sa nyake go maka selo: “Wene wa go tshwata, o nyoko yetsela go segela neng? O nyoko tsoga neng?” A yekisela tso ye wa go tshwata a di hlayang, kgoši yi tokegela ka gore: “O nyoko yetselanyana, o nyoko ponyanyana, o nyoko patlamanyana o phutiye matsogo gore o khutse, go hlupega go nyoko go tlela nkare ke tsotsi, fote go nyoko ba nkare motho wa gore o tshwere dilo tsa go lwa ka tsona o tsere dilo tsago ka mokana ga tsona.” (Diyema 6:9-11) Mo motho wa go hlupega a sa yetsele a libiye kgakala, bošuwana bo nyoko mo kutulugela ka go yakgoswa go tshwana le tsotsi, fote ka go yakgoswa o nyoko tlela ke tlala go tshwana le motho wa gore o tshwere dilo tsa go lwa ka tsona. Mašemo ya motho wa go tshwata ma yakgoswa ma tlala ka ngwere le mutlwa. (Diyema 24:30, 31) Bhisinisi yage yi yakgoswa yi wa. Ayitsano di ka tseya nako ya go segela kaye gore ye a hiriyeng motho wa go tshwata a tinwe ka yene? Ayitsano o ka litela gore ngwana wa sekolo wa gore o tshwata go bala dipuku a pase?

Tso di Wutammeng ka Bhayibeleng

w00-SE 9/15 27 ¶3

Pasopa Lebitso Lago

Ka šupa ya dilo tso puku ya diyema yi bolabolang ka tsona ke mong ditšhiko fote ga tsona go kena dilo ka moka tsa go sinya. “Mahlo ya go taboga ka matla” le “pelo ya go polana dilo tsa go kwaletsa” ke go sinya ga gore o go maka ka monagano. “Lleme la go bolabola matsaka” le “hlatse ya go bolabola matsaka” ke mantsu ya go sinya. “Matsogo ya go falatsa madi ya go se na molato” le “mawoto ya go tabogela go maka tsa go sinya” tsowa go maka motho wa pelo ye phifadu. Fote Jehova o hloyye ka matlamatla motho wa go kwana le go šehlolla kela go sinya senghana sa bo ba dulang ggoši ka go beba. Taba ya gore letheto lowa la dilo tsa go sinya le tlugiye ga kobodi ya dilo la yeketsega gwa ba kašupa ya dilo tsa go sinya di šupetsa gona gore a dya felela, ka taba la gore batho ba dula ba yeketsa dilo tso ba di makang tsa go sinya.

MARCH 31–APRIL 6

MAKOLWANE KA TENG GA LENTSU LA MODIMO DIYEMA 7

Kganela Kgole le Mayemo ya go ka Maka Gore o Sinye

w00-SE 11/15 29 ¶5

“Theetsela Melawo Yaka o Phele”

Lefastere lo Solomoni ne a sekela ka tawong ka lona, ne le makiwwe ka mapolanka ya gore ba ma phiriketsannye, ne go šala mašuba ya gore o kgona go bona ka tawong. Mo le kene le thomisa go kgwalala, ka ho tawong go thomisa go ba letshwifi. O bona mosogana ye mongwana wa gore o sa gola wa gore aa tšibi mo a yang. Mosogana yene wa gore aa hlahlama, kela wa go sa nagane gabutši, o nyakana le tso pelo yage yi di nabelang. Di ka makega gore wa tšiba gore o ga poleke ya mošaga mang le gore king so se ka mo makegelang gana hone. Mosogana yela wa gore o sa gola o šutela thina le “khoneng” ya ntlo ya mosadi yene. Mosadi yene ke mang? Mosadi yene o nyaka go maka ying?

w00-SE 11/15 30 ¶4-6

“Theetsela Melawo Yaka o Phele”

