Tsosa Senghana Sago le Jehova

MONGWAGA wo mongwana le wo mongwana dinku tsa go tlala di busetsiwa ka phutegong ya Sekreste. O fo nagana gore “legedimong go nyoko jabodiwa” ka mokgo mang mo nku yi boya ka phutegong! (Luk. 15:7, 10) Mo nkare a yi botala o busetsiwwe o ka sa kamake taba ya gore Jeso, mangeloyi le Jehova baa jabola mo ba bona o boyela tabeng ya go yemelela nnete. Nnete ke gore mo o kene o liketsa go tsosa senghana sago le Jehova o ka gahlana le tsa go go ghula. Ke tsa mošaga mang tso o ka gahlanang natso fote o nyoko gelepa king?

TSO O KA GHULANANG NATSO?

Ba go tlala ba sa fo kwa matolo ya bona ma kwetlakwetla le mo ba šele ba buyye ka phutegong. Di ka makega gore le wene o tikwa ka mokgo Kgoši Dafita ne a tikwa ka gona. Le mo a šele a tshwarediwwe ga tso a di sinnyeng o yitseri: “Ke kgongwetsa ke tsa go tšwa pateng tso ke di makiyeng.” (Pis. 40:12; 65:3) Le mo motho a šele a boyele ga Jehova, tsa go kokona ke lekwalo le go tšeba di ka tseya mengwaga ya go tlala di kene di mo hlupa. Isabelle o fetsiye 20 ya mengwaga a ntshiwwe ka phutegong.a O yitseri, “Ke thathafela ke taba ya go tshepa gore Jehova a ka ntshwarela.” Mo o ka kgongwela ka matla, o nyoko boyela wa lelemela fote, ga tso tsa Modimo. (Diy. 24:10) Liketsa ka matla gore tsotsone di sa go makegele.

Ba bangwana taba ya go tsosa senghana le Jehova ya ba tshosa, ba bona nkare yi nyoko ba šita. Ka nthago ga mo Antoine a busetsiwwe, o yitseri, “Ke mo di tšwile ka moka tso ke di tšhutiyeng nakwela ke sa le Mokreste.” Ka taba la gore ba tikwa ka mokgonone, ba ka jikajika mo ba tshwanele ba berekele Jehova.

Tla re beyiseneng ka motho wa gore ntlo yage yi sinyannye ke sedingwana, a ka kwa di mo lelemetsa mo a nagana ka nako le matšhika ya go lukisa ntlo yone. Phela go fo tshwana le senghana sago le Jehova, mo se kwaletsiye ke tso o di sinnyeng, o ka kwa nkare gore o boye o hlakarele ga tso tsa Modimo di ka nyaka gore o karakare ka matla. Mara a o ntoši.

Jehova o re mema a re: “Tlaneneng re lukise ditaba.” (Jes. 1:18) O šele o karakariye ka matla gore o “lukise ditaba.” Tsotsone di maka gore Jehova a nape a go nyake ka matla. O fo nagana: O neyye Jehova so a ka se bolabolang mo a fetola matsaka yaa Sathane a ma bolabolang!—Diy. 27:11

Mo o boyela ga Jehova di ra gore o šele o šutele thina naye, fote le yene o tshepisa gore o nyoko maka ka mokgonone. (Jak. 4:8) Mara di nyaka o karakare gore ba bangwana ba go tseye o le wa ka ho phutegong fote. Di nyaka o dula o tiyisa taba ya go nyaka Jehova ka matla go leng Papago fote ke Monghanago. O ka di makamaka byang tsotsone?

TIPEYELE TSO O NYAKANG GO DI SEGELELA TSA GORE DI LULA

Liketsa go maka gore tso o nyakang go di segelela di be lula. O sa lebale gore tso o di tšhutiyeng ku mathomisong—go tšiba Jehova le tso a di tshepisang ku mahlong—a di tšhentšhi. Mara gana byalo di nyaka o tlwayela maphelelo ya Sekreste ya go tshwana le go tšhomayela ditaba tsa go bafala le go dula o fokatsa le magageru. Lebelela tse dingwana tso o ka di makang ke tsowa.

O sa lisetse go bolabola le Jehova. Papago wa ku legedimong wa di tšiba gore mo o dula o kokona ke tsa go kekema tso o yyeng wa di maka, di ka sa be lula gore o mo rapele. (Marom. 8:26) Le mo go le ka mokgonone, o “sa lisetse go rapela,” o botsa Jehova ka mokgo o di nyakang ka matla go nghanelana naye. (Marom. 12:12) Andrej mo a nagana ka taba yowa o re: “Ke mo ke dulela go kikita ke lekwalo ke boya ke ro tšeba. Mara nakwenngwana le ye nngwana mo ke fetsa go rapela, ke šala ke tikwa bokawone ka matla. Ke kwa ke bebiye.” Mo o sa tšibi gore o ka re king mo o rapela, lebelela tso Kgoši Dafita wa gore o sokologiye a di hlayyeng mo a rapela ga Pisalema 51 le 65.

Bala Bhayibele ka moka matšatši. Tsotsone di nyoko maka gore o hluhlutele ga tso tsa Modimo fote dya maka gore ga Jehova o mo nyake o sa fetsi. (Pis. 19:7-11) Felipe o yitseri, “Gore ke šinye ke lelemele ga tso tsa Modimo ke boye ke tšebise Jehova nka taba la gore ne ke se na letheto la go maka dilo. Ke mo ke sa nyake di mpoyelela, byalo ke yye ka fetsa ka gore ke tseye go tšhuta Bhayibele go le legawu laka.” Le wene o ka maka ka mokgonone. Mo nkare o nyaka go yetetsiwa gore o tšibe gore ke dihlogotaba difeng tso o ka tipalelang tsona, ke ntaba o sa butsisi monghanago wa gore o butšwiye ga tso tsa Modimo?

Tsosa senghana sago le magageru. Ba bangwana ba gore ba busetsiwwe ka phutegong ba hlupa ke taba ya gore ba bangwana ba ka sa ba tseye gabutši. Larissa o yitseri: “Ke mo ke tšebiye ka matla. Ne ke kwa nkare ke sipidiye phutego ka fase. Go fitiye nako ya go lefa nkene ke tikwa ka mokgonone.” O sa kamake le ka gonyana gore bagolo le ba bangwana ba gore ba butšwiye ba di nyaka ka matla go go gelepa gore o tsose senghana sago le Modimo. (Lebelela lebhokisi la gore “King Tso Bagolo ba ka di Makang?”) Tsa gore o buyye di ya ba jabodisa fote ba nyaka gore o phomelele!—Diy. 17:17

King so se ka makang gore o mamarelane le phutego? Tso magageru ma tshwaraganneng ka tsona le wene o di make—tsa go sa lofe megahlanong le go ya tšhomong. Tsotsone di nyoko gelepa ka ying mara? Felix o yitseri: “Phutego ke mo yi yemele gore ke boye. Ke napiye ke di bona gore ke ya nyakiwa. Ka mokana ga bona ba tšhediye letsogo ga taba ya gore ke tikwe ke sa lahlega, ke tshwarediwwe le gore ke sa šepisi.”—Lebelela lebhokisi la gore “King Tso Wene o ka di Makang?”

SA LAHLE TEWU!

Phela Sathane a ka sa tinwi go go leyela dintshitshire tsa go sa fele a fo re o liketsa go go lelemetsa mo o re o tsosa senghana sago le Jehova. (Luk. 4:13) Tikemisele go tiyisa senghana sago le Jehova gana byalo.

Jehova mo a bolabola ka dinku tsage o tshepisa gore: “Tso di lahlegiyeng nko tinyakela tsona, ke nyoko buyisa tso di palakanneng, tso di kwaleleng ke nyoko di bhandhiša fote ke nyoko tiyisa tso di lelemelang.” (Hezek. 34:16) Jehova o šele a gelepiye ba go tlala ka matla ba gore ba yye ba phikega ga tso tsa Modimo. O sa kamake gore le wene o nyoko go gelepa gore o nape o kokotele senghana sa lune se nape se tiya.