Rune re Berekela Modimo wa Gore o re “Kwela go Baba ka Matla”

1. Mo re bolabola ka motho wa gore o kwelana go baba, o nagana ka motho wa mošaga mang?

MO RE bolabola ka motho wa go kwelana go baba, re nagana ka motho wa pelo ya gabutši, wa go kenega, wa go tihlupa ka ba bangwana fote aa konane. Tsotsone di ka re gopotsa taba yela Jeso a bolabodiyeng ka yona ya morenela wa Lesamariya. Morenene wa go tšwa ga setšhaba se sengwana, “o mo kwele go baba” ga monna yene wa Lejuda wa gore ne a hlasele ke dikgohlane. Lesamariya lone le yye “la mo kwela go baba” ga morenela wa Lejuda la boya la mo patelela gore ba mo pasope. (Luk. 10:29-37) Mošupetso wowa wo šihlela mokgwa wa gabutši wo Modimo wa rune a nang nawo wa go kwelana go baba. Mokgwa wone ke se sengwana so se šupetsang gore Modimo o re nyaka ka matla fote o šupetsa gore o re kwela go baba ka moka matšatši.

2. King se sengwana so se šupetsang gore motho o kwelana go baba?

² Go na le se sengwana so se ka šupetsang gore motho o kwelana go baba. Motho wa gore o kwelana go baba a ka kgeta go fo fitisa taba le mo di nyaka gore a wolole motho yene wa gore o sinnye. Ka mokgonone, nnete Jehova o šupetsa gore o re kwela go baba. Mopisalema o yitseri, Jehova “aa balele gore re sinnye go segela kaye.” (Pis. 103:10) Mara ka nakwenngwana, di ka nyaka gore Jehova a tiyise letsogo mo a wolola motho wa gore o sinnye.

3. Re nyoko petapeta ka diputsiso difeng?

³ Ga hlogotaba yowa, re nyoko petapeta ka kararo ya diputsiso tsowa: Ke ntaba Jehova a kwelana go baba? Go wolola o tiyisa letsogo le go kwelana go baba di yelana mo di tla kaye? Fote king so se ka re gelepang gore re šupetse go kwelana go baba? Tla re boneneng gore Lentsu la Modimo le ka fetola diputsiso tsowa ka mokgo mang.

SO SE MAKANG GORE JEHOVA A KWELANE GO BABA

4. Ke ntaba Jehova a kwelana go baba?

⁴ Jehova o kwana natso tsa go kwelana go baba. Pawulo wa lepostola ba yye ba mo hlohletsela gore a ngwale gore Modimo “o kwelana go baba ka matla.” Ga taba yowa, Pawulo ke mo a bolabola ka mokgo Modimo a yyeng a šupetsa gore o kwelana go baba mo a neya malata yage ya go sa yenela ya gore fote ma tlotsiwwe tshepo ya go phela legedimong. (Maef. 2:4-7) Mara taba ya gore Jehova o kwelana go baba a yi felele hone. Mopisalema Dafita o ngwadiye gore: “Jehova o tshwara batho ka mokana ga bona ka go loka, fote go šupetsa gore o kwelana go baba di bonala gabutši ga dilo ka mokana ga tsona tso a di makang.” (Pis. 145:9) Ka taba la gore Jehova o nyaka batho ka matla, o yye a šupetsa gore o kwelana go baba mo di mo tšhofa gore a make ka mokgonone.

5. Jeso o yi tšhutiye ka mokgo mang taba ya gore Jehova o kwelana go baba?

⁵ Jeso o di tšiba go phala batho ka moka gore Jehova o kwana le go kwelana go baba. Papa le Morwayi wage ba fetsiye mengwagangwaga ba le ggoši ku legedimong. (Diy. 8:30, 31) Ga go tlala, Jeso o di bonne ka mokgo Papage a yyeng a šupetsa batho ba go sinya gore o ba kwela go baba. (Pis. 78:37-42) Ga go tlala, tso Jeso ne a di tšhutisa ne di šihlela mokgwa wowa wa gabutši wa Papage.