Molomo wa mosadi yene wa thelela. Mosadi yene aa tshegatshegi, o thomisa go bolabola a tiyisiye ka ganong. Tso a di hlayang o šele a naganne ka tsona gore a thogo woka mosogana yene wa gore o sa gola. Mo a hlaya gore tšatši lolone o makiye sehlabelo sa go hlekediwa, o nyaka gore di bonale nkare o maka dilo tsa go loka, go nyaka go šupetse gore aa bate ga tso tsa Modimo. Gore o thogo maka dihlabelo tsa go hlekediwa tempeleng ya Jerusalema ne go nyakega nama, folawa, makgura, le wayini. (Lefitiko 19:5, 6; 22:21; Dipalo 15:8-10) Ka taba la gore motho ye a makang sehlabelo sone ne ba mo dumelela go tseyela yene le ba mutši wage tse dingwana tsa dilo tso a makiyeng sehlabelo ka tsona, mosadi yela o botsa mosogana yela gore go na le tsa go ja le tsa go nwa tsa go tlala ntlong yage. Taba yowa yi fo ba lekgwaying: Mosogana yewa wa gore o sa gola ne a nyoko tikwisa. Mosadi yewa o tšwile ntlong yage gore a tle a nyakele mosogana yewa. Phela taba yowa ya tikisa—mo nkare wa yi tshepa. “Ke nnete gore ne a tšwile a nyakela motho,” ke tso di hlayyeng ke ye mongwana wa go tšhutela tsa Bhayibele, “mara ayitsano ne a nyakana le yene mosogana yenewa wa gore o sa gola? Ke sephokophoko fela—go tshwana le yene mosogana yene—so se ka tshepang mosadi yene.”

Ka nthago ga mo a šele a tibafadisiye ka go tšhepa, modumo wa lentsu lage mo a kene a hlaya mantsu ya go kgetisana, ka mokgo a mo tshwarang ka gona, le ka go tswetswenya ga molomo wage, o woka le ka mokgo a nkgelang. O hlaya gore: “Ke yatlele mašitisi ya go tura mpetong waka, llapi la dikhalakhala la linene la go tšwa Egepita. Ke fokele mira, legalane le sinamone mpetong waka.” (Diyema 7:16, 17) Ne a kgabisiye mpeto wage ka linene ya dikhalakhala ya go tšwa Egepita fote o makiye gore mpeto wage wo nkgele ka go tlotsa mira, legalane, le sinamone.

“Tla re yetsele ggoši go segela bo sa,” a boya a tokegela ka gore, “tla re make tsa ka mapaying.” Sememo sowa a go fo ba sa batho ka babedi ba go fo tijela tsa go ja tsa ledhina fela. Tso mosadi yene a di hlayang ke gore ba nyoko maka le tsa ka mapaying. Mosogana yewa wa gore o sa gola, o tikemisele go liketsa fote o kwa di mo jabodisa! Mo mosadi yewa a kene a ya mahlong a mo woka, o tokegela ka gore: “Monnaka aa šiyo gaye; o yye polekeng ya kgole. O tsere sekhwama sa tšheleta, a ka sa boye go segela go ba gare ga kgwedi.” (Diyema 7:18-20) Mosadi yela o botsa mosogana yene gore ba nyoko ba ba pasopegiye ka taba la gore monnage aa šiyo, o sa sipidiye ka tsa mmereko fote a yi wa go boya gana byalo. Phela mosadi yene o teya a tshwarelele ga tsa go woka masogana ya gore ma sa gola! “Mosadi yene o mo tanya ka mantsu ya go mo woka, o butsiye mosogana yela matsaka ya go tlala fote a maka gore a ma tshepe. O wokiye mosogana yene ka mantsu ya go natefela.” (Diyema 7:21) Di nyaka banna ba go tshwana le Josefa gore ba thogo gana go woka ke mosadi yewa wa go bafala. (Genesi 39:9, 12) Ayitsano mosogana yewa o nyoko tshwana le Josefa?

w00-SE 11/15 31 ¶2

“Theetsela Melawo Yaka o Phele”

Sememo sowa ga mosogana yewa wa gore o sa gola se bonala se sa ganegi. O phagele ka thoko tso lekwalo lage le mmotsang, mosogana yene wa gore o sa gola o latelela mosadi yene ‘go tshwana le pholo ya go ya gwe bolayiweng.’ Go fo tshwana le monna wa gore ba mo tlemelele ka diketane wa gore a ka sa tšhabelele go wolodiwa, le mosogana yewa wa gore o sa gola o tlungwele ga tso tsa go sinya. Aa tipone gore o kotsing go segela mo “mosefo o mo hlaba ho sebeteng,” tsone di rela gore go segela a kwalela lela la gore a ka kgwa. A ka kgwa tsa mannete ka taba la go tshelela ke malwele ya ma bang gona mo o maka tsa ka mapaying. Go kwalela mone go ka maka gore a kgwe ga tso tsa Modimo; “gana hone go kena lephelo lage.” Tso a di sinnyeng di yama lephelo lage, fote o sinyele Modimo ka matla. Ka mokgonone o yakgoswela go kgwa go tshwana le nonyane mo ba yi tannye molabong!

