UMOYO WATHU WACIKHRISTU

Kodi Mwakonzeka Kukumana na Mavuto a Zacuma?

Nthawi zina zocitika za padzikoli zimayambitsa mavuto a zacuma padziko lonse. Sitidabwa na zimenezi cifukwa tikukhala cakumapeto kwenikweni kwa masiku otsiliza, ndipo Baibo imaticenjeza kuti sitiyenela kudalila “cuma cosadalilika.” (1 Tim. 6:17; 2 Tim. 3:1) Kodi tiphunzilapo ciyani pa citsanzo ca Mfumu Yehosafati pa nkhani yokonzekela mavuto a zacuma?

Atawopsezedwa na adani, Yehosafati anadalila Yehova. (2 Mbiri 20:9-12) Komanso anakonzekeletsa mtundu wa Yuda mwa kumanga mipanda yolimba kwambili na misasa ya asilikali. (2 Mbiri 17:1, 2, 12, 13) Mofanana na Yehosafati, tiyenela kudalila Yehova na kukonzekela pasadakhale tisanakumane na mavuto.

KODI TINGACITE CIYANI POKONZEKELA MAVUTO A ZACUMA?

Konzekelani mwauzimu: Khalani wokhutila na zimene muli nazo, ndipo limbitsani cidalilo canu cakuti Yehova adzakuthandizani kupeza zofunikila pa umoyo. (Mat. 6:26; 1 Tim. 6:8) Tsimikizani mtima kuti simudzanyalanyaza mfundo za m’Baibo kuti mupeze zofunikila pa umoyo. (Aroma 2:21) Ganizilani mmene mungadzapezele cakudya cauzimu ngati magetsi kapena intaneti kulibe. Sungankoni zofalitsa zosindikizidwa. Ndipo ngati n’zotheka, citani daunilodi pasadakhale zofalitsa za pacipangizo.

Konzekelani kuthupi: Mavuto a zacuma asanayambe, cepetsani nkhongole. Komanso pewani kugula zinthu zosafunikila kwenikweni. (Miy. 22:7) Ngati n’kotheka, sungankoni cakudya cina pambali na zinthu zina zofunikila. Ena amadzilimila ndiwo zamasamba kuti asamawononge ndalama zambili.

ONELELANI VIDIYO YAKUTI KODI MWAKONZEKELA TSOKA LA ZACILENGEDWE? KENAKO YANKHANI MAFUNSO AWA:

Zithunzi za m’vidiyo yakuti “Kodi Mwakonzekela Tsoka la Zacilengedwe?” Paoneka Baibo, cola cokhala na zofunikila pakagwa tsoka, foni, komanso anchito za mamangidwe.

N’ciyani cimene aliyense wa ife angacite pokonzekela tsoka?

Cithunzi ca m’vidiyo yakuti “Kodi Mwakonzekela Tsoka la Zacilengedwe?” Abale othandiza pakagwa tsoka akumanga nyumba na kutsitsa katundu m’thilaki.

Kodi tingakonzekele bwanji kuthandiza ena pakagwa tsoka?