Bíhwiidooʼáłígíí 10
Ádaʼoolʼįįłii God Yijoołáhígíí
God tʼáadoo leʼé doo yáʼátʼéeh da nínígíí tsʼídá éí haash yitʼéego baa nitsíníkees doo? (1)
Haitʼéhígíí ił ashtéézh bił ndaztʼíʼígíí doo ákódaatʼée da? (2)
Haash yitʼéego tsʼídá éí Christ yidaʼałʼínii yoochʼííd yiníłʼı̨́į doo? (3) oohbįįh biniiyé akʼiʼiildéehígíí? (3) anitʼįįh? (3) doo tsʼíidii? (4) álílee bił ndaztʼíʼígíí? (5) ił náhoniidoh? (6)
Haash yitʼéego éí tʼóó baaʼihgo ádaʼoolʼįįłii łáʼ diné yóóʼ iididooʼááł? (7)
1. God yá ndaalʼaʼí éí yáʼátʼéehii ayóóʼáyóʼní. Áko ndi doo yáʼátʼéehíí deijoołá dooígíí tsʼídá ałdóʼ yídahwiidoołʼááł. (Psalm 97:10) Díí ááhyíłníníí éí haitʼehígíí shı̨́ı̨́ ádaʼoolʼįįł God yijoołáhígíí bitsʼąą kójítʼéé doo. Haʼátʼíísh łáʼ kótʼéego ádaʼoolʼįįł?
2. Naʼageh Bee Tsiʼnaʼadá: Tʼahdoo iigehgo naʼagehii, adilyé, naaldlooshii bił ashtéézh, tʼáá akʼéí bił ashtéézh, dóó nádleeh kʼehgo ił ashtéézh díí tʼáá ałtso God bikʼijįʼ tʼáadoo aanídí niʼiidzííh ádaatʼé. (Leviticus 18:6; Romans 1:26, 27; 1 Corinthians 6:9, 10) Nizhdiltʼé doo ahísgehgóó ndi tʼóó ahił bighango, éí tsʼídá ałtsʼájidooʼash doodaiiʼ bee hazʼáanii bikʼehgo azhdooyeh.—Hebrews 13:4.
3. Yoochʼííd, Oohbįįh Biniiyé Akʼiʼiildéehígíí, Anitʼįįh: Jiihóvah God doo biyoochʼííd da. (Titus 1:2) Diné łáʼ bił yáʼáníshtʼééh doo nízingo éí tʼáá íiyisíí yoochʼííd yitsʼą́ą kótʼée doo. (Proverbs 6:16-19; Colossians 3:9, 10) Tʼáá ałtso ałʼąą ádaatʼéego oohbįįh biniiyé akʼiʼiildéehígíí ił hatsoh bąąh holǫ́. Áko Christ yidaʼałʼínii tʼáá ałʼąą ádaatʼéego oohbįįh biniiyé akʼiʼiildéehígíí, doo bee atah jidoogááł da, díí ádaatʼéii naʼazhǫǫsh, łı̨́ı̨́ʼ nideiłtihii, dóó bingo. (Ephesians 5:3-5) Dóó Christ yidaʼałʼínii doo daʼniʼįįh da.Tʼáá bééhózingo naalyéhé neestʼı̨́įʼgo doo neidiyoołnih da doodaiiʼ doo lą́ʼazlı̨́įʼgo tʼáadoo leʼé doo néididoolééł da.—Exodus 20:15; Ephesians 4:28.
4. Ákʼeejildlaʼ, Doo Tsʼíidii: Ákʼeejildlaʼgo éí doo yitsʼíídgo ádaʼalʼíníí bee baa hwiitʼééh. (Genesis 4:5-8) Diné doo yitsʼíídígíí éí doo God bikʼis jílı̨́į da doo. (Psalm 11:5; Proverbs 22:24, 25) Doo yáʼádaatʼéhii łáʼda yee nihaa nastʼįįdgo nátʼą́ą́ʼ kʼééhodiʼnéeh doodaiiʼ bizhnidzin dooleełígíí doo ákótée da.—Proverbs 24:29; Romans 12:17-21.
5. Adigąsh dóó Álílee Kʼehgo: Łáʼ diné éí níłchʼi bibeeʼadziilígíí yichʼįʼ ádaaníigo ąąh ndahazʼánígíí néidoołdzih díí biniiyé niyídaniitaah. Łáʼ éí beʼenaʼí bąąh dah hwiidooʼaał doodaiiʼ dadootsaał biniiyé ndi deiyółgąsh. Séítan éí díí tʼáá átʼé óʼoolʼı̨́įłii yee bidziilii yineʼdę́ę́ʼ nilı̨́. Áko Christ yidaʼałʼínii tsʼídá doo łáʼ bee ajitaah da doo. (Deuteronomy 18:9-13) Jiihóvah áhánígóó ádííniiltʼą́ʼgo éí aláahdi átʼéego achʼą́ą́h naaghá átʼé náánáłáʼ diné yee nihidoołgąshígíí bitsʼąą.—Proverbs 18:10.
6. Ił Náhoniidoh: Wáán, bizhééʼ hólóní, doodaiiʼ tó ił ndahoniłhilígíí áłchʼı̨́ı̨́dígo jidlą́ągo tʼáadoo átʼéhí da. (Psalm 104:15; 1 Timothy 5:23) Ndi yéego adlánii dóó ił náhoniidoh doo ákódatéégóó God yiniłʼı̨́. (1 Corinthians 5:11-13; 1 Timothy 3:8) Yéego adlánii hatsʼíís yidoołchxǫǫł dóó hooghan hazʼánígi hahodínóołchał. Tʼáá éí ałdóʼ biniinaa tʼáadoo hodíinaʼí naʼíhontaah ádaatʼéii baaʼázhdidootʼááł.—Proverbs 23:20, 21, 29-35.
7. Diné díí ádaatʼįįłii God doo yáʼátʼééh da nínígíí éí “God binahatʼáʼ bił hazʼáánii doo daabí da dooleeł.” (Galatians 5:19-21) God tʼáá íiyisíí ayóóʼííníʼníiniigo dóó bił hózhǫ́ ádíílnííł nínízingo, éí ni kótʼéego ádaʼoolʼįįłígíí tsı̨́įłgo yóóʼ iididííʼááł. (1 John 5:3) Díí God doo yáʼátʼééh da níní jiiníłáago bóhoołʼaah. (Romans 12:9) Diné God bikʼehgo ádaʼałʼíníí bee dahólóonii bił naanildeeh. (Proverbs 13:20) Christ yidaʼałʼínii yee nindaneesáanii bił njikaigo shı̨́ı̨́ tʼááʼaaníí nihíká adoolwoł. (James 5:14) Tsʼídá aláahdi, God baʼííníidlı̨́įgo nihíká adoolwoł sodizin biníkáajįʼ.—Philippians 4:6, 7, 13.
[Pictures on page 20, 21]
God éí díí ádahatʼíinii yijoołá ił náhoniidoh, anitʼįįh, oohbįįh biniiyé akʼiʼiildéehígíí, dóó doo tsʼíidii