Tso di Wutammeng ka Bhayibeleng

w00-SE 11/15 29 ¶1

“Theetsela Melawo Yaka o Phele”

Solomoni o ya mahlong ka gore ‘Yi tlemelele [melawo yaka] mo menwaneng yago; Di ngwale pelong yago.’ (Diyema 7:3) Ka taba la gore dinwana di mo mahlong ga rune fote di ya nyakega gore o thogo segelela tso o di nyakang, tso Mangwalo ma re yetetsang ka tsona le tso o di tšhutang ka Bhayibeleng ke tsa gore di nyaka re dule re di gopola le go re yetetsa ga dilo ka moka tso re di makang. Di nyaka re yi ngwaleneng ka dipelong tsa rune, re make gore yi be so re leng sona ka teng.

APRIL 7-13

MAKOLWANE KA TENG GA LENTSU LA MODIMO DIYEMA 8

Theetsela Jeso wa Gore o Hlalefiye

cf-SE 131 ¶7

“Papa ke mo Nyaka ka Matla”

Ga temanyana 22, wa go hlalefa o re: “Ke nna wa mathomo ga dilo tso Jehova a di makiyeng, wa mathomo ga dilo tso a di segeleleng ku botala.” Di ya šupa gore a go bolabodiwi ka go hlalefa fela, ka taba la gore go hlalefa o ka sa go ‘make.’ A go na mo go thommeng gona ka taba la gore Jehova kgale le kgale a le gona fote kgale le kgale a hlalefiye. (Pisalema 90:2) Mara Morwayi wa Modimo ke “letšibula la dilo ka mokana ga tsona.” Ke yene ba mo makiyeng mathomong, kela letšibula; ke yene wa mathomo ga dilo tso Jehova a di segeleleng ku botala. (Makolosi 1:15) Morwayi yewa o biye gona mo lefase le legedimo di so ko ba gona, go ya ka mokgo Diyema di hlatollang. Fote ke yene Lentsu, ke yene molomo wa Modimo, mošupetso wa gabutši ka matla wa gore Jehova o hlalefiye.—Johane1:1.

cf-SE 131-132 ¶8-9

“Papa ke mo Nyaka ka Matla”

Morwayi ne a maka ying nako yo ka moka mo a so ko bane a tla ho lefaseng? Temanyana 30 yi re ne a le nthoko ga Modimo a “tšiba go maka mmereko.” Tsotsone di ra gore king? Makolosi 1:16 yi re: “Dilo ka mokana ga tsona tsa ku legedimong le tsa ho lefaseng di makiwwe ka taba lage . . . Dilo ka mokana ga tsona di makiwwe ka taba lage fote di makediwwe yene.” Byalo Jehova, yene ye a Makiyeng dilo, o berekisiye Morwayi wage, wa gore o tšiba go maka mmereko, gore a make dilo tsowa tse dingwana ka moka—go thomisa ka mangeloyi ya ma leng ku legedimong go segela ga dipolanete le dinanedi, le lefase le dilo tsa lona tsa go bafala tsa go tshwana le dimilane le dipholwane, le sa go di phala ka moka ho lefaseng: batho. Ka tsela ye nngwana, re ka tshwanisa senghana so Papa le Morwayi ba nang naso le sa wa go thalathala dipolane mo a berekisana le wa go yaga, kela mmaselane, wa gore o kgona go yaga tso ye wa go thalathala a di polanneng dya šala di bafele. Mo re makatsa kela re jabodisa ke se sengwana ga hlago, gabutšibutši re ba re thanakisa Ye a Makiyeng Dilo ka Moka. (Pisalema 19:1) Le mo go le ka mokgonone, re boya re nagana ka senghana sa nako ya go lefa sa gore se ya jabodisa segareng ga Ye a makiyeng dilo le wa go “tšiba go maka mmereko.”

