Tsa go Jabodisa Tsa Gore di re Tlele re sa Nagana le Tso re di Tšhutiyeng mo re Kene re Berekela Jehova

Babelegi baka ba tlugiye Estonia ka nako ya Ntwa ya Bobedi ya Lefase ke mokane ba ya Germany, mo ba mbelegeleng gona. Ka nthago ga mo ke belegiwwe, re yye ra rurela Canada. Mo re thomisiyeng re dula gona ku Canada ga gore ke thina le Ottawa, ke mo go le sentlwane se senyana sa gore le dikgokgo ne di dula gona. Ke mo re hlupega ka matla mara ke mo go sa tshwane ka taba la gore ke mo re tsoga ka makata.

Letšatši le le nngwana, Dihlatse Tsa Jehova di yye dya balela mmane waka lengwalo la Kutullo 21:3, 4. Tso a di tšhutiyeng di yye dya mo tikisa ka matla la go šinya a ntsha dinepedi. Mmane le papa ba yye mahlong ba tšhuta Bhayibele ke mokane ka nthago ga senakonyana ke mo go se na sa gore se ka ba šitisa gore ba kolobetsiwe.

Babelegi baka ke mo ba sa kgone go bolabola sekgowa kela go se kwisisa mara ba yye ba berekela Jehova ba na le matšato. Le mo yi le gore papa ke mo a karakara ka matla a bereka bošego ga khamphani ya go tolosa morodi ku Sudbury Ontario, ke mo a ya tšhomong le nna le sesi waka ye monyana ye ba reng ke Sylvia. Fote beke ye nngwana le ye nngwana ke mo re tšhuta Sewokamelo re le mutši. Mmane le papa ne ba yi kikitela taba ya gore ga Modimo ke mo nyake ka matla. Tsotsone di ntšhofiye gore ke neyele lephelo laka ga Jehova ka 1956 ke na le lesome la mengwaga. Mo ke nagana ka mokgo ne ba šupetsa gore ga Jehova ba mo nyaka ka matla tsotsone di f’lo nhlohletsela gore ke mmerekele ke sa fetsi.

Mo ke šele ke fetsiye sekolo, tsa go berekela Jehova di yye dya ntšwa. Ke yye ka nagana gore mo nka šinya ke ba mošupatsela, tsela tsa go nabela go pherera ka elebhreyi ke bona lefase di nyoko tšhipa ka taba la gore nka sa be le tšheleta ya go bonala. Ke yye ka kraya mmereko wa go kgana dikoša wayilising go leng mmereko wa gore ne ke kwana nawo ka matla. Mara ke mo ke bereka le bošego, ke phuka ke megahlano fote ke yye ka nghanelana le ba gore ga Modimo ne ba sa mo nyake. Mafelelong ke yye ka tšhentšha ka taba la gore tso ke di tšhutiyeng ka Bhayibeleng di yye dya maka gore ke tule ke lekwalo.

Ke yye ka rurela Oshawa, Ontario. Ke mokane ke yye ka gahlana le Ray Norman le sesi wage ye ba reng ke Lesli fote le mašupatsela ya mangwana. Ka mokana ga bona ba yye ba njabolela wa tšiba. Go fo bona ka mokgo ne ba jabodiye ka gona di yye dya ntšhofa gore ke nagane ka tso ke nyakang go di maka mo nkene ke phela. Ba yye ba nhlohletsela ka matla ke mokane ka thomisa go ba mošupatsela ka September 1966. Ke mo ke jabodiye fote tsa lephelo di nsepelela. Mara tsa gore ne di nyoko tšhentšha lephelo laka ke mo di le thina le gore palakata.

MO JEHOVA A RE O MAKE SE SENGWANA, LIKETSA ŠA

Nakwela ke sa kena sekolo ke yye ka tlatsa fomo ya go ye bereka Bhethele ya Toronto, Canada. Ka nthago ga mo ke šele ke le mošupatsela, ba yye ba mema gore ke tl’le bareka Bhethele kanne ya mengwaga. Lesli ke mo a njabodisa ka matla, mara taba ya gore ke ye hone ba mmemang gona ke mo yi nhlagasedisa ka taba la gore ne ke tseya gore ga Lesli nka se sa monna fote. Ka nthago ga mo ke rapele Jehova ke mo kgotolele so se leng ka ho pelong yaka, ke yye ka segelela sepheto sa gore ke ye bereka Bhethele mara di nkgongwetsiye ka matla go layela Lesli.

