Kunola Luso Lathu mu Ulaliki—Kugaŵila Buku la Zimene Baibo Imaphunzitsa

Cifukwa Cake Kuli Kofunika: Buku la Zimene Baibo Imaphunzitsa ndi limodzi mwa zida zimene timagwilitsila nchito pophunzitsa anthu Baibulo. Komabe, timafunika kugaŵila munthu buku limeneli tisanayambe kuphunzila naye. Conco, tonse tifunika kuyesetsa kukhala aluso tikamagaŵila buku la Zimene Baibo Imaphunzitsa mu ulaliki. (Miy. 22:29) Pali njila zambili zogaŵila bukuli, ndipo ofalitsa angaseŵenzetse njila imene aona kuti ingakhale yothandiza.

Mmene Tingacitile:

Funsani mwininyumba funso locititsa cidwi limene likutsogolela ku nkhani inayake ya m’bukulo.Mungafunse funso limodzi pa mafunso amene apezeka kuciyambi kwa nkhani iliyonse. Mwininyumba akayankha, ŵelengani lemba loyenelela, ndipo muonetseni ndime ya m’nkhani imene ikuyankha funsolo. Ndiyeno, kambilanani ndimeyo mwacidule.
Njila ina ndi kufunsa mafunso amene ali pa masamba oyambilila kuti mudzutse cidwi cake.Kenako, muonetseni m’bukulo pamene pali yankho la m’Baibulo. Mwacitsanzo, mungakambe ngozi imene inamveka posacedwapa pa nyuzi ndi kufotokoza kuti ambili amafuna kudziŵa mayankho a mafunso amene ali pa tsamba 3. Kapena mungakambe kuti mukuceza ndi anzanu kuti muwauzeko uthenga wosangalatsa wonena za tsogolo. Mukatelo, muonetseni zithunzi zimene zili pa tsamba 4-5 ndi kufunsa kuti, “Pa malonjezo amene ali apa, ndi lonjezo liti limene mungakonde kuona likukwanilitsidwa?” Mwinanso mungakambe kuti mukuceza ndi anzanu kuti muwathandize kupeza mayankho a mafunso ofunika kwambili. Ndiyeno, muonetseni mafunso amene ali pa tsamba 6, ndipo m’pempheni kuti asankhe funso limene lam’cititsa cidwi.
Pemphani phunzilo la Baibulo mwacindunji.Mungakambe kuti: “Tikuonetsa anzathu cida cothandiza pophunzila Baibulo. Kodi munacionapo? [Yembekezani ayankhe.] “Ndingakuonetseni kwa mphindi zocepa cabe mmene tingaseŵenzetsele bukuli pamodzi ndi Baibulo lanu.”

Yesani Kucita Izi Mwezi Uno:

Pa kulambila kwanu kwa pabanja, yesezani mmene mungagaŵilile bukuli.
Mukakhala mu ulaliki, uzani mnzanu ulaliki umene mwakonzekela. (Miy. 27:17)Mukaona kuti ulaliki umene mwakonza si wogwila mtima, mungasinthe.