Muganiza Bwanji?

Kodi Baibo ingakuthandizeni kukhala bwenzi la Mulungu?

ANTHU ENA AMAKHULUPILILA KUTI . . .

sangakhale mabwenzi a Mulungu cifukwa amadziona kuti ni odetsedwa komanso ocimwa. Ena amakamba kuti Mulungu satidela nkhawa. Imwe muganiza bwanji?

ZIMENE BAIBO IMAKAMBA

Mulungu “amakonda anthu owongoka mtima.” (Miyambo 3:32) Ngati timvela Mulungu, tingakhale mabwenzi ake.

MFUNDO ZINA ZIMENE BAIBO IMAKAMBA

Mulungu afuna kuti tikhale mabwenzi ake. —Yakobo 4:8.
Monga Bwenzi lathu, Mulungu ni wokonzeka kutikhululukila na kutithandiza.—Salimo 86:5.
Mabwenzi a Mulungu amakonda zimene iye amakonda na kudana na zimene amadana nazo. —Aroma 12:9.

Kuti mudziŵe zambili za mmene mungakhalile na umoyo wokondweletsa Mulungu, onani nkhani 12 m’buku imeneyi, Zimene Baibulo Ingatiphunzitse yofalitsidwa na Mboni za Yehova. Buku imeneyi ipezekanso pa webusaiti ya www.jw.org