Kumbukilani Mkazi wa Loti

N’cifukwa ciani mkazi wa Loti anayang’ana kumbuyo pamene anali kuthaŵa kucoka mu mzinda wa Sodomu? Baibo siikamba. (Gen. 19:17, 26) Cenjezo limene Yesu anapeleka lionetsa kuti mwina iye anakonda kwambili zinthu zimene anasiya kumbuyo. (Luka 17:31, 32) Tingacite ciani kuti Mulungu asaleke kutiyanja monga mmene zinacitikila kwa mkazi wa Loti? Sitifunika kulola kuti kufuna-funa zinthu zakuthupi kukhale pamalo oyamba mu umoyo wathu. (Mat. 6:33) Yesu anaphunzitsa kuti ‘sitingathe kutumikila Mulungu ndi cuma nthawi imodzi.’ (Mat. 6:24.) Nanga bwanji ngati taona kuti zinthu zakuthupi zayamba kutidyela nthawi yocita zinthu zauzimu? Tingapemphele kwa Yehova kuti atipatse nzelu zotithandiza kuona pamene tifunika kuwongolela. Tingam’pemphenso kuti atipatse mphamvu na kutithandiza kukhala wolimba mtima kuti tikwanitse kuwongolela.

MOGWILIZANA NA VIDIYO YA MBALI ZITATU YAKUTI KUMBUKILANI MKAZI WA LOTI, YANKHANI MAFUNSO OTSATILAWA:

• 

  Kodi kufunitsitsa kukhala na ndalama zambili kunakhudza bwanji maganizo a Gloria, zokamba zake, na zocita zake?

• N’cifukwa ciani mkazi wa Loti ni citsanzo coticenjeza ise masiku ano?

• Kodi kuseŵenzetsa mfundo za m’Baibo kunathandiza bwanji Joe na banja lake?

• Kodi anzake a Anna a ku nchito anamusokoneza bwanji mwauzimu?

• N’cifukwa ciani tifunika kukhala olimba mtima ngati ena atikakamiza kuika cuma pamalo oyamba mu umoyo wathu?

• N’ciani cinathandiza Brian na Gloria kuyambilanso kuika zinthu zauzimu patsogolo?

• Ni mfundo za m’Baibo ziti zimene munaphunzila m’vidiyo imeneyi?