16 Ipaa ongi opolo ohonde yatyo oinyanye kononthele ambuho mbomutala wovilikutila.+ 17 Teta-teta ovinthimbu ongi aiho, omala atyo oekoho,+ novikalo viatyo, ovinthuli ovipake vilipilukile novikwavo atee komutwe. 18 Ongi aiho iyoka aitwimina komutala wovilikutila. Otyo otyiawa tyokuyokwa tyomuniko omuwa*+ tya Siovaa. Otyiawa otyo tyokuyokwa tyilingilwa Siovaa.

18 Pahe aeta ongi yokulinga otyiawa tyokuyokwa, Alau novana vae avapake omavoko komutwe wayo.+ 19 Mwisesi eiipaa, ohonde yatyo einyanye kononthele ambuho mbomutala. 20 Mwisesi ongi oyo eityoka-tyoka, omutwe watyo, novinthuli viatyo, novilenga,* evipake potupia komutala vitwimine-ko. 21 Mwisesi omala eekoho, novikalo viatyo, ongi aiho eipake potupia komutala itwimine-ko. Otyo otyiawa tyokuyokwa tyomuniko omuwa.* Otyiawa tyayokelwa Siovaa, ngeetyi Siovaa atumine Mwisesi.

12 Alau aipaa otyinyama tyotyilikutila tyokuyokwa, ovana vae avemutambeka ohonde yatyo, einyanye mononthele ambuho mbomutala.+ 13 Avemutambeka ovinthuli viotyiawa tyokuyokwa, nomutwe watyo, evipake potupia komutala, vitwimine-ko. 14 Tupu, akoho omala, novikalo viatyo, evipake potupia komutala kombanda yotyilikutila tyokuyokwa, vitwimine-ko.