6. Jeso o šupetsiye byang gore Papage o kwelana go baba?

⁶ Ga hlogotaba ya go fela, Jeso o berekisiye mošupetso wa morwayi wa gore ne a lahlegiye gore a thogo hlatolla taba ya go tikisa pelo ya ka mokgo Jehova a kwanang le go šupetsa gore o kwelana go baba. Morwayi yene o f’lo tloga gaye “a sinyanya dilo tsela tsage ka go phela lephelo la go sa hlamatsega.” (Luk. 15:13) Ka nthago o yye a tisola ga tsa go befa tso ne a di maka, a tinyanafatsa ke mokane a boyela gaye. Papage o f’lo re king mara? Mosogana yewa o yakgoswiye a di bona gore papage o yemme kaye ga taba yowa. Jeso o yitseri: “Byalo mo papage a mmona a sa le ku kgole, a mo kwela go baba, a mo gahlanetsa a segela a mo tlaparela, a mo khisa.” Mokgalabe yewa a sanka a tšhelela morwayi wage maahlo. Mara o yye a šupetsa mosogana yene gore o mo kwela go baba ka go mo tshwarela a boya a mo yamogela ka mutšing. Morwayi ye ne a lahlagiye ke mo a sinnye ka matla, mara ka taba la gore o yye a sokologa, papage o yye a mo tshwarela. Papa yewa wa gore o kwelana go baba ga mošupetso wowa, o yemela Jehova. Ga taba yowa ya go tikisa pelo, Jeso o šupetsiye gore Papage wa di nyaka go tshwarela bo ba gore ba sinnye mara ba tikemisele go sokologa.—Luk. 15:17-24.

7. Taba ya gore Jehova o hlalefiye yi yelana mo di tla kaye le gore o kwelana go baba?

⁷ Jehova o kwelana go baba ka taba la gore a go na ye a hlalefiyeng go lekana naye. Go hlalefa ga Jehova, a go ka mokgo batho ba tseyang go hlalefa go leng ka gona. Mara Bhayibele yi re “mo mahlalefelo ya motho go le ya go tšwa legedimong” o “kwelana go baba ka matla fote o yengwa diyengwa tsa gabutši.” (Jak. 3:17) Go fo tshwana le mmelegi wa gore o nyaka bana bage ka matla, Jehova wa di tšiba gore mo a kwelana go baba, tsotsone di nyoko gelepa bana bage. (Pis. 103:13; Jes. 49:15) Mo ba kwela go baba ke Modimo tsotsone di ba neya tshepo le mo ba kekemisa go gongwana. Byalo go hlalefa ga Jehova go mo tšhofa gore a kwelane go baba mo a bona gore di nyaka a make ka mokgonone. Fote go kwelana go baba ga Jehova go lekanele. Ka gore o hlalefiye, aa šupetse go kwelana go baba mo a bona nkare motho a ka tseya gore tsa go befa tso a di makang di lukiye.

8. King so di nyakang se makiwa ka nakwenngwana fote ke ntaba?

⁸ Tla re fo re lelata la Modimo le tikemisele go fo ya mahlong ka go maka tsa go befa. Re nyoko re king? Pawulo o ngwadiye gore, “le kganele kgole” naye. (1 Makor. 5:11) Ba go maka tsa go befa ba gore a ba nyake go sokologa baa ntshiwa ka phutegong. Tsotsone di gabutši ka taba la gore di tšhireletsa magageru fote di šupetsa gore Jehova o hlawolegiye. Mara ba bangwana di ya ba thathafela go tseya gore taba ya go ntsha motho ka phutegong yi šupetsa gore Jehova o kwelana go baba. Nje baa resa? Tla re boneneng.

GO TIYISA LETSOGO MO O WOLOLA, AYITSANO KE GO KWELANA GO BABA?

9-10. Maheberu 12:5, 6, yi re ke ntaba go ntsha motho ka phutegong di šupetsa go kwelana go baba? Beyisa.

⁹ Mo re le mogahlanong ya Sekreste re kwa ba tšibisa taba ya gore ye mongwana wa gore re ya mo tšiba fote re kwana naye ka matla “a go sa le Hlatse ya Jehova,” di re kwisa go baba ka matla. O ka tiputsisa gore nje ne di nyaka ba šinya ba mo ntsha. Ayitsano go ntsha motho ka phutegong di šupetsa go kwelana go baba? Nnete, go ka mokgonone. Mo ye mongwana a nyaka go wolodiwa di gabutši gore o mo wolole, phela tsotsone di šupetsa gore o mo kwela go baba kela o mo nyaka ka matla. (Diy. 13:24) Ayitsano go ntsha motho wa gore o sinnye fote a sa nyake go sokologa go ka gelepa gore a tšhentšhe tso a di makang? Eya. Ba go tlala ba gore ba yye ba goromela ga taba ya go maka tsa go befa, ba di bonne gore mo bagolo ba ba wolola ba tiyisiye letsogo, tsotsone di makiye gore dihlogo tsa bona di thomise go bereka gabutši ke mokane ba lisetse tso ba di makang ba boyele matsogong ya go belabela ya Jehova.—Bala Maheberu 12:5, 6.

