१५ त्यसैले सबै मानिस गिलगाल गए अनि त्यहाँ तिनीहरूले यहोवा परमेश्‍वरसामु साउललाई राजा बनाए। त्यसपछि तिनीहरूले यहोवा परमेश्‍वरको निम्ति मेलबलि चढाए।+ त्यो दिन साउल अनि सबै इस्राएलीले हर्षोल्लासका साथ त्यो उत्सव मनाए।+

१३ यो सुनेर समुएलले साउललाई भने: “तपाईँले मूर्ख काम गर्नुभयो। तपाईँका परमेश्‍वर यहोवाले दिनुभएको आज्ञा तपाईँले पालन गर्नुभएन।+ तपाईँले आज्ञा पालन गर्नुभएको भए यहोवा परमेश्‍वरले इस्राएलमा तपाईँको राज्य सदाको लागि स्थिर गर्नुहुने थियो।

२६ तर समुएलले साउललाई भने: “म तपाईँसित आउँदिनँ किनकि तपाईँले यहोवा परमेश्‍वरको आज्ञा मान्‍न इन्कार गर्नुभयो। त्यसैले यहोवा परमेश्‍वरले पनि तपाईँलाई इन्कार गर्नुभएको छ र तपाईँ इस्राएलीहरूको राजा भइरहनुहुनेछैन।”+

७ त्यसैले साउलले आफ्ना सेवकहरूलाई भने: “भूतप्रेत खेलाउने एउटी आइमाई खोज।+ म उसकहाँ गएर सल्लाह माग्छु।” तब तिनका सेवकहरूले भने: “महाराज! एन-दोरमा+ भूतप्रेत खेलाउने एउटी आइमाई बस्छे।”

४ तब साउलले आफ्नो हतियार बोक्ने सिपाहीलाई भने: “तिम्रो तरबार थुतेर मलाई घोप। नत्र त यी बेखतनेहरू+ आएर मलाई क्रूरतापूर्वक मार्नेछन्‌।” तर हतियार बोक्ने त्यो सिपाहीले त्यसो गर्ने आँटै गरेन। त्यसैले साउलले तरबार थुते र आफैलाई रोपे।+