Bíhwiidooʼáłígíí 14
Haash Yitʼéego éí Jiihóvah Yádahalneʼí Hashtʼeelyaa
Hádą́ą́ʼshąʼ Jiihóvah Yádahalneʼí dííshjı̨́ı̨́di biiʼ bił hahoolzhiizh? (1)
Haash yitʼéego Jiihóvah Yádahalneʼí ádaʼałʼı̨́ áłah ńdaʼadleehgo? (2)
Haash yitʼéego éí bikʼé azláhii baa áháyą́? (3)
Háísh áłah nádleehígíí bił nahazʼą́ągo alą́ąjįʼ naazí? (4)
Háidí ntsaago áłah ńdaʼadleehígííshąʼ tʼáá nináháhááh bikʼeh ńdeitʼaah? (5)
Haʼátʼíísh naanish baa ooldah díí íiyisíí bił hazʼánígi dóó tʼáá éí bitsʼáozʼaʼ bił nahazʼą́ą́góó? (6)
1. Jiihóvah Yádahalneʼí 1870’s hoolzhish yę́ędą́ą́ʼ dííshjı̨́ı̨́di biiʼ bił hahoolzhiizh. Áłtsé éí Diyin Bizaad yaa ółtaʼí dajoolyé ńtʼę́ę́ʼ. Ndi 1931 yihah góneʼ Diyin Bizaad bikʼehgo yízhiʼ Jiihóvah Yádahalneʼí ádaa deideestʼą́. (Isaiah 43:10) Hashtʼeelyaaígíí áłtsʼíísígo bił hahoolzhiizh kʼad éí Dahalneʼí łąʼí mííltsoh yíhnootʼą́, díí 230 dóó biʼaan kéyah biiʼ dahalneʼgo binaanish.
2. Jiihóvah Yádahalneʼí áłah nádleehii agháʼánéeląągo éí táaʼdi áłah ńdaʼadleehgo damóo náʼádleeh. Díí tʼáá háidíígííshı̨́ı̨́ nidoonááł biniiyé wóshdę́ę́ʼ nihiʼdiʼnih. (Hebrews 10:24, 25) Diyin Bizaad éí binahjįʼ naʼnitin. Áłah ńdaʼadleehgo éí sodizin bee ąąʼánáálʼįįh dóó ałchʼįʼ ánáálʼįįh. Áłah ńdaʼadleehgi agháʼánéeląągo “níłchʼi kʼehgo sin” ajéí bee áhoonʼdziníí bee ndahatał. (Ephesians 5:18, 19) Yah iʼiildéhígi éí tʼáájííkʼeh, doo béeso náhadláa da.—Matthew 10:8.
3. Agháʼánéeląą éí áłah nádleehígíí Kingdom Hall góneʼ ahínéikah. Díí éí tʼáá bééhózínígo kin ahííhdaasʼnil łeh Dahalneʼígíí éí tʼáá bíniʼ bikʼehgo áłkáʼííjééʼígíí ádaatʼı̨́. Edaʼalyaii, Jesus tsin ałnáoszid bąąh dah hidééłtı̨́įgo, doodaiiʼ díigi ádaatʼéhígíí Kingdom Halldi doo łáʼ yidiiłtsééł da. Bikʼé azláhii éí tʼáá bíniʼ bikʼehgo áká eelwodii bee bikʼé niʼiilyé. Tʼáá háiida łáʼ bee áká adeeshwoł laanaa nínízingo tsitsʼaaʼ béeso biih haʼnííłígíí hólǫ́.—2 Corinthians 9:7.
4. Áłah nádleehígíí bił nahazʼą́ą́góó, hastóí, doodaiiʼ ákʼidadéezʼı̨́įʼí, dahólǫ́. Áłah nádleehígíí bá díí éí ndaʼnitinii yee alą́ąjįʼ ánaazı̨́. (1 Timothy 3:1-7; 5:17) Áłah nádleehígíí yá ndaalʼaʼí díí hastóí yíká anájah. (1 Timothy 3:8-10, 12, 13) Díí diné éí áłah nádleehígíí danilíinii doo yiláahdi ádaatʼée da. (2 Corinthians 1:24) Doo tʼáá sahdii átʼéego azhiʼ baa dahideestʼą́ą da. (Matthew 23:8-10) Díí doo tʼáá sahdii átʼéego hadadítʼéii da. Áádóó ałdóʼ doo bichʼįʼ naʼazlaago ndaalnish da. Hastóí danilíinii díí áłah nádleehígíí níłchʼi kʼehgo bídin hóyééʼí yidanéédlı̨́įgo yaa ádahalyą́ą́. Díí éí achʼįʼhwíʼdiiʼnahgo bee haʼóníínii dóó bikʼehgo oodááłii yee áká adoolwoł.—James 5:14-16; 1 Peter 5:2, 3.
5. Tʼáá nináháhááh bikʼeh Jiihóvah Yádahalneʼí éí ntsaago bił náhootʼaahígíí doodaiiʼ baa náhoolzhishgo ńdeitʼaahígíí ałdóʼ ńdeiyiiłʼaah. Kóho éí tʼóóʼahayóí áłah nádleehígíí ahínéikah éí tʼáá sahdii átʼéego ałkééʼ niiʼnilgo Diyin Bizaad bee naʼnitinii biniiyé. Ániidí ídahoołʼaahii taah dabiʼdiiʼníiłígíí éí díí náhootʼaah góneʼ doodaiiʼ baa náhoolzhishgo ńdeitʼaahígíí éí łahdóó ałkeeʼ sinilígíí atah.—Matthew 3:13-17; 28:19, 20.
6. Jiihóvah Yádahalneʼí tʼáá náhwiistʼą́ą́ ńtʼę́ę́ʼ íiyisíí bił hazʼánígi éí New Yorkdi. Nahatʼá Biniiyé Sinilígíí éí áadi bił hazʼą́, tʼááłáhági bił hazʼą́ągo hastóí dadíítsʼįįdii éí díí nihookááʼgi tʼáá náhwiistʼą́ą́ ńtʼę́ę́ʼ áłah nádleehígíí yikʼidadeesʼı̨́ı̨́. Áádóó ałdóʼ nihookááʼ tʼáá náhwiistʼą́ą́ ńtʼę́ę́ʼ 100 dóó biʼaan bitsʼáozʼaʼ bił nahazʼą́. Díí bił nahazʼánígíí, tʼáá bíniʼ bikʼehgo ndaalnishígíí Diyin Bizaad binaaltsoos bikʼeʼelchí dóó bił ádaʼalnéʼí ákáʼanídaalwoʼ. Haneʼ biʼoonishgo hashtʼeelnééhii bikʼehgo ádahodooníłígíí ałdóʼ áhiditʼááh. Doo hanii bihodiʼaahgo tʼááʼáyíídígíí láʼ bitsʼáozʼaʼ bił hazʼáanii baa niná da?