Mo batho ka babedi ba go sa yenela ba bereka ggoši, ka dinako tse dingwana ba fela ba ghulana. Tsone a di ya makega ga Jehova le Morwayi wage! Morwayi o berekiye le Papa mengwagangwaga ya go tlala ka matla, fote o hlaya gore: “Ne ke dula ke jabodiye mahlong gage ka moka nako.” (Diyema 8:30) Eya, ne a jabodisa ke go fetsa nako le Papage, le Papage ne a jabolela go fetsa nako naye. Ke ga hlago gore Morwayi a nape a fo ya mahlong a tshwana le Papage, ka taba la gore ne a tšhuta ga Modimo le go yekisela mekgwa yage. A re makale mo senghana sa Papa le Morwayi se tiyye mong go tiya! Re ka hlaya gore senghana sowa ke sa botala fote se tiyye go phala le mo go ka ba senghana se feng mo lefaseng.

w09-SE 4/15 31 ¶14

Re Leboga Jeso—Yene Dafita ye Mogolo le Solomoni ye Mogolo

Go na le motho ka wwoši ye ne a phala Solomoni ka go hlalefa. Ne go le Jeso Kreste, wa gore o tihlatolliye go le “motho wa go feta Solomoni.” (Mat. 12:42) Jeso ne a bolabola “dilo tso di nyoko re neyang lephelo la go ya go yye.” (Joh. 6:68) Mo re beyisa, Jeso ga setšhuto sage sa thabeng o yedisiye tse dingwana tsa diyema tsa Solomoni. Solomoni o bolabodiye ka dilo tso di makang gore motho ye a rapelang Jehova a jabole. (Diy. 3:13; 8:32, 33; 14:21; 16:20) Jeso o šihlele taba ya gore go jabola ga mannete go sipidisana le go rapela Jehova le go bona mo go makega tso Modimo a re tshepisiyeng. O yitseri: “Go jabola bo ba nyakang go yetetsa ke Modimo, ka taba la gore Mmušo wa magedimo ke wa bona.” (Mat. 5:3) Bo ba makang tso Jeso a di tšhutisiyeng ba nyoko šutela thina le Jehofa, “wa gore lephelo le tšwa gage.” (Pis. 36:9; Diy. 22:11; Mat. 5:8) Kreste o šupetsa “go hlalefa ga Modimo.” (1 Makor. 1:24, 30) Jeso Kreste wa gore ke Kgoši Mesiya o na le “moya wa go hlalefa.”— Jes. 11:2.

Tso di Wutammeng ka Bhayibeleng

g-SE 5/14 16

‘Go Hlalefa ga Gore go Yahlamela ka Matla—Ayitsano wa go Kwa?

▪ The World Book Encyclopedia yi re “Bhayibele ke puku ya go sabalatsiwa go phala dipuku ka moka go tlugisela botala.” “Yi hlatodiwwe ga go tlala le ka mebolabolo ya go tlala go phala dipuku tse dingwana.” Bhayibele ya krayega, yi felegelele kela go le sekopa ka mebolabolo ya go teya hala ga 2 600, tsone di rela gore batho ba go teya ka ku ga 90 ya diphesente ba ka kgona go yi kraya.

▪ Fote go hlalefa “go ya mahlong go yahlamela ka matla” ka mokgwa wa gore a yi wa go tshwanisela. Ga Matewu 24:14, re bala gore: “Ditaba tso tsa go bafala tsa Mmušo di nyoko sabalatsiwa lefaseng ka mokana ga lona, gore ditšhaba ka mokana ga tsona di thogo bona, ke mokane lefase le nyoko fela.”

APRIL 14-20

MAKOLWANE KA TENG GA LENTSU LA MODIMO DIYEMA 9

Šupetsa Gore o Hlalefiye, O sa Tiwomisi Hlogo

w22.02 9 ¶4

“Theetsela ba go Hlalefa”

Nnete ke gore o ka kraya di re tshwatisa tsa gore motho a re wolole. Fote le go kwata o ka kwata. Ke ntaba? Le mo re sa yi gane taba ya gore a re ya yenela, di ka re thathafela go yamogela mo ye mongwana a re wolola a gonyolla tso re di kekemisang. (Bala Mmolabodi 7:9.) O ka kraya re tiyemelela. Ke mokane re tiputsisa gore yenene a re wololang anthe o re nyakisa ying kela ra kwatisa ke ka mokgo a re wololang. Fote o ka kraya re šele re nyakolliye tsa gage tso a di kekemisang re tipotsa gore: ‘Anthe yene o beyye ke mang gore a ng’wolole? Phela le yene o na le tsage!’ Byalo, mo re kwa nkare tso ba re wololang ka tsona a re kwane natso re nyoko fo di takisa maahlo kela re nyoko tinyakela ye mongwana wa gore a ka re wolola ka mokgwa wo rune re wo jabolelang.

w22.02 12 ¶12-14

“Theetsela ba go Hlalefa”