Ne ke bereka go hlatswa dikobo ku Bhethele ke mokane ka nthagonyana ke yye ka ba mabhalane. Ka nako yonone Lesli ke mo go le mošupatsela wa go hlawolega ku Gatineau, Quebec. Ga go tlala ne ke dula ke tiputsisa gore Lesli o maka ying le gore ayitsano ke segelele sepheto sa gabutši. Ke mokane go yye gwa makega selo se sengwana sa go jabodisa ka matla ho lephelong laka sa gore ne ke sa se nagana. Ray go leng bhuti wa Lesli o yye a tl’le bereka Bhethele. Fote ke mo re yetsela ga kamara ka yyoši! Sosone se yye sa maka gore ke tsose senghana saka le Lesli. Re šadhiye ka February 27, 1971 ke mo go le letšatši laka la mafelelo la go bereka Bhethele.

Nna le Lesli ba yye ba re romela ga phutego ya go bolabola mmolabolo wa Sefrench ku Quebec. Ka nthago ga mengwaganyana, ke ho ke na le 28 ya mengwaga mo ba mmema gore ke be mopotulugi tsotsone di yye dya mmakatsa ka matla. Ne ke nagana gore ke sa le ye monyana fote a ke tšibi selo ka tsa go ba mopotulugi mara mantsu ya ma leng ga lengwalo la Jeremiya 1:7, 8 ma nhlohletsele. Le mo go le ka mokgonone, Lesli o yye a kraya dikotsi tsa go tlalanyana tsa koloyi fote ke mo a šitega le go bo pata. Byalo, ke mo re tseya gore mmereko wa rune wa go potuluga ne re ka sa ro wo kgona. Mara Lesli o yitseri, “Mo nkare Jehova o re re make se sengwana, ke ntaba re sa liketsi go se maka?” Re yye ra segelela sepheto sa gore re make mmereko wone fote re fetsiye 17 ya mengwaga re tikwisa ka mmereko wa go vakašela diphutego.

Nakwela ke le mopotulugi ke mo ke fo dula ke tshwaraganne ka matla fote ne ke sa kgone le go fetsa nako ya go tlala ke na le Lesli. Ne ke tshwanele ke tšhute se sengwana fote. Tšatši le lengwana go sa le ka bošego go le mosopologo, ke yye ka fo kwa ba kokota mo monyako. Ke mo go se na motho mara go na le mmantši wa gore wo na le sa go yatlalela tafoleng, diyengwa, tšhisi, sekgwa, lepotlela la wayine, didlelase le setlangkane sa gore a se na lebitso ba se ngwadiye gore, “Tseya mosadi wago le ye le hlwayele ke moya.” Ke mo go hlabiye letšatši gabutši. Mara ke yye ka botsa Lesli gore ke na le dipolabolo tso ke tshwaneleng ke di lukiselele nka sa kgone go ya. O yye a di kwisisa mara ke mo a kgongwele. Mo nkene ke dule tafoleng ke yye ka thomisa go kikita ke lekwalo. Ke yye ka nagana ka Maefeso 5:25, 28. Ya gore Jehova o nhlohletsela gore ke sa yi takisi maahlo taba ya ka mokgo mosadi waka a tikwang ka gona. Ke yitseri mo ke fetsa go rapela ka botsa Lesli gore, “Koriye ša,” ke mokane a thomisa go phutuluga. Re yye ra ya ga poleke ya gabutši ka matla ya gore yi na le noka ke mokane ra yala selo sela sa go yatlalela fote a sanka ra tikwisa go ba ggoši go tshwana le letšatši lone. Phela le dipolabolo tsela ke yye ka kgona go di lukiselela.

