34 Siovaa atolela vali Mwisesi ati: “Pola omilela viokunika nawa:+ omata omulela womupulukandi, no wo mu onika, no womungalambanu wokunika nawa, no wolimbanu wahahonyaikilwe. 35 Ovipuka ovio, ovio ulinga navio ombao.+ Opo vikale nomuniko omuwa, vihonyekwe nomunongo. Ombao oyo yasukuka,+ ikola, ina okupakwa omongwa. 36 Ove una okwikunkha, ainyetuka nawa, opake-po kapii komutwe Wotyikasa Tyoumbangi mohinge yomaliongiyo, oku ame mandyililekesila kwoove. Ina okukala otyipuka tyikola kwoove.

8 Etyi ngwe yakwata ombwingwa, ovipuka vina omwenyo avilipetamena-po kotyipala Tyondyona, aveho novakulu 24,+ aveho tyati ou una otyisandyi,* ou una otyisandyi, novilindo vioolu vieyula ombao yokunika nawa. (Ombao ipunguhuna omalikwambelo ovasukuki.)+

3 Akuya oandyu onkhwavo yakwata otyilindo tyombao,* aiya, aitalama pomutala wovilikutila,+ aipewa ombao+ onyingi-nyingi iipakulile kumwe nomalikwambelo ovasukuki aveho komutala wovilikutila+ woolu, uli komutwe wotyipundi tyounene. 4 Omwihi wombao watunda peke lioandyu aweende no ku Huku, awiila kumwe nomalikwambelo+ ovasukuki. 5 Mahi poola yatyo opo, oandyu aikwate otyilindo tyombao, aipake-po otupia otunyingi two komutala wovilikutila atyiyula, aityiyumbu kombanda yohi. Nkhatehela omititimo, onondaka, omiliakulu,+ notyinimawe.