Mara re nyoko gelepa king gore re yamogele mo ba re wolola? Di nyaka re tinyanafatse fote re sa lebale gore a re ya yenela fote re ka maka tsa bophokophoko ka nako ye nngwana. Re petapetiye ka yona taba ya gore Jobo o yye a sa tseye dilo gabutši. Mara mo goya-goya o yye a potolla ka mokgo a naganang ke mokane Jehova a mo rufa. Ke ntaba mara? Ka taba la gore Jobo ke mo a tinyanafatsiye. O šupetsiye gore wa resa mo a re o tinyanafatsiye mo a yamogela mo Elikgu wa gore ke ye monyana gage a mo wolola. (Job 32:6, 7) Fote go tinyanafatsa go nyoko re gelepa gore re berekise tso ba re wololang ka tsona le mo re kwa di re tshwatisa kela mo ye a re wololang go le ye monyana ga rune. Mogolo ye mongwana wa ku Canada o yitseri, “Ka taba la gore a re titseye ka mokgo ba bangwana ba re tseyang re nyoko phomelela byang mo go se na wa go re wolola?” Ke mang wa gore yene aa di nabele tsa go phomelela ga taba ya go ba le diyengwa tsa moya le go ba motšhomayedi kela thitšere ya gabutši?—Bala Pisalema 141:5.

Tseya gore mo Modimo a re wolola o šupetsa gore o re nyaka ka matla. Jehova o re nyakela tsa gabutši. (Diy. 4:20-22) Mo a re wolola a berekisa Lentsu lage, dikgatiso kela a berekisa magageru o re šupetsa gore o re nyaka ka matla. Maheberu 12:9, 10 yi re “O maka tsotsone gore a thogo gelepa rune.”

Wene o fo theetsela mo ba go wolola, o sa hlupege gore ba go wolola byang. Ka dinako tse dingwana, di ka makega gore re kwe nkare mo ba re wolola a baa berekisa mokgwa wa gabutši. Nnete ke gore, mo motho a wolola ye mongwana di nyaka a liketse gore di be lula gore ye mongwana a di yamogele. (Magal. 6:1) Mara mo nkare ba wolola rune, re ko ba re maka gabutši go fo theetsela tso ba re wololang ka tsona, le mo yi le gore re kwa nkare nke ba berekisiye mokgwa wo mongwana. Re ka tiputsisa gore: ‘Le mo yi le gore a ke jabolele mokgwa wo ba wo berekisang mo ba ng’wolola, ayitsano tso ba di hlayang baa resa? Ayitsano nka lisetsa go lebelela tsa go kekema tso di makiyeng ke ye a ng’wololang ke mokane ka berekisa tso a di hlayang?’ Re ko ba re hlalefiye mo re ka lisetsa gore ka mokana ga tsona tso ba re wololang ka tsona di re berekele.—Diy. 15:31.

w01-SE 5/15 30 ¶1-2

‘Go Hlalefa go Nyoko Maka Gore Matšatši ya Rune ma Yeketsege’

Phetolo ya motho wa go hlalefa mo a wolodiwa a yi tshwane le ya motho wa go tiwomisa hlogo. Solomoni o hlayye gore: “Wolola motho wa go hlalefa fote yene o nyoko kwana nago ka matla. Tšhutisa motho wa go hlalefa, yene o nyoko napa a hlalefa ka matla.” (Diyema 9:8b, 9a) Motho wa go hlalefa wa tšiba gore “mo ba go wolola ka nako yonone di ka sa go natefele, mara ka nthago bo ba gore baa lokotšega mo ba wolodiwa ba šala ba bebiye fote ba maka dilo tsa go loka.” (Maheberu 12:11) Le mo nkare tso ba re wololang ka tsona dya baba, ke ntaba o thomisa ka go ganagana kela go tiyemelela mo nkare wa tšiba gore go dumela mo ba go wolola go nyoko maka gore o hlalefe?

