“O Nyoko ba le Nna Pharadeyising”

1. Mo Jeso a soko bane a kgwa, o yye a botsa sekgohlane so ne se le ka nthoko gage gore king? (Luk. 23:39-43)

JESO le dikgohlane ka dipedi tsa gore ke mo di le ka ho mathoko gage ne ba kwa go baba ka matla fote ba kene ba nkgela ke likgu. (Luk. 23:32, 33) Di fo ba lekgwaying gore dikgohlane tsela ka dipedi ne go se malata ya Jeso ka taba la gore ne di mo tewulanya. (Mat. 27:44; Mar. 15:32) Mara se sengwana sa tsona se yye sa tšhentšha. Sa re: “Jeso, o sa nlebale mo o kena Mmušong wago.” Jeso a fetola ka gore: “Ke go botsa lekgono lo, o nyoko ba le nna Pharadeyising.” (Bala Luka 23:39-43.) A go na so se šupetsang gore sekgohlane sowa se yamogele molayetsa wa go bolabola ka Mmušo wa magedimo wa gore Jeso ne a wo sabalatsa nakwela a tšhomayela. Fote Jeso a sanka a hlaya gore morenewa o nyoko kena Mmušong wa magedimo. (Mat. 4:17) Jeso ne a bolabola ka Pharadeyisi ya mo lefaseng ya gore yi ku mahlong. Ke ntaba re ka reyane?

2. King so se šupetsang gore sekgohlane sela sa gore se sokologiye ne go le Lejuda?

² Di ka makega gore sekgohlane sela sa gore se sokologiye ke mo go le Lejuda. Sekgohlane sela se hlayye ga se sengwana gore: “Ayitsano a o sa tšhaba Modimo, ka taba la gore gana byalo ba go yahludiye go tshwana le monna yewa?” (Luk. 23:40) Majuda ke mo ma rapela Modimo ka wwoši mara batho ba go tšwa ga ditšhaba tse dingwana ne ba dumela ga medimo ya go tlala. (Ek. 20:2, 3; 1 Makor. 8:5, 6) Mola dikgohlane tsela go se Majuda, nke sekgohlane sela se yye sa butsisa gore, “Ayitsano a o sa tšhaba medimo?” Go tokegela gana hone, Jeso ne ba sa mo romela ga batho ba ditšhaba mara ba mo romele ga “dinku tsa gore di lahlegiye tsa ntlo ya Israyele.” (Mat. 15:24) Modimo o yye a wunyullela Maisrayele gore o nyoko tsosa bo ba kgwileng. Byalo, sekgohlane sela sa gore se sokologiye se ka fo ba se yi tšiba taba yowa fote mantsu ya sona ma šupetsa gore ne se naganela gore Jehova o nyoko tsosa Jeso gore a lawole Mmušong wa Modimo. Phela di šupetsa nkare morenela ne a na le tshepo ya gore le yene Modimo o nyoko mo tsosa.

3. Di ka makega gore sekgohlane sela sa gore se sokologiye ne se naganne ka ying mo Jeso a bolabola ka Pharadeyisi? Hlatolla. (Genesi 2:15)

³ Ka taba la gore sekgohlane sela sa gore se sokologiye ne go le Lejuda, ne se tshwanele se tšiba ka Adamo le Efa le ka Pharadeyisi yo Jehova a ba makeleng yona. Byalo, di ka makega gore sekgohlane sela ne se dumela gore Pharadeyisi yo Jeso a bolabodiyeng ka yona go nyoko ba tšhomo ya gore yi bafele stereka ya gore yi gana howa lefaseng.—Bala Genesi 2:15.

4. Mantsu yaa Jeso a ma butsiyeng sekgohlane sela di nyaka ma re tšhofe gore re nagane ka ying?

⁴ Mantsu yaa Jeso a ma butsiyeng sekgohlane sela di nyaka ma re tšhofe gore re nagane ka mokgo lephelo le nyoko bang ka gona Pharadeyising. Wa tšiba, ka mokgo Kgoši Solomoni ne a lawola ka go beba, re ka tšhuta se sengwana ga taba yone sa gore se yelana le Pharadeyisi. Fote re yemele Jeso wa gore o feta Solomoni, gore a bereke ggoši le bo a nyoko lawolang nabo gore ba make lefase lowa go be pharadeyisi ya go bafala. (Mat. 12:42) Di fo ba lekgwaying gore bo ba “dinku tse dingwana” ba nabela go tšiba tso di nyakang ba di make gore ba thogo tshwanelega go phela go ya go yye Pharadeyising.—Joh. 10:16.