Mmereko wa rune wa go potuluga go thoma Columbia go ya Newfoundland ke mo wo tlele ka matla fote ke mo wo jabodisa. Byalo, ne ke vakašela le di naga tse dingwana go ya ka mokgo ne ke nabela go di vakašela nakwela ke sa le ye monyana. Ke yye ka nagana ka taba ya go ya ga sekolo sa Gilead mara ne ke sa nyake gore ba nromele ga nagana ye nngwana. Ke mo ke tseya nkare go ba morumiwa a di ntshwanele. Fote ne ke tšhaba gore ba ka fo re romela ga naga ye nngwana ku Afrikha ya gore go na le malwele kela dintwa. Ku Canada ke mo ke dulisegiye gabutši.

BA RE MEMME KU ESTONIA LE BALTICS RE SA NAGANA

Ka 1992 Dihlatse Tsa Jehova ke mo ba sa sa di rakele gore di tšhomayele ga di naga tse dingwana tsa gore ke mo di wela ga Soviet Union. Byalo, magageru ma yye ma re butsisa gore ayitsano re ka jabolela go rurela Estonia ke mokane re be barumiwa. Ke mo re makele ka matla, mara re yye ra rapela ka taba yone. Re yye ra nagana fote gore, ‘Mo nkare Jehova o re re make se sengwana, ke ntaba re sa liketsi go se maka?’ Re yye ra dumela go maka mmereko wone, ke mokane ka re, ‘Ekgu, Afrikha a yi ho re yang.’

Ka go yakgoswa re yye ra thomisa go tšhuta mmolabolo wa Seestonia. Mo go šele go fitiye dikgwedi tsa go tlalanyana re le ga naga yone, ba yye ba re botsa gore re make mmereko wa go potuluga. Ke mo re tl’le vakašela 46 ya diphutego fote re vakašele le megoba ga kararo ya dinaga go leng Estonia, Latvia le Lithuania le ku Kaliningrad, Russia. Tsotsone ne di rela gore re tshwanele re tšhute go bolabola mmolabolo wa Selatvia, Selithuania le Serussia. Wa tšiba ke mo go se lula. Le mo go le ka mokgonone, magageru ke mo ma jabodisa ke taba ya gore re liketsa ka matla go tšhuta mmolabolo wa bona fote ma re gelepiye. Ka 1999, ku Estonia go yye gwa ba le ofisi ya lekala fote ba yye ba romela nna, Toomas, Edur, Lembit, Reile, Tommi le Kauko gore re ye bereka ga Komiti ya Lekala.

Re yye ra thomisa go tšibana le magageru ya go tlala ya gore ba yye ba ma raka ku botala ga naga yone, ba ma yisa ku Siberia. Taba ya gore ma yye ma šiya mašaga ya wona le gore ke mo ba ma tshwara bošidi a sanka ya maka gore ma dule ma tubiye. Mara ma f’lo ya mahlong ma jabodiye fote ma maka mmereko wa go tšhomayela ma na le matšato. Mošupetso wa bona wo re tšhutisiye gore re ka di kgona go tiyisela re kene re jabodiye le mo re le ga seyemo sa go thathafa.

Mengwaga ke mo yi fo takamela re tshwaraganne ka mmereko wa rune a sanka ra kraya le nako ya go fo re re khutsise mmele fote mmele wa Lesli ke mo o sa sa nyaka selo. A re ya yakgoswa re di bona gore ke mo a na le bolwele bya go maka gore a dule a tinnwe byo ba reng ke fibromyalgia. A sanka ra yi tseyela fase taba ya gore re boyele nthago ku Canada. Mo ba re mema ga Sekolo sa ba Komiti ya Lekala le Basadi ba Bona ku Patterson, New York, U.S.A., ne ke kamaka gore re ye. Mara ka nthago ga mo ke rapele Jehova ke mo kgotolele so se leng ka ho pelong yaka re yye ra fetsa ka gore re ye. Jehova o yye a rufa sepheto sone. Ye lune, phela Lesli ba mo yalafiye re le gana ku sekolo. Byalo, re yye mahlong re maka mmereko wa rune.

TSE DINGWANA TSA GO RE TLELA RE SA NAGANA—GO YA GA NAGANA YE NNGWANA

Ke mo go le ka malobana ka 2008 re le ku Estonia, mo ba go bereka ga ntlo ye kgolo ba mfowunela ba mputsisa gore ayitsano re ka jabolela go ye maka mmereko wa go tšhomayela ku Congo. Ke f’lo šala ke yahlamme ka taba la gore ke mo ke tshwanele go ba neya phetolo ka letšatši la go latela. Ga Lesli a sanka ka mmotsa ka nako yonone ka taba la gore ne ke di tšiba gore a ka sa ro bo pata bošego byobyone. Mara ke nna wa gore a sanka ka bo pata ka taba la gore ne ke rapela Jehova ke mmotsa ka tso di nhlupang ka taba ya go ya Afrikha.