“Kgoši ya go hlalefa yi yeketsa ka gore “Tšhutisa motho wa go loka, o nyoko ya mahlong a tšhuta fote a yeketsa tso a di tšibang.” (Diyema 9:9b) A gona motho wa go hlalefa ka matla kela wa gore o tsofele ka matla tsa gore o tšiba dilo ka moka. Di jabodisa ka matla go bona batho ba gore ba šele ba tsofele ba yamogela dinnete le go boya ba tineyela ga Jehova! Le rune di nyaka re sa lisetse go dula re tšhuta le go dula re berekisa menagano ya rune.

w01-SE 5/15 30 ¶5

‘Go Hlalefa go Nyoko Maka Gore Matšatši ya Rune ma Yeketsege’

Ke mmereko wa rune go dula re titšhutisa. Solomoni mo a šihlela taba yowa o yitseri: “Mo o hlalefa, go hlalefa mone go berekela wene; fote mo nkare o kwera ba bangwana, o nyoko lebana le maphomela ya gona o le ntoši.” (Diyema 9:12) Wa go hlalefa di berekela yene mong, fote wa go kwerana o ro tileyela tsa go sasamela. Ke nnete gore re buna so re se gašiyeng. Nkare ka mokana ga rune re ka “tseyela hlogong go hlalefa.”—Diyema 2:2.

Tso di Wutammeng ka Bhayibeleng

w06-SE 9/15 17 ¶5

Monopo wa Puku ya Diyema

9:17—“Meetši ya go wutswiwa” king fote ke ntaba ma “tswetswenya”? Ka taba la gore Bhayibele yi tshwanisa go jabolela tsa mapaying le motho ye o šadhiyeng naye le meetši ya go batela ya go tšwa sedibeng, meetši ya go wutswiwa ma yemela go maka tsa ka mapaying makhukhung o sa tshwanela. (Diyema 5:15-17) Taba ya gore o kgona go di maka ba sa go tanye yi maka gore meetši yane ma bonale nkare ma tswetswenya.

APRIL 21-27

MAKOLWANE KA TENG GA LENTSU LA MODIMO DIYEMA 10

Re ka Maka Byang Gore re Jabole Tsa Mannete Lephelong?

w01-SE 7/15 25 ¶1-3

‘Go Rufega bo ba Gore ba Lukiye’

Wa go loka ba nyoko mo rufa ka mokgwa wo mongwana fote. “Ye a nang le letsogo la go tshwata o nyoko kraya tse dinyana, mara ye a nang le letsogo la go bereka ka matla o nyoko ghanya. Morwayi wa go hlalefa wa hlekeletsa ka selemo; morwayi wa go se na dihlong o yye le boroko ka nako ya go buna.”—Diyema 10:4, 5.

Mantsu ya kgoši ma tiyisa dibereki ka nako ya go buna. Nako ya go buna a yi nako ya go yetsela. Ke nako ya go bereka ka matla le go bereka nako ya go lefa. Ke nnete, ke nako ya gore yi yakgoswiye.

Mo re kene re sa naganne ka taba ya go buna, go seng mabele, mara batho, Jeso o butsiye malata yage: “Mašemo ke ya magolo, mara go gayela dibereki. Byalo, kgopelaneng Mong wa mašemo gore a romele dibereki tsa go buna mašemong yage.” (Matewu 9:35-38) Ka mongwaga wa 2000, batho ba go teya ka ku ga 14 ya dimiliyoni ba tlile Segopotsong sa likgu la Jeso—phela Dihlatse tsa Jehova di kena gabedi ga nombhoro yone. Nje o gona a ka ganang gore mašemo ma šwewufele, ma yemele go buniwa? (Johane 4:35) Malata ya mannete ma kgopela Mong wa mašemo gore a romele dibereki mo ma kene ma bereka ka matšato ga mmereko wa go maka malata, mo ma kene ma maka tso ma di rapeleleng. (Matewu 28:19, 20) Fote Jehova o ba rufiye la go sa hlayisegi! Ka mongwaga wa mmereko wa tšhomo wa 2000, go kolobetsiwwe batho ba go teya ka ku 280 000. Batho bone ba yye ba karakara gore ba thogo tšhutisa lentsu la Modimo. Nkare re ka jabodisa le go kgotsofatsa ke mmereko wa go maka malata ka nako yowa ya go buna.

w01-SE 9/15 24 ¶3-4

Sepela ka ‘Tsela ya ba go Loka’

Solomoni o šihlela gore ke ntaba di nyaka re tseyela gedimo go loka. O hlaya gore: “Dilo tso motho wa go ghanya a di tseyelang gedimo ke poleke yage ya go tšhireletsega. Tso di nyoko kwaletsang ba go se na selo ke mohlopego. Maphomela ya dilo tso di makang ke motho wa go loka ke lephelo; mara maphomela ya tso di makang ke wa pelo ye phifadu ke go sinya.”—Diyema 10:15, 16.

