Zamkati

Anthu a Yehova akhala akuona kuti kuimba ni mbali yofunika pa kulambila kwawo. Komabe, ena amacita manyazi kuimba pagulu. Tingacite ciani kuti tithetse manyazi n’kumaimba momasuka nyimbo zotamanda Yehova? Nkhani iyi idzafotokoza cifukwa cake tiyenela kuimba mokweza na mosangalala, ndipo idzafotokozanso zina zimene tingacite kuti mau athu azicoka bwino poimba.

Tingaphunzilepo zambili pa makonzedwe a mizinda yothaŵilako ya ku Isiraeli wakale. M’nkhani yoyamba, tidzaona zimene munthu amene wacita chimo masiku ano angacite kuti athaŵile kwa Yehova. M’nkhani yaciŵili, tidzaona mmene citsanzo ca Yehova cingatithandizile kukhala na mtima wokhululukila ena, kulemekeza moyo, na kucita zinthu mwacilungamo.

Nkhani ziŵilizi zazikidwa pa malangizo ouzilidwa a Paulo amene analembela Akhristu a ku Kolose. Nkhani yoyamba idzafotokoza zimene tingacite ngati tamva mfundo za dziko zimene zingamveke zokopa. Nkhani yaciŵili idzatikumbutsa mmene tingapewele kucita zinthu zimene zingatilepheletse kudzalandila madalitso amene Yehova walonjeza.