¹⁰ Lebelela mošupetso ke wowa. Motho wa go disa o bona nku yage ya gore ya tilwalela. Gore a thogo yalafa nku yone, wa di tšiba gore di nyaka a yi kwalele ku kgole le tse dingwana. Mara dinku, mošaga wa tsona a di kwane le go dula di le ntoši. Di kwana le go ba le tse dingwana fote mo di le ntoši a di dulisege. Ayitsano tsotsone di rela gore ye wa go disa o na le lešidi mo a gelepa nku yone ka mokgonone? Le ka gonyana. Wa di tšiba gore mo a ka fo lisetsa nku yone yi jikajika le tse dingwana yi nyoko di tshiletsa bolwele byone. Mo a kwalela nku yo ya gore ya tilwalela, o tšhireletsa morape ka mokana ga wona.—Tshwanisa le Lefitiko 13:3, 4.

11. (a) Motho wa gore o ntshiwwe ka phutegong a ka tshwana byang le nku ya go tilwalela? (b) King tso bo ba gore ba ntshiwwe ba ka di krayang tsa gore di ka ba gelepa?

¹¹ Mokreste wa gore o ntshiwwe ka phutegong, re ka mo tshwanisa le nku yela ya gore ya tilwalela. Wa hlotsa ga tso tsa Modimo. (Jak. 5:14) Go tilwalela ga tso tsa Modimo go fo tshwana le mo motho a sa titsose ho mmeleng a na le bolwele bya gore bya tshelela. Byalo di ya nyakega ka nakwenngwana gore motho wa gore wa tilwalela ga tso tsa Modimo a ntshiwe ka phutegong. Mokgwa wowa wa go wolola, wo šupetsa gore Jehova o ma nyaka ka matla malata yage ya go tshepega, fote wo ka tikisa dipelo tsa bo ba sinnyeng wa maka gore ba sokologe. Mo motho yene a kene a ntshiwwe, a ka tla megahlanong gore a tiyisiwe ga tso tsa Modimo. Fote o lokologiye gore a tseye dikgatiso gore a ye a tipalele a boye a ye a lebelele le Setiši sa JW. Mo bagolo ba kene ba mo lebelele gore wa hluhlutela ga tso tsa Modimo, ba ka fela ba mo yeletsa gore a ka maka byang gore a nape a hlakarele ga tso tsa Modimo gore a thogo boyela a be Hlatse ya Jehova.b

12. King so bagolo ba ka se makang sa go šupetsa gore ba mo kwela go baba motho wa gore o sinnye mara a sa tisole?

¹² Di nyaka re sa lebale gore bo ba ntshiwang ka phutego ke bo ba go sinya ba boya ba sa šupetsi gore baa tisola. Bagolo baa di tšiba gore taba ya go ntsha motho ka phutegong a yi go kgana, byalo ba thomisa ba nagana gabutši ba soko bane ba segelela sepheto. Baa di tšiba gore Jehova o wolola “ka mokgwa wa go lekanela.” (Jer. 30:11) Ba nyaka magageru ka matla, fote ba ka sa make dilo tsa gore di ka kwaletsa tumelo ya ba bangwana. Mara ka nakwenngwana, go ntsha motho wa gore o sinnye ka phutegong ke sona so se šupetsang go nyakanana le go kwelana go baba.

13. Ke ntaba ne di nyaka gore Mokreste ye mongwana wa ku Korente a ntshiwe ka phutegong?

¹³ Lebelela ka mokgo Pawulo wa lepostola a yyeng a tshwaragana le taba gore motho o sinnye a boya a sa tisole ku botala. Mokreste ye mongwana ku Korente ke mo a maka dilo tsa go sa hlamatsega le mosadi wa papage. Ye barena! Ga dilo tsa mošaga wonone, Jehova o butsiye Maisrayele ya ku botala gore: “Monna wa gore o yetsela le mosadi wa papage, o šiya papage a yitsa. Ba sa ba lisetse, ba ba bolaye ba le ka babedi.” (Lef. 20:11) Nnete ke gore Pawulo ne a ka sa ba rome gore ba bolaye morenene. Mara o yye a botsa Makorente gore ba mo ntshe ka phutegong. Phela maphelelo ya go sa hlamatsega ya monna yene ne ma šele ma yama bo ba leng ka phutegong fote ba bangwana ne ba bona nkare tso a di makang a di sinyi felo!—1 Makor. 5:1, 2, 13.