Tšheleta yi ka re pasopa ga tso di ka re šekedisang ho lephelong, go fo tshwana le mo poleke ya go tšhireletsega yi pasopa bo ba dulang ga yona. Go hlupega go ka kwisa go baba mo go makega dilo tsa gore ne o sa di letela. (Mmolabodi 7:12) Le mo go le ka mokgonone, di ka makega gore kgoši ya go hlalefa ne yi re botsa ka kotsi yo yi ka bang gona mo re ghannye kela re tihlupegela. Monna wa go ghanya a ka tshepela ga tso a ghannyeng ka tsona ka matla, a tseya gore dilo tso a nang natso tsa gore o di tseyela gedimo di tshwana le “lepharo la go tšhireletsega.” (Diyema 18:11) Fote motho wa go hlupega a ka tseya nkare mohlopego wage wo maka gore a sa be le tshepo ku mahlong. Ka mokgonone, ka babedi ba šitegiye go maka senghana le Modimo.

it-1-E 340

Go rufa

Mo Jehova a Rufa Batho. “Tso Jehova a re rufang ka tsona—ke tso di makang gore re ghanye, fote aa tokegele ka sa go baba.” (Diy 10:22) Jehova o rufa bo a ba yamogeleng ka go ba tšhireletsa, go maka gore di ba sepelele, go ba yetetsa, go maka gore ba phomelele, le go ba neya tso ba di gayelang, le go maka gore maphomela ya gona ma berekele bona.

Tso di Wutammeng ka Bhayibeleng

w06-SE 5/15 30 ¶18

Go Jabola bo ba Sepelang ka go Tshepega

“Tso Jehova a re rufang ka tsona”—ke tso di makiyeng gore batho bage ba phomelele ga tso tsa Modimo. Fote re ya di tshepa gore “aa tokegele ka sa go baba.” (Diyema 10:22) Byalo ke ntaba tsa go re liketsa le tsa go kwisa go baba di wela batho ba Modimo ba go tshepega, di maka gore ba kwe go baba ka matla le gore ba hlupege? Mathatha le tsa go re šekedisa di ya re wela ka taba la kararo ya dilo tsowa. (1) Taba ya gore a re ya yenela. (Genesi 6:5; 8:21; Jakobo 1:14, 15) (2) Sathane le madimona yage. (Maefeso 6:11, 12) (3) Lefase la go befa. (Johane 15:19) Le mo nkare Jehova o dumelela dilo tsa go baba di re makegela, a yi yene ye a di makang. Gabutšibutši, “dilo ka mokana ga tsona tsa gore di gabutši le tsa gore di felegelele di tšwa magedimong ga Papa wa rune wa go khanya.” (Jakobo 1:17) Tso Jehova a re rufang ka tsona a di re leyele tsa go baba.

APRIL 28–MAY 4

MAKOLWANE KA TENG GA LENTSU LA MODIMO DIYEMA 11

O sa di Hlaye!

w02-SE 5/15 26 ¶4

Go Tshepega go Yetetsa ba go Loka

Go tshepega ga ba go loka le tsa go kwisa go baba tso batho ba dipelo tsa go befa ba di makang di yama batho ba bangwana. Kgoši ya Israyele yitseri “Motho wa go kgeloga o berekisa molomo wage go kwaletsa moyagelane wage, mara wa go loka o phonisa ke tso a di tšibang.” (Diyema 11:9) Ke mang wa gore o nyoko phigisa gore go bolabolela ba bangwana matsaka, lesebo la go kwaletsa, go bolabola tsa go tšwa pateng le tsa go sa re selo di kwaletsa ba bangwana? Ka nthoko ye nngwana tso motho wa go loka a di bolabolang di yediye, o thomisiye ka go nagana, fote wa šupetsa gore wa naganelana. Tso a di tšibang di ya mo phonisa ka taba la gore go tshepega gage ke gona go makang gore ba bangwana ba di bone gore ba mmolabolela matsaka.

w02-SE 5/15 27 ¶2-3

Go Tshepega go Yetetsa ba go Loka

Bo ba dulang gana mone ba gore ba latelela tsela ya go loka ba maka gore go bebe le gore batho ba phidisane gabutši fote ba tiyisa batho ba polekeng yone ba dulang ga yona. Ka mokgonone poleke yone ya gola—ya phomelela. Batho bo ba bolabolelang ba bangwana matsaka, ba hlayang tsa go kwisa go baba le tsa go sa jabodisi ba maka gore batho ba sa phidisane, ba sa jabole, ba sa be selo ka ssoši fote go be le mathatha. Tsone di makega ka matla mo nkare batho bone ba na le mayemo. Batho ba poleke yone a ba kwane, go na le bošakašakane fote di ka makega gore seyemo sa ikhonomi se we.