Ka letšatši la go latela mo ke botsa Lesli ka taba yonone, re yitseri: “Jehova o re mema gore re ye Afrikha. Byalo, re nyoko di tšibela kaye gore re ka sa di kgone mo re sa liketsi?” Byalo, ka nthago ga 16 ya mengwaga re le ku Estonia, re yye ra ya Kinshasa, Congo. Ofisi ya lekala ke mo yi na le n’ghati ya go bafala ka matla fote go yitse tsee. Selo sa mathomo so Lesli a yyeng a se beya ka kamareng ya rune ke lekhate la gore sa le a le beyye gabutši go tlugisela re sa tloga Canada. Ke mo le na le mantsu ya gore “Jabodisa ke mo o leng gona.” Ka nthago ga mo re šele re gahlanne le magageru, re tšhutisiye batho Bhayibele le go bona ka mokgo mmereko wa go ba morumiwa wo jabodisang ka gona re yye ra fo dula re jabodisa ke go berekela Jehova. Mo goya goya, re yye ra tikwisa ka go vakašela 13 ya makala ya dinaga tse dingwana tsa Afrikha. Sosone se yye sa maka gore re thogo bona dilo tsa go tlala le batho ba gore baa jabodisa. Ke mo ke sa sa hlagasedisa ke go dula Afrikha fote taba ya gore Jehova o yye a re re ye bereka gona, re yi leboga ka matla.

Ku Congo, ne ba re yapegela tsa go ja tsa mohlobohlobo fote tse dingwana tsa gona ne re nagana gore re ka sa di jabolele. Mara mo re bona magageru ma di ja fote di ro ba natefela le re rune re yye ra liketsa go di ja ra fo kwa di natefa.

Re yye ra phanakela ra ya le lela la bohlabela gore re ye tiyisa magageru le go ma leyela dilo tso ke mo ma di hloka. Mogoba wa masole ya gore a ma molawong ke mo wo hlasela dipoleke tsone ke mokane wo kwaletsa bana le basadi. Magageru ya go tlala ke mo ma se na dilo tsa go tlala tsa gore ba thogo phela. Le mo go le ka mokgonone, tshepo yo ke mo ba le nayo ya tsogo, go nyaka Jehova le taba ya gore ba tshepegela mokgahlo wage, yi re tikisiye dipelo ka matla. Mošupetso wa bona wo makiye gore re nagane ka taba ya gore ke ntaba re berekela Jehova le go tiyisa tumelo ya rune gage. Magageru ya mangwana ma lobiye magaye ya wona le dimelane. Tsotsone di n’gopotsiye ka mokgo dilo tso re nang natso di ka fo yang le noka le gore senghana sa rune le Jehova re tshwanele go se tseyela gedimo ka matla. Le ho go na le tsa go ba ghula-ghula ke mo ba sa dule ba šekela. Mokgwa wa bona wo yye wa re hlohletsela gore re tiyisele mathatha le go sa philega re kene re šišimele.

MMEREKO WA NYUWANE KU ASIA

Ke mokane go yye gwa makega selo se sengwana re sa nagana. Ba yye ba re botsa gore re rurele ga ofisi ya lekala la ku Hong Kong. Ye lune, phela ke mo re sa nagana gore ka letšatši le lengwana re ka dula ku Asia! Mara ka taba la gore letsogo la Jehova la go nyakanana re ro le bona mo re kene re maka mebereko ye mengwana ka mokana ga yona, re yye ra dumela go ya mo ba re memang gona. Ka 2013, ke mo re dhamme dinepedi mo maahlong mo re šiya banghana ba rune ba gore re ba nyaka ka matla le naga ya Afrikha ya gore yi bafele, le mo re kene re sa tšibi gore ku mahlong re yemele ke tsa mošaga mang.

