Nyimbo 131
Yehova Amapereka Chipulumutso
(2 Samueli 22:1-8)
1. Yehova ndinu M’lungu wamphamvuyonse.
Timaona izi m’chilengedwe chonse.
Kulibe m’lungu wina angachite zimene
Inu mumachita.
(KOLASI)
Yehova amapatsa pothawira.
Tidzaonadi kuti iye ndi Thanthwe.
Choterotu tilengezebe za Yehova
Mpulumutsi wathu. Titero mosaopa.
2. Ngakhale zingwe za imfa zandizinga
Ndikupempha kuti ndilimbedi mtima.
Mumve pemphero langa: “Nditetezeni chonde,
Ndipulumutseni.”
(KOLASI)
Yehova amapatsa pothawira.
Tidzaonadi kuti iye ndi Thanthwe.
Choterotu tilengezebe za Yehova
Mpulumutsi wathu. Titero mosaopa.
3. Mawu anu onga bingu adzamveka.
Olimbana nanu adzanjenjemera.
Mudzakhala chimene mukufuna kukhala.
Onse adzaona.
(KOLASI)
Yehova amapatsa pothawira.
Tidzaonadi kuti iye ndi Thanthwe.
Choterotu tilengezebe za Yehova
Mpulumutsi wathu. Titero mosaopa.
(Onaninso Sal. 18:1, 2; 144:1, 2.)