Tšhiko yo yi leng ga Diyema 11:11 ya bereka le ga batho ba Jehova mo ba kene ba berekisana ggoši ka diphutegong. Phutego ya gore yi na le batho ba gore ba tlalele ga tso tsa Modimo—batho ba go loka ba gore ba yetetsa ke go tshepega ga bona—ba maka gore phutego yi jabole, yi be le matšato, fote ba gelepa ba bangwana, tsotsone di thanakisa Jehova. Jehova o rufa phutego, fote yi ro napa yi hluhlutela ga tso tsa Modimo. Go fela go ba le batho ba gore baa kokola fote a ba jabodisi ke ka mokgo dilo di makiwang, baa balabala kela go nyakela diphošo tso di leng gona, batho bone ba tshwana le “mudu wa gore wo na le tšhefu” wa gore wo ka sabalala fote wa bolaya batho ba gore mathomisong ke mo ba le gabutši. (Maheberu 12:15) Batho bone ga go tlala ba nyaka matšhika ya go lawola le go tseyediwa gedimo. Ba tsosa mabarebare ya gore ka phutegong kela ga mogoba wa bagolo a ba tshwariwi gabutši, go na le go hlawolana, kela dilo tse dingwana tsa go tshwana le tsotsone. Ka nnete tso ba di hlayang di ka maka gore phutego yi sa be selo ka ssoši. Di nyaka re sa theetsele tso ba di bolabolang fote re karakare gore re be batho ba go tlalela ga tso tsa Modimo ba gore ba maka gore go bebe fote re be selo ka ssoši ka phutegong.

w02-SE 5/15 27 ¶5

Go Tshepega go Yetetsa ba go Loka

Motho wa gore aa kgone go yahlula gabutši kela wa gore “aa tseyi dilo gabutši,” o maka gore go be le mathata ya magolo! O ya mahlong a bolabola tsa go sa hlamatsega tsa go šinya a sinya motho lebitso kela a ntsha diphiri. Bagolo ba phutego di nyaka ba yakgoswe ba lukise bothatha byone bya go ka sinya phutego. Monna wa go tseya dilo gabutši o tšiba nako ya gore a kgomolele, aa tshwane le monna wa gore “aa tseyi dilo gabutši.” Aa ntshe diphiri, mara o liketsa go di wutetsa. Monna wa go tshepega wa gore o tseya dilo gabutši wa di tšiba gore lleme la go sa ghadiwa le ka kwaletsa ka matla. Wa tshepega ga bo a rapelang nabo fote aa ntshe diphiri tsa gore di ka ba kwisa go baba. Batho ba mošaga wone ke bo Jehova a rufang phutego ka bona!

Tso di Wutammeng ka Bhayibeleng

g20.1-SE 11, lebhokisi

O ka Maka Byang Gore o sa Šekele ka Matla

“GO BA MOTHO WA GO LOKA DI MAKA GORE O SA ŠEKELE KA MATLA”

“Monna wa go loka o maka tsa go mmerekela, mara wa go sa loka o tileyela mathatha.”—DIYEMA 11:17.

Puku ya Overcoming Stress yi na le tema ya gore hlogotaba ya gona yi re “Go ba Motho wa go Loka di Maka Gore o sa Šekele ka Matla.” Go ya ka Dr. Tim Cantopher, go tshwara batho gabutši go maka gore re be batho ba gore ba philegiye le ba gore ba jabodiye. Mara ka nthoko ye nngwana, motho wa go sa tshware ba bangwana gabutši kela wa go ba le lešidi aa jabola ka taba la gore aa nghanelane le batho ba bangwana.

Le rune beng mo re titshwara gabutši, tsone di maka gore re sa šekele ka matla. Mo re beyisa, di nyaka re tšibe mo re kgerang fote re sa nape re tisola ka matla mo re šitega go segelela tso re tiputsiyeng gore re nyaka go di segelela. Fote a di nyake re titseyela fase kela re tipolabola ka mokgwa wa gore a yi wona. Jeso Kreste o yitseri “O nyake moyagelane wago ka mokgo o tinyakang ka gona.”—Mareka 12:31.