Nkhondo—Kodi Ufumu wa Mulungu Udzacitapo Ciyani?

Zungulile dziko lapansi, nkhondo zikupitilizabe ndipo zikusakaza zinthu, miyoyo ya anthu, na kubweletsa mavuto ambilimbili. Tamvelani malipoti awa:

• “Ziŵelengelo zionetsa kuti anthu ambili anamwalila pa nkhondo caka catha, kuposa m’zaka 28 zapitazo. Zili conco maka-maka cifukwa ca nkhondo ya ku Ethiopia na ku Ukraine.”—Inatelo bungwe la Peace Research Institute Oslo, ya June 7, 2023.

• “Nkhondo ya ku Ukraine ni imodzi mwa nkhondo zimene zinawononga kwambili mu 2022. Caka catha, ciwawa cocitika cifukwa ca ndale cinawonjezeka na 27% pa dziko lonse. Ndipo anthu pafupi-fupi 1.7 biliyoni anakhudzidwa.”—Inatelo bungwe la The Armed Conflict Location & Event Data Project (ACLED), ya February 8, 2023.

Baibo imatipatsa ciyembekezo. Imakamba kuti “Mulungu wakumwamba adzakhazikitsa ufumu umene sudzawonongedwa ku nthawi zonse.” (Danieli 2:44) Ufumuwo kapena kuti bomalo likadzayamba kulamulila, Mulungu adzathetsa “nkhondo mpaka kumalekezelo a dziko lapansi.”—Salimo 46:9.