LEPHELO LE NYOKO BA BYANG PHARADEYISING?

5. Wene mo o nagana, o bona nkare lephelo le nyoko ba byang Pharadeyising?

⁵ Go tla ying ho monaganong mo o nagana ka lephelo la Pharadeyising? Nakwenngwana go fo tla phaka ya gore yi bafele ka matla ya gore yi tshwana le tšhomo ya Edeni. (Gen. 2:7-9) O ka fo ba o gopola seporofeto so se ngwadiyeng ke Mmika sa gore ga batho ba Modimo ke gore “ye mongwana le ye mongwana [o nyoko dula] ka tlase ga mohlare wage wa modhriva le ka tlase ga mohlare wage wa mogo.” (Mmik. 4:3, 4) Fote o ka gopola le ditemanyana tsa Bhayibele tsa gore di bolabola ka gore go nyoko ba le tsa go ja tsa go tladisa mohlolo. (Pis. 72:16; Jes. 65:21, 22) Byalo, o ka fo ba o tipona o le ga tšhomo ya go bafala fote o duli tafoleng ya gore yi na le tsa go ja tsa go natefa. O kene o teyela ke moya wa go nkgela monate wa dimelane le mabhlomu. Fote ho thinanyana o kwa ba genu le banghana—go tokegela le bo ba gore ba tsusiwwe, ba tshegelela ba jabolela go fokatsa ggoši. Dilo tsowa ka mokana ga tsona, a yi fo ba moloro. A re kamake le ka gonyana gore dilo tsowa di nyoko makega gana howa lefaseng. Le mo go le ka mokgonone, hala Pharadeyising re nyoko maka mmereko wa go re jabodisa.

6. Re nyoko ba re maka ying Pharadeyising? (Lebelela sethombhe.)

⁶ Jehova mo a re maka, o re makiye ka mokgwa wa gore re thogo jabolela go maka mmereko. (Mmo. 2:24) Re ko ba re kenne fase mo Kreste a Lawola Sekete sa Mengwaga. Bo ba gore ba phonne motšhatšhamelo wo mogolo go tokegela le dimiliyoni tsa gore ba di tsusiye, ba nyoko hloka dikobo, tsa go ja le poleke ya go dula. Byalo, gore re thogo ba gelepa ka dilo tsowa, di nyaka re make mmereko wo mogolo wa gore re nyoko jabolela go wo maka. Go fo tshwana le mo Adamo le Efa ba ba butsiye gore ba lime legaye la bona la ku tšhomong, le rune re ko ba re na le mmereko wa go lima gore re make lefase go be Pharadeyisi. O fo nagana nje, gore re nyoko tikwisa go segela kaye ka go tšhutisa dimiliyoni tsa bo ba tsusiwweng ba gore a ba nape ba mo tšiba gabutši ga Jehova, le tso a nyakang go di maka re boya re gelepa le bo ba gore ne ba na le tumelo, ba gore ba phidiye ka dinako tsa mo Jeso a soko bane a segela ho lefaseng gore le bona ba tšhute tso di makegiyeng ka nthago ga mo ba hlokofele!

7. Ke taba yifeng yo re ka yi tshepang fote ke ntaba?

⁷ Re ka tshepa re tiyise gore lephelo la Pharadeyising le ko ba le bebiye, re ka sa gayele selo fote dilo di ko ba di sepela ka letheto. Ke ntaba? Ka taba la gore Jehova o re lekisiye gore lephelo le nyoko ba byang mo go šele go lawola Morwayi wage. Tsotsone re di bonne nakwela go lawola Kgoši Solomoni.

KA MOKGO KGOŠI SOLOMONI NE A LAWOLA—GO RE LEKISA KA MOKGO LEPHELO LE NYOKO BANG KA GONA PHARADEYISING

8. Mantsu ya ma leng ga Pisalema 37:10, 11, 29 ya gore ma ngwadiye ke Kgoši Dafita, ma yye ma makega ka mokgo mang? (Lebelela “Diputsiso Tsa bo ba Šeleng ba Badiye” ga kgatiso yowa.)