Hong Kong ne yi fapanne kgole le dinaga tse dingwana ka taba la gore ne yi le toropo ya gore yi tlele ka batho ba go tšwa lefaseng ka mokana ga lona. Mmolabolo wa Secantonese ke mo go le mong ntshitshire go wo tšhuta. Mara magageru ma yye ma re yamogela fote tsa go ja tsa gana hone re yye ra di jabolela ka matla. Mmereko ke mo wo fo yeketsega ka go yakgoswa fote tšheleta ya meyago yi fo ya yi tokegelana. Byalo, Mogoba wa go Lawola wo yye wa fetsa ka gore wo rekise meyago ya go tlala ya lekala. Ka nthagonyana ka 2015, ba yye ba re yisa Borwa bya Korea, ga gore ke mo re tshwanele go ya mahlong re maka mmereko wa rune. Ke mo re tshwanele go tšhuta mmolabolo wo mongwana wa go thathafa ka matla le mo yi le gore ke mo re sa kgone go wo bolabola gabutši mara magageru ke mo ma re tiyisa ka gore re ya se bolabola Sekorea šemo.

TSO RE DI TŠHUTIYENG

Wa tšiba a di lula go maka banghana ba nyuwane, mara re di bonne gore mo re mema ba bangwana gore ba re vakašele re ka yakgoswa re ba tlwayela. Re di bonne gore magageru maa tshwana mara a ma tshwane, fote Jehova o re makiye gabutši gore re thogo šupetsa banghana ba rune ba go tlala gore re ba nyaka ka matla.​—2 Makor. 6:11.

Re di bonne gore ke ntaba di nyaka re yamogele batho go tshwana le Jehova le gore re tshwanele re lebelele tso di šupetsang gore Jehova wa re nyaka le ka tso a re yetetsang ka tsona. Mara mo re tikwa nkare re kgongwele kela ra tiputsisa gore ayitsano magageru ma re jabolele, re fo fela re bala re boyelela mangwalo kela makhate ya re ngwaleleng ke banghana ba rune. Taba ya gore Jehova o fetudiye merapelo ya rune yi napiye yi šupetsa gore wa nyakanana fote yi napa yi re neya matšhika ya gore re ye mahlong.

Mengwaga yowa ka mokana ga yona, nna le Lesli re tšhutiye taba ye kgolo ka matla ya go fetsa nako re le ggoši le mo di re mannye go segela kaye. Re yye ra di kwisisa gabutši gore di ya nyakega gore re fele re tsheganana ka matlamatla mo re liketsa go tšhuta mmolabolo wa nyuwane. Fote bošego byo bongwana le byo bongwana re liketsa gore re nagane ka selo so re se jaboleleng gore re thogo leboga Jehova.

Go bolabola nnete ke mo ke tseya gore tsa go ba morumiwa kela go ye dula ga dinaga tse dingwana nka sa di kgone. Mara taba ya gore mo o gelepa ke Jehova dilo ka moka dya kgonega ke ro yi bona ka maahlo. Ke yye ka nagana ka mantsu ya moporofeta Jeremiya ya gore: “O mmakiye sephokophoko, Wene Jehova.” (Jer. 20:7) Eya, o yye a re rufa ka dilo tsa gore ke mo re sa nagana ka tsona tsa gore di jabodisa ka matla, le go maka gore ke kalame elebhreyi go leng selo sa gore ke botala ne ke se nyaka. Re yye ra vakašela dinaga tsa go tlala tsa gore ke mo ke sa nagane ka tsona nakwela ke sa le mošomanyana, ke vakašele diofisi tsa makala ga kapheta ya dinaga. Wa tšiba Lesli ke mo leboga ke sa fetsi, ga mmereko wa rune ka mokana ga wona wo re wo makiyeng ka taba la gore ke mo a dula a nthega fote a sa tšhofe ke motho.

Ke mo re liketsa ka maka gore re dule re gopola taba ya gore ke ntaba re maka dilo tsowa le gore anthe re di makela mang. Dilo tsa gabutši tso re di jabolelang lekgono re fo ba re lekisiwa gore lephelo la go ya go yye le nyoko ba ka mokgo mang mo Jehova a ‘kgupurulla letsogo lage ke mokane a kgotsofatsa so se nabelang ke se sengwana le se sengwana sa go phela.’—Pis. 145:16.