-
भजन ५७:शिर बेहोरा-११पवित्र बाइबल नयाँ संसार अनुवाद
-
-
निर्देशकलाई; “नाश हुन नदिनुहोस्”-अनुसार। मिक्ताम।* दाउद साउलदेखि भागेर गुफामा लुकेको बेला दाउदले रचेको भजन।+
५७ ममाथि अनुग्रह गर्नुहोस्, हे परमेश्वर, ममाथि अनुग्रह गर्नुहोस्
किनकि म तपाईँमा शरण लिन्छु।+
विपत्ति नटरुन्जेल तपाईँका पखेटाहरूको छायामा म शरण लिन्छु।+
२ म सर्वोच्च परमेश्वरलाई पुकार्छु,
म साँचो परमेश्वरलाई पुकार्छु, जसले मेरा विपत्तिहरूको अन्त गरिदिनुहुन्छ।
३ उहाँले स्वर्गबाट मदत गर्नुहुनेछ र मलाई बचाउनुहुनेछ।+
मलाई आक्रमण गर्नेलाई उहाँले विफल तुल्याइदिनुहुनेछ। (सेला)
परमेश्वरले आफ्नो अटल प्रेम र वफादारी देखाउनुहुनेछ।+
४ म सिंहहरूले घेरिएको छु;+
मलाई खर्लप्पै निल्न चाहनेहरूको बीचमा म पस्रिनुपरेको छ,
जसका दाँत भाला र काँडजस्तै छन्
अनि जसको जिब्रो धारिलो तरबारजस्तै छ।+
५ हे परमेश्वर, स्वर्गमा तपाईँको महिमा होस्;
तपाईँको महिमाले सारा पृथ्वीलाई ढाकोस्।+
६ मेरो खुट्टाको लागि तिनीहरूले पासो थापेका छन्;+
म कष्टले झुकेको छु।+
मेरो बाटोमा तिनीहरूले खाल्टो खने
तर तिनीहरू आफै त्यसमा परे।+ (सेला)
१० किनकि तपाईँको अटल प्रेम अपार छ, त्यो स्वर्गजत्तिकै उच्च छ+
अनि तपाईँको वफादारी आकाशजत्तिकै उच्च छ।
११ हे परमेश्वर, स्वर्गमा तपाईँको महिमा होस्;
तपाईँको महिमाले सारा पृथ्वीलाई ढाकोस्।+
-
-
भजन १४२:शिर बेहोरा-७पवित्र बाइबल नयाँ संसार अनुवाद
-
-
मास्किल।* गुफामा छँदा+ दाउदले गरेको प्रार्थना।
१४२ म मदतको लागि यहोवालाई पुकार्छु;+
अनुग्रह पाउन म यहोवालाई बिन्ती गर्छु।
२ म आफ्नो सबै चिन्ता उहाँलाई पोख्छु;
म आफ्नो मनको पीडा उहाँमा बिसाउँछु;+
३ जब म कमजोर हुन्छु, तब म उहाँलाई पुकार्छु।
अनि मेरो मार्गमा तपाईँ नजर लगाउनुहुन्छ।+
म हिँड्ने बाटोमा
मेरा शत्रुहरूले मेरो लागि पासो लुकाइराख्छन्।
५ हे यहोवा, मदतको लागि म तपाईँलाई पुकार्छु।
म भन्छु: “तपाईँ मेरो शरणस्थान हुनुहुन्छ,+
जीवितहरूको देशमा तपाईँ नै मेरो सबथोक* हुनुहुन्छ।”
६ मदतको लागि मैले पुकार्दा ध्यान दिनुहोस्
किनकि म ज्यादै दुःखमा परेको छु।
मेरो खेदो गर्नेहरूबाट मलाई बचाउनुहोस्+
किनकि तिनीहरू मभन्दा शक्तिशाली छन्।
७ मलाई कालकोठरीबाट निकाल्नुहोस्
ताकि मैले तपाईँको नामको प्रशंसा गर्न सकूँ।
धर्मीहरू मेरो वरिपरि भेला होऊन्
किनकि तपाईँले मलाई दया देखाउनुहुन्छ।
-