⁸ Kgoši Dafita di yye dya mo tšhofa gore a ngwale ka lephelo gore le nyoko ba byang mo kgoši ya ku mahlong ya go hlalefa ya gore fote ya tshepega yi šele yi duli setulong sa go lawola. (Bala Pisalema 37:10, 11, 29.) Re dula re balela ba bangwana Pisalema 37:11 mo re bolabodisana ka Pharadeyisi ya gore yi sa ga tla. Re maka tsotsone ka taba la gore Jeso o yye a hlaya mantsu yane nakwela a Tšhutisa a le ku Thabeng go šupetsa gore taba yowa yi nyoko makega ku mahlong. (Mat. 5:5) Mara mantsu ya Dafita ma boya ma šupetsa gore lephelo le nyoko ba byang mo go šele go lawola Kgoši Solomoni. Nakwela Solomoni a lawola Israyele, batho ba Modimo ne ba tikwisa ka go beba fote ba ja mothebenene ga naga ya gore yi “yela lebese le mamapo.” Modimo o yitseri: “Mo nkare le ya mahlong le latelela le go theetsela melawo yaka . . . , Ke nyoko maka gore go bebe hone nageng, le nyoko ro tiketla, go se na le wa go le hlagasedisa.” (Lef. 20:24; 26:3, 6) Dilo tsone di makegiye nakwela Solomoni go le Kgoši ya Israyele. (1 Dikor. 22:9; 29:26-28) Fote Jehova o tshepisiye gore batho ba go sa loka ba ko ba ba “sa sa le šiyo.” (Pis. 37:10) Byalo, mantsu ya ma leng ga Pisalema 37:10, 11, 29 ma makegiye ku botala fote ma sa nyoko makega le ku mahlong.

9. Kgoši ya mosadi yo ba reng ke Šebha yi yitseri king ka mmušo wa Kgoši Solomoni?

⁹ Kgoši ya mosadi yo ba reng ke Šebha, yi yye ya di kwelela tsa gore nakwela go lawola Solomoni, setšhaba sa Israyele ne se bebiye fote se sa gayele selo. Kgoši yone yi yye ya phanakela yi tloga ga poleke ya kgole yi ya Jerusalema gore yi bone seyemo ka boyona beng. (1 Mag. 10:1) Ka nthago ga gore yi pombhole mmušo wa Solomoni, yi yitseri: “Tso ba mputsiyeng tsona ke tse dinyana. . . . Go jabola batho bago le malata yago ya gore ma dula ma le nago ma theetsele tso o di bolabolang tsa go šupetsa gore o hlalefiye!” (1 Mag. 10:6-8) Mara ka mokgo seyemo ne se le ka gona nakwela go lawola Solomoni, ne go le Jehova a re lekisa gore re thogo bona gore king tso a nyoko di makelang batho mo go šele go lawola Morwayi Wage, Jeso.

10. Jeso o feta Solomoni kgole ka mokgwa wofeng?

¹⁰ Jeso o mo feta kgole ga Solomoni. Solomoni ke mo go le motho wa gore aa yenela wa gore o yye a kekemisa ka matla fote tsotsone di makiye gore batho ba Modimo ba tlele ke mathatha. Mara Jeso yene, ke wa go Lawola wa gore o yenele fote aa make tsa go kekema. (Luk. 1:32; Maheb. 4:14, 15) Jeso o yye a dula a tshepegiye ga Modimo le mo Sathane a mo liketsa ka matla. Kreste o tišupetsiye gore a ka sa tsoge a sinnye kela go maka selo sa gore se ka kwaletsa malata yage ya go tshepega. Ye lune, phela re na le mong Kgoši ya go di phala ka moka.

11. Jeso o nyoko gelepa ke bomang go lawola?

¹¹ Jeso o nyoko ba le bo ba 144 000 ba gore o nyoko lawola nabo fote ba nyoko mo gelepa go pasopa batho le go segelela tso Jehova ne a tikemisele go di maka ho lefaseng. (Kut. 14:1-3) Bobone ba tiyisele dintshitshire tsa go tlala le mathatha nakwela ba le ho lefaseng, byalo ba nyoko di kwisisa gabutši tso di gomelang bo ba leng lefaseng le ka mokgo ba tikwang. Gabutšibutši, mmereko wa bo ba nyoko lawolang le Jeso go nyoko go le wofeng?

MMEREKO WA BO BA GO TLOTSIWA GO NYOKO BA GO LE WOFENG?

