Bíhwiidooʼáłígíí 15
God Íínízinii Ilʼı̨́įgi Tʼáá Háiida bee Bíkáʼanáʼálwoʼgi
Haʼátʼíísh biniinaa díí bóhoołʼaahígíí tʼáá háiida bee bił hodiilnih? (1)
Háíshąʼ díí haneʼ yáʼátʼéehii bił ałtsʼą́ą́ʼ aníłkʼiizdo? (2)
Ni ánitʼínii náánáłahjí haitʼéego bidééłní? (2)
Hahgoshą́ áłah nádleehígíí bíighahdo hwiilneʼgo náʼahóótʼiʼ doo? (3)
1. Kʼad éí Diyin Bizaad bitsʼą́ą́dę́ę́ʼ tʼóóʼahayóí tʼáadoo leʼé yáʼádaatʼéhii bíhwiiniłʼą́ą́ʼ. Díí ił ééhózinii noolóósgo Christ yidaʼałʼı̨́nii ádaatʼéii bee ádinaʼanishgo níkáʼadoolwoł. (Ephesians 4:22-24) Ił ééhózin kótʼéehígíí tʼáá íiyisíí nínízinii átʼé éí iiná doo ninítʼíʼí hó dooleeł biniiyé. (John 17:3) Áko ndi, tʼáá íiyisíí díí haneʼ yáʼátʼéehii náánáłaʼ ałdóʼ deididootsʼı̨́ı̨́ł áko bí ałdóʼ yisdádookaah. Tʼáá ałtso tʼááʼaaníí Christ yidaʼałʼı̨́nii éí náánáłaʼ bichʼįʼ tsʼídá dahozhdoolnih. Díí éí God iiłʼaadii átʼé.—Romans 10:10; 1 Corinthians 9:16; 1 Timothy 4:16.
2. Díí yáʼátʼéehii tʼáadoo leʼé bóhoołʼaahígíí áyídígo bił honiidlónígíí bił ałtsʼą́ą́ʼ aníłkʼiizgo bee hahodoolzhísh. Nikʼéí, danikʼis, bił daʼííníłtaʼ, dóó bił nidanilnishígíí bee bił dahodíílnih. Ajoobaʼ dóó haʼahóní bee kónítʼı̨́į doo. (2 Timothy 2:24, 25) Béénílniih diné tʼáá ahąąh tʼáá háiida átʼı̨́įjígo yiniłʼı̨́ yałtiʼgo yiyíitsʼą́ą́ʼígíí biláahdi átʼéego. Áko ni yáʼátʼéehgo áátʼiiłii náánáłaʼ shı̨́ı̨́ binahjįʼ haneʼ bee bił holneʼígíí yiyíitsʼą́ą́ʼ doo.—Matthew 5:16; 1 Peter 3:1, 2, 16.
3. Hólzhishgóó, kééhwiitʼínígíí Jiihóvah Yádahalneʼí áłah nádleehígíí bił haneʼ binanilnishgo hahodoolzhishii shı̨́ı̨́ bíniilʼą́ dííleeł. Díí éí náás yinááłgo ílı̨́įgo ndeeltáál átʼé. (Matthew 24:14) Doo lá dóʼ baa hózhǫ́ǫ da dooleeł tʼáá háiida bíkáʼiinilwodgo Jiihóvah yá naalʼaʼí silı̨́ı̨́ʼ dóó iiná doo ninítʼíʼí néidiila ládą́ą́ʼ!—1 Thessalonians 2:19, 20.