14. Pawulo o šupetsiye ka mokgo mang gore o mo kwela go baba ga morene wa ku Korente wa gore ke mo a ntshiwwe ka phutegong, fote ke ntaba? (2 Makorente 2:5-8, 11)

¹⁴ Mo go-ya-go-ya, Pawulo o yye a di kwelela gore dilo di tšhentšhiye. Morenela o sokologiye tsa mannete! Le mo nkare morenene o potlannye phutego ka dithila, Pawulo o butsiye bagolo gore aa kwane natso tsa “go bolabola a sa jikajiki.” O ba butsiye gore: “Di nyaka le mo tshwarele fote le mo kgomoletse.” Lebelela gore ke ntaba Pawulo a reyane: “Gore a sa kgongwele ka matla.” Pawulo ke mo a mo kwela go baba ga morenene wa gore o sokologiye. Pawulo wa lepostola ke mo a sa nyake go bona morenene a kgahleletsiye ke tso a di makiyeng la go šinya a nagana gore a ka sa tsoge a tshwarediwwe.—Bala 2 Makorente 2:5-8, 11.

15. Mara bagolo ba yi meta byang taba yowa ya go wolola ba tiyisiye letsogo le go šupetsa go kwelana go baba?

¹⁵ Bagolo ba kwana natso tsa go yekisela Jehova ga taba ya go kwelana go baba. Ba wolola ba tiyisiye letsogo mo di nyaka ba make ka mokgonone fote mo nkare a go sinyege selo ba šupetsa go kwelana go baba. Phela mo ba ka takisa taba yone maahlo, go ko ba go le go šupetsa go sa kwelane go baba. Ayitsano ke bagolo ba le ntoši bo ba tshwaneleng go šupetsa go kwelana go baba?

KING SO SE KA RE GELEPANG GORE KA MOKANA GA RUNE RE KWELANE GO BABA?

16. Diyema 21:13, yi re Jehova o nyoko ba tshwara byang bo ba gore a ba šupetsi go kwelana go baba?

¹⁶ Makreste ka mokana ga wona ma nyaka go kwelana go baba go tshwana le Jehova. Ke ntaba? Taba ke gore Jehova a ka sa tihlupi a re o theetsela batho ba gore a ba kwele ba bangwana go baba. (Bala Diyema 21:13.) Ka mokana ga rune re ya di nyaka gore Jehova a theetsele merapelo ya rune, byalo re kganela kgole le taba ya go tighwanyisa dipelo. A re fo tithiba ditsebe mo Mokreste a kwa go baba, mara re tikemisele go theetsela mo “go lla wa gore wa tinyanafatsa.” Byalo re tseyela gedimo taba yo ya gore: “Motho wa gore aa kwelane go baba le yene ba nyoko mo yahlula ba sa mo kwele go baba.” (Jak. 2:13) Mo re ka sa lebale gore le rune re ya di nyaka gore batho ba re kwele go baba, di nyoko ba lula gore re šupetse ba bangwana gore re ba kwela go baba. Ka matlamatla re nyoko šupetsa gore re kwelana go baba mo motho wa gore o sokologiye a busetsiwa ka phutegong.

17. Kgoši Dafita o šupetsiye byang gore o kwelana go baba?

¹⁷ Mešupetso ya ka Bhayibeleng yi re gelepa gore re kwane le taba ya go kwelana go baba fote re sa make batho lešidi. Tla re beyiseneng ka Kgoši Dafita. Ke gatleletlele a šupetsa gore o kwelana go baba. Le mo Sawulo ne a nyaka go mmolaya, Dafita a sanka a busetsa ga kgoši yo yi hlawodiyeng ke Modimo mara o f’lo ya mahlong a mo kwela go baba.—1 Sam. 24:9-12, 18, 19.

18-19. Ke ga ditaba difeng ka dipedi mo Dafita a yyeng a šitega go šupetsa gore o kwelana go baba?

¹⁸ Mara Dafita ne di fela di mo šita tsa go kwelana go baba. Mo re beyisa, nakwela Nabhala wa gore aa di kgone tsa go kwela ba bangwana go baba a bolabola nkare o wile gedimo ga mohlare mo a kona Dafita le masole yage tsa go ja, Dafita o yye a bila a tipotsa gore o nyoko fetsa ka monna yewa le ka mokana ga bona ba mutši wage. Mola go se ka Abhigheyili mosadi wa Nabhala wa gore o yye a lefisa pelo, Dafita nke a fetanne le molato wa madi.—1 Sam. 25:9-22, 32-35.

¹⁹ Tšatšenngwana moporofeta Nathane o yye a botsa Dafita ka nghamula ya gore yi yye ya yetswela motho wa go tihlupegela nku yage ka yyoši. Dafita o yye a fetola a fufulele ke mokane a re: “Solanka Jehova a sa phela, morene a makiyeng tsotsone o tshwanela ke go kgwa!” (2 Sam. 12:1-6) Dafita ne a wo tšiba gabutši Molawo wa Moše. Molawo ne wo re ye a yetswang nku, molato wone o nyoko wo patela ganne. (Ek. 22:1) Mara tsa gore a šinya a re a bolayiwe? Phela tsotsone ne go le go yahlula ka bošidi. Nnete ke gore taba yo Nathane ne a yi bolabola ne go fo ba setori sa go šupetsa dilo tse dikgolo tso Dafita a di sinnyeng! Jehova o mo šupetsiye ga Dafita gore o mo kwela go baba, mara Dafita yene o šitegiye go šupetsa gore o kwela yela wa go yetswa nku ga mošupetso wa Nathane!—2 Sam. 12:7-13.

20. Re ka tšhuta ying ga mošupetso wa Dafita?

²⁰ O sa lebale gore nakwela Dafita a fufulele ka matla o yye a re Nabhala le batho bage ka moka ba tshwanela ke go kgwa. Le ka nthago Dafita o yye a yahlula morenela ga mošupetso wa Nathane a re o tshwanela ke go kgwa. Ga taba yowa ya bobedi, o ka šinya o tiputsisa gore ke ntaba monna ye wa go tšibega a na le pelo ya go bafala a yahlula go baba ka mokgo. Lebelela taba yowa gabutši. Ka nako yonone, Dafita ke mo a kokona ke lekwalo. Taba ya gore o yye a yahlula ka bošidi yi šupetsa gore ke mo a tilwalela ga tso tsa Modimo. Jeso o pasopisiye malata yage ka go hlaya gore: “Lisetsa go yahlula gore le wene ba sa go yahlule; ka gore ka mokgo o yahlulang ka gona, le wene ba nyoko go yahlula ka mokgonone.” (Mat. 7:1, 2) Byalo, tla re kganeleneng kgole le taba ya go makana bošidi fote re karakare gore re ‘kwelane go baba ka matla,’ go tshwana le Modimo wa rune.

21-22. Re ka maka ying go šupetsa gore re kwelana go baba?

²¹ Go kwelana go baba a yi fo ba taba ya ka mokgo motho a tikwang. Gabutšibutši, re “šupetsa go kwelana go baba ka go gelepa ba bangwana.” Byalo ka mokana ga rune, re ka pombhola gore ba mutši wa rune, phutego le ba bangwana ba mo re dulang ba ka gelepiwa ka mokgo mang. Nnete ke gore go thulegiye mašuba ya go tlala ya gore re ka šupetsa batho gore re ba kwela go baba! Ayitsano go na le ye a nyakang go kgomoletsiwa? Ayitsano o ka maka se sengwana sa go tshwana le go leyela motho tsa go ja kela go mo hakolla go gongwana? Ayitsano go na le Mokreste wa gore o busetsiwwe ka phutegong wa gore o nyaka go kgomoletsiwa le go tiyisiwa? Ayitsano re ka kgomoletsa ba bangwana ka molayetsa wa ditaba tsa go bafala? Yonone ke mekgwa ye mengwana ya gabutši ya go šupetsa ba bangwana gore o ba kwela go baba.—Jobo 29:12, 13; Marom. 10:14, 15; Jak. 1:27.

²² Mo re dula re ntshiye maahlo dikwakweng, re nyoko di bona gore di tlele tso re ka di makang go šupetsa ba bangwana gore re ba kwela go baba. Mo re kwelana go baba, re jabodisa Papa wa rune wa ku magedimong, Modimo wa gore o ‘kwelana go baba ka matla’!