12. Ke mmereko wofeng wo Jehova a nyoko wo neyang bo ba 144 000?

¹² Jeso le bo a nyoko lawolang nabo ba na le mmereko wo mogolo ka matla go phala wo ne ba wo neyye Solomoni. Kgoši yone ya Leisrayele ne yi tshwanele yi pasope dimiliyoni tsa batho ba gore ba dula nageng ka yyoši. Mara bo ba nyoko lawolang ga Mmušo wa Modimo ba nyoko gelepa go pasopa dibhiliyoni tsa batho lefaseng ka mokana ga lona. Nnete Jehova o neyye bo ba 144 000 mmereko wa go hlawolega ka matla!

13. Ke mmereko wofeng wa go hlawolega wo wo nyoko makang ke bo ba nyoko lawolang ggoši le Jeso?

¹³ Go tshwana le Jeso, bo ba 144 000 ba nyoko ba magoši le maprista. (Kut. 5:10) Nakwela Maisrayele ma sa latelela Molawo wa Moše, mmereko wa maprista ne yi le go gelepa batho gore ba dule ba philegiye fote ba be le senghana sa thina le Jehova. Molawo ne wo “tshwana le dilo tsa gabutši tso di nyoko tlang,” byalo di napa di kwagala mo re fetsa ka gore bo ba nyoko lawolang ggoši le Jeso ba nyoko gelepa go maka mmereko wa go hlawolega wa go pasopa batho ba Modimo gore ba dule ba philegiye fote ba dule ba na le senghana sa thina le Jehova. (Maheb. 10:1) Aritši gore magoši yane le maprista ma nyoko bolabodisana byang le malata ya Mmušo wa Modimo ya gore ma ko ba ma le ho lefaseng, re ko di bona ho di šele di makega. A re kamake gore bo ba ko bang ga lefase la gore ke Pharadeyisi ba nyoko yetetsiwa gabutši go ya ka mokgo Jehova a ko bang a lukiselele dilo ka gona.—Kut. 21:3, 4.

BO BA “DINKU TSE DINGWANA” GORE BA THOGO PHELA PHARADEYISING, KING TSO BA TSHWANELENG BA DI MAKE?

14. King so se gahlanisang bo ba “dinku tse dingwana” le bobhuti ba Kreste?

¹⁴ Jeso mo a ra bo ba gore o nyoko lawola ggoši nabo o re ke “morape wo monyana.” (Luk. 12:32) Fote o bolabodiye ka mogoba wa bobedi, wona o re ke “dinku tse dingwana.” Megoba yowa ka mmedi yi ba morape ka wwoši wa gore wo mamarelanne. (Joh. 10:16) Megoba yowa ka mmedi yi šele yi bereka ggoši fote yi nyoko ya mahlong yi bereka ggoši go segela lefase le ba Pharadeyisi. Ka dinako tsone, bo ba “morape wo monyana” ba ko ba ba šele ba le legedimong ke mokane bo ba “dinku tse dingwana” bona ba ko ba ba na le tshepo ya go tikwisa ka lephelo go ya go yye ho lefaseng. Mara go na le dilo tso bo ba “dinku tse dingwana” di nyakang ba di make gore ba tshwanelege go phela Pharadeyising.

15. (a) Bo ba “dinku tse dingwana” ba berekisana byang le bobhuti ba Kreste? (b) O ka wo kopisela ka mokgo mang mošupetso wa mogageru ye a leng setolo? (Lebelela sethombhe.)

¹⁵ Sekgohlane sela sa gore se sokologiye se hlokofele se soko bane se thulegela ke lešuba la go šupetsa gore se leboga tso Kreste a se makeleng tsona. Mara rune ba “dinku tse dingwana” re thulegele ke mašuba ya go tlala gana byalo gore re šupetse ka mokgo re tikwang ka Jeso. Mo re beyisa, re šupetsa gore re mo nyaka ka matla ka mokgo re ko bang re tshwara bobhuti bage ba gore ba tlotsiwwe. Jeso o yitseri o nyoko yahlula dinku go ya ka mokgo di tshwarang bobhuti bage. (Mat. 25:31-40) Re ka thega bobhuti ba Kreste ka go ba gelepa go maka mmereko wa go tšhomayela ka matšato le go maka batho gore go be malata. (Mat. 28:18-20) Nka taba lo re nyakang go berekisa dithulusi tso ba re neyang tsa go re gelepa go tšhutisa Bhayibele tsa go tshwana le puku ya Tikwise ka Lephelo go ya go Yye! Mo nkare a go na ye o mo tšhutisang Bhayibele, ke ntaba o sa tipeyele tso o nyakang go di segelela tsa gore o nyoko tipona o tšhutisa batho ba go tlala Bhayibele ka mokgo o ka kgonang?

16. Re ka maka ying gana byalo gore re tilukiselele go ye phela re le malata ya Mmušo wa Modimo?

¹⁶ A di nyake re šinya re yemela Pharadeyisi gore re thogo ba mošaga wa motho ye Jehova a mo nyakang Pharadeyising. Gana byalo re ka karakara ga taba ya go tshepega ga tso re di hlayang le ga tso re di makang re boye re lekanisele ka mokgo re makang dilo. Fote di nyaka re tshepege ga Jehova, ga ye re šadhiyeng naye le ga magageru ya Sekreste. Mo re ka theetsela Jehova gana byalo re kene re phela ga lefase lowa la go befa, di nyoko ba lula ga rune gore re mo theetsele mo re šele re le Pharadeyising. Fote re ka tšhuta go maka mebereko le go ba le mekgwa ya gabutši ya go šupetsa gore re tilukiselela go ye phela gona. Lebelela hlogotaba ya gore “Ayitsano o Tikemisele go ‘Dula ga Lefase Lowa’?” ya gore yi ga Sewokamelo sowa.

17. Ayitsano di nyaka re tikwe re kgahleletsa ke tso re di sinnyeng ku botala? Hlatolla.

¹⁷ Di nyaka re liketse ka matla gore re sa kikiti ke lekwalo ka taba la tso re di sinnyeng ku botala. Nnete ke gore, re ka sa tsoge re tseyye sehlabelo sa go lepolla go le so re ka phemang ka sona gore re “tlwayele go sinya ka bomu.” (Maheb. 10:26-31) Mara re ka tshepa re tiyise gore mo re sokologiye tsa mannete ga tso re di sinnyeng, re kgopele Jehova le bagolo gore ba re gelepe fote re lahliye mekgwa ya rune, Jehova o re tshwarele. (Jes. 55:7; Meber. 3:19) O sa lebale mantsu ya Jeso a ma butsiyeng Mafaraseyi, ya gore: “A ka tlela go bitsa batho ba go loka, mara ke tlele ba go sinya.” (Mat. 9:13) Sehlabelo sa go lepolla se na le matšhika ya go kogela ka mokana ga tsona tso re di sinnyeng.

LE WENE O KA PHELA PHARADEYISING GO YA GO YYE

18. O ka jabolela go bolabola ka ying le sekgohlane sela sa gore se kgwile ka ho nthoko ga Jeso?

¹⁸ Ayitsano o tipona o le Pharadeyising, o kene o bolabola le morenela wa sekgohlane wa gore o yye a bolabola le Jeso? A re kamake gore le le ka babedi le nyoko hlaya ka mokgo le lebogang sehlabelo sa Jeso. O ka mo kgopela a go botse gore go makegiye ying ka diawara tsa mafelelo tsa lephelo la Jeso la ho lefaseng le gore o tikwile byang mo Jeso a mo fetola ga tso a di kgopeleng gage. Ka nthoko ye nngwana, di ka makega a butsise wene gore ke mo go le byang go phela ga dinako tsa mafelelo ga lefase la Sathane. Ye lune, go ko ba go le selo se segolo go tšhuta Lentsu la Modimo le batho ba go tshwana le morenela!—Maef. 4:22-24.

19. King so se nyoko makang gore lephelo le sa tshwatisi Pharadeyising? (Lebelela sethombhe sa ka tawong.)

¹⁹ Lephelo Pharadeyising le ka sa tsoge le tshwatisiye. Re ko dula re gahlana le batho ba go jabodisa fote re na le mmereko wa go jabodisa. Sa go di phala ka moka ke gore, letšatši le lengwana le le lengwana re nyoko tšiba Papa wa rune wa ku magedimong gabutši re boye re tikwise ka tso a re neyyeng tsona. Go nyoko dula go na le tse dingwana tso re ka di tšhutang ka yene fote re nyoko tšhuta tsa go tlala ka tso a di makiyeng. Mo re kene re phela mengwaga ya go tlala, re nyoko napa re mo nyaka ka matla ga Modimo. Re leboga Jehova le Jeso re sa fetsi gore ba re tshepisiye gore re ka phela go ya go